東煲西炒 (Closed)

12月份呢個秋去冬來的季節，又是令人想去食雞煲火鍋的日子😄 今次到了這間東煲西炒嘗試它的火焰雞煲😎一睇餐牌，雞煲配搭的選擇還算豐富，但有些取名真搞笑，叫什麼奇味，苦味，甜味，心諗邊有人會叫苦味...😅 本着勇於中伏的心態，最後還是叫了一個奇味雞煲👽等了10分鐘左右，雞煲終於來了，原來比想像中的大，份量十足，離遠已經聞的乾蒜和雞爆香的味道，未食已經覺得好野味。細看之下原來還有蜆，洋蔥，香芹，雞肉應該經過爆炒處理，吸收了各種配菜的味，非常入味，十分有鑊氣。如果有碗白係度有更正😎😋👍 另外，我們叫了一個炒飯配燒鴨。燒鴨一般，幸好肉質還算嫩滑，但皮有啲韌。炒飯一般，可能雞煲已經很野味，再吃這個炒飯略為偏咸，如果改為白飯應該更好，自己配搭錯😶總體嚟講，這個奇味火焰雞煲非但沒有中伏，比想中還要好食，值得一試。

踏入2017年底2018年初, 朋友間晚飯聚會相對比較多.最近聚會都安排在觀塘區, 因為近朋友上班的地方, 又近港鐵站, 大家都比較方便.這間主打雞煲加任食火鍋的店子開業半年左右, 選址在美食雲集的觀塘.這裡以套餐形式收費, 套餐包括1款雞煲+點心拼盤+任食火鍋配料及任飲飲料.選了魚翅雞煲(每位收費$168), 奉送點心拼盤和海鮮拼盤.點心拼盤, 有咸甜點心6件, 味道不過不失.海鮮拼盤, 有大蝦, 蜆, 生蠔, 扇貝和青口.至於任食火鍋配料, 則分為肉, 海鮮, 手打丸, 餃及丸, 粉麵, 蔬菜及其他類別, 選擇也算豐富, 能滿足各適客人.海鮮的質素也算不錯, 味道鮮甜.飲料方面, 提供啤酒, 汽水及健康飲品, 在雪櫃裡自行拿取, 選擇相當多樣化!總括來說, 以百多元的消費, 能有這麼多的選擇, 實在非常價廉物美!!

觀塘東煲西炒，好耐未試過咁難食嘅雞煲同火鍋，牛肉非常鞋，雞煲嘅雞肉非常之硬，所有配料冇樣好食，可以講係難食，海鮮唔新鮮，唯一值得讚就係佢有三個鐘頭時間，一定5會再來

之前幾日凍次冰又係食雞煲既時候！今次一行4人去到呢間餐廳食我地係星期六大概7點幾8點去既，都好彩唔洗等位叫左個奇味雞煲佢既味道又唔錯有少少辣但又有d甜甜地既感覺，係同平時食既雞煲有d唔同既佢呢到食雞煲係會送個海鮮拼盤，有蝦、元貝、蠔、青口都幾大隻架！除左送既海鮮拼盤，火鍋配料都有好多，而且質素都唔差價錢方面都係$168加一咋，就可以任飲任食，限時3個鐘！同成班friend吹下水就最岩啦！

自從觀塘多咗唔少食店後, 我間中也會與友人去那區覓食, 今次我地去了東煲西炒食火鍋. 我地選了特選雞煲套餐. 當中包括一款火焰雞煲, 點心拼盤, 火鍋雜錦拼盤, 任點任食火鍋配料和飲品. 另外, 每位加$88, 可以配埋海鮮拼盤. 點了火焰黑草羊雞煲. 在客人點前整個煲, 即時香味撲鼻. 我地先食個煲, 可以一次過食晒羊和雞. 我本身唔太食羊, 我也食了一件試下. 羊肉尚算入味, 也幾稔身, 而雞肉能保持嫩滑, 味道調教不錯. 點心拼盤. 估唔到晚飯也有點心食. 點心的皮夠薄, 幾好味. 海鮮拼盤, 包括大元貝, 沙白, 生蠔, 青口, 蝦. 我自己最愛食大元貝. 火鍋雜錦拼盤. 當中有手打丸, 肥牛, 自家制餃子和蔬菜籃. 火鍋當然不少得肥牛, 牛肉完全唔乾和硬. 另外, 我自己愛食丸, 入口幾彈牙, 手打口感係有所不同. 食了多款的肉和丸, 最後, 就係食蔬菜, 可以中和一下. 基本上食完雞煲和套餐的配料, 已經好飽, 我地就無點其他配料.

