明師傅甜品 (Closed)

某天在荃灣區吃過晚飯想找甜品吃，走到甜品店林立的海壩街附近，飯後時間人頭湧湧，店員都在門外積極拉客，在來來回回遊走過兩次之後，最後選了這裡。被吸引進來的原因又是因為我看到門口的餐牌上寫著有椰皇燉湯圓可以吃，看來我是打算把全香港的椰皇燉湯圓都吃遍。雖然這裡也如一貫的甜品店般擠迫，但程度還是可以接受。甜品的選擇不少，我當然是選我的椰皇湯圓，而鬆弛就選了焦糖燉蛋。焦糖燉蛋在我們下單不到三分鐘就上場，這種速度實在很難令人相信這一個是好吃的焦糖燉蛋，所以一開始就不抱任何期望，沒想到最後卻喜出望外。面層的焦糖脆片薄薄的，吃起來不會有苦澀味。中間的燉蛋凍凍的，入口很幼滑，有蛋香又有雲呢拿香，甜度剛剛好。旁邊的生果粒其實沒什麼意思，與焦糖燉蛋毫不搭，雖然那些火龍果、菠蘿、哈蜜瓜和西瓜粒是甜的，不過於我而言只是可有可無，如果扣掉它們可以平一點就更好。椰皇燉湯圓。椰皇size比平常吃到的大一點，裡面有滿滿的椰皇汁，喝起來不錯，有椰皇的清甜，自然不人工，裡面的湯圓水準也不錯，至少比起長沙灣深水埗區那間出名吃湯圓的糖水店好吃多了，湯圓皮香甜軟糯，中間的芝麻餡雖然不怎麼流心，但吃起來不會乾乾嚡嚡的，整體水準不錯

香港人最鍾意就係食完晚飯食甜品, 我地不例外, 附近有松記糖水, 朋友話松記周圍都有得, 不如試下其他, 呢間又好似幾好, 最重要係兩個電視有高清@@-椰汁海底椰西米露 : 賣相還可以, 但味道就無乜特別, 椰汁吾夠多, 吾夠香濃, 仲要食食下驚見鐵絲>< 雖然個侍應好有禮貌幫我換過碗, 但…都係打左折扣啦!-焦糖燉蛋 : 賣相都可以ge, 附送鮮果, 但朋友話味道都係一般般. 食完的結論係, 下次都係食返出名d果間!!哈哈!!

依日好想食綿綿冰~原本已經去左隔離甜品店坐底左架啦點知同服務員嘈左幾句~比錢要受氣既寧願唔食啦所以即走..去幫襯"明師傅"..反正都有綿綿冰食依日去到綿綿冰選擇唔多~我點左個"石榴味"整體雖然無話好唔好食or特別驚喜~只係普通..勝在唔太甜同埋都食到有石榴味~質感都好軟..入口即溶化另一半叫左依個..同樣無乜驚喜~只係普普通通但不得不讚~就係服務員好有禮貌~依點已經可以加分所以再想食綿綿冰的話~我都會幫襯佢^^

我和大少不是第一次光顧這小店，今次品嚐了「甜心」和「涼爽」。甜心即係原個椰皇燉椰汁西米加湯丸。椰汁混有椰皇水，所以入口好清甜；黑芝麻湯丸糯米皮好軟熟，配合椰汁一齊食，好滋潤，口感滑滑 椰皇燉得火候夠，所以用匙更好容易就將椰皇肉刮晒出O黎，全部被我食晒！大少點O既涼爽，真係好「涼」，又西瓜、雪糕、涼粉..消暑佳品！我都偷飲左西瓜汁，好清甜，唔係個D無味西瓜。成個甜品份量好夠，學老闆(?) 話，真係無咩錢賺O既甜品。我見好多客都食呢個甜品呢。呢兩個甜品唔係貴，都係30蚊左右，可以再試呀。疑似老闆的哥哥亦好好招呼。要繼續努力呀！

很少寫食評, 這間原先都無打算寫, 所以連相片都無影低, 不過食完之後感覺一定要寫出來。 同朋友在荃灣食完飯, 本來想食糖水, 但因為太飽了, 所以打算外賣松記回家。 去到海壩街, 朋友見議我試試其他, 因為平時經常幫襯松記, 我看見隔離既明師傅, 都有唔少人就揀左呢間，第一次幫襯, 買左鮮什果樂園及楊枝金露。1. 楊枝金露 ~ 難食 只有3/4碗滿，成碗糖水都好杰同埋甜得好可怕，芒果只有幾粒，西柚肉及西米份量亦都很少。2. 鮮什果樂園 ~ 難食 見到碗糖水既時侯, 雖然好大碗，但賣相非常唔討好, 我一路食一路數過D 材料，大致如下:- ‧ 淡至無味的西瓜2大粒, 似足西瓜皮邊緣部份;‧ 菠蘿2粒,味道新鮮, 是整碗糖水裡最好食的;‧ 木瓜、哈密瓜、火龍果各1, 無味;‧ 椰果約5粒, 一般罐頭貨色;‧ 涼粉約8粒,無特別;其餘的全都是西米, 就算加左椰汁, 成碗野亦淡而無味, 基本上食晒所有生果後已唔想再食落去...我同老公食完呢兩碗野仲有d 反胃...真係好後悔無買松記，間野D 野咁差但仲可以貴過松記，真係再無下次~

