時代豆業

Open Now

Now Closed

之前上o黎見到個個都話好食,咁arm經過,我就買o黎食啦,發覺,真係好好食喎,唔太甜,又抵食,正呀~

尋日同男朋友同埋佢個ｆｄ由灣仔行去銅鑼灣，必經呢度‧‧‧行開呢度，就梗係要去幫襯喇～我地要左幾款糕點，包括紅豆、綠茶、砵仔糕等等‧‧‧我每次去呢間買開糕點，就必會買紅豆糕+ 綠茶糕～因為真係好好味，又抵食～ｈａｈａ～～今次我地明明等左好耐，其他打尖既人買得仲快過我地，但係我地等左好耐想買‧‧‧佢地(服務員)都好似唔多show 我地咁‧‧‧希望下次唔好咁喇!! ><""

today bought 馬碲糕and green tea糕~share with mum and brother. the taste are both good~口感好煙"un"~my mum and brother both like this

成日去呢度買野食, 不論lunch 買番去做tea, 放工買番去個宵夜都好, 次次用二三十蚊都會搞到一抽二袋, 勁抵食最愛就係佢個白糖糕, 好厚片, 有白糖味之餘又唔會太酸, 食落勁鬆化, 十蚊三件, 超水準推介! 另一個係茶果, 本人喜愛係眉豆茶果, 味清之餘, 眉豆料真係唔係咁多地方買到架! 豆漿無咩特別但勝在夠平, 十蚊2支, 不過如果買一杯杯的, 我會推介要熱的珍珠豆漿, 但珍珠多少隨阿姐心意比, 睇你好無彩啦!! 糕點方面, 我就覺得麻麻, 尤其係馬蹄糕個味就最人造feel, 眉豆糕好鞋口, 應該話佢個d糕整體來講都係魚膠粉過多, 食落口感好硬, no good.但話時話, 佢真係要做下d預防, 因為我試過好幾次買野個時見到個櫃入面有蒼蠅飛來飛去走唔到, 勁係d糕上面痴來痴去, 係見過幾次喎, 唔只一次, 佢地要改改啦! 除左呢樣, 食物都好有水準, 雖然係攞貨, 但我試過其他區個d水準都無呢間咁好.

今日我襯住lunch time，又去買左0黎食喇!!我今次買左兩件綠茶糕。。。幾好食呀! 清清地咁，又唔會冇味喎~係幾清香既綠茶味~~Good ~~ ^^仲要係兩件/$5，超級抵食呀!!!!!!!以前一直去開紅磡先有得買到，但係宜家就方便好多喇!!我諗我會多多幫襯!! 呵呵~~~~~~~~....................... (傻笑中)

前言：每次去開紅磡都會去一間又係有得買芝麻卷、紅豆糕‧‧‧既店舖買幾十蚊返屋，企同屋企人ｓｈａｒｅ食既～近排０係銅鑼灣２０００年廣場返工，有次食ｌｕｎｃｈ既時候無意中比我發見到呢間又有得買呢類甜點既舖頭。（我開頭都以為係紅磡０個一間開既分店ｔｉｍ～）今日放工去買左十幾蚊返屋企食。發覺到紅磡０個間就係用發泡膠盒同客人裝住Ｄ甜點既，但係呢間就用左好似放蛋撻咁既紙同客人裝甜點既。。。一睇呢間舖有冇分店啦～　原來佢既分店就只係０係旺角，表示左紅磡０個間同呢間係無關既～不過有個問題想講既～就係我覺得個芝麻卷好似冇紅磡０個間咁長喎～我媽咪仲話短左一半ｔｉｍ～去紅磡０個間買既話佢會同你剪埋一粒粒咁既，但係呢間就冇既！就咁成條比你！！我覺得呢樣野要改０下喇！！味道：基本上佢個味道同紅磡既係冇分別！都一樣係咁好食，又唔係太甜咁囉～我特別係鍾情於佢既黑芝麻卷同紅豆糕～～我會再幫襯！！^^下次我會試我０係澳門食話既雞屎"謄" ~ ^^

眉豆糕和紅豆糕真的不錯，不太甜，而且多豆。$5兩件，正!

成日行開行埋都冇食過，都係因為次次都好飽咁行過... 終於有次買左件眉豆糕同馬蹄糕，好清甜!! 眉豆糕d豆好稔好粉，另一件... 如果多d馬蹄就仲好!! 不過估唔到細細件糕咁飽肚(其實都好厚件下...)，我食完一件過多大半個鐘先再食得落另一件...

