日本洋食屋 翔 (Closed)

服務：好．自家歺廳,一家三口,值得支持．小学既小朋友識自動讓座．好乖！環境：地方超細,2/3張枱食物：肉醬漢堡+有骨腸好普通,但肉醬味有D自家改良版．⬆️蛋牛飯吾太喜歡．好淡味⬆️歺包：湯+salad+ soft drink

留意到有雜誌介紹呢間隱世餐廳，由一對日本夫婦經營，自己都住呢個屋苑，咁近無理由唔試下。今日終於一家人去食lunch，鋪頭唔算大。睇menu都係set，湯/沙律+主菜，有需要就加錢加配甜品或小食。叫左「自製肉醬滑蛋飯加有骨腸」&「自製咖喱漢堡扒飯」+洋蔥湯望住老闆先生認真準備料理既樣加分。有骨腸第一次食，有趣！肉醬好味唔太咸！咖喱唔辣，小朋友都啱食！湯亦好濃足料！份量都正常，不過如果多d配菜仲好！大仔都食好多！有機會再食👍🏼

今天有事要到荃景中心一帶處理，完事後已是中午12:30 ，一個人想靜靜地步行一下，於是朝著荃灣中心方向探擦吓有乜好野食⋯⋯行吓行吓，記憶中朋友曾經介紹荃灣中心有間日式小店，家庭式作業，於是打開OpenRice 找尋一下，真的被發現，有咗目標，揾食冇難度。店舖細細，店內只有四張四人坐位，由於當時已坐滿八成食客，故沒有拍攝店內環境，筆者一支公，揾位冇難度，老闆娘很快便安排入內位置。門外的外賣餐牌簡單清晰，而且還有一盆花作點綴，別具雅緻。午市套餐由$68-98 不等，前菜可選沙律或麵豉湯，飲品包括冷熱綠茶(茶包) 或加錢作罐裝/支裝飲品。更可以推加小食或甜品，甜品加$15 可選北海道布甸蛋糕或紐約芝士蛋糕，但值得注意是，餐牌上注明: 甜品由於是成本價，如在飯後才order 的話，需加$20，明白的，在人手短缺的情況下，一次過落單會較為方便。看餐牌中，有多個定食是有醬汁的，筆者留意到，由於食店鄰近多間學校，相信貼近學生口味，所以醬汁特別多，故此如想小汁，落單時請預先告知。例如: 味醂醬油靖魚定食 和 照燒三文魚扒定食，都是有醬汁淋上面的，筆者眼見鄰坐的食客點以上兩個主菜，無論三文魚扒和靖魚，真

聽聞呢間係日本人打理，所以老遠黎試食。例湯有驚喜，麵豉湯入面，竟然唔hea做。因為入面有洋蔥，紅蘿蔔，肉碎。另外，蜂蜜紅棗茶都好足料，好好飲。好期待既自家制肉醬漢堡扒配有骨腸，賣場好靚。色澤睇落好新鮮。漢堡扒好軟熟，好厚，好正，好新鮮肉汁流出，並唔係膠水漢堡朋友叫咗咖哩豬扒飯，咖哩味好日式，唔辣，好似去咗日本咁。豬扒肉質好軟，好有肉汁，唔鞋，好正值得讚係兩公婆分工合作，用心制作，小本經營，好多附近街坊都黎捧場。整體黎講非常好食有機會再來幫襯。

其實和式洋食中，我最想吃的是滑蛋雞肉飯。可惜研究了餐牌很久也沒瞧見，只找到滑蛋吉列豬扒飯，而價錢竟然與照燒三文魚扒飯一樣，我便選了後者。主菜全都包一份沙津或湯，及一份餐飲。為免喝一肚子水想選沙津，卻已售罄，無可奈何只能要湯。麵豉湯以杯子盛載，方便飲用。可惜湯很鹹，根本無法一口接一口地喝。湯料倒是有意外驚喜，除了有煮透了的洋蔥和紅蘿蔔，還有很多肉乾。我把麵豉湯澆到飯上吃。不過這樣拌飯也消耗不了多少湯，因為麵豉湯實在太鹹了。為了不浪費，最後大部分湯是硬喝下去了。三文魚扒名副其實是「扒」的份量，也是個意外驚喜。雖然肉厚，但肉質不會乾不會粗糙，算是烹調得不錯了。可惜照燒汁對我來說太甜了。我欣賞這家小店用料不吝嗇，不過調味實在不合胃口。

