東泰茶餐廳

Open Now

Now Closed

呢間茶餐廳由開業至今嘅食物質素係條街來講都算ok，所以一直都有幫襯開，唔知係咪嘢食ok變相啲侍應嘅服務態度就由好變差，平時啲女侍應嘅服務態度都OK，男侍應就不敢恭維了，有時食嘢問少少野都似好唔耐煩咁回答，以為係自己問題，但見其他食客都係咁，若再冇改善寧願去少啲算

一嚟呢度都係食早餐今次就試吓食晚飯啦。兩個人叫咗個套餐都係＄115，可以叫兩個小菜，我就叫左西檸雞同埋瑤柱鮮菇扒時蔬，想講嘅係西零雞比我想像中好食，因為佢炸得啱啱好，雞皮好香而且又夠脆，食落好多肉汁，又唔會太油膩，西檸汁又整得好好，唔太酸，唔會好淡，汁到好足料比較厚身。另外仲有個粟米羹，當湯飲。暖粒粒。不過味道就喎不過不失啦唔算話好特別。最特別都係個西零雞，下次來呢度都會再叫。

幾乎一個禮拜都會有兩日起度嘆佢的早餐，而本人最愛便是他的沙嗲牛面配腸蛋加多士，之後再嚟多杯香滑茶走奶茶。有時都會落嚟食個下午茶，佢個奶油豬仔包都唔錯，夠曬脆口😍

沙嗲牛肉公仔麵配火腿煎蛋多士最鍾意食就係呢度嘅沙嗲牛肉麵，我就覺得佢呢度嘅沙嗲就比其他茶餐廳更加好，配埋熱飲都係＄29佢嘅沙嗲汁係有粒粒嘅蒜蓉同埋洋蔥，所以係比其他我所食過嘅沙嗲更加野味更加香，加埋佢啲牛肉又唔會硬，所以呢個我會比滿分佢！而且同埋佢嘅多士，係比其他餐廳更加香脆，佢嗰啲牛油唔會得好少，啱啱好！

東泰是本人周末的飯堂之一，通常都是人家提議去我又無咩 preference 便跟著去，反正這裡坐得多人冷氣夠勁又有電視睇，不錯啦。未成為 flexitarian （彈性素食者）之前，我愛吃它的常餐：蕃茄茸雞扒湯意粉+蔥花煙肉碎炒蛋+牛油厚多士+咖啡或茶（$35）。我喜歡吃蕃茄類食品，而且湯酸咪咪的也不錯吖；炒蛋加了點蔥花和煙肉碎也沒有齋食炒蛋那麼悶。至於現在我當然有新歡：咖喱什菜飯（$44 跟餐湯和熱飲）。這一味我在很多茶餐廳都會點來吃，每家咖喱的做法都有點不同，這裡的撒上一大堆炸蒜茸，很香口；咖喱是椰汁底的不過椰汁落得不算重手，反而比較香辣。什菜甚為豐富，有西蘭花、蕃茄、薯仔、洋蔥、茄子、蘭度等等，跟咖喱汁很好下飯。

三個人早餐，坐到六人卡位但六人卡位只得一張早餐餐牌，若真的坐六個人，大家輪流睇，浪費曬啲時間叫咗個「皇牌早餐B」嘅沙嗲牛肉麵、火腿炒蛋、熱檸茶（$24）食物都好快上齊，欣賞係餐具執好後放入個籐籃，比較企理！留意到呢間茶餐廳嘅用具，例如紙巾、碟都會印咗餐廳名熱檸茶---用厚陶瓷杯上，保溫能力夠好，食完個餐先飲都仲夠熱! 茶底夠濃，不澀！火腿炒蛋---火腿一片，正常，雖然叫炒蛋，但上枱見係煎蛋皮，雖然薄，不過煎到內部半熟，都滑，配埋香脆牛油多士食！正！沙嗲牛肉麵---雖然無加錢轉出前一丁，個麵底亦幾好，淥得煙韌，牛肉平時我唔食，今日食咗三塊，不會「嗱」到無哂味，沙嗲汁香濃，不過食完好口渴，味精都幾重手！呢間茶餐廳開到好夜，有波睇，內部亦用球隊旗幟裝飾，地方光猛乾淨，落單阿姐比較慢，要每個人講幾次先寫得到，不過都有覆單！

