日升美食店

Open Now

Now Closed

事前完全沒有打算去旺角日升，甚至乎連去大排檔的打算都沒有。事緣26/11晚，我們難得的一年一度的聚會奧比斯盲俠行因天氣因素取消。本來各自正在出發的我們一時間都唔知去邊好，就選擇了到旺角集合再去搵食。友人提議到花園街熟食，去到熟食市場就亂咁揀一間坐低。看日升的評價不多，但都是正評。全個廚房只有一個大廚炒小菜，燒味是另一人負責。專職專責，不是一人分飾幾角的。價錢方面覺得比一般大排檔略貴，多數$70以上。我們一邊飲啤酒一邊叫小菜，食哂又再叫，所以實際上食了的比相片裡的多，選擇評價以下幾款小菜：這個燒肉非常有味道，鹹味適中，皮脆肉厚，價錢$68，絕對值得。黃金鮮魷，蛋黃味勁香，鮮魷算彈牙，但非一等貨色。整體來說是一道非常好的下酒菜。椒鹽豬頸肉，比較失色，因為椒鹽不太椒鹽，豬頸肉肉質有點鬆哂。雞煲半隻，味道香辣，雞件算多，其中豆腐卜更是惹味之選，因為吸了很多辣湯後味道變得出色。雜菜煲味道清淡，健康之選。坐在爐頭附近，看到大廚十分有功架，已經算是值回票價。

平日的晚上, 有人攪旺角即興飯局, 三個麻甩即成局。想不到吃甚麼, 就上旺角熟食中心找找看。選了個位置較側, 較為清靜可以閒天的日升。但見招牌菜是自制燒味, 一坐底先叫一碟例牌叉燒送啤酒, 再慢慢去想加甚麼菜。男人飯, 在這種場所, 就可以這樣率性隨意。叉燒很快就斬件上來, 賣相甚佳, 蜜汁晶瑩有不少火雞,  半肥廋。一食落口, 乖乖不得了, 入口即化, 外層有少少咬口而內裡軟林, 蜜汁的甘香, 燒烤的香氣, 香料醃得入味的肉味, 吃在口中有很幸福的感覺, 不禁想起"食神"中的黯然銷魂飯內裡的主角, 大慨就是這樣子的叉燒...太好味了, 要encore, 這次來個雙拼, 試試這裡的燒腩。燒腩端上來一間肥一間瘦的賣相很好, 皮脆肉嫩, 咸度適中, 也是相當出色。 另外我們點了店主推介的酒煮雞雜。現在的人怕吃內臟, 這個菜很少見了。端上來大大碟, 份量很多, 火喉剛好, 雞潤鮮嫩, 雞腸鮮味, 雞腎爽口, 可惜酒香不夠卻有些苦味。另一味店主推介叫3醬炒腸粉, 鑊氣十足, 腸粉少少爽口有些像炒河。3醬中只吃得出其中一樣是XO醬, 其餘的是麻醬和辣醬吧?我們還叫了炒菜, 或許跟隔離枱的一起炒,

 好耐無食日升既早晨茶點，於是特登係星期六早抽時間去品嘗我既至愛---日升招牌燒賣同盅頭飯。當然啦,日升既點心並沒有退步。日升最出名既當然係自家製既燒賣la,每粒燒賣都用料精緻，粒粒新鮮,美味可口，成粒乒乓波禁大粒，曾係令我食過返尋味。而盅頭飯更加係一絕，例如有鳳爪排骨飯，煎蛋牛肉飯等等。。。 但我最鍾意既始終係鳳爪排骨飯，每粒排骨同鳳爪都係師傅精心炮製。師傅不會將貨就價，每盅飯都用料十足；每次更會把食材醃制後才會製作食物，令每盅飯均增添一分獨特既滋味。當然，即拉腸粉亦係師傅既拿手好戲。師傅每天4時多開舖製作腸粉，每碟腸粉都係新鮮製作，不留過夜。因此，係食腸粉既同時會感受到腸粉既香滑同濃郁既米香味。

食慣炒小菜 最近再去日升 發現新開左燒臘部 佢地燒臘原來日日新鮮炮製 燒腩燒鵝送酒一流  仲係自家製燒臘 出面食唔到咁好食 晏晝食飯又送例湯 本身以為同普通食店一樣 但原來啲湯係老火靚湯 足料又正 個豉油王炒麵同干炒牛河夠入味 又唔油 份量又大 又平 30蚊夠抵食 可惜只限午市 碟碟小菜炒野即叫即整 仲可以睇住大廚整野食拋鑊 而家加5蚊仲有埋咖啡奶茶 凍飲仲要唔洗加錢 而佢地午市仲有蒸魚 價錢都係32蚊起 蒸魚又香又滑 果次試過仲蒸沙孟 有粉絲喺底 夠哂入味  炒菜又夠鑊氣 屋企食唔到

是日中午12：00二人去開快富街，因友人很懷念"日昇"的蒸肉餅，出便很多地方食唔到咁話，他恨到流晒口水，於是上去睇睇3/F有什麼好吃，皆因那裡沒有冷氣，天氣轉涼才有興趣上花園街大排檔，見肥強那邊張檯有位便坐下，友人去吥碗例湯先，好彩早出去，否則要等15分钟才有開了茶后總共叫了兩個餸"咸蛋蒸肉餅"＄32味道正有口咁又夠滑，見到原只蛋黃在正中，但豬肉份量沒有以前咁多，有些唔夠喉"菜芯炒火腩"$34菜芯食落口感覺有些甜味道，夠嫩口無渣，蒜香及味道適中，火腩四大舊是日老火例湯"微豆大豆花生豬骨魚湯"我們大贊正二人共飲湯三碗白飯三碗埋單共＄66元免茶總結：環境：那層由食環署管轄的美食中心，是個很平民化地方，環境及清潔不太理想，因煮食及進食地方相通，熱天去非常難頂價錢：年頭都係呢個價，份量差少少是可理解的，菜牌上寫是一餸一飯的，湯飯任装是有代價的，装得多次士頭婆見到就會眼超超，肥強就無眼睇，以價論貨真的算很平服務：平民化地方服務就麻麻地，預了自己洗杯冲茶吥碗湯吥碗飯(太斯文唔夠人爭)溫馨提示：晚飯價錢稍貴，假期休息，只收現金