荃灣中心呢頭不嬲無乜好野食，難得有間日式高質小店鋪仔細細間，都幾迫下，但每一日午飯時間都座無虛席最推介係咖哩飯，咖哩香濃，唔似一般餐廳嗰啲，豬扒同漢堡扒都好高質，同咖哩好夾！

今次已經係第二次食，就係要試上次未有機會試嘅和風滑蛋豬扒飯。星期日兩三點去係唔乜人，服務的確幾好，而上次夜晚去就排左一陣隊。今次是自己一人突然興起想吃，所以唔可以嗌太多。連令人念念不忘嘅芝士蛋糕都唔可以嗌，實在有d可惜⋯⋯

偶然發現屋企附近有此店，由日本人夫婦主理，水準應有保證。捧餐招呼由老闆娘負責，可能有點慢，成日返開日本鄉下既我當然知道日本人速度，可以理解。最緊要係好味丫嗎，果然冇令我失望！兩個人食，嗌左一客咖哩豬扒飯、一客咖哩牛肉烏冬。試晒沙律同麵豉湯，沙律夠fresh不在話下；麵豉湯唔係濃果隻，但都夠味，又加左洋蔥，幾特別！咖哩配吉列豬是常識吧？外皮酥脆，肉質亦鮮嫩；咖哩牛肉烏冬都係上品，靚牛同甜洋蔥炒過，配稻廷烏冬，一流！另外加左兩款cheesecake, 布丁果款好香；NY夠晒濃郁。$15/件，細細件都好滋味。整體性價比都算高，每個餐都包沙律/湯，仲有汽水送。回頭率非常高既小店，值得支持！

這一間小店的位置雖然比較偏遠，但是食物有著日本人的地道的風味。首先我地點了咖哩吉列豬扒同魚。吉列豬扒炸得很香，日式咖哩味道不辣但有著香甜的口味。味噌湯材料十足，十分好飲沒有味精。魚方面亦十分大條，醬汁亦開胃，但是味道比較一般和口感比較乾。熱茶就是用普通的車仔茶包略嫌普通左d，如用日式茶包會更加好以價錢來說整體一般，食物質素中上，但環境比較迫，整體而言算是合格偏上分數可以一食的地道日式小店。評分:食物:7/10態度:5/10環境:6.5/10性價比:6.5/10總分:25/40  C+(合格)

忘了在哪裡看到報導荃灣有一間日式小店由一對日本夫妻經營既有日收工決定去試吓.店舖既位置比較隔涉係位於一個比較少人既商場（可能太遠）但係去到發現唯一呢間小店有人在等候～好不容易等左15分鐘終於有位幾驚過左點餐時間好彩都仲有.自家製漢堡扒拼香腸定食漢堡扒外型好厚身咬落去好鬆軟而且有肉味賣相雖然無話好特別但係味道好有家庭式既感覺佢香腸亦都好好味咬落去好多汁.定食送既味噌湯亦都好足料有紅蘿蔔洋蔥等材料令到個湯加埋蔬菜既甜味好好飲(而家已經少左好多地方既味噌湯會肯落咁足料).仲未完大家可以加配芝士蛋糕!細細件但係每淡都好札實好滑既芝士蛋糕作為一餐既結尾真係唔錯!

沒想到竟然在這裡會食到高水準的日本餐。今天同朋友第一次到這裡食lunch !我們都排了一陣先有位。等位其間，見到有人點滑旦牛肉飯，吉列豬排咖哩飯，漢堡扒飯，魚飯。樣樣都好像好好食咁。最後都選擇了好多人推薦的漢堡排飯同咖哩豬排飯。先試了肉醬同漢堡排。講真，可能過高期望，因此，沒有想像中咁好。但都好食。可是，個肉醬汁，略微咸左少少。但個漢堡排真的好軟，好好味道！讚👍🏻！而配送的香腸便一般。之後到咖哩豬排飯啦！見到廚師切件豬排時，發出脆脆的外皮聲音。因此，我便抱更高期望。食了第一口，覺得個咖哩香甜，而且有好多疏菜於咖哩汁當中，睇到好用心的態度去製作。咖哩可口，之後再一口咬塊厚豬排。外皮的確酥脆，但，當真正咬到豬肉時，便發現豬肉有點兒過熟，肉汁沒咩，肉味其實沒咩味，好像沒咩醃過咁。只是得外皮脆口感覺而已。說真的，我有點兒失望，但勝在咖哩汁出色，所以我都有將所有食物食晒！雖然今次經驗不是十分之滿足，可是，我仍會再來幫親！我想下次試佢地的pizza , 仲有其他魚飯。睇下會不會有驚喜喔！至於服務態度，老闆都好nice! 感覺親切！在這裡經營一間小店，很不容易。因此，都支持小店。😋

