昌興麵家

Open Now

Now Closed

睇google map搵食時候，就發現呢間昌興麵家評分都幾高，再去搵多d佢既資料，似乎係一間隱世老麵店，試左招牌水餃麵，嘩..第一啖食落去真係兒時味道，好耐無食過呢種咁濃大地魚湯底，麵爽，仲有韮王，以前係河內道有3個阿姐主理既雲吞麵舖執左之後除左劉深記都無乜邊道食到，碗麵有3粒大大的珍寶餃。餃夠飽滿，蝦夠爽，果然係招牌。睇人地食評佢既牛腩同豬手都very good, 下次要試下。老板同老板娘閙交咁既溝通方式應該都係日常，一邊聽佢地閒話家常，一邊食麵，就好似係屋企咁，但老板娘對客人絕對係好有禮貌🤣。

大角咀，嘉善街就去得多，但呢間昌興麵家就未去食過，佢嘅出品粉麵，4月7日和靚媽抱着朝聖嘅心情，特登專誠由鑽石山坐小巴到大角咀，諗住一試呢間馳名老麵店，早上11：49到達此店門前，但鐵閘仍然半拉，即是仍未開始營業，肥華和靚媽衹好在街上等待，佢拉開全閘接客，12：OO此店正式營業時間開始，靓媽和我就做咗此店今日嘅第一枱顧客，坐定後就點了食評界多人推薦的，炸醬麵，桂候牛腩河，淨水餃，及灼菜心，再如一罐可樂，先講個水餃，愧為鎮店之寶係堅得之作，評分A十，炸醬麵嘅炸醬汁係好味嘅但肉絲好硬，而個麵底及碗湯唔錯，整体有B级水平，牛腩粉相對失色，牛腩嚡及唔夠淋，粉底雖然好但嘟衹值C十級数，今餐評語水餃真係得，炸醬，牛腩唔食冇損失！

水餃麵$30專登去搵嘅一間老麵店，香港有好多間都出名，但要搵有懷舊味道，而且好食嘅，昌興會係其中一間。👍🏽.自己一個人食叫左磅水餃麵，承惠$30，同好多老店一樣，水餃係底，麵係面，再加啲韭皇。.先飲一啖湯，濃郁嘅大地魚味，夠香夠甜，跟住再食一啖麵，有咬勁，冇乜鹼水味。跟住佢幾大嘅係圖片所見我就加咗辣椒醬同埋醋啦😂真係好回味㗎，各人食法有異，鐘意點食就點食😌，最緊要岩自己👍🏽水餃方面三大隻，皮薄餡靚食到有啲豬肉，荀，雲耳，蝦，食落好新鮮，而且個外皮仲要係話滑嘟嘟😁😁😁.Cp 值及夠飽: 首先價錢就絕對唔貴㗎啦，但你話係咪好飽，好多就唔係，$30 食老店要嘅唔係食cp 值，而係食個種味道，個種情懷，個種嘅麻甩😌😌😌.翻啅:一定番黎👍🏽👍🏽👍🏽

咁啱行開大角咀，記得西之美食家有介紹過大角咀有間幾好食嘅粉麵店，但我搵極都搵唔到，都行到幾攰，就衝左入去依間裝修都新新地嘅粉麵店，求其是但食。兩個人一張枱，中間咩版都冇隔，平時我都應該走左人，不過我聞到依度個種舊史麵檔嘅味，睇到個隻舊史食麵用嘅碗，我就坐低左。坐係個呀叔對面開住部電話，播住套唔知乜鬼嘅大陸劇，佢食緊碗牛腩麵，牛腩麵個樣比起個呀叔靚仔，咦，碟芥蘭仲靚仔喎，我望住個餐牌都一陣，都諗左一陣，ummmm……「牛腩麵多青，一碟芥蘭，唔該」照跟。牛腩麵$30 🙂牛腩麵一放上枱，個賣相好似舊史細個返廣州食麵嘅樣，食落又真係好似舊史嗰種味。牛腩應該落咗柱侯醬/陳皮去炆，食落都幾入味但又唔係太鹹，有牛腩有牛筋，都炆到好淋，有肉味，最好食係個麵，爽！你一索啲麵落口，都冇一陣”攻”鼻嘅味，冇乜鹼水味，我見師傅淥麵個時加左少少🐽油，令到成碗麵香晒😗當然啲牛腩就一定冇崩沙腩咁好食，但$30一碗真係冇得輸！芥蘭$15 🤤好綠，好甜，係麵檔整嘅菜點都係好食過屋企自己煮，應該係啲淥面嘅水同捨得落油。雲吞麵$30 🤤因為好食，令到自己開胃，所以我叫多碗雲吞麵。雲吞唔係好大粒，但都真係落足料，主要係豬肉，