呢間係觀塘嘅 任食雞煲 $198/1，任食3小時晚上7點，食客仍然唔多！舖內擺放細枱較多，所以通道唔會好陝窄! 環境都唔算嘈，傾計仍然輕鬆!鴻福堂野飲款式隨時多過超市點少得，好多韓國飲品！仲有韓國hite可以啤啤佢！總共有4排雪櫃 嘅野飲提供，總有一款岩你口味！任食邊爐料成張a4紙 甘大張，可惜眼闊肚窄！調味料係飲品櫃旁，但太多人就無影。仲送點心一盤 ，外皮似薄嘅蝦餃皮!餡就似潮州粉果嘅朋友。海鮮盤到喇，雖然唔算豐富，但都幾大隻。主角終於出場喇，黑草羊奇味雞煲黎喇！驚喜位之二係黑草羊肉，肉質帶甜，炆到超級稔!肥膏部分入口即溶😍羊肉竟然一D羶味都無令我對羊肉完全改觀左!同埋黑草羊係膠質最強ga!岩晒我補充下流失到所剩無幾嘅骨膠原食晒雞煲就放湯打邊爐!呢粒龍蝦沙拉丸唔係度度有ga, 食落濃濃嘅千島醬走出黎丸類都幾新鮮。牛丸彈牙有咬口，飛魚籽魚旦彈牙咬落卜卜聲，好多蟹籽!蔬菜盤都幾新鮮！食到飽飽，黑草羊味道仍然難忘，仲有超多款野飲選擇! $198 @3小時！環境算寬敞唔嘈，值得推介!

冬至落嚟食午飯 開茶等左十五分鐘都未到👍🏻 搵左個侍應 佢竟然話你張枱開茶唔喺我負責喎 你搵邊個開你搵翻佢拎😁 結果等多五分鐘先到茶到 就剩喺得茶 滾水都無 啲碗碗碟碟又污穢 無水要人點洗呢？ 算啦用茶洗啦 結果原來點心紙都喺要舉手搵人拎嚟 搵第一個 侍應「得無問題👌🏻」過左五分鐘都喺未有 見個部長行過又問佢拎點心紙 「得好快👌🏻」又等等左五分鐘去到最後坐左三十分鐘 單又無得落 水又無得飲 想比錢消費都唔得😭 見隔離抬有張點心紙又無人坐拎嚟寫住先 結果又喺嗌咩無咩 劃左八款得一半有🤣下次行過 我就唔會再幫襯佢地啦😂

只係貪放便，隨便找了這家。但竟然有驚喜，有海鮮盤送，再有8折。每人都不用$200.海鮮算新鮮，不過肥牛就麻麻。其他的都不錯，特別推介係飛魚子墨丸，真係忍唔住叫多轉。

呢兩日咁凍又係我呢啲雞煲怪出動嘅時候！平時固定去開柴灣食，今日放工朋友介紹一間又平又抵食即管試吓！6點去到完全冇人🙄心諗冇人唔通唔好食😨之後七點開始就勁多人多到要等位🤣＄198任食火焰雞煲！我哋叫咗＂花膠扒奇味雞煲＂同黑草羊雞煲＂非常貼心地竟然有點心送，係凍冰冰嘅天氣有熱辣辣嘅小籠包同粉果👍🏻味道不錯！嘢飲都係任飲款式選擇亦好多，大部份係火鍋涼伴🤣好似竹遮茅根同夏枯草，全部細細支飲完可以轉第二隻味🍹到主角出場雞煲一上！就有表演睇🤣🔥啲姐姐用非常純熟嘅手法好似一啲都唔驚火咁，我哋個個都睇到wawa 聲😨原來用火燒左之後味道會更加濃同埋可以令到雞煲keep住溫度！雞煲果然係主打勁好食！雞肉嫩滑而且入味肉質係偏乾身，我個人比較唔鍾意油淋淋嘅質地，辣度我哋揀咗中辣，我覺得可以再辣少少但成個雞煲整就好香，花膠扒都大大塊，絕無欺場，而羊肉就偏肥少少，味道唔會太蘇，啱返香港人食👍🏻另外每人會送一盤海鮮拼盤，任食來講質素算唔錯但未算最新鮮，走嘅時候所有同事都食到好飽🤣滿足！

