日本洋食屋 翔 (Closed)

在荃灣一個偏僻角落，遇上這間由真日本人主理的家庭式小店「日本洋食屋 翔」，吃了美味的日式漢堡扒拼香草腸定食，大滿足！儘管我是老荃灣了，但此店位置不但遠離地鐵站，並位於一街坊商場的暗角，十分難找，相信此店的客路都是以附近的街坊為主。入到店內，看到只有兩人打理一切。聽店主兼廚師和太太（我估係）用日語交談，唔知點解放心不少，而太太則能用流利廣東話同客人溝通，order冇問題。既然是日式洋食，漢堡扒肯定是我的必然選擇。我就要了自家製漢堡扒拼日本香草腸定食，當中包湯和咖啡。先來一個湯，雖然只是家庭式的味噌湯，但加入一點豬肉和雜菜，幾鮮甜，不是一般味噌湯般死鹹，第一印像已唔錯。跟著主角漢堡扒及香草腸出來了。漢堡扒質感不硬不軟，但肉味足，而且肉內下了不少洋蔥，吃起來不粗糙。而廚師下的汁帶微酸，和漢堡扒好合拍，再伴飯一起吃更妙。香草腸是日本流行的加條雞骨的那種腸，好脆身，咬起來波一聲，肉有汁，相當有水準。份量不是很多，但有水準且有日本家庭風，吃完飲番杯咖啡，結束美好的一餐。

我本身住荃灣中心，聽講有對日本夫婦係度開餐廳，即刻去試下先。食物尚可環境整齊，最重要係廚房睇落衛生，食得安心。價位以學生同街坊生意黎講，比較貴。！！有次中午食飯，唔少學生街坊黎食，佢地人手唔夠，我都理解，忙到冇停手。但我點餐包餐湯同茶，茶一直到我食完飯後都未有，期間我問左兩三次，最後忍唔住行去自己沖茶佢終於過黎阻止我，沖左茶比我。點解我一定要茶？？因為我地餐湯都冇。我淨係食飯冇野飲，都幾dry而且到最後問佢湯呢？佢就咁話做唔切唔好意思，但我睇住佢送紅湯比其他客⋯⋯係湯唔夠？？唔夠都應該按落單順序送啦，我地一早到食完飯都冇，而且更加冇通知。幾忙都好，點嘅嘢要上齊，係基本掛？

最近聽住荃灣中心既朋友講荃灣中心開左間新日本餐廳，重要係日本人開，通常日本人開既店，食物水準都有返咁上下，住附近既我，點都要黎試一試。假日人很多，餐廳坐滿了人，因為餐廳不是很大，而很多街坊捧場。我叫左呢個自家製漢堡扒飯，漢堡扒好滑，肉質好嫰條腸都係自製，有條骨插住，幾得意。朋友就叫左呢個魚飯，隻魚好大條，又香，鍾意食魚既人一定好開心飯餐係跟湯，沙律同野飲，汽水唔駛加錢，熱飲加三蚊，套餐價錢由6x 到 8x 蚊。我覺得都算抵食住附近，會再來幫襯

在朋友推薦下才知道荃灣有家新開業不久的日式洋食屋小店只有十來個座位 連同店外加開的幾張檯才有二十個座位左右 幸好點菜後上菜速度甚快 所以table turnover 也很快 快也不代表犧牲食物質素 我和家人點了四款不同的飯餐 其實還有意粉和薄餅可選 但當天家人都不約而同的想吃飯 哈哈四份之中最滿意的是這個煎花魚（其實我不知道甚麼是花魚 好像還是第一次吃）這魚煎得好香好滑喔 而且只要開頭先小心夾起整條骨 基本上就不用再一條一條的挑 柚子醬油也很特別 只是我覺得就單吃已經很好吃了 唯獨不愛吃魚的媽媽就受不了了 所以嘛 柚子醬油能掩蓋一點魚（腥？）味 但我就是愛那魚的味道嘛這是弟弟的咖哩吉列豬扒飯炸很好酥 咖哩汁是偏甜的日式咖哩 弟弟一個人把整碟清光光了爸爸媽媽點的分別是牛排和漢堡扒拼燒烤腸 比較失色的就是牛扒吧 而科學瓷的碟子令切割陪添難度 也是是一個扣分位每份餐都有沙律或湯及飲品 沙律和湯都挺不錯的 下次還會來嘗嘗這家的意粉的

