明興牛什粉麵茶餐廳

Open Now

Now Closed

雖然偶爾都會路過這間在網上評價不差的港式粉麵茶餐廳，不過這次還是我第一次幫襯它。這間茶餐廳得到最多讚的是它的牛腩、牛雜和豬手粉麵，所以這次光顧，就點了一個「腩雜雙拼河粉」連熱飲（$38），再加碟「腐乳通菜」（$15）做午餐。這裡的腩雜河的確是不錯的，清湯味道雖然稍淡，但牛腩和牛雜都有水準，切得大小不一的清湯腩肥瘦比例適中，也夠軟腍而不黏牙。牛雜份量正常，膀肚肺腸齊全，每樣各有一至兩件，樣子對辦，口感不差，配以順滑河粉，少許生菜、大量蔥花，加碟油菜，配杯熱飲，不失為一個令人滿意的飽肚午餐。

首先，先講店面，吾算大，十零個位，普通舊式茶餐廳既間隔，入到去會有d姐姐充滿人情味咁笑住招呼你坐低。睇一睇餐牌，雙拼粉麵都係加8元，我叫左佢個牛腩拼豬手米粉。上菜時，係靚仔既，牛腩有5舊，3成肥7成瘦，夠稔，豬手有2大舊，炆得超稔，超入味，食完有充滿膠質既感覺，心情愉快。😅湯底恰到好處，味道適中，我喜歡。吾洗50元可以食飽，cp值高，一個字，抵！只可以講係好符合我既囗味，一個星期點都會抽一日去食佢。

深水埗行街肚餓，想起早年yt 介紹大埔道出名三大牛什面，去其中一間官試。這間明興小店，坐位不多。點了牛什河，落單不消三分鐘便到。牛什有肚，肺，腸。牛什和河粉比一般潮洲牛什店款式和份量少一點，而牛什則比較爽口，無靭，新鮮制造感覺。但唔多食到老水味，淡口一點, 見有街坊落單時加腩汁。錢價由今年初$28加到$30，仍有性價比。

見影片分享網站有人推介呢家牛雜店，收工就撘車去試下。叫咗碗牛腩牛什河，試吓又有驚喜。👍🏻牛腩肥瘦適中，有少少油香；咬落仲保留住肉嘅質感同彈性。 👍🏻牛什每個部位各有口感，特別係牛腸，完全無怪味，清潔得好乾淨，咬落仲有少少肥膏走出嚟。👍🏻湯底清甜，吾會過咸同味精呢個價錢，呢個質素，不得了 🫣🫣

明興牛雜粉麵茶餐廳，睇過好多群組同平台介紹過，去開深水埗，終於可以試試。牛腩麵$28牛腩份量好多，有七至八件清湯牛腩，每件都好大件，牛腩炆得好淋，牛腩帶有一點肥膏，好有層次，食完都無黐牙，清湯底好少味精，麵條煮得剛剛好，麵條都幾爽有少少彈性，好少鹼水味。郊外油菜$14芥蘭份量都好多，好大碟，配蠔油，正常味道。凍檸茶$15正常茶餐廳，紅茶沖劑，檸檬片新鮮，味道正常。買單應該有套餐價，實收價錢$ 50，經濟抵食。