呢度係小店經營，全店只有16個位，所以遇著weekend啊，晚飯午餐時間排隊真係在所不免，但我上星期遇著一件好奇怪的事，我排第二，有一家四口在我前面，已入座啦，跟住又有一家三口排係我後面，理應排隊的話，係我哋先，但唔知點解，阿老板娘竟然先比佢地入先，然後我聽到話係有一枱家庭係裡面食緊，幫佢留咗位，咁我哋就算數啦！你咁講，我冇辦法啦，因為我哋第一次食，唔知係咪真係有留位服務，但突然之間，阿老板娘又唔知點解係外面開咗張枱，佢哋嗰家又奇奇怪怪出曬去嗰張枱度，然後就叫我哋入座啦！咁然後嗰家人就發爛咋，話咁樣叫咗佢哋出去，個感覺好差！又話我哋三個人(兩個係小朋友)，要我叫三毎個餐都算啦！不停強調個感覺好差就走咗去啦！其實想講，人人排隊之際，你唔駛排不特止，仲可以優先？咩道理？！但我又唔太明，點解阿老闆娘初初又比佢入座，但之後又要佢離開番張枱呢？呢個情況真係有點耐人尋味！其實我真心建議店主，係門口大大隻字寫清楚：用餐請排隊，不設留位服務，另小店經營，必須每人一個餐(包括小朋友)。講完我上星期的所見所聞後，就講番食物啦，真心覺得佢d嘢好食，面屎湯好足料啊，好好飲，招牌和風自家制咖哩漢堡扒飯，真係超正

呢間店真係十分之隱匿就算我中學讀附近都揾左好耐先發現佢🏰留意返1500-1800係落場時間我第一次去個陣都摸門釘🤥🍛自家製肉醬漢堡扒拼日本香草腸定食🍛$88 包湯/沙律、汽水沙律菜夠新鮮&爽本身配芝麻醬，改要柚子醬油開胃啲👍🏼肉醬真係好好食，但我覺得偏咸，配埋白飯食都仲係咸左少少漢堡扒大大份唔會dry😍入口食到甜味，配肉醬送飯好正尤其是望到廚師將自己塊漢堡扒由焗爐拎出黎個下，真係好正🤤如果個餐可以加多d蔬菜就好嚕🥕🥒🥔

好多度都有介紹呢間日式洋食店，筆者第二次黎食，第一次食左肉醬漢堡同燒魚定食，都非一般咁好食。今次點左咖哩牛肉定食同燒雞肉pizza，有湯/沙律同汽水/綠茶。咖哩一如日式咖哩一樣，甜甜地，好有咖哩味，唔會油膩，但重點係牛肉。平時出街多數都係俾滑牛個類牛肉，呢度係俾肥牛，仲要係好食過吉野家個d肥牛嘅質素，份量又算多，非常好味，好有牛味，正！抵食！而燒雞肉pizza係用平時急凍串燒雞起肉做嘅，所以雞肉冇咩特別出色。但pizza餅底係自己做，薄批，焗完脆卜卜又唔硬。仲要成個pizza都係好味嘅芝士，你睇筆者食到拉哂絲就知好足料，再加左d紫菜係面，個陣串燒味同紫菜味，諗番起都想即刻再食。而麵豉湯係自家煲，唔係即沖，飲得出個種小店嘅心機。總結，呢度筆者暫時都諗唔到有d咩係唔好食嘅，值得再黎！餐日期:19/2/2019是餐費用:$166味道:9/10環境:8.5/10性價比:8.5/10

地點係遠左少少，不過係絕對可以回頭既店，見到老闆品老闆娘，真係好用心經營，價錢真係好平民，相信佢地絕對唔係為左賺錢，果日叫左個漢堡扒咖哩品親子飯，有雞肉同蛋，個咖哩漢堡扒真係好好食，不過係大食既朋友就應該唔多夠食🤣 而個親子飯就有d淡身，要加d豉油先夠味，最後仲加左個芝士蛋糕，味道係比出面既無咁肥膩，又唔會好甜，值得一試