家姐出TRIP旅行 兒甥仔來我家暫住作客 我當然帶埋佢四圍食野細蚊仔 硬要食下甜品 佢想食我就帶佢去法式焦糖燉蛋 之前食過好味 今次食也不例外燉蛋味道香濃勁蛋味 入口係好滑溜 仲軟綿綿感覺嫌佢配有既生果得果4粒 又勁細粒 同佢地POST相片很大出入 扣分芒果班戟係兒甥自選 佢嫌芒果太酸 要食埋我果份

來荃灣晚飯後, 再來甜品街, 今晚我們選明師傅!聽說連甜姐兒都報道過, 哈~ 要見識一下!!我叫了一客法式焦糖燉蛋.生果不用多說, 說說主角-燉蛋.上桌的時候還熱騰騰, 面上的焦糖幾厚, 要用力少少叩打才裂開.由於焦糖難以叩成碎片, 所以下面的燉蛋因受力而壓得稀爛.未能成碎片的焦糖, 令入口的燉蛋和焦糖分量不均, 有時大大塊焦糖真的過甜.但燉蛋值得一讚, 濃厚蛋香, 吃到滑不溜口的感覺.其他朋友吃一個個椰青瞉盛的湯丸, 還有榴槤類.由於我沒有試過, 就不便下評論.不過朋友們說椰青瞉盛的湯丸內的甜湯, 沒有椰青味, 淡淡的, 不太喜歡.價錢也不算抵, 每人都差不多要$30以上.而且店內的枱很逼, 椅子很小, 坐得不太舒服.

想食特別d嘅甜品都幾難, 間間都係生果撈或者綿綿冰, 有時揀無可揀只好食番傳统糊。當日行過被那相片中的西瓜盅吸引過多, 那個子小小的西瓜只切開了頂頭部份, 裏面放了幾款生果及一球雪糕。 可惜當我order時, 那小子竟然說現在不賣了後來選了幾款頗特別的甜品, 分別是...甜心$32...是一款熱甜品, 椰皇裏有6粒芝蔴湯圓及一些西米, 椰漿也把椰皇水加了進去, 味道帶清甜潤喉。 湯圓唔得, 口感腍滋滋唔煙韌; 椰皇肉也腍, 很容易「嗶」起來自家製杏仁豆腐$19...食得出沒有落香精而且有好滑口的奶油味, 杏仁預先有焗香才磨。法國血橙果凍$26...從未吃過血橙, 果凍不大甜, 完全都被血橙果茸包圍着, 有着酸甜的橙香; 伴碟的生果通通屬淡而無味。做好點吧, 不要浪費創意呵~

駕車到荃灣食甜品, 聽說這間甜品店連電視台都訪問, 於是拜會一下.看到餐牌, 感覺有點貴, 而且那些甜品都是普通外面都有, 只不過改一個靚名而已.唯有我認為外面還未見過的, 就是這個涼爽.於是叫了一個試試.外型是幾可愛, 一個小椰青, 裡面有西米, 涼粉和朱古力雪糕.不過要吃也要考功夫, 因為椰青太小, 想食西米又怕雪糕球會滾出去...當雪糕開始有點溶, 雪糕汁撈西米, 原來味道不錯.最可惜的是椰青肉太硬, 根本完全無法吃到, 浪費了...朋友叫了一個紫醉金迷, 我好奇看餐牌, 相片看來不錯(雖然只是啫哩配水果)但上到枱面的實物竟然是如此,,,貨不對版. 雖然同樣是啫哩配水果, 但餐牌看到是酒店級, 實物只街坊級...不太專業.算了, 我們撇除賣相不說, 說說味道.西瓜淡淡, 其他都還可以接受, 但水果不是重點.啫哩說是白酒啫哩, 朋友說吃不出酒味.真的有點失望, 看來不能相信電視台.

