梁慶記

Open Now

Now Closed

其實依個真係我第一次俾差評，我真係未食過咁難食嘅嘢。真心唔值得。我食咗碗吉列豬趴飯，同埋叫咗杯嘢飲，我frd就叫咗碗雲吞撈麵。第一，我覺得碗飯入邊啲豬趴係臭嘅，跟著又有少少凍，但絕對唔係攤凍咁⋯⋯我真心覺得啲嘢係未可以達到米芝蓮嘅水準。特別係個麵。點解可以係黐埋一舊咁嘅？雲吞又麻麻地⋯特別係個衛生情況。張枱好油，嘢飲嘅杯都好油。因為門口寫著米芝蓮好奇心驅使我入去一試，但最後係咁嘅味道同衛生情況⋯唔會再去第二次。

之前睇住佢新開, 講到係米芝蓮, 之後經過都坐滿人, 都想有機會試下😙 琴晚再經過, 不如去試下啦, 睇餐牌都好多選擇😙 有d唔知食乜嘢好😅 最後叫左一個BB辣的喇沙🐽豬頸肉米粉配熱黑桑茶, 加飲品半價👍友人要咖喱🐔雞扒飯配凍🍋檸水, 等左一陣黑桑茶送到, 熱辣辣, 但居然堂食用外賣膠杯😅所以好熱未能即時打開蓋攤凍一下, 之後送上喇沙豬頸🐽肉米粉, 賣相真實版同餐牌相片好唔同😜用只鑊仔裝住都幾特別, 豬🐽頸肉都唔少, 米粉份量一般, 有半只蛋🥚同一舊豆卜, 飲啖湯好輕微辣, 唔係好食到似喇沙的味道, 米粉質地中規中距, 叫做合格唔碎, 豬🐽頸肉味道也算ok, 最估不到是夠豆卜食落口已經係變左😱🫣食到好勁叔味😰😨要立即吐出來用茶辟味😵‍💫😵友人也比我試件雞扒🐔唔係好食到係🐔試啖咖喱飯🍛, 味道唔差, 但食落質地似咖喱汁水, 唔係太掛到落d飯, 而且汁少左d, 裝住飯的盆又太淺太窄, d餸又鋪在上面, 令友人食的時候也困難😅, 近廚房出餐位置係見到大量什物, 可能仍然係新開階段, 出餐品質同衛生程度有待改善, 不過我就唔會再去, 比舊豆卜嚇怕左😳🫨😵‍💫

慶幸午餐有位，樓面靚仔靚女服務招呼更蠻好的，即使我一個人，也會招呼我隨便坐，不用搭枱。用QRcode點了蝦子牛肚撈粗麵（中份）$51，跟餐樽子凍奶茶（半價）$12。凍奶茶合格，濃甜度適中。跟著居然撈麵變湯麵上枱。廚房收電腦單都可整錯，新開張不表示能犯些低級錯誤。再正式上蝦子撈粗麵，整體味道超鹹， 牛肚太硬，件數又少，粗麵（中份）份量也比一般粉麵舖少。今次真是希望越大，失望越大。附近實在太多食店，以此食物水準，很難立足。

澳門🇲🇴❣︎梁慶記麵檔❣︎開業已經超過一個世紀，早前已經登陸埋香港北角開店，而家喺旺角都開埋分店啦😀👏🏻呢到設計簡約舒適，佢門口招牌寫住♥︎性價比令你留港♥︎😎好招積，我眼見不停full場等位🫢真係堅勁，呢啲就係好食嘅指標，難怪由2019-2022連續四年榮獲澳門米芝蓮街頭美食推介。❣︎蝦子雲吞撈麵❣︎用澳門傳統全蛋竹昇麵，麵底以鵝蛋製作，由澳門師傅人手用竹壓至鬆軟再新鮮送到香港分店，口感超爽彈，無鹼水味，配上勁多蝦籽😋超好食。❣︎懷舊魚蛋❣︎跟餐可以加配2粒，如果人小來食就岩晒👍🏻可以加多幾樣，樣樣試啲，魚蛋沾埋泰式辣醬，口感彈牙甜辣好滋味。❣︎豬頸肉酸辣金湯米線❣︎必食推介🌟米線做得超煙韌彈牙😋👍🏻索晒個湯汁，酸酸辣辣勁開胃，豬頸肉爽滑彈牙，暫時係我喺香港食過最好食嘅米線🫢❣︎籠仔蒸雲吞❣︎可以四粒或者七粒噤叫，用籠仔上好特別，雲吞皮做得超薄👍🏻內餡足料。❣︎籠仔腩汁生菜❣︎套餐加配，生菜新鮮，腩汁味道岩岩好。❣︎奶蓋芝士紅豆冰❣︎呢到真係好有彈性好人性化，因為媽咪唔鍾意食芝士，佢係可以幫你走埋，紅豆🫘大大粒夠腍，甜度適中，消暑佳品。❣︎葡式樽仔奶茶❣︎奶茶味道比較淡身，口感順滑。