假期的用餐時間不按規矩, 到了下午茶時段才想食, 七姊妹道的茶餐廳從不讓我失望.肉醬意粉是即叫即焗的,熱辣辣,香噴噴.焦焦地,閃下閃下.肉醬中有粒粒甘筍,肉粒乾爽,茄醬香濃,但不膩.意粉有嚼勁.食完碟底無太多剩油.餐後不口渴.香港幾好都有

6月底的一個晚上,下班後有點餓,和同事坐的士到北角找點吃的,最後決定一試東泰茶餐廳兩位男友人都很餓,分別點了白汁魚焗飯和酸辣牛肉焗飯,聽說好像不錯.2人差不多全份吃完,應該是滿意其出品吧!我就來一份生炸雞脾沙拉吧~雖然要等,不過生炸雞脾真是不同的呢!雞脾表面很脆切開還有肉汁,是不錯的!份量也不錯,沙拉汁下的有點重手,不過可用來點雞脾,是不錯的!再來一杯凍OT,滿足了!

七姊妹道好多茶餐廳, 大部分質素尚可, 唯獨東泰茶餐廳在水準以下1. 羅宋湯 - 正常2. 煲仔飯 - 全條街 o既茶餐廳都有供應煲仔飯, 不過東泰茶餐廳o既煲仔飯真係最差, 肯定係先煲熟 D 飯再放入煲, D 餸亦唔得, 失望3. 常餐 - 沙爹牛肉通粉正常, 煎蛋難食, 水汪汪, 再配白麵包一塊, 唔得服務水平亦係全條街包尾

晚上9:30完成手頭上的工作，肚餓非常，於是急急腳到附近食飯！ 見東泰開至凌晨，選擇也夠多，有幾部大電視又有卡位，一於入去開餐！我揀左個焗意粉套餐，盛惠$34！ 羅宋湯：很驚喜，足料炮製，味道拍得住出面西餐廳！ 芝士焗白汁火腿蟹柳意粉：份量十足，熱騰騰，意粉夠彈牙而配料又夠多，除左火腿、蟹柳之外，仲有磨菇同埋甘筍！ 熱奶茶：幼滑香濃，個茶膽唔錯！

　　　　因為七點半才上課，我又很早下班，於是想選一間比較安靜的餐廳，看一會書。這裏的下午茶餐至六時。　　　　見到這家餐廳人比較少，看起來應該比較安靜，於是便推門而進。　　　　我要的仍是下午茶餐，要香腸炸菜肉絲麵，配熱奶茶。　　　　先上來的是奶茶，茶味夠甘香，奶和茶的比例恰到好處，沒有苦澀味。　　　　麵方面，也許因為我是要炸菜肉絲的關係吧，炸菜和肉絲十分油膩，一層油很明顯地浮在碗面，加上香腸本身經過醃製，因此十分鹹，而所用的麵料也不夠上乘，咬下去像是福字麵一類的麵，比較稔軟。　　　　我有點失望，可以只花２３元，就不能要求過分。但服務員的態度倒是十分懇勤，我一邊吃東西一邊看書，夾在書裏的是一頁紙，突然飄到地上，服務生立刻趕忙替我去撿。而且十分有禮貌，絕不敷衍，值得嘉許。

三月十二日，放完一星期的病假，早上預備返回工作崗位，晨早流流電話響起，原來靚女同事因沒空來探病，想請我吃早餐補數，心中感到震撼，損友常言道：「有食唔食，罪大惡極。」便答應她。來到這間前身叫「精點心」的舖位，現已是茶記，店內掛滿了英超球隊的隊旗，晚上若有超級隊伍的球賽會吸引街坊入座。我們選了卡座，點了一份鹹牛肉芝士三文治，一份沙爹牛肉麵配火腿煎蛋，兩杯咖啡。咖啡味道普通，不過不失，沙爹牛肉麵，同事說好味，沙爹香辣，牛肉腍，麵OK，煎蛋與火腿無特別評價，多士新鮮。我的三文治，芝士配鹹牛肉，不及雞蛋配鹹牛肉好，因缺少了熱力將牛肉味提昇，一般而已。邊看著電視播放的晨早新聞，日本海嘯席捲千畝農田，場面更是震撼，確要為今天的「活著」而感恩。