下午和友人來吃下午茶，我們都比較喜愛吃傳統糖水，因此點了椰汁西米露紫米露和姜汁蕃薯糖水。椰汁西米露普普通通，不過不失。紫米露放下時已心知不妙！粉紫色的，很稀，紫米和西米沉在底，紫米還沒有煮到軟，整碗湯糖水都沒有紫米味！至於姜汁蕃薯糖水，蕃薯還蕃薯，糖水還糖水。糖水沒有蕃薯味，糖水沒有紅糖獨特的味道只有甜，糖水只有辣味沒有薑味，比我媽自家煮的湯圓水還差（我的意思是至少也要煮得像湯圓水吧！）。我沒有吃過這家店的招牌甜店，只能說大家不要點紫米露和姜汁蕃薯糖水，真的很不知所謂，如果當天的糖水弄沒好，我令願你跟我說沒有得賣也不要這樣做壞自己個朵。

唔係話難食嘅，不過只可以話佢系花巧！試完上次焦糖燉蛋之後，覺得幾好，就一直揾機會之後唔好食咁飽，再去試其他甜品！由於果日都算系冬天，又見到有宣傳+職員推介，所以就叫左個“甜心”“甜心”到啦！都幾好樣但原來只係一般嘅西米露+糖丸，有D失望（佢仲要收成32蚊，我叫普通傳統糖水唔好？），因為個椰王（燉？/蒸？）完之後完全無椰王味，只係有椰漿味，而糖丸系芝麻餡，雖然我鍾意芝麻糖丸，但我認為椰汁配紅豆糖丸比較襯！！總括而言，我鍾意食物椰汁西米露，而明師傅呢間野，我會繼續等有機會時幫襯，但“甜心”就咪搞啦！

食完晚飯特登唔食咁飽，留返小小位(胃)去食糖水，點知揀正果間"明師傅甜品"，唉真係有d失望。因為門口哥哥仔不停咁sell又話好出名，又話好多電視台訪問過，咁就落咗答! 食完之後覺得咁嘅質數都開得檔，真奇怪1. 芝麻糊 - 唔夠香，太杰又煮到一舊舊，好似用微波爐叮熱咁，no good，真係超級市場買用水即開即食嘅貨式仲好味過佢2. 芒果涼粉 - 芒果好甜，涼粉正常，份量小，不過整體只是OK而已

食過晚飯後就去糖水街食糖水, 經openrice 之後最後揀了明師傅, 因為松記成日食, 今次一試新野.店員態度挺好, 所以我們也甘心地等. 我們7人等了不久就有位了. 見好多人叫那個黃色xxx, 我都叫一個試下, $26是芒果西米露加芒果雪糕加菠蘿, 好像有點普通.芒果汁沒太大芒果味, 有點淡, 菠蘿是用新鮮菠蘿, 不是罐頭開的, 幾甜.至於個雪糕就慘不忍睹… 應該是用現成牛奶公司雪糕, 還要雪到內裡有很多冰粒. 難怪松記會如此優勝, 但憑雪糕都贏你們十條街. 看來這店的主打還是在局布丁和西瓜盅.有點後悔沒有食松記, 還是叫返summer 好過. 仲要平d.

鍾意食甜品既我, 輪到嚟試呢間.焗西米栗子布甸 - 上枱時熱騰騰, 個面啲氣泡郁吓郁吓好得意, 但唔知係咪用微波爐叮熱既呢? 西米部份略淡, 食到個心時見到係一粒粒栗子, 與平時食既栗子蓉唔同, 但滲糖水太甜, 冇咗原先栗子既香味, 所以做得唔係咁好.香蕉船 - 雪糕有chocolate and cookies, 幾滑. 冇特別可言.

老實講,我真係第1次食完間甜品 我1行出門口就話 唔會再 翻兜! 原本冇諗過要寫食評, 所以冇影到食物相但食完, 真係覺得好吾掂所以 唯有影低張單,證明真係黎過, 真係有以下既感覺! 先講比較上, 最好既就系得(1)芒果班戟, 佢其實芒果吾多, 個皮亦都冇咩勝人之處,極其量 都只係不過不失,但佢 餐牌上寫話, 班戟皮 系即整,但系 黎到戈陣, 佢個皮凍到= =.. 完全同系雪櫃拎出黎冇分別但整體黎講就好細份, $23得2舊 個人覺得吾係好抵食, (2) 楊枝甘露涼粉 ,其實我都吾知點解佢個 楊枝甘露涼粉 裡面既楊枝甘露, 可以得 2%係西米 2%係 柚,其餘 既都係芒果 同埋涼粉;雖然, 芒果多都係好食但係, 咁真係 楊枝甘露 嘛?????我個人覺得唔係囉,整體黎講, 如果佢d芒果唔甜既話 完全入唔到口(3)我未試過 食d咁冇水準既甜品-,- 就係佢 戈個 熱烈推介既 甜心,見到合名, 同埋張相 真係好吸引,但老實講, 1入口 就極失望除左淡而冇味之外, 佢入面戈d 湯圓 勁淋 冇哂口感可言而裡面d 西米又係 嘔知得幾多%,總之就系睇吾到 食吾到,佢既椰味不足, 甜味不足