梁慶記

Open Now

Now Closed

撈麵條條分明、乾爽的撈麵。以為不就是將所有醬料及麵餅 但原來條條分明又乾爽，佢哋嘅麵條好有彈性，湯汁超濃，真係好有營養，好有咀嚼感。麵煮的爽彈，撈起惹味的尤其香口好味，牛肉保持嫩滑， 而且牛肉沒有太細，口感仍在！味道恰到好處，開胃不膩， 佢個溫泉蛋好食！ 佢個牛肉好食！ 可以試！ 另外叫左豬排包，豬排包很好吃，個醬好吃，包都有少少脆的，豬排夠軟而且入味！麵包外脆內軟，豬扒份量十足，鬆軟而有肉味，口感非常豐富。

尋晚同朋友去咗旺角嘅梁慶記🍴，真係一間唔可以錯過嘅食店！一入到去，就聞到滿滿嘅香味，嗰種煮食嘅氣氛令人感覺好窩心💖。店內環境雖然唔算大，但裝潢簡約又舒服，感覺好放鬆😌。呢間鋪係屬於澳門的過江龍🐉，品質味道都絕對有保證💯。我哋點咗幾樣招牌菜，首先就嚟講下「蓋仔安格斯牛魔王雞蛋撈飯」🍚。呢碗飯色澤金黃✨，牛肉切得好厚🥩，咬落去好Juicy💦，滿口肉汁，雞蛋黃流心🍳，搭配埋米飯，真係一流！每一口都令人想再返嚟多食幾碗😋。再加上佢哋嘅「葡式樽仔咖啡」，香氣撲鼻，味道濃郁，真係好正！👍接住就係「豬排喇沙湯米粉」🍜。呢碗米粉湯底濃郁，辣味適中🌶️，唔會太過火。豬排肉質彈牙🥩，吸收咗湯底嘅味道，米粉滑溜溜，搭埋埋一齊食，真係好過癮！再飲埋「葡式樽仔奶茶」🥤，奶味濃厚，口感順滑，真係一條龍服務，食得過癮！再跟住就係「咖喱安格斯牛魔王飯」🍛。呢碗咖喱色澤金黃，牛肉同咖喱嘅味道完美結合，香味撲鼻。咖喱唔會太辣🌶️，反而帶有一絲微甜🍬，搭配住白飯，簡直系人間美味！飲埋一杯「檸檬茶」🍋，清爽解膩，真係食完都唔覺得腻。最後就係「招牌豬排包」🍔🥩。呢個包外脆內嫩，豬排炸得恰到好處，味道醇厚，配上特製嘅醬汁，簡直系絕配

澳門招牌米芝蓮餐廳，基本上看到餐牌上出名的、推薦的，我都有和朋友試～😚😚蝦籽牛筋腩撈麵招牌的蝦籽撈面鹹香鮮味，牛筋腩十分入味，充滿骨膠原又唔韌唔黏口。加配了$18小食 籠仔炸雲吞，香脆可口，即叫即炸。咖喱安格斯牛魔王飯咖喱香濃得嚟又唔係好辣嗰種，係我喜欢的口味～而且仲配有滑蛋，令人食欲大增。配上餐廳引以為傲的安格斯牛肉，果然同一般牛肉唔同～～超好吃～安格斯牛魔王喇沙湯米粉喇沙湯亦是餐廰另一個招牌菜～喇沙湯底鮮香濃郁，每一口米粉亦索滿濃濃的湯汁。配菜的豆卜和蛋同樣入味～而同樣係食安格斯牛肉，比起一般牛肉更有肉味，牛肉嫩滑。我諗我之後去開旺角都係會再食～大推安格斯牛魔王系列！！！🤤🤤🤤🤤

夜晚行旺角，朋友仔話不如去呢間試試，聽聞連續四年獲得澳門米芝蓮街頭美食推介。招牌菜包括蝦籽撈麵，麵條Q彈，帶點咬口，蝦籽份量十足，性價比高。招牌豬扒喇沙湯米粉要咗BB辣，味道啱啱好，豬扒嫩滑，湯底惹味，整體搭配都幾唔錯。街頭魚蛋麵就叫咗幼麵，估唔到最鍾意係呢款，湯底清淡，帶鹹香氣，簡單又飽肚嘅Option。除咗麵呢度都有幾款飯，我會推介咖哩雞扒飯，咖喱香濃，醬汁夠多，足以撈飯，雞扒好嫩，點咖喱食都幾夾。另外小食選擇都唔少，細細份可以同朋友仔開心Share。