好多香港人都話日本係佢嘅第二個家鄉，今日去荃灣探老友，諗住求其食返餐，點知比佢帶咗返鄉下⋯⋯甫入門口，標準得令人吃驚的日本口音，再乍看牆上的報道，才知來了剛搬來荃灣，剛開張試業、日本籍夫婦經營的小店。鋪頭細細，但一知道是日本人經營的小店，儘管四周環境再格格不入，都頓時對小店的食物充滿信心！是偏見？還是經驗呢？比薩🍕尚得好香脆，是家鄉的味道啊！裡面滿了菇菌，好清新！肉醬意粉，陌生的味道、故鄉的味道，再配上爽口彈牙的意粉，讓人忘掉究竟身在何方！定食都好足料！跟餐配南瓜湯及沙律，絕對是溫情小店，讓你吃飽的堅持！價錢幾十元，食到高質日本料理！總評：意粉比定食更高質，而且溫情小店，價格實惠，去開荃灣，花少少時間上山去幫襯這間小店，絕對物超所值！（請支持小店！）

老公係網上發現屋企附近開左間由日本人主理既餐廳，仲要係荃灣中心。如果唔係住附近或未黎過既人，千萬唔好對呢個商場有期望，佢只係一個舊式殘舊街坊商場仔。萬萬估唔到竟然有日本人選擇係度開店。行左幾個圈搵到佢啦，坐位唔多 ，但一入去已感受到日本人既禮物待客態度，點餐後 ，很好奇，他們只有一個廚房仔煮食，但廚房環境擺位，什至廚房入面兩位人兄都很認真同四正。我地點左柚子汁花魚定食和燒雞pizza, 是好味道特別是沒想過就在這種街坊式商場食到真和風味的料理, 花魚很滑不乾身，跟餐的白飯對女士可能大碗左dd,下次可以叫小飯；而pizza亦有驚喜，薄脆批底和風燒雞粒粒加上軟軟芝士，都好好味。可能價錢黎講，對街坊而言，不能夠和同場的茶記、車仔面等相比。但你若想個真正日式家庭料理 （ 同區也有間日本人開的日式快餐，BUT很抱歉完全不是那回事）真的很推薦這間、希望他們能繼續保持水準和心機，皆因呢個商場既食店常常都不太做得耐～

位於荃灣中心超隱蔽日洋食店👣🎏🇯🇵老板娘响日本長大 廚師係日本人 — 真·日本人主理喔👨🏻‍🍳原來之前响西營盤有開過 據聞pizza一直都很招牌呢😲< 日本風味燒雞pizza🍕>姐係咁 小魚向來都係厚底派🙋🏻‍♀️ 但呢個係我食過最歡喜嘅薄底pizza🤩超薄 薄到成塊薄脆咁，當零食咁食 一口接一口完全食上癮，不油不膩輕鬆K.O.一整個🤟🏻🤟🏻🍄菇菇香氣撲鼻🧀芝士趁熱食拉絲效果也是蠻強勁的🐥雞丁散佈在每一塊pizza上 醬汁調味突出 係小時候响學校小食部食到嘅燒烤雞串味🤤🤤廢話少講 呢個pizza大推🙌🏻🙌🏻🙌🏻< 美國西冷牛扒定食🥩 >小魚點了五成熟 但實際上嘅粉嫩程度沒鏡頭下誘人 煮得過耐了較un👉🏻👈🏻而且有不少根 切得比較困難😥不過牛肉味的確是不濃😋肥膏位甘香❤️配撘嘅醬汁都好夾😁湯🥣是稀身那種 正好唔會’阿’位😬 不過仍然食得出材料嘅顆粒感用料大概有紅蘿蔔🥕南瓜🎃忌廉 仲用黑椒吊味 有層次感同日本媽媽家庭湯嘅味道👩🏻‍🍳😊

