朱敏記大牌檔

Open Now

Now Closed

上晒電視講到好正，即管去體驗一下～地方算大，都幾多枱。晚市真係要訂位先有枱，8點就滿晒！環境尚算乾淨，伙記算多，大排檔Style嘢食價錢偏貴，味道好一般。可以話比一般食小炒嘅餐廳更一般，冇乜鑊氣又唔夠惹味⋯除左杯檸茶大大杯夠茶香👍🏻同埋炒肥腸好食之外，其他幾個餸都真係幾差吓😓蟹糕粉絲煲淡而無味要落豉油⋯有客生日，伙記大唱生日歌兼送蛋糕的確係幾熱鬧，一到9點熄燈變Disco音樂大到刺耳頂唔順😅

朱敏記大排檔確實係一間幾"成功"的食店, 出品不怎麼好但卻幾有氣氛, 竟然都有不少顧客。1. 菜的款式很多, 不是傳統的港式/廣東大排檔, 幾有國內feel, 我相信應該不少是預製菜, 普通加熱或者半加工就可以上碟, 比起波仔多少少工序。2. 談唔上難食但又不算好食, 不算太貴, 但有部分預製菜對不起這个價錢。3. 部長很識搞氣氛, 但千萬不要根據他的建議去點菜, 我們祇有三人, 但他建議的幾道菜, 如400多元的豬雜鍋, 明顯是過多, 其他的記不起了, 但都是為求增加客單量, 寧願客人浪費。4. 我們見勢色不太對, 點了兩樣, 就轉場去其他食肆了。

今日一行20人嚟食Lunch，原來唔食小菜真係唔好過嚟，餐牌有7成嘢食都唔掂，陳村粉會轉河粉比你，豬油渣面會變左幼面，人手唔夠，態度唔好，如果因為佢有焯頭嚟試嘅話，一次就算。如果無咩特別，其實可以唔駛嚟試。夜晚我唔知好唔好，但lunch就算把啦。依家好多人話做飲食好艱難，呢一間餐廳其實個頭開得好好，好有創意及好有話題性，呢個係欣賞嘅，但如果因為呢啲細節位而浪費左之前嘅努力，咁就太傻。今次比個極差評你，因為堅差，老闆娘如果見到，就好好檢視下整體，無論服務同食物質素都好有改善空間，客係少一個就未必會再多返一個，自己諗。我會再試，不過過多幾個月先，希望到時會有改善

早兩晚經過e間餐館，裏面差不多滿座，出於好奇，今日約朋友黎食午餐，朋友點常餐，而我點乾炒牛河，每份餐48蚊仲包飲品，都幾抵，份量足可惜味道ok，牛肉有d老，我見到評語都話侍應招呼差，幸好侍應對我哋一般。會再去幫襯，估計吾會。

話說，今日路經長沙灣，到咗下午茶時間，求其入咗去食。嗌咗三個下午茶餐，等咗近一個鐘。吹咗幾次，話而家係下午茶時段，所以好忙。但係幾忙都好，一份奶油多點解要等一個鐘，中了伏。🥲

好日都唔落長沙灣，即管去 open rice 睇下有乜推介，叫咗個潮式獅蚶同羊腩煲，獅蚶一到即打個突，量少不在話，每粒 size 似波子，其後羊腩煲竟然有大量紅蘿蔔，唔知以為來錯牛尾煲，伙記話係西式煮法。成 $500 呀! 肉到赤哂。永不翻兜

見到呢間新新地 又好多人食諗住嚟試一試。食完一次之後唔會再返轉頭。 雖然呢間餐廳係食氣氛，但啲嘢食都要食得落口先得㗎，食物都勁鹹，d碗碟油油淋淋。淨係得一個優點就係有生啤飲。。。環境： 裝修比較新潮既大牌檔清潔： d杯同碗超油 有俾水你洗 記得要用紙巾重新洗一次食物：煮到超咸 好似想咸到你不停飲野

2/11/2024 黎食，第一次食，之前經過見咁好氣氛黎試下，係開心既，當晚有Jacky哥哥現場唱歌比全場聽，又有燈光效果配合，再加有道具送埋比我地打拍子。今日叫左5個菜，加2L 酒水，再加兩杯大大手打檸檬茶，總計要$9xx幾蚊，都幾貴，食普通野，又冇咩特色菜。味道麻麻但唔算話特別好味。

住樓上 見到咁多差評 但又見佢每晚咁多人 禁不住好奇心就試下有睇好多人就算book咗枱都要等一個鐘 我食8點就book咗一個7點一個8點 入去前睇晒其實都真係無枱 我哋好彩 兩丁友 接待個阿姐都係咁啱見到角落有個3人枱就畀嗰度我哋回歸正傳 因為係試伏 所以都費事叫咁貴 相都懶得影 淨係叫咗3樣嘢 蟹黃粉絲 $88 蟹籽扮蟹黃 就係普通屋企都整到嘅炒粉絲加一堆蟹籽同大量油 咩味都食唔到 得個油字炸蠔餅 $80 得個大字 應該改名叫「炸餅」梅菜扣肉 $98 無汁 梅菜無應有嘅甜味 扣肉尚算正常總結 成餐最好食 係強迫畀$18嘅脆皮花生不過講起呢兜花生 食之前我都有做功課 有睇到係無得唔畀錢 但我都照問唔食可唔可以唔畀 員工用「大部分人就算唔食都會畀錢 又唔限時又唔收茶位費 生意難做啊」嚟打發我 我知點都一定要畀就費事拗 但心諗 係咪我見識鄙陋 香港有邊間大排檔係限時 花生又要收錢 又要收茶位費？仲要呢度得熱水 無茶 同埋 呢三個月 每晚都好多師奶阿叔都嚟食 生意唔好？唔好就唔開生意啦 嚟緊仲開多間喺大角咀㖭所以 奉勸各位 除非好似我咁試伏 否則 無謂嘥錢嚟呢度食 又貴又無質素 歌又唔好聽

