松茶榭

Open Now

Now Closed

同友人在鑽石山找個寧靜環境坐低慢慢食慢慢傾偈，坦白講黃大仙慈雲山佢真係冇乜食店環境寧靜。所以貴少少都要試呢度。第一次試食，知道食物款式不多，中國茶款式仲多過食品款式，唔係騎呢古怪嗰種，係真正傳統中國茶。你諗唔到的茶具都齊全，最貼身係職員會教我哋點用，呢點值得稱讚。原本志在茶靚環境好，諗唔到環境意外正，呢個區域簡直一絕。水分次煮滾沖茶，好夠熱，我呢啲飲茶行外人來講，滿分！素食點心夠熱、新鮮好食，薑汁紅棗糕好夠薑😆，真係一試難忘

這個品茗的地方在香港實在是非常難得，同店員傾過偈，呢個地方係希望提供一個寧靜嘅環境給客人靜下來，洗滌心靈，所以人少少是好的。咁多年來來過三次，今次選擇獨自一個人來mindful tea brewing，飲大紅袍（糭葉香) ，素食點心一個人食咗四份☺️包括糯米雞、蘿蔔絲酥餅、蒸松露餃、紅棗糕，味道唔錯，服務很貼心，店員很安靜的來去，不會打擾我在等待茶泡中間幾分鐘的冥想🧘 一個人坐了接近兩小時，被優雅的實木建築包圍，外邊有一點點簡約石景園林，一點點苔蘚的鮮綠色，非常感恩有這個空間休息一下🙏

我哋相約來這裡歎茶差唔多一年，之前我嚟過覺得好舒服，所以必須帶舅母再來，由她教我怎樣使茶具及沖茶技巧。因為疫情並且這裏有時要裝修，所以一定要預早預約！這裏點心唔算多，睇到我張收據就已經係7788嘅點心，每一款都好精緻悉心做，配合唔同種類嘅茶有唔同嘅效果！今次舅母話想試肉桂王，兩個人一盞茶，剛剛好，記得上次係試過白雞冠，完全清香，喺呢個寧靜嘅環境慢慢品茶，絕對非常舒服傾偈可以靜靜地，放下平時繁囂緊張的生活！

兩個人點了兩壺茶。服務態度很好啊。店門口寫得很清楚，裡面不准拍照，不能大聲喧嘩。尊重店家的規定就好啦。店裡面也是很清幽安靜的，也不忍心去大聲說話，打擾了清靜。就是茶比較淡。點了比較濃的鐵羅漢和水仙王，沖泡了五次，就很淡了。自己煮水，自己沖泡。可能不是專家，也就隨意泡泡來喝。出品可以接受。環境也是很愜意。店裡也沒有茶果子的，有曲奇，還有一些素點心。這個就看個人了。我覺得有茶果子更好，但沒有也無傷大雅。難得找到一個寧静地，不用被打擾，又沒有用餐時間限制。滿意。

成日都去鑽石山廣場行，都無去過南蓮園池行過，行到入面發現咗一間茶館，茶館的設計風格中國風，配搭住出面的松林景色，靚安逸舒適。配搭住一壺靚茶和點心，好似與世隔絕咁。如果想穩一個靜下心來的地方，呢個係其中一個選擇。

南蓮園池入面原來有個咁靚既茶舍～入面係飲武夷岩茶、陳年普洱等等。第一次體驗我地揀左兩款比較入門款既茶，反正我地都唔係好識品嘗😂呢到環境好舒服，心情真係好舒服，飲完茶仲可以周圍行下，成個南蓮園池都好靚！估唔到咁靚既地方就係市區入面.⊲ 松茶榭 ⊳📍 #鑽石山 #南蓮園池

以前來環境清靜，能讓人好好放鬆，讓身心靈好好休息，亦是品茶的好地方。今天又到訪很可惜，幾枱客大聲講大聲笑，嚴重影響別人🤦‍♀️😤和朋友點了兩款茶，其中的不知春茶性溫但茶味佳，點心亦好吃，他們的曲奇鬆脆，但就是周圍茶客太騷擾，今日敗筆之一。希望有心去的茶客都想清楚自己是否適合去這間茶舍。要高談闊論，大聲分享的話建議選擇其他餐廳，在香港能夠讓人靜靜品茶的地方本來就不多，希望大家能在這片清靜地輕聲細語。以前的環境一定給5星，就是太吵了扣了。因為茶舍不鼓勵拍照就隨便只拍了一張貼上來。