餐廳喺澳門已經有百年歷史，主打手打竹昇麵，以鵝蛋製作再用人手用竹壓，至今已連續四年榮獲澳門米芝蓮街頭小食推介！店內環境唔大，座位之間距離較窄，但勝在乾淨同衛生。招牌蝦籽撈麵口感彈牙，冇鹼水味，帶淡淡蛋香氣，上面鋪滿蝦籽，旁邊附上湯汁同蠔油可以配住食，個人幾鍾意。另外私心推介街頭魚蛋麵，幼麵吸飽湯汁，魚蛋大粒且彈，性價比高。酸辣口味亦有供應，要咗個豬扒喇沙湯米粉試試，豬扒薄切容易咬開，湯底帶微微辣度十分開胃。飯類反而有驚喜，咖哩香濃惹味，雞扒嫩滑可口，飯夠軟糯，老少咸宜。小食方面都有幾多選擇，全部以籠仔上，迷你可愛，適合打卡。大大力推豬頸肉，入口滑溜，大塊又唔油、極上肥牛就正常發揮、雲吞皮薄身，餡料唔少，炸嘅更邪惡，值得一試。

位於旺角豉油街的「梁慶記」，係一間澳門米芝蓮過江龍餐廳🇲🇴小店面積不算大，裝修企理，座位舒適餐牌上主打傳統手工竹昇麵、蝦籽撈麵、金湯米線、街角小食及地道飲品等等招牌豬扒喇沙湯米線餐廳招牌豬扒，肉質鬆軟，豬肉味濃，好好食哦！喇沙湯底濃厚，帶點椰汁香，唔會太辣，配上幼滑米線，好掛湯呢安格斯牛魔王酸辣金湯米線酸辣金湯味道香濃，酸酸辣辣，好開胃～米線吸收晒湯底嘅精華！安格斯牛肉肥瘦適中，啖啖肉，牛肉味頗濃郁葡式樽仔奶茶入口絲滑，茶味香濃醇厚，幾好飲奶蓋芝士朱古力表面加咗奶蓋芝士，甜甜的～底下係香滑濃郁的凍朱古力，大人細路都啱飲

次次經過見到佢個招牌「性價比令你留港」就覺得幾中喎，而家好多人都去旅行或者鍾意北上消費～星期六都幾多人，不過等咗一陣都入得啦金湯豬扒米線朋友叫咗個安格斯牛招牌蟹籽撈麵因為本人真係極度鍾意食有湯嘅野😂米線可以揀爽啲，其實平時出面啲米線都可以揀爽啲定係淋啲，但都冇乜分別😂😂但呢間，掂！！堅係爽口，原來米線唔一係煮到軟淋淋，食起黎竟然覺得係彈牙！！？金湯平時出面嗰種，佢竟然係有少少喇沙味！！真係好驚喜，如果鍾意食米線嘅你一定要試吓揀爽啲米線至於撈麵係佢哋嘅招牌！主打全蛋麵～果然一分錢1分，啲牛真係好好食，冇乜肥膏位置，最怕就係嗰啲雪花肥牛勁油膩隔離應該有一個係腐皮角，又係好好食有一樣嘢真係好值得讚，話說點餐之前見到隔籬嗰兜撈幼真係好吸引😂勁大兜忍唔住影低定想下次食，不過見到擺咗一段時間都未有人食，應該係朋友幫佢叫咗但係未到去到我哋差唔多食完嘅時候先見到嗰個客人到咗，店員竟然主動問佢使唔使整返熱佢呢下真係好耐喺香港冇見過咁好嘅服務質素走嘅時候都有問我哋好唔好食，我即刻同佢講我已經mark定下次食咩啦😂😂😂

梁慶記是一家這家餐廳源自澳門，以其獨特的澳門美食而聞名，味道正宗，深受顧客好評。餐廳的營業時間因為旺角區嘅關係所以都開得好夜，適合各種時段的顧客光顧，係我呢啲夜貓子好夜先食晚飯。安格斯溫泉蛋蝦籽撈配撈粗麵，安格斯牛肉有炭燒的香味，與溫泉蛋巧妙結合。精選優質粗面，經過恰到好處的煮制，保留了其獨特的韌性和口感。牛肉片薄而嫩，與滑而不膩的溫泉蛋一同拌入蝦籽醬中，每根麵條都充分吸收了醬汁的精華，帶來一種難以言喻的鮮香滋味。安格斯牛魔王酸辣金湯米線，酸辣湯底，香氣撲鼻。米線質地爽滑，充分吸收了湯汁的味道，牛肉片在滾燙的湯中即刻燙熟，保持了肉質的鮮嫩。加錢可以加小食，炸雲吞，油炸至金黃酥脆。外皮香脆，內餡飽滿多汁，每一口都能感受到肉質的鮮美與蝦仁的彈牙，搭配特製的甜辣醬，增添風味。飲品樽仔咖啡，濃郁而不失細膩，尾韻悠長，讓人回味無窮。檸檬茶，紅茶為基底，加入新鮮擠榨的檸檬汁，既有紅茶的醇厚也有檸檬的清新。