【深水埗區】【明興牛什粉麵茶餐廳】上回提到 社交平台牛腩牛雜群組之前有過世界大戰，就係講緊同一條街二百米之內有三間潮州粉麵舖。我作為一個密探，梗係要去好好試吓呢三間嘢，因為個人意見嘅嘢有時都真係只係參考，唔好太沉迷。加上，呢啲飲食群組裡面「打手」極多，大家見我唔會做 openrice 同 社交平台呀 Google 呀嗰啲，就係因為我都幾抗拒呢種近似「唱紅打黑」嘅行為，我都係信自己，無懼各種勢力，寫出自己心中所想，無愧於心就算。自己確診武肺之後，冇出到去食嘢，所以我明明係想食多幾次先做呢個大埔道潮州粉麵系列嘅，都喺逼不得已之下要食一次就寫。呢個安排都唔係第一次係咁，留得低睇我嘅讀者相信都明白同體諒我嘅處境嘅，多謝咗先。第二間講嘅呢間「明興」，雖然佢冇之前嗰間咁耐，但係都好似十幾廿年，所以都係舊舊哋咁樣嘅。牛腩牛雜群組提供嘅意見唔算多，呢啲位冇意見好過多意見呀，個原理就好似女僕 cafe 咁，冇乜新聞靜靜做就最穩陣。我喺「明興」就叫咗碗「腩什粗」，即係「牛腩牛雜粗麵」，佢個湯頭冇嵩記咁鹹，而個牛腩我覺得鞋口過嵩記係比較棘手。牛雜方面都好普通，冇乜突破，喺呢度我有叫嘢飲，叫咗杯「凍檸茶」，好

舊區揾到間好平嘅牛雜粉麵店舖，一於入去試下。入到去兩邊都係卡位，中間就有一張圓檯，裝修都有啲舊，餐牌一張睇哂，除咗粉麵之外，還有常餐、公仔麵、三文治餐同經濟客飯等，粉麵劃一都只係28元，都算抵食。兩個人叫咗牛腩麵跟餐飲、牛雜撈粗麵同一碟蠔油芥蘭。牛雜撈粗麵（$38），碗湯冇乜味好清，牛雜有牛肚、牛腸、牛肺同牛膀，牛腸有油脂香味，其餘味道只屬一般，粗麵較淋身。牛腩麵跟凍奶茶走甜（$36）牛腩都唔錯炆得夠淋，麵就好普通，奶茶都ok 。蠔油芥蘭（$14）份量較少，唔抵食。

大埔道兩間食牛雜嘅名店就係依間同早前推介過嘅嵩記牛雜，邊間好食啲就見人見智〰️牛雜拼牛腩河🍜 💰28（雙拼+💰8）❤️‍🔥9/10分大腸肥而不膩，正🤘🏻🔅題外話：我之前一直唔知牛雜有分粉腸同大腸，粉腸係會有啲苦味嘅，相對無咁多人鐘意，所以唔鐘意就記得特登同侍應講唔要粉腸‼️肺勁入味，唔知點形容嗰陣味，反正好食🤪肚有啲太冧，膀好嚡，湯底較另一間清，無咩味🫡少失望😔依個牛腩無咁重牛香味，肥多過瘦，好冧，有少少入口即溶feel🤤牛腩份量有啲少，但💰36，仲平過另一間，而且河粉份量都多，所以都抵食🤘🏻（我又係食唔哂個粉🤣）通菜🥬 跟餐💰無留意 好食過另一間，腐乳味勁啲，同埋無咁老🙌🏻

大埔道牛雜3寶，明興一直都係叫做「保守派」，事故佢係3間中嘅老、中、青，佢係辦演「中」嘅地位，無論價錢、環境、清潔情度、甚至口味方面⋯今日再嚟到訪，再會一會佢哋嘅牛雜，叫咗牛雜米粉配凍檸茶，共銀$32打破咗大埔道3寶，原本係裕泰叫做最貴嘅地位，裕泰粉麵+冷熱飲品$30⋯唔知係咪老闆今日心情一般，啖湯似乎淡左好多，無咗借日濃而且香嘅湯頭⋯再試啖米粉，不過不失係合格以上嘅⋯牛肚有毛肚同金錢肚，兩個都煮到好淋，好容易啖而且亦都入味⋯ 牛旁不過不失，不過小咗借日嘅香味⋯ 牛肺還算可以，但冇咗個份爽口⋯整體來講有D失望，我老遠香港搭車過嚟，或者真係再冇下一次⋯