和同事在觀塘吃午飯，天氣漸涼，大家都想吃雞煲，於是試一試這間東煲西炒。奇味沙白雞煲詢問餐廳待應，奇味的意思是少辣，適合一眾喜歡雞煲但又怕辣之人。雞煲上枱後，大家都很興奮，份量多，雞件厚肉，少少辣，咸咸地非常惹味，沙白大大隻，非常新鮮。欖菜肉鬆炒飯另點了個午市優惠餐，炒飯有鑊氣，超大碟，足夠七人食用。脆皮燒鴨燒鴨是例牌份量，骨多過肉，相對來講比較失色。鹽水灼時蔬經鹽水灼過後，每條菜都有少許鹽味，味道不錯

星期二，7:30，6人光顧！辣酒螺雞煲好好味，贈送嘅海鮮好新鮮，啲蝦大隻過手指公，扇貝好鮮甜，手打丸好好味！環境好舒適乾淨，店員有禮反應敏銳！價錢抵，任飲任食，質素好，整體都滿意，會再光顧！

第一次黎哩間食雞煲，食評好似唔錯，但結果好失望。去到食左個由呀姐推介嘅雞煲，諗住實無死啦點知雞煲無味，啲呀姐態度好差，同佢講無味，佢將個責任放返係你到，話你應該簡個辣啲嘅。但個問題係啲雞完全唔入味，我唔食得辣都覺得無味，問佢可唔可以廚房拎少少雞煲醬，佢話無，話唔夠辣就出去加辣椒粒，加沙嗲醬。我同佢講「完全唔係雞煲味wor咁」，佢話咁無辦法，都算，中間仲要有個呀姐走黎插把口話「你加左湯咪無味lor」，個問題係加湯前都無味，佢個底又lone啦，咁你都要加啲湯先架。咁嘅服務態度真係好差，好失望。另外，我地試左啲海鮮，應該冰得好耐，生蠔變蠔仔但入面都係凍，啲蝦有啲霉，同埋啲牛有啲怪味，好似洗潔精味咁。唯一正常係啲淮山，菜同啲丸。以後唔會再黎食！

3小時的雞煲火煱 ~記得要係openrice訂位有8折，原價$168 ，加$10醬油，茶錢，加一，最後埋單每位盛惠約$160，真係好抵食我哋一行4人訂咗6點半，可能時間尚早，當時只有幾枱客，地方都幾舒適，乾淨企理！跟住開始陸陸續續有好多客，都坐咗9成滿……雞煲香口，海鮮食材都算新鮮飲品仲有好多選擇，我鐘意鴻福堂嘅系列仲有韓國啤酒唔澀口，正大叔員工服務好好呀，細心 ，面帶寬容歷時3個小時的晚餐，朋友們開開心心暢聚一晚

Went there on a Friday evening with a discount. The price is acceptable and staff is okay, but food quality is really bad! The food looks alright when you take a picture but most of the things are very tasteless and not fresh, seems like everything was frozen for a long time and has lost the flavour. Wouldn't recommend it!

今日同同事食飯，有人提議食雞煲，有人提議打邊爐，最後我哋決定去東煲西炒，一次過滿足晒兩個願望。由於係大班人食飯，有人食多、有人食少，夾錢好難分得平均，所以選擇任食係最公平又輕鬆嘅方法。東煲西炒雞煲做得靚。而且價錢真係平到唔信，168元雞煲連配料任食，嘢飲同啤酒又係放題，係觀塘嘅朋友，千祈咪錯過！一入到黎，已經滿晒座，好彩有定位，否則都食唔到！進入冬季，東煲西炒都推出一啲合乎時令嘅雞煲。雖然貴少少，＄198 ,但係用料完全唔一樣，所以我哋都叫咗兩個198元升級版！黑草羊雞煲 HK 198黑草羊本身已經係貴價貨，你睇吓佢肥瘦分明，真係好好食，但有少少羊肉嘅肉香，一點都唔腥，最感動係羊肉非常柔軟，連皮一齊食，好滋味！有兩款啤酒係任飲嘅，所以食雞煲飲啤酒，唔需要就住就住，想飲就放膽飲吧！花膠扒奇味雞煲 HK 198小小辣嘅雞煲，本身已經非常入味，加上大大嚿嘅花膠，滋味又養顏，真係冇叫錯！呢個價錢超值！要回本，當然唔好放歌佢哋幾開先，開先唔係一般放題嘅貨式，大蝦同扇貝都非常新鮮，值得一讚！隻蝦大個我嘅手板，咁重本，真係超值！肉、丸類同蔬菜都係必食之一，任叫食！連點心都有，真係咩口味都俾佢照顧晒，