日升美食店

Open Now

Now Closed

有段時間在社交平台經常見到人介紹呢間鋪， follow咗店主社交平台一段時間，覺得店主狀態幾親切，賣力，而女友又突然想食小菜，而店主剛好又在社交平台見到店主講傷後復出，決定一試。兩個人叫咗三樣嘢， 半隻炸子雞，羊腩飯，椒鹽九吐魚。椒鹽九吐魚最好食，炸得好，肉嫩，調味佳。羊腩飯90蚊跟羊湯， 本來幾抵嘅，但唔知係唔係我地飲唔慣， 胡椒太重手，去到苦嘅程度，試飲兩下，兩個人都覺得有想嘔嘅感覺，好難入口，所以放棄咗個湯。羊腩唔錯，跟支竹冬菇同筍，加埋個腐乳汁一齊食，撈埋飯一流。半隻炸子雞有d失望嘅， 無諗過雞肉係咸雞，感覺係醃咗太耐，肉少少太實，雖未至於柴，有D位好咸，唔怪得上枱時話唔需要點汁調味。望隔離枱又好似唔同樣，可能手氣唔好。喜力大支裝賣22蚊一支，好抵，叫左兩支。埋單430, 其他算正常，但因為有兩樣嘢食覺得麻麻，所以變咗個心覺得貴咗少少。

大廚好介紹 : 膏蟹蒸肉餅, 用他在外國旅遊時買回來的陶瓷器蒸缽裝盤別具特色, 新鮮膏蟹汁滲透入新鮮豬肉餅, 表面再鋪上蛋白, 蒸熟後加上蔥花秘製豉油帶點酒香味, 肉餅嫩滑加上蟹汁鮮味十足, 撈飯食一流, 要食兩碗飯先夠. 另外加多一味小菜蝦醬通菜炒鮮魷, 非常惹味夠鑊氣. 今餐食得好滿足. 大廚真係創意十足. 還有見到大廚的開放式廚房吊著兩隻風乾緊的新鮮雞, 準備做他的招牌炸子雞

大家成日都話熟食中心入面有好多好嘢食。今日去左旺角嘅街市試下呢間唔算好出名嘅大排檔。鋪頭好貼心準備左熱水俾我地洗杯同碗筷。環境都坐得幾舒服同闊落。豉椒炒黃鱔 🐟我幾鍾意呢道菜，黃鱔好入味同幾彈牙，但又唔會過鹹，如果青椒可以再入味啲就好。不過黃鱔有少少碎骨。芥末炒排骨 🐷芥末嘅味道好突出，但唔攻鼻。成道菜嘅調味都比較重，避免芥末嘅味道喧賓奪主，所以我自己覺得有啲太鹹。但排骨炸得幾香口，肉質都唔韌。蝦醬通菜炒鮮魷 🦑魷魚好嫩好爽口，唔會炒到過老。我個人鍾意食通菜嘅葉多啲，通菜嘅莖比葉嘅部份多。鹹魚雞粒炒飯 🐔雞肉係連皮，炒得幾香，但鹹魚嘅味道唔係好明顯，同埋偏油少少。

花園街熟食市場3樓肥強日升美食大廚經常有新搞作, 今次大廚特別研發出新醬汁, 他自己試過味道覺得很好才推介俾客人, 夏日菜式<冰梅青檸蝦>蝦肉外脆內軟, 酸酸甜甜非常開胃, 可以連蝦殼都食埋,  另外一味<蝦醬通菜鮮魷>惹味蝦醬加上鑊氣十足, 夠曬鮮味。炎炎夏日, 大廚特別花心思調教冰凍3檸梳打, 用咗三種檸檬包括咸檸檬青檸檬鮮檸檬再加上一小片辣椒吊下味道, 非常清爽透心涼. 見到大廚，預備做炸子雞, 客人特別要求用新鮮雞泡製, 價錢不是問題, 最緊要好食, 這裏特別多客人自攜海鮮要求大廚加工, 因為開放式廚房, 客人睇到大廚炒餸一目了然, 大廚用心炮製每一道菜式, 最緊要人人食得開心, 食過返尋味. 