我食一碗雲吞麵再加一個生菜，叫咗杯嘢飲，我老公叫咗個喇沙碗雲吞麵冇湯咁滯，啲麵極為普通又淋，仲有啲位係未煮散，啲麵團仲係一舊雲吞正常，但係一定唔係屬於好食嗰隻唔明點解話攞米芝蓮，我都係俾佢吸引咗先入去，其實好多其他香港粉麵好食過佢我老公食嗰個喇沙勁辣，但係落單問嘅時候又話小辣，喇沙個面係正常，只係辣得來蓋過晒其他味真係唔會再去，而且地方污糟，碗碟都洗得唔乾淨，拎起隻杯又黐立立嘅感覺，地板又黐立立咁

完全嘅垃圾，個面又淋又爛，上面同你淋的溝咗嘅所謂蠔油上去，叫咗牛筋腩撈麵，等咗半個鐘頭後同你講牛腩喺度熱緊，之後轉左雲吞，啲雲吞難食到唔識講，跟住啲牛筋又咸又難食。撈麵個湯仲要超級難飲。呢啲完全就係寫手對香港美食之都嘅禍害。員工亦都唔知道喺度自己喺度做緊乜。枱面都冇基本嘅辣椒醋醬油。呢啲舖頭如果能夠生存落去，我只能夠話香港而家包容到非常之高。

路过看到有米其林推荐的牌子就进去试了一下，绝对不会再去第二次，说下问题1. 虽然有手机自助点单系统，但是会有点不上单还得靠人工点单，但是大堂对于自己的菜单还不如客人熟悉（也许是新人但也是个问题）2. 出餐乱，频繁送错餐，同样的东西后点先上，先点不上。外卖优先于堂食，旁边桌一对夫妻老公都吃完快半小时了老婆点的还没上3. 味道绝对够不上米其林推荐水准。点的招牌猪排金汤米线，整体就和上桌吃剩的汤里扔了块之前煮好的米线再放上吃剩的半块猪排一样。隔壁桌上的捞面面是冻的，注意不是凉是冻的，后来拿进厨房微波炉加热了一下。4. 桌上都是油，就是很久不用清洁剂只用湿毛巾擦的那种感觉。地上打滑，客人和员工走路都小心翼翼就跟滑冰一样

“蝦子雲吞撈麵”($47)“招牌豬扒包”($43)“籠仔巨魚蛋”(+$18)“樽仔奶茶”(+$12)“檸檬茶”($24)嚟自澳門嘅梁慶記喺旺角開咗新分店澳門梁慶記原來大有來頭曾連續4年獲得米芝蓮推介而且食物價格十分親民所以今次都特登過去食晚餐😛必點之一就係蝦子撈麵我就點咗拼雲吞,麵底要粗麵蝦子份量夠哂多,食落好香好惹味粗麵麵質Q彈,仲食得出蛋香☺️雲吞都大大粒好足料跟餐仲可以用$18加埋小食我地點咗籠仔巨魚蛋雖然冇長洲嗰隻咁巨😂但都幾彈牙另外就點咗份招牌豬扒包豬扒肉質腍滑又厚身配上烘到脆卜卜嘅麵包同牛油,正呀😋

繁忙時段夜晚去 ，見有推介就入咗去。 坐咗係最近廚房個位 ，環境好差有臭味。食物非常普通，蝦子麵無乜味得個鹹味，牛腩可以， 但牛筋送咗2條頭髪。 好差，真係唔會再返去食。

第一次食佢哋嘅豬扒包，都係午餐求其搵野食，麵包外面好脆，洋蔥好多汁，豬扒厚薄適中容易咬幾juicy，腌得幾香，奶蓋紅豆冰好好飲，唔係好甜果種奶蓋，係少少鹹果啲，好creamy 好濃郁。注意⚠️午餐包飲品但呢個特飲只可以半價加配。餐廳嘅環境同服務都非常不錯。1個人食都主動比卡位坐得幾舒服，態度幾好，仲會主動問你好唔好食同埋要唔要紙巾。真心覺得佢哋嘅豬扒包值得一試，如果唔想食一份，見到可以叫半份$29。