旺角分店餐廳裝修簡約風格,有幾張卡位，大約加埋可以坐到二十幾至三十個人一間店。 另外，我哋自己掃 QR code落單,就可以 👌🏻全日唔洗收加一服務費，旺角黎講都算抵食！餐牌有多款主食供應, 跟餐半價任點『當地飲料』, 追加指定＋18任點$28以下『街角小食』，我地加左（中份）4粒籠仔蒸雲吞同籠仔蒸極上肥牛，肥牛撈埋少少酸辣醬都很美味喔～『氹仔叻沙湯雞扒米線』 HKD$49(中份）HKD 67 (大份）我哋叫左中份都夠曬食，揀左bb辣，如果鐘意食辣的朋友可以叫中辣，會再正啲！雞扒大大塊，一個份量完全可以食得好飽！想食其他麵底：粗麵/幼麵/米粉/米線🍜『安格斯牛肩肉溫泉蛋撈麵』😆HKD $89最比到驚喜我哋就係呢個撈麵，分量好足夠兩個人share一齊食，職員仲叫我哋試下加埋辣椒油撈埋食，味道即刻昇華左，加埋溫泉蛋配埋一齊，令啲撈麵加更入味，食少少飲埋個湯就岩岩好！我哋仲追加咗葡式樽裝,細細樽, 奶同茶都唔會太過甜，唔係咁鐘意飲甜嘢嘅人都岩飲，口感非常絲滑。

今日同老公去咗澳門🇲🇴出名的老店---梁慶記，香港的新開旺角分店試吓香港風格有冇分別。旺角餐廳裝修簡約風格，有幾張卡位，大約加埋可以坐到二十幾至三十個人一間店。另外，我哋自己掃 QR code落單就可以 😌全日唔洗收加一服務費，非常經濟實惠。餐牌有多款主食供應, 跟餐半價任點『當地飲料』, 追加指定＋18任點$28以下『街角小食』。我地加左4粒雲吞同肥牛，肥牛撈埋少少酸辣醬都很美味喔～我見差唔多付張枱其中必食一定係豬扒包, 簡單一個包都可以有自選項, 例如：個包可以選擇要求脆度、洋蔥份量大小。『招牌澳門豬扒包』HKD$43 豬扒包即落單即整, 個包剛剛焗起熱辣辣, 見客人都揀咗超脆, 眼見焗出黎個皮真係超脆卜卜, 仲聞到啲炭香味, 夾住左大大塊豬扒係飽中間, 保持豬扒肉汁, 配埋洋蔥汁嘅洋蔥絲, 好有澳門店水準又有juice！！！『氹仔酸辣金湯雞扒米線』 HKD$49(中份）HKD 67 (大份）我哋叫左中份都夠曬食，揀左bb辣，如果鐘意食辣的朋友可以叫中辣，會再正啲！雞扒大大塊，一個份量完全可以食得好飽！想食其他麵底：粗麵/幼麵/米粉/米線🍜『安格斯牛肩肉溫泉蛋撈麵』最比到驚喜我哋就

行街經過呢間由澳門過黎既店，系澳門食過好好食，宜家系香港比我見到，真系一件令人開心既事。裝修好有舊澳門風格，由餐牌已經見到呢間店勁有心，好多野都有得揀標準/大份，而且每一頁都有介紹反d食物既典故，睇得出老闆既心思。今次叫左個牛筋腩撈麵，加左雲吞同豬頸肉，再加杯芝士奶蓋紅豆冰。牛腩燘得好冧，入口即化，牛筋冧到好似啫喱甘，QQ彈彈，回味無窮。雲吞一D都唔馬乎，入面啖啖都系新鮮蝦仁，勁鮮甜。豬頸肉好爽口，一d都唔肥。撈麵有得揀要粗面幼面定米線，竹昇面比起出面機打既面要彈牙好多，口感好好，上面d蝦籽勁多，所以成個面食落勁香！！食呢一個面真系大滿足😍😍最後要讚下杯紅豆冰，芝士奶蓋真系好畫龍點睛，芝士奶蓋同紅豆冰勁夾！！食完個面嘆反杯，真系好幸福～🥰