團年飯團團圓圓🌝🌝🌝菜單🦞🦐🦑🥦🫑🌶豉油皇花竹蒜蓉粉絲蒸扇貝豉椒炒聖子豉椒炒花甲椒鹽九肚魚西蘭花鮮魷白灼中蝦果皮蒸鮑魚清炒豆苗上湯龍蝦伊麵是日再次到訪荃灣街市，嚴選新鮮食材，然後到位於旺角市政大樓熟食中心進行加工，由於食材相當新鮮，故經過烹調後，碟碟餸都色、香、味俱全，大排檔風味十足，特別是豉油皇花竹，彈牙鮮甜，豉椒炒聖子，惹味可口，海鮮愛好者、鍾意大排檔風味嘅朋友們有機會要試試喔。

日升小廚我已經去過好幾次，－向都係平靚正之選，但近排唔知點解差咗好多⋯今日叫咗牛餐乾炒牛河$38、羊腩飯$80，價錢真係冇投訴，但係份量同味道就有D失望⋯乾抄牛河份量比之前細咗好多，而且之前有落芝麻味道提升唔小，但今日已經再冇，而且成諜牛河太油，食到有D攪肚痛，不過都係果句$38，冇得投訴啦⋯⋯但係個羊腩飯真係唔係好得，以前係煲上，而家只有細細碟，而且死喊，好在有跟白飯－碗，如果唔係真係食唔到！羊腩大大舊，不過只係－舊有皮，真係好失望⋯今次食完勁口渴，結果要連飲兩罐可樂先止到渴⋯ 我應該短時間都未必會再去啦⋯⋯

這麼多好評，對主廚也稱呼非常親切，感覺是市井食神。想吃小炒的時候就過去試一試，傳說中非常有鍋氣的菜，結果鍋氣沒有，一肚子氣都是吃上了。食物非常油，调味聊胜于无，炒菜过程感觉是乱搞的。酒煮鸡杂汤如苦水。煲仔菜居然是炒了一下扔进煲里（煲都没有滋滋声）。炒饭里的鸡肉是骚的。炸鱼也是无鱼味的。唯一好点的只有炒牛河，最后人均近200，真系食咩唔好要食佢吃完之後胃很不舒服，而且長時間感覺自己的口腔以及身體毛孔的每個細胞都散髮著一股。地溝水的味道。也許對有些人來說，這裡是個慢慢吃點。不好吃但是也能入口的東西，然後大聲聊天，抽煙的好地方，但是。說真的。如果只是為了食物的味道的話，大可不必來

疫情稍緩, 久違的噪抄, 久違了的大排檔風味, 只是晚上6時, 已經差不多坐滿, 還好有1張枱.  只見肥仔師傅一人主理, 我地係最遲來的一枱(後面仲不斷有人來), 雖然上菜等了差不多20分鐘, 但都是值得的. 2個人無叫很多菜, 只叫了豉椒鵝腸, 豉汁大鱔, 蜆介牛肉, 樣樣好入味, 無咩味精/佛手, 下次一定再來, 仲有好多好野未試, (飛天蝦麵, 羊腩煲, 干炒牛河......) 但要選一些少人時段.

喺社交平台見到香港街市海鮮魚類研究社的朋友食得咁過癮，即晚去左試下肥強老闆嘅飛天麵！五點幾喺花園街街市地下海鮮檔行逛，準備買料上去加工。平時去開楊屋道街市買海鮮，相比之下旺角啲餸真係貴啲。買咗$100海蝦，準備比肥強製作飛天麵。六點前到達位於街市3樓嘅熟食中心，我們是第二枱客，六點左右陸陸續續有人拎位，準備同朋友聚聚，吹水食飯。點左椒鹽九肚魚拼鮮魷、椒絲腐乳通菜、Wasabi小排骨、酒煮雞雜腸，當然唔少得係飛天面。老闆娘介紹用好立克汁或腐乳汁，揀咗較特別嘅好立克汁試試。其他人仲等緊朋友，老闆肥強好快就為我哋煮嘢食。喺熟食中心有趣嘅地方係可以睇住廚師製作食物，有啲似請咗個大廚唧唧為你炮製美食嘅感覺第一道上嘅係椒鹽九肚魚拼鮮魷，嗰漿做得好靚，好鬆脆，熱辣辣勁好食。可惜份量就少咗啲，唔夠喉！跟住是椒絲腐乳通菜。熱辣辣上到嚟不在話下，炒菜有鑊氣唔係個個做到。個醬汁開好晒，唔會見到腐乳碎，啲菜好入味，又係正嘅！再黎係芥末小排骨。呢個我就覺得一般，Wasabi配排骨係夾嘅，但排骨炸得過火，有啲乾硬。主角準備出場！只見肥強開始用筷子翹面，忍唔住行去影低製作過程。翹好麵就要用滾油由上而下淋落去，高溫令

由大廚特别泡制既花竹蝦鮮魷烏冬，係根據魚類海鮮群社長早前要求大廚試作既浮羅交怡名菜好立克蝦制作而成，見到大廚之後有試過泡制好立克烏冬，今次買左幾左花竹蝦比大廚加工，大廚提意將兩者合二為一，更提意加埋鮮魷，製作個超級豪華版，呢個浮羅交怡特式醬汁，大廚特別調教到恰到好處，少少甜唔會膩，輕輕帶出海鮮鮮味，再配合烏冬少少鹹香美，非常開胃，呢個醬汁如果撈飯都應該會好好味，大廚勇於嘗試，創作出更多特別嘅菜式，期待大廚將尼個醬汁及菜式繼續發揚光大。