第一次去日本洋食嘅餐廳，原來老闆娘同廚師都係日本人嚟🙊首先係湯同沙律，個湯好得意，有啲似日本菜又有啲似西餐🤣沙律都幾新鮮🤣之後係老闆娘推薦嘅pizza，真係好好味，有芝士得嚟又唔膩，仲好過出面連鎖餐廳食，我好推薦大家食依個😎另一樣推薦就係漢堡扒定食，漢堡扒同腸都好好食，有紫菜飯就包你一定會好飽😎而carbonara意粉個味幾濃，而且仲有好多汁，送埋飯都可以😎飲品方面有汽水熱飲嗰啲，柚子蜜都只係加$5，幾好飲👍🏻最後加埋綠茶雪糕同芝士蛋糕做甜品，依一餐真係好完美，綠茶雪糕唔會有好澀嘅綠茶味，芝士蛋糕又啱啱好🤩冇諗過喺依個細細嘅商場會有間咁高質嘅餐廳，而且客人都好多，所以大家有時間都可以去試下👍🏻👍🏻👍🏻而且老闆娘好好人

今次去左日本洋食屋「翔」，位置比較遠，裝潢設計舉日本特色，店內環境企理，服務態度良好，一開頭就招呼周到。老闆同埋老闆娘都係日本人，佢哋令到鋪頭嘅氣氛非常之好，而且餐廳嘅掛畫同埋擺設都好有日本氣氛！加上，我與友人點左佢哋秘製嘅芝士香辣肉絲Pizza，口感同埋Pizza嘅厚度非常之合適，而且芝士亦都非常高質素，能夠輕鬆做出拉絲嘅效果，加上老闆娘周不時會與顧客查詢食物質素，會大方接受意見，最後在甜品方面，自家製綠茶勝於芝士蛋糕，綠茶入口即溶、而且綠茶加牛奶嘅份量非常合適，囗感順滑，值得一試。

今次去左日本洋食屋「翔」，位置比較遠，裝潢設計舉日本特色，店內環境企理，服務態度良好，一開頭就招呼周到我與朋友點了「自家製香辣肉絲披蕯」、「日式香蒜煙三文魚意粉」同埋一個「和風咖哩吉列豬扒飯定食」。Pizza既香口而不失口感👍🏻芝士能做拉絲效果，賣相吸引，味道則辣肉有少許掩蓋其他食材味道。意粉口感彈牙，配合煙三文魚味道一流，唯一美中不足的是青檸味搶走其他味道。甜品點了綠茶雪糕和芝士蛋糕。綠茶雪糕奶味香濃卻不蓋過綠茶味，比例適中，口感幼滑。芝士蛋糕則帶了太多酸味破壞了整體味道。lemon味太多反而比綠茶失色

荃灣中心一向只有平民茶記，有時想食好野就最近都要去DPark, 而家終於有好野啦！星期日下午曾經想黎食個lunch, 好惜遇上10多人的一圍大客，店仔細細，好板娘都說很多單，我有排等，唯有下次再試。過2日又過黎食個早既晚飯，成功食到啦！叫左花魚定食，有湯有汽水同一大條花魚，太抵食，只需$68，另加$15試一下芝士蛋糕。花魚煎得很好，外乾內多汁，重點係個柚子汁，帶出魚既鮮味，食飯都食多兩啖，飯上面仲有炸紫蘇葉碎，好有誠意！湯係面豉湯，有好多白、紅蘿蔔片，唔咸剛剛好，唔飲湯可改沙律。芝士多糕芝士味濃，好好味。😋下次再試其他野食～

和風滑蛋豬扒飯定食（$88）🍱賣相好靚，d蛋炒到好滑，成大塊炸豬扒，炸豬扒外脆內軟，蛋味好香，仲有洋蔥嘅香味，食完十分滿足🤤9 inch自家製香辣肉絲披薩（$88）🍕新鮮出爐嘅pizza熱辣辣，pizza批邊好脆，仲有好多芝士切開，依個pizza好抵食，材料十足，味道幾好，2個人食就岩岩好😁紐約芝士蛋糕🍰這個芝士蛋糕嘅芝士味好重，口感幼滑、好好食🤗迷你沙律🥗這個沙律係定食附送，雖然份量少，但食完好開胃，而蔬菜好新鮮☺️豬肉雜菜湯🥘這個湯都係定食附送，湯味濃郁，材料十足，蔬菜和豬肉都帶好多，飲落無味精😋👉P.S 老闆娘和老闆殷勤有禮，都十分親切接待客人🤩🤩