梁慶記是澳門的米芝蓮推介，今晚便來到旺角分店。蝦籽墨魚餅撈麵，墨魚餅軟硬適中，竹升麵麵質結實，加上蝦子份量十足，果然是這裏的名物。可能廚房將撈麵放了一段時間，所以麵餅已經對成一舊，如果改善一下會更好。香脆豬扒包半份，豬扒保持肉汁豐富，帶着洋蔥的香甜味道，麵包外脆內軟，是必點的食物之一。咖哩招牌豬扒飯，咖喱是葡式的味道，椰香味道香濃，辣到適中。豬扒煎得很香脆，內裏肉汁豐富，加上香濃的煎蛋和葡式咖喱味道層次更加豐富。籠仔腩汁菜芯，牛腩汁味道適中，菜心香甜可口，用籠仔承載着非常有澳門特色。奶蓋芝士紅豆冰，芝士奶蓋味道香濃，甜度適中，混合花奶紅豆之後，味道層次豐富，非常美味。唯一美中不足的是匙羹太少，想吃紅豆有些困難，建議匙羹換大一點。凍檸檬茶，檸檬份量十足，茶味香濃。

同朋友去旺角行完街，突然記起有間米芝蓮推介餐廳喺附近，於是就決定喺度食晚餐，叫咗以下食品: 招牌蝦籽撈麵 - 簡單以蝦籽加落粗麵撈埋食，就最直接食到蝦籽嘅原味，蝦籽鮮味，炒得很香，粗麵彈牙無鹼水味，配上大地魚湯同吃很舒服。蝦籽牛筋腩撈麵 - 牛筋腩炆得入味，牛筋炆得淋但又保留咬口，牛腩軟淋唔會嚡，幼麵同樣彈牙無鹼水味，正。籠仔腩汁菜芯 - 菜芯本身質素很好，很嫩很甜，白灼完再加腩汁調味，就已經好好食。籠仔巨魚旦 - 魚旦彈牙有鮮味，唔錯。籠仔墨魚餅 - 墨魚餅食落煙煙韌韌，口感幾得意。籠仔炸雲吞 - 雲吞係屬於一口一啖嗰款，炸得酥脆，加埋雞醬更惹味。招牌豬扒包 - 豬仔包烘得鬆脆，豬扒醃得入味，但又鬆軟多汁，加埋香甜嘅洋蔥，好味。籠仔豬頸肉 - 豬頸肉煎得香口又唔柴。中籠仔五花腩 - 五花腩肥瘦相間，好惹味。凍奶蓋芝士朱古力 - 奶蓋芝士令香濃嘅朱古力更香滑。凍奶蓋芝士紅豆冰 - 紅豆冰加上奶蓋芝士更重奶香味。凍葡式樽仔奶茶 - 奶茶香滑，茶底濃厚，唔會過甜。凍檸樂 - 檸檬新鮮大大塊，令整體檸味更濃。

行過見到新開又貼哂米芝蓮, 見價錢又唔貴就試試。原來係來自澳門既小店。咖哩安格斯牛魔王飯佢個咖喱汁做得幾香, 但如果可以多D就好, 因為好好撈飯! 好在佢牛肉份量都唔少, 仲有隻煎到好靚既荷包蛋, 拌飯一流。蝦籽墨魚餅撈麵最中意蝦籽撈粗, 蝦籽都好多沾哂係麵度, 少少咸香, 墨魚餅香脆彈牙一口一件。知道佢來自澳門所以心思思想食豬扒包, 好在佢可以叫半份, 果然澳門既豬扒包不會令人失望, 豬扒幾香口。仲有小食籠仔炸雲吞都幾得意, 野飲有特別D又健康既生黑桑花茶。

其實依個真係我第一次俾差評，我真係未食過咁難食嘅嘢。真心唔值得。我食咗碗吉列豬趴飯，同埋叫咗杯嘢飲，我frd就叫咗碗雲吞撈麵。第一，我覺得碗飯入邊啲豬趴係臭嘅，跟著又有少少凍，但絕對唔係攤凍咁⋯⋯我真心覺得啲嘢係未可以達到米芝蓮嘅水準。特別係個麵。點解可以係黐埋一舊咁嘅？雲吞又麻麻地⋯特別係個衛生情況。張枱好油，嘢飲嘅杯都好油。因為門口寫著米芝蓮好奇心驅使我入去一試，但最後係咁嘅味道同衛生情況⋯唔會再去第二次。