侍應當你透明，落單落極都落唔到，經過見到你嗌落單淨係會啤你一眼，然後就會直行直過👍🏻食物方面大家睇其他評論都已經知咩料，所以我都唔多講餐牌成本字典咁厚，但係我哋嗌餸五樣有三樣都話冇😨咁大本餐牌裏面我地竟然咁幸運點親嘅餸都冇尋晚最重點最搞笑嘅一件事就係，我哋食完飯出去埋單，見到張收據其中一項係脆皮花生，我哋冇叫過呢樣小食同埋亦都冇出現過喺我哋餐枱上。收銀員🤵🏻‍♀️ 我屋企人👱🏻‍♀️🤵🏻‍♀️：呢個係餐前小食，每一台都會有👱🏻‍♀️：我哋冇呢個餐前小食喎，同埋都唔知有呢個餐前小食添，可唔可以取消？🤵🏻‍♀️：唔可以取消，打左單係唔可以取消👱🏻‍♀️：…..ok最後我哋孭晒袋準備離開嘅時候，佢哋放低碗花生喺我哋張枱度，可能侍應見我哋俾咗碗花生既錢，所以想我哋食埋碗花生先走啦或者…真係多謝朱敏記，10分驚喜嘅一晚👍🏻

食物選擇多，份量大，坐位空間感可，職員態度親切，不如一般人說的差，氣氛良好，食物質素可，不過不失。我自己會再來。冷氣大，光線充足。凍飲可加大，好似勁飲大賽😆。

之前朋友打電話訂左位，成班人去到居然話有訂幾多位，要重新在門口排隊，做餐廳訂位必然要問人數留枱的，在餐廳對質時也有其他人是這樣，可能是慣性手法，後來去左第二間食，不死心又黎多次，訂位時講明有位先幇我留位，冇位請講清楚，成功留位，但食品質量好差，餐廳噪音好大，不會再光顧第二次。

這間餐廳近來在長沙灣非常出名，除左係因為在地鐵站附近的新商場開張外，店內氣氛和裝修也受到很多注目和宣傳，所以經常大排長龍，於是就嚟試試一來到門口已經見到餐廳誇張耀目嘅裝修，有好多大字標語，豬油好處多等等，門外長期有大批人等候以及食煙🚬 門口空氣非常差，等了好耐才有位置，餐廳大，但座位比較迫而且嘈吵，菜單選擇都算多，但唔係香港地道嘅大排檔菜式，所以唔太岩胃口，價錢亦相當之貴，一碟通菜或者芥蘭都要收$100以上，雖然冇加一🫠 但係都有其他雜費叫咗幾碟餸，好多都係偏辣，又唔容許走辣椒，個碟好大但係實際份量就普通。我地要查詢食品的辣度時，餐廳侍應服務態度非常差，對客人要求不瞅不睬，本身上菜速度慢，等咗好耐先有嘢食，進食時間只有一小時，未夠一小時已被提示要離開，除咗餐廳有氣氛外，幾乎冇任何優點，之後都唔會再考慮來食🙁

預約左8點晚飯，7點8已經到達等位，一直等到8:30都冇位⋯中間老人家聽嘢唔清楚，問咗兩三次等位情況，門口接待態度十分惡劣，手上嘅接待牌差啲整到老人家，我哋叫佢態度好啲嘅時候，佢就不斷反駁。當最後決定唔等，同佢講嘅時候佢就拉住叫你唔好走、繼續等⋯人好多唔係態度差嘅藉口，前邊嘅枱應該要同啲客講清楚食幾耐，唔係俾佢無限咁坐，若果唔係後邊根本唔需要訂位！唔應該諗住可以翻枱！見到佢不斷叫外面嘅客人（非訂枱客）入去，冇處理到啲訂枱嘅客，服務非常差！就算食物有幾好食，有幾多網上嘅人介紹又如何？不值一去！！！

中伏了，真係未試過一間餐廳要打食評怒小 首先book左房又話冇，份量少又好叉貴 一人一啖就冇啦，好啦，貴都算，又要好x難食 檸茉係好大杯 好大杯水味黎架，平時黎大排檔都唔會要求有幾乾淨幾企理，呢間污糟到不得了，碗油淋淋好似冇洗，地又油到跌腳，今時今日仲有呢d地方？ 坐低都周身唔自在，唔明點解呢間野仲有生意，下不為例，麻煩唔好再呃大家 真係好嬲 疫情後諗住一班人食得開心，一人一啖冇x哂 人均埋單都兩舊幾但唔叉飽，我食五個m記餐都冇咁嬲😡🤬🤬🤬🤬🤬🤬🤬🤬🤬 I was impressed when I ate without reading the reviews. I have never tried a restaurant and I have to criticize it. First of all, Book Zuo Fangzai said that the portion is small and expensive. Okay, okay, it’s expensive, but it’s also good Is there any place to wash the