住開荃灣咁多年，咩都食勻咁滯，食飯都係不外乎路德圍、各大商場食店，男友好細心咁發現到呢間野，係屋苑裡有間日藉夫婦開的日式住家飯堂。講真係屋苑開得多數係街坊生意，呢間店定嘅價位絕非街坊價，或會令人卻步，但綜觀食評一面倒都係好評，曾經懷疑係打手所為，直至起筷進食個刻，我先後知後覺呢間真有料到，套餐送飲料，餐湯同沙律就二揀一。是晚揀了豬肉雜菜湯，入口好香好和味，主菜揀了日式雞肉薄餅同滑蛋豬扒飯。薄餅好薄脆，日式雞肉似雞肉串味道，從無諗過可以同芝士咁夾，好正！至於招牌滑蛋豬扒飯，豬扒炸得剛好有肉汁，滑蛋嫩滑又夠味，絕對值回票價！翌日再戰，叫了自家製漢堡扒咖哩飯同原條燒花魚配柚子汁，兩碟都有驚喜，眼闊肚窄，花魚份量大，沾少許柚汁好提鮮！自家製漢堡扒觀其外表以為略乾，但咬下係有肉汁而且入口鬆軟，同日式甜咖哩好配！我只希望佢長做長有，因為實在係荃灣好難食到咁原汁原味嘅日式食堂。

沒有豪華的裝修 卻換來難尋的日本地道風味 經常問朋友，荃灣邊到有好野食呀﹖答案通常都係個兩三個地方，你唔厭我都厭！所以，今次我決定深入荃灣，俾我發現到呢間由日本人主理的餐廳！ 餐應空間不大，座位都不太多，但係食好野就無乜所謂啦！一坐底，就問下老闆娘有咩好介紹先，佢就介紹左『自家製漢堡扒拼日本香草腸定食』 同 『美國西冷牛扒定食』定俾我地，咁我地就乖乖地坐係到等野食啦。 先講個漢堡扒，可能係自家製的關係，非一般雪藏漢堡扒可以相比。肉質不但好緊緻，放入口中更有很強的黏韌感，可以話係試過之後，返唔到轉頭！其次，所配的汁味道恰到好處，不會太濃以致搶過漢堡扒之肉味！配合熱辣辣既飯一齊食，實在十分開胃！ 至於朋友所食的西冷牛扒，肉質都有保證，不溫不火不韌，在口中咀嚼數下便可吞下，也是水準之作！能夠係屋村地方食到咁樣的級數，今次深入荃灣總算是有收獲而回。這間餐廳，值得推薦！

-依間餐廳係最近新開的，係荃灣屋邨商場內，依家仲係試業期間☺️係由一對日籍夫婦👫經營的，佢地用日文溝通，而老闆娘十分有禮貌招呼客人，每次有人入嚟或食完離開餐廳 就會而老闆係大廚，負責煮美食👨🏻‍🍳店內唔算太大，大約坐到16個人，而餐廳外都枱櫈可以坐🤗-自家製香辣肉絲披薩🍕（9 inch）（$88）（Spicy pork pizza）新鮮出爐嘅pizza真係好正🤤，pizza係薄批，批底和批邊都十分香脆❤️，pizza上面鋪滿左成層芝士🧀切開pizza果陣有拉絲嘅效果🤤，但食落唔算油膩，而且依個pizza好足料，除左芝士🧀，仲有洋蔥，木耳，紅蘿蔔🥕，冬菇絲☺️，紅椒和辣豬肉 😎食落有小小辣，口感和味道都唔錯😍-和風滑蛋豬扒飯定食🍛（$88）(Deep Fried Pork Chop Rice Bowl)依個賣相十分吸引，未食都香氣撲鼻，白飯上有好多滑蛋🍳同埋大大塊炸豬扒🐷豬扒炸到外脆內軟😍滑蛋炒得嫩滑和蛋味好香❤️仲有洋蔥嘅香味，原來係用左日本九州嘅雞蛋❤️食落好驚喜，一啖食曬炸豬扒+滑蛋+白飯🍚，真係好滿足🤤-New York cheese cake （跟餐+$15）依個芝士蛋糕🍰真係好好食，加