茶果:我最喜愛吃眉豆餡,所以我選了眉豆茶果.這個茶果質地都幾「黐」,放底的「葉」都被「黐」得蠻緊.吃下當然有香香眉豆之味~不會太salty,只有少少鹹調下味.而我本身就中意食一d鹹dd既眉豆茶果..好似中央Library附近的一間舖.那裡沒有茶果,但他們的眉豆大大粒糯米池簡直逗得我很開心!芝麻卷:淡淡既芝麻汁(再形成的榚).吃下冰冰涼涼,不大甜,夠份量,滿足到我口腹之慾!最重要只需$5就可以擁有它!看真一點,你會看見一點點磨碎了的黑芝麻在其中~好芝麻的你,又點可能放過佢呀~雞士藤5粒為1pack)由某草煉出其汁液再加入糯米粉而成的榚點.隻味唔係人人都中意.質地似軟中帶lim的中國年榚.而味道當然係某草煉出其汁液再加入糯米粉的味啦!

行過好多次，每次都被她那些勁粗的菲林尚吸引住，但也因為每次都係食完飯先經過，所以惟有放棄。不過上星期五不同，收工後未食飯，咁又經過，買了兩件+一件花生糯米，芝麻卷好好味，不過都係細條o個種滋味，花生糯米，餡料過甜，但個皮勁煙韌，最後還買了一杯豆漿，都算唔錯，略嫌淡口了些少。

她們賣的糕點是攞貸的. 現家好多地方都有得賣la, 好似旺角, 土瓜環etc. 所以隨時都可以吃到好味的糕點!

20041117 7pm路過此地, 必幫襯買$5/2件千層糕, 清甜不膩, 最面果層又夠煙韌, 超正. 另外有眉豆糕, 馬蹄糕, 紅豆糕, 芝麻卷, 雞屎藤($10/3包), 等等. 不過個人認為還是千層糕最無得頂.

今日搞掂晒手頭上的工作，可以早一點蛇出去。同老婆在銅鑼灣行街，路經此店，順手買件糕食。平時食開5蚊兩件的，今次見有如菲林筒的圓筒型芝麻卷，大件許多，亦只是5蚊，就買來試試；份量真的不少，好似食來食去也食唔完的。味道同方型的芝麻糕相若，有淡淡的芝麻香，不過芝麻卷就用薄一點的芝麻糕卷成，口感較滑溜，5蚊咁平是一試無妨。老婆在好奇心底下買了千層糕，吃落頗甜，原來中間的是煉奶，唔怪之得啦！而另一件馬蹄糕有粒粒馬蹄又清甜，唔錯。5蚊兩件，食完已飽左一截。

昨天釣完魚,晚上落去銅鑼灣行下街,行街呢度,俾我發現一樣找尋已久的小食-雞屎滕.唔好聽到個名,或者見佢墨綠色就以為好核突,其實雞屎滕係一種植物,搾汁後加埋糯米粉,花生等材料一齊攪勻,用塊葉(唔知係甚麼樹葉)墊著來一件件咁蒸熟,就係好味甜點了.以前在屋企附近的街市,有一檔小食檔在清明前後都有賣,但幾年前已無做,而之前見雜誌介紹,大澳有個婆婆依然賣緊,不過我唔想山長水遠入去買,估唔到俾我見到市區有得賣,真的太好了! 於是買左一件雞屎滕($4,$10/3件)同埋一杯紅豆豆漿($5),邊行邊食.個雞屎滕係5粒一件,咬落好糯,唔算太黏牙,亦唔太甜,裡面有少少花生粒,如果分量多少少會好味d,不過整體覺得唔錯.紅豆豆漿係預先整好,無乜豆味,紅豆粒又同豆漿夾夾不入,麻麻地.老媽子生前勁喜愛吃雞屎滕,前兩次拜山都買唔到俾佢,有少少失望,但看來下個清明應可以買一些到佢墳前孝敬佢了!

呢度雖名豆業，但幫襯卻不為其豆漿，而是各式糕點，有日經過見佢賣相唔錯，價錢又幾平，就買來試試。發現味道還不錯，所以而家每逢經過都會買幾件返屋企食。糕點有多款選擇，如馬蹄糕、紅豆糕、眉豆糕、芝麻糕同千層糕等，其中馬蹄糕同千層糕個人認為最好味，這裡的糕以馬蹄粉為主，口感不俗亦唔係太甜，馬蹄糕有粒粒馬蹄，幾清甜；而芝麻糕亦吃到零碎的芝麻，芝麻味都幾香，如果一件糕唔夠喉可以食一條條的芝麻卷。3蚊一件，5蚊兩件，幾經濟抵食，值得一試。