麵店位置較偏僻，位於大角咀的一條小街，店面毫不起眼，全店坐位只有約5枱，三位老人家打理，不是無意中經過又碰巧肚餓，一定會錯過了，要了炸醬撈麵$45元，魚蛋伊麵$32元，雲吞麵$30元，淨水餃$30元，油菜$15元加兩罐可樂$12元，共$164元，很少麵店有提供伊麵，這舊式店舖反而有提供，一碗麵，不論魚蛋或雲吞，有約8粒，毫不吝嗇，麵份量也很多，而且爽、彈口，比麥x記毫不遜色，油菜也必食，只是慢工細貨，點餐後要耐性等一等，約5-8分鐘，但仍是值得的。

今晚決定出街食，太太話不如出大角咀食上次好食果間豬手麵，諗都唔諗荃灣踩出大角咀，第一站昌興，一坐低唔該水餃麵食爽，老闆話水餃賣剩兩隻，於是兩隻雲吞兩隻水餃，水餃真係非常非常出色，好實淨，麵質依然爽口彈牙，湯底濃郁，熱辣辣，之後追加一碗豬手麵（唔記得影相😅），臨走買多份豬手撈麵和淨鳳爪，之後細佬話想食粥，之前師兄話過高佬喺昌興隔離街，於是行過去買咗碗艇仔粥（都係唔記得影相😅），碗粥真的好滿足，粥底好麵綿又足料（有海蜇），心血來潮買多份豬手撈麵，一碗淨水餃和淨鳳爪，跟住門口位叔叔話喂試吓我哋嘅薑蔥魚腩好正呀（他好有誠意向我推薦），好啦我都要一份，外賣到手後薑蔥魚腩即刻上車食先，嘩⋯⋯薑蔥味好香噴噴，魚腩好新鮮，食完之後準備回程，突然間見到一間好耐無食的好正小菜店，立即停車，奔向店子裏面唔該要一份生炒骨攞走，位老闆竟然還認得我，你條友好耐冇黎囉，係呀，依家有大有細好少夜蒲，我話我太太好鍾意食你嘅生炒骨所以減肥都要食，一落上車班小朋友已經話好香噴噴呀，唔夠5分鐘整返幾粒留返給我（真係多謝佢哋），於是二話不說落

柱侯牛腩麵🍜$28見到牛腩牛雜關注組介紹😎身為牛魔王嘅我🐮當然要去試一試係唔係真係咁正🤣牛腩牛筋份量都幾多😛尤其係牛筋多我超鍾意😍燜得夠腍夠軟夠哂入味😋呢間真係冇介紹錯😏昌興麵家 (大角咀)大角咀嘉善街2號地下

湯麵每碗$23 撈麵$34碟, 牛腩河加菜, 雲吞河加菜同樣$29蚊,加咗菜' 多到睇唔到啲餸〜 健康之餘 仲好抵食湯底仲好清, 一啲都唔油, 牛腩就用咗陳皮同薑粒去煮, 比較爽口,雲吞味道就好懷舊, 有大地魚香味, 食完啱好夠飽〜昌興麵家營業時間 : 星期一至六:12:00-22:30地址 : 大角咀嘉善街2號地下港鐵奧運站 C1 出口, 步行約4分鐘電話 : 2391 8065－－－－－－－－－－－－－－－－－什麼可以代表港式餐廳？我想   他用時間和心血換來的   是踏實的岀品  從前資訊並未發達靠人口相傳   信譽和口碑自自然然會有食客追隨    成功的事業亦在於此你們心中又是那一間店呢？

過左午市的繁忙時段先來到大角咀的昌興麵家，已經唔使等位，呢度食野價錢算合理叫左都系＄23的魚蛋河同淨水餃，魚蛋魚片共八粒，潮州白魚蛋系來貨冇咩好講而水餃則有準，淨餃有五粒，粒粒飽滿，肉餡佔比較少，但筍絲多，爽口又健康，配淡淡的大地魚湯底，好簡單傳統的味道，有老人家客戶食完讚好味，老闆話：“系傳統口味，但現代人喜歡濃味，所以已未必人人鍾意”， 但其實我自己卻好喜歡，而且暗暗地欣賞著那一口快被人遺忘的傳統風味！