平時鍾意在香港發掘d有特色嘅地方，俾自己一個放鬆/旅行的感覺南蓮園池內的松茶榭，由進入公園到沿路到茶館，都像身在小京都⛩南蓮園池的佈局以水為主體建築物和建構為唐代園林的藝術特色真係到處影都好多打卡位周圍人不算多，而茶館和公園範圍唔可以大聲講話🤫也較嚴謹，但就是因呢個原因，令地方格外寧靜😌🌳🌳進入松茶榭茶館時，會安排先更換拖鞋，，到店內手機請關上靜音，😌🍵店員會介紹各種茶種和示範泡茶技巧點了兩款茶性温的茶🍵白雞冠 6g( $200) 和山家普洱 6g( $190)可泡6~7次個人較喜歡白雞冠味道不會太濃，茶香芬芳 清涼甘美如喜歡味道較香濃的山家普洱也很不錯鮮明層次，回甘生津蘿蔔絲酥（3 pcs)＄48外層酥脆，裏面餡料幼滑😋👍🏻紅豆酥（3 pcs)＄48同樣外脆內軟，紅豆蓉不會過甜滯，好香口素菜餃(3 pcs）$48豐富餡料十足，味道一般薑汁千層糕(3 pcs）$43薑汁味香濃，質地軟滑好耐之前來品嘗過迷你燕窩蛋撻想再試，今次己轉左menu無咗😌來感受茶道靜心養性的藝術，平靜心靈不錯的體驗🫶🏻🍵松茶榭 鑽石山鳳德道60號南蓮園池

成日去荷里活廣場行街 都唔知附近有個咁隱世既地方男朋友上網見到呢個地方 就帶左我去唔知好彩定唔好彩 去到鑽石山既時候落世紀級大雨由於好肚餓 我地照衝過去😂😂😂 結果全身濕晒😅入去松茶榭之前要除鞋換拖鞋對我地黎講係好事～～舒服好多入面環境好安靜、簡潔、乾淨 （出面係落大雨兼行晒雷）相對之下 感覺好安逸真係好中意呢個咁寫意、慢活既環境❤️❤️茶有點貴不過抱住個食環境心態 ok la!!最後叫左「大紅袍」 好似特別d因為唔係嘆開茶既人 唔太識點樣欣賞一杯茶個staff好好人，教埋我地點品茶😝佢叫我地先聞下杯茶，好濃既茶香味！再望下杯茶顏色，好清，冇雜質😜然後就可以飲，可能因為第一泡茶，比較濃一點，但都好香好好飲個staff同我地講，要等多陣先上到點心我地覺得ok啦，反正都係嘆緊，唔急點知真係等左一個鐘，先上點心.....😅d點心係一次過上，熱辣辣壽包不過不失，入面餡料係蓮蓉餡，如果多少少就更好😋😋😋薑汁糕，好重薑味，所以有d辣，正燕窩蛋撻，個皮有少少脆，質感夠特別，我都好中意呢！總括而言，呢度環境一流！好適合同男女朋友、三五知己談心😝價錢不菲（特別係茶葉），不過點心價錢相對ok，配埋呢個環境

餐廳最低消費每人180，價格偏貴。但環境唔錯，於是同朋友去試下放鬆心情。鋪頭規矩多多，唔准影相、電話要靜音、要換鞋、講野要超級細聲……咁都算數。最離譜係當我同朋友離開餐廳，企係門口，影對面的風景(唔係影餐廳)，職員極冇禮貌，走過來話：唔可以架!你見唔見到我頭先要帶另外兩個客係階梯度?(我點知你帶佢落去係睇風景定傾計啊!) 一陣cctv影到你影相，保安會過來架! 大佬，唔係影你餐廳，點解大自然風景都唔俾影?個宇宙係你創造?真係好搞笑!全日的好心情被破壞!而且影出面的風景唔影響你生意，話唔俾影就唔俾影?個度係公園!公眾地方! 以後唔會再去，貼錢受氣!

與朋友的女朋友同月生日，所以朋友話不如 一同食生日tea,佢女朋友揀了這一間食生日tea😄託她的鴻福有幸試到傳聞中3不可的茗茶館: 不可拍照，不可拍攝，不可大聲講野😂😂因為要遵守規律， 所以以下介紹就只有文字， 無相片提供， 請見諒🙏從彎彎曲曲的小路進入， 得確有柳暗花明又一村的感覺， 不過一入到去已經見到請勿拍攝😅請除鞋，換拖鞋😂入到內堂， 古代建築， 櫃內放著不同的碗作為裝飾， 視覺上很滿足到戲肉啦！話明茗茶， 茶當然不可缺少穿著唐衣的侍應生遞上茶譜， 頓時大開眼界， 由$150/5g茶葉同至$1250/8g的茶葉😮， 任君選擇，茶譜內還有印有許多小食佢女朋友選了60年代普洱生茶， 朋友選了山家普洱， 我則選了肉桂王不過原來點心， 每天只供鹹甜各一款， 因佢女朋友唔食得甜， 就只揀了鹹點:精緻小型素粉果侍應生將茶具茶杯都繼續送上， 然後離開，保留寧靜環境給我地茗茶， 幸好有佢女朋友在， 她負責沖水， 沖茶， 煲水， 若果無左她， 真的不知如何入手🙏🙏原來香港茗茶同台灣係唔同的， 台灣的茶館會有專人介紹茶葉的來源、成份及茗茶技巧， 但香港則一定要熟人帶著， 否則都唔知邊隻杯有咩用😅😅