又响公司附近揾食, 今次去咗"東泰茶餐廳"叫咗馬來炒貴刁($34)+熱柑橘蜜(+$6)貴刁即係普通河粉, 好乾, 雖未至於斷晒, 但質感唔好味, 無咗河粉啲煙"un"雖然顏色好鮮艷, 但好淡, 無味嘅淡,要落啲辣椒醬先入到口 熱柑橘蜜係即冲貨色, 味道唔差但過甜環境以英超球會旗裝飾, 有大電視睇坐位亦唔算迫, 亦都乾淨服務就好睇撞到邊個侍應, 因有個女侍應催我哋落單, 不過佢都唔係無禮貌, 粗聲粗氣啲啫但有個男侍應就同我哋講笑,

上回已經說過要掃清這條街的茶記的，上回去了找美美，今天就來了較近北角的東泰，這個名字聽起來有點韓國仔的感覺。題外話也不說太多了，此店都是有卡座的設計，四人座都幾寬敞的，一人佔了個四人座，加上冷氣夠勁，炎炎夏日都非常舒服，之後就看有什麼早餐吃，除了一貫的火腿通、沙嗲牛麵或雪菜肉絲米配火腿蛋之外，被我發現有一個較為特式的早餐，就是菠蘿包加羅宋湯粉，最後本人要了通粉配羅宋湯，另加了兩元轉菠蘿油，餐飲就是一貫的熱奶茶。先來的是菠蘿油，店家是分開鮮牛油及菠蘿包奉客的，塊鮮牛油都挺厚身的，夠硬身又夠冷，然而菠蘿包就有微熱又夠脆，雖本人不太相信店家有自家焗的麵包爐，但至少店家肯用焗爐再烘過，麵包熱得來菠蘿皮仍是非常之脆，入口鬆化酥香，而包身鬆軟有包香，配合硬度得宜的鮮牛油，滿口的牛油香令味道更是美好。是日這個羅宋湯的通粉，其實全名是羅宋湯餐肉粒通心粉，個湯入口果然夠酸，一股酸香迫到鼻子裡，加上又夠熱，美味也！可是個人認為其肉味比較單薄，層次就比較單薄，但念及甘筍及椰菜等雜菜都煲得軟腍甜香，加上藏了湯的坑紋通心粉吃，通粉夠腍，湯夠酸而開胃，加上切得夠大粒有鹹香的午餐肉粒，一羹入口又是美味，但論湯底，都

今日比平日較遲吃早餐，所以午餐時吃飯的意慾不大，結果都是隨意的走進了這間茶餐廳吃個快午餐。記得東泰開了約一年左右，對上一次吃已是新開業不久，餐廳大部份都是卡位，很寬敞，坐得舒適，吃得寫意。個人覺得是七姊妹道之中，相比起東橋、美美、翠河及樂天......等，東泰是最好吃的茶餐廳，亦由於咁樣，所以開業以來午市都經常爆滿，這亦是為何我今次是第二次來的原因之一......午市一如以往爆滿，幸找得一個角落坐下，才不用等位今日不吃飯，選了個很有早餐feel的常餐，有沙嗲牛肉湯通粉、牛油厚多士、蔥花煙肉碎炒蛋及熱奶茶。先來碗沙嗲牛肉湯通粉，沙嗲味夠香，牛肉亦夠嫩，只是份量有點少，而最值得一讚的餐廳選用的通粉是大粒有坑紋的那種，通粉較厚身，吃落不會腍"pat" "pat"，咬落帶點張力及麵粉香，難怪阿蘇都話佢鍾意食有坑紋的哩種通粉......有驚喜!!!接著來的牛油厚多士及蔥花煙肉碎炒滑蛋，厚多士只是單層，兩面都烘至微焦，其中一面塗上牛油，咬落鬆軟得來又有牛油香味，味道雖不及澳牛，但也不差。至於那份蔥花煙肉碎炒滑蛋就很難吃，蛋炒得又老又乾，硬崩崩的，一點蛋汁也沒有，相比起澳牛，當然差幾班，意料中事。餐