好有歷史既店舖，座位同隔局都好似細個時去既粉麵檔，香港買少見少。師傅親手包雲吞，一路同食客街坊傾計講笑，有既係人情味。肥腩河，牛腸麵 + 淨食雲吞 + 兩杯嘢飲 (其中一杯係檸底可樂） 先$97抵食抵食，非常抵食💛💛💛💛🐮牛腩 清湯底，愈簡單就愈考功夫，味道香濃得黎唔係重味精，食到牛既油香&肉味。💛💛💛💛牛腸 夠肥夠香，夠乾淨，麵係重點，爽口彈牙，唔重梘水味👍👍👍💛💛💛雲吞有大地魚香，但豬肉多 蝦細粒，豬肉熟時蝦就老，應該要包得細粒d，等豬肉同蝦既比例可以一齊煮熟，咁就會好食好多。 而家周圍都係麻辣 酸辣 譚仔米線 ，而傳統既雲吞麵牛腩河 真係愈來愈少，屬於香港人 既味道，真係要多多支持💪🏼💪🏼💪🏼下次要試埋 附近嗰兩間 (網上好似話係同家分拆出黎）

【#牛雜專家🐮 】#明興剛剛係第二度食咗一個好差既卜午茶，條氣唔多順，決定食返碗至愛 #牛雜河。係 #深水埗 有幾間幾受歡迎，因為剛剛飲咗杯野，所以今次就揀冇包野飲既明興。今次醒目啦，望吓間鋪有冇人先🤣都有唔少，放心食👍 叫咗牛雜河，河粉幾幼滑，湯底味道適中，以前鐘意食濃味D，都會要求比魚露點河粉食，依度係冇魚露提供。材料都充足，唔係細細舊，食極都有🤣 埋單收你$25，#抵食 啦👍同場加映貓貓陪食😍推介指數：7/10#港飲港食 #深水埗美食 #平靚正 #牛雜

慕名而來明興整碗牛腩麵，雖然大排長龍，但係總算不枉此行，呢度冇分坑腩或崩沙，(利申：老闆娘盡量靚少少，太子會識做😚每次都冇失望😋)崩沙筋膜油脂適中，肥瘦恰到好處，每件都相當淋滑，唔柴唔痴牙，推介牛腩，絕對高質之餘對得住個價錢超晒班，至於牛雜普普通通，絕對唔係難食，略嫌鮮味不足，始終都係雪藏貨，但以$25/碗黎計經已合格有餘。湯頭之前試過太鹹太淡，今次剛剛好恰到好處，多蔥連金蒜，可算最佳拍檔。價錢就更加唔使講，價錢超乎質素，冠絕全港九。👍🏻

今次跟著網友介紹來試試這𥚃的牛腩米，比預期中好食及便宜。普通單併麪食$25.-加多$5.- 有熱飲。麵食份量也不小！也有雲吞及其他丸類食品。多士、三文治也有。價錢合理抵食。

🍴牛雜麵23 蚊牛雜新鮮 外表靚同足料 牛旁 金錢肚 小腸 等等 🐂 但個湯底味唔夠香 如果多 d 五香味更好 麵夠爽口 整體唔錯: 🍴牛腩米線 23 蚊🐂牛腩好有彈性爽口 牛肉味 juicy十分唔錯 米線就正正常常冇乜特別 但呢個價錢其實好好 🍴通菜 正正常常既通菜 點 d腐乳都唔會差得去邊😂🍴炸魚皮 🐟夠香脆 足料 唔錯🔥#牛腩 #米線 #牛雜 #魚皮 #通菜Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#明興牛什粉麵茶餐廳深水埗大埔道98 號地下~~~~~~~~~~~~~~

係三間同街粉麵鋪最平嘅一間牛雜麵料俾足，味道唔曳廿五蚊 依個質素實在無法彈啲乜同另外兩間比 佢性價比最高鋪仔細細 有埋茶餐嗰啲叫估佢唔到如果係住依頭 應該都係佢長期fans