從前經過南蓮園池已對打唐代木建築旗號、面向池景的松茶榭有印象。為招待外國朋友，明知價格偏高，亦特意到此品茶。該茶館規舉多多，要脫鞋、電話要靜音、說話要細聲、不許拍照、不許錄影、每人最低消費為一盞茶 - 本來為享受寧靜而來的貴客，也沒有不妥，但服務員喋喋喋不休的囉嗦嗦，重重覆覆著，實在進來前已感受不到清靜。全場只有我們一枱客，圍著談天，也被服務員再三提醒要靜一點。松茶榭外觀無懈可擊，但每張茶枱也間隔著，裡面坐下來卻因而有點局促。茶的品種選擇只有青茶及超貴價普洱，菜單上的名字也很漂亮，並有列明濃、淡，但一盞茶售最低也要HK＄160，理應如等價紅、白酒一樣，就口感、出產地、採摘季節、採摘方式、水溫等詳加說明，提供的英文餐牌也只是音譯，看完也完全不能理解所叫的是什麼茶。招來服務員一問，只回答除普洱以外，全也是綠茶。有多點茶知識的業務員是茶館的基本吧？再問一下平時有品茶、砌茶班的嗎？沒有的。點心點了松子曲奇，只售HK＄18，跟南蓮園池小賣店的一樣，送茶還不錯。另叫了咖哩酥、南瓜餅及粉果，寧靜的茶館聽到釘一聲，相信是靠微波爐加熱的。避開微波爐多年，今次中伏了。五個人叫了五盞茶，分著飲，邊談邊喝了個

外國朋友首次訪港,想多認識中國文化,奈何香港近年巳淪為反中基地,並非昔日保衛中華文化的最後壁壘.苦煞思量,想起寺蓮靜苑內的松茶榭,環境雅緻清幽,既玄揚傳統茶藝之道,亦是品茗的好地方,算是繁華鬧巿中一處清泉.松茶榭,規定每人最低消費一盞茶,繁忙時段時限兩小時,不准拍攝,規矩頗多.週末下午,只有兩枱客,每枱皆有外國遊客,大家都自動降低聲浪,深怕打擾別人的雅興.我們分別㸃了6g大紅袍,鐵羅漢,白雞冠,水仙王和兩盞肉桂王.員店簡略講解了怎樣燒水泡茶,就由得我們自由發揮.每盞茶平均可連泡六至七回,我們征服了三款茶後,胃已開始反.店方只有一款包子和一粒餃子可以供應,點心下午三時多已經售韾!?但沒多少客人..人家說這𥚃點心如何出色,桌上小小的奶黃包和素餃,我們隆而重之將之瓜分,沒有五餅二魚的奇蹟,肚子依然空洞..結果我們空肚飮茶飮至肚漲香港朋友說這些茶如何"回甘","滑"..外國來的朋友頻頻㸃頭道是,其實聽得一頭霧水..老實說,若不是有訪客,我也不會專誠到來為享一盞茶,平均百多二百元的消費,對我來說略為高昂,樂茶軒七八十元已是極限.試想我們一行六人,最終過仟元埋單,包走一半茶葉.品茗真是一這種怡情養

收到朋友送既兩張茶卷, 今日走左黎試, 我地大約兩點左右到達, 連埋我地, 只有兩枱客, 夠晒清靜佢有三排位, 侍應同我地介紹第一排位係最開揚既, 咁就第一排啦每張枱都有茶具, 茶壺我地揀左 白雞冠 & 肉桂王 @$120點心唔係樣樣都有, 我地就叫左素餃同埋蘿蔔絲酥, 兩個點心都好好味, 我地仲order多次個素餃添, 甜點只有糯米糍, 但係我地諗住食完鹹點先order, 點知話賣晒啦無加一, 減左兩張茶卷, 埋單$75我地total飲足兩個鐘, 環境唔錯, 傾計一流

隨女友遊志蓮, 特地探松茶榭.松茶榭外是一幽曲小徑, 路口有一價目表, 每位一盞茶120元至300元, 原來主打品種是武夷岩茶.入榭換鞋, 服務生著我倆入內, 環境謐靜, 只有一對客人.挑了窗旁位置, 點了"水金龜"和"肉桂王"各一盞, 甜點則選芝麻糕.武夷山滿是懸崖深坑, 石座種茶, 故岩茶自有其獨特韻味, 雖未經過窨薰, 茶湯卻帶花果之香."水金龜"湯色橙黃, 入口圓潤甘甜, 香氣自然, 有喉韻, 第一次品嚐岩茶, 明白到"岩骨花香"之意, 沖至第六七泡才去盡茶力, 屬上品."肉桂王", 水色比較深, 有桂皮之味, 細想還帶點乳香, 入口銳利辛香, 回甘快, 沖至第五泡後變淡.一盞茶時間, 我倆久留兩小時有多. 寧靜特別茶香倍增, 品嚐感覺亦更深刻, 都算是物有所值.