因疫情關係晚市堂食取消，唯有外賣美食回家大擦一餐平衡心理！日升美食店由肥強主理，正宗隱世廚神，開業聽講已經有三十幾年，不過肥強低調又不應酬，只有老馬先識幫襯！佢又經常自創菜式如紅衣雞同檸蜜叉燒等，創意爆棚！秋風起自然又係羊腩嘅季節，肥強提供煲仔上羊腩，配白飯例湯飲品只係80大洋！二話不說自攜食物盒外賣兩客，我並不是環保撚，只係想拎多啲腩汁番屋企烚菜！自家調配腐乳醬千萬唔好錯過！$160自制羊腩煲，二人家庭加餸必備！

有個朋友介紹下去咗一間係旺角街市熟食中心嘅大牌檔，話凍凍地去食個羊腩煲，佢有個羊腩飯套餐，幾抵食80蚊，仲有一個酒煮雞雜，咁就去試下啦點知......伏伏伏伏伏伏伏街市熟食中心嘅環境普遍都唔係好架啦，重點都係飲酒吹水架啫2個人叫咗3個餸羊腩飯，味道正常，枝竹，馬蹄，冬荀都有，仲有菜墊底。但羊肉有臊味，對我嚟講少少難入口避風塘鵝腸啲鵝腸上粉脆漿再炸，然後用避風塘料去炒，味道尚可，但口感欠奉，都係食鮮魷穩陣啲豬頸肉炒油麥菜諗住叫個菜食下啦，點知奶哂嘢，啲菜無咩事呀，但啲肉就係好唔新鮮嘅味道，食咗一件我就收手 淨係食啲菜算

疫情之下搵食，黎到肥強主理有成三十幾年歷史嘅日升美食店，不經不覺已經幫襯左有段時間，世界難撈有機會當然要支持多啲！肥強首創紅衣雞，皮香肉嫩，調味得宜，經常懷疑肥強用新鮮雞，另一款蔥油雞亦係必點美食。再來燒腩脆扑扑，實在是等人齊嘅時候最佳送酒良伴！油浸筍殼食得多，因夠新鮮先可以食到嘅蒸筍殼又是另一番風味！椒鹽骨粒暫時係全香港我認為數一數二的，不死咸不油膩，芥末骨粒都好過了引！新鮮炸乳鴿，一上檯已經被一掃而空，連相機食先嘅機會都無！

之前有朋友介紹過話呢間野抵食又大碟，仲要好食今日幾丁友去食下啦！呢幾日又凍凍地，咁啱羊腩煲有喇喎，咁就叫個羊腩煲啦！個煲絕無呃錢，羊肉多，又大舊，又淋，唔會好騷，食極都食唔晒咁有個朋友唔係好食羊，咁就再叫多個粟米斑塊黎送飯，又大碟又抵食

本來一心來食妹記生滾粥（之前食過幾次，但當時未開始寫食評，諗住集吓「人間」郵），點之原來休星期二。走一圈，發現幾檔午餐價位都只是三十頭，不多去但很喜歡街市熟食中心的我即時兩眼發光。想食燒味，但又被紅底白油手寫餐牌上的京都骨吸引。坐下才發現整排都屬於日升，而且我叫的京都骨是客飯套餐，$40，算是中高價位，其他一般碟頭飯才$30，即炒粉麵才$35，而且鋪頭細細但選擇非常多，基本上叫得出就有。看著肥強老闆在「open kitchen」一碟接一碟即叫即做，好有鑊氣，喜歡烹飪的我其實幾享受，而且眼看碟碟出品都好靚仔。旁邊一大班後生仔叫了腐乳通菜，叫著大廚在菜籃拿菜，快炒，姐姐即時出菜，前後不到一分鐘，姐姐在我旁邊經過，真係香到無朋友。我自己是環保忍，基本上全年都唔會開冷氣，我亦睇過一個大排檔大廚的訪問，他說香港食肆冷氣過大，出菜到上菜過程碟餸已被冷氣吹凍哂，點會好味。我非常同意，就係鍾意呢度無冷氣，而且近廚得「熱」食，說真的，已經很久沒在外食過一碗像這樣溫熱軟棉的白飯，這點已夠我感動。京都骨分量很多，很少骨的薄肉排，像豬扒。醬汁杰身，掛汁，但酸度略為不足，而且少許偏油。但整體還是大鄉里出城，每次