我真係未試過食一間店舖食唔夠三啖，我就決定以後唔會再嚟呢間舖頭食1.佢枱面兜酸蘿蔔直程係白水醃蘿蔔，可以完全冇味真係好難做到2.蝦子撈麵，我未試過可以鹹到要溝水撈麵兜湯又腥又鹼水味重啲牛肚好似食緊粗橡筋一樣3.樽仔奶茶，直頭好似「午後紅茶」直接倒出嚟一樣估唔到最後得兜喇沙係食得人！但係，蝦子麵可以黐埋一舊舊豆腐卜，竟然可以有雪味啲菜係正常啲最後我俾佢「炸雲吞」合格嘅真係雲吞成質素囉其實以上所講嘅味道整到出嚟，都好高技術我自己都做過廚房，真係有少少心機嘅，都唔會整到呢啲味出嚟最後埋單都要$150究竟我喺度食緊啲乜？究竟我係度做緊啲乜？好少何一出門口就開始打食評但呢間舖頭絕對愧對佢門口嗰四年米芝蓮牌匾

旺角新開一間米芝蓮級別的港式泰式麵店，主打混合式地道美食，而且價格不貴性價比高，真係要試下。來到以上所講既梁慶記，首先令我印象最深刻既係餐廳的服務，服務十分體貼又有人情味的感覺，可見餐廳文化以及員工的工作態度都十分好，值得大讚👍🏻經餐廳員工殷勤介紹，點左幾款美食我覺得都抵讚同好味道的：1. 蝦籽極上肥牛撈麵 中份$51 呢個撈面真係難以形容，真係好好食，難怪米芝蓮級數，但平民價格，必食🤤2. 安格斯牛魔王酸辣金湯米線🍜 大份 $69。酸酸美美既米線，米線口感彈牙，味道又夠開胃，口味岩食😋3. 另外跟餐➕$18 可以➕小吃，當地飲品🥤另外點也是半價所以小食點左1. 籠仔墨魚餅同2. 籠仔炸雲吞小食好香口香脆好食😋飲品方面唔係hea, 奶蓋芝士荔枝茶就係我首選，超正奶蓋好比國內出名某X茶，而且奶蓋超級濃郁，真係無得頂👍🏻另一款奶蓋芝士紅豆冰，創造紅豆冰奇跡🫘，有奶蓋都令飲品添加不少分數，必飲啊🥰食咁多嘢都係$200 左右，仲要食到米芝蓮級數，好抵👍🏻超值

小妹知道澳門🇲🇴出名嘅梁慶記除咗炮台山總店外，而家進駐到旺角都有分店啦🥳 米芝蓮星級推介，主打手打竹升面，澳門風味小食等😝裝修雖然簡約，但感受到特式🥰 餐廳🍴以自行掃QR code落單，全日仲無加一服務費😍豬頸肉喇沙湯米粉🍜一上枱，已經比碗既顏色及食物顏色吸引🤩🥘湯底少又飲到少少椰奶味，米粉完全吸收哂湯底精華，鮮美香辣🌝不禁連湯底都飲，非常惹味😌而豬頸肉肥瘦合適，外皮烤得酥脆，肉質鮮嫩多汁🥰籠仔牛腩🐂牛腩及牛筋軟熟，唔會覺得好韌，每嚿都好重牛肉味😋正👍🏻籠仔腩汁菜心🥬同樣以籠仔呈現，菜心先嫩，味道新鮮，夠哂健康😚金錢肚夠入味又唔韌粗面有濃郁嘅蛋香而且質地爽口彈牙籠仔雲吞四粒每粒雲吞皮薄餡多，味道不錯🤗檸檬黑桑葚花茶🍋🫖呢款茶飲散髮出迷人花香，衝泡後更濃郁😘仲有營養價值，飲後令人放鬆愉悅，絕對系養生之選～奶蓋紅豆冰🥤奶蓋淡淡奶香，紅豆🫘淋淋甜甜💕 口感層次分明，細緻綿密🙌每枱有罐特製酸甜蘿蔔，每嚿酸甜度合適，解油膩一流，非常開胃🤤餐廳🍴食物有特色，價錢合理，鍾意食粵菜既朋友仔可以試嚇梁慶記美食😽

今次去咗旺角豉油街嘅#梁慶記，呢間餐廳嚟自澳門，仲係米芝蓮餐廳，專營澳門麵食，真係非常期待試下佢哋嘅招牌菜。同大家分享下我哋嘅體驗。咖哩安格斯牛魔王飯呢個#咖哩安格斯牛魔王飯真係一絕，牛肉質地非常嫩滑，咖哩汁濃郁但唔會太辣，配埋白飯非常好食。牛肉同咖哩嘅味道融合得非常好，每一啖都充滿住香濃嘅咖哩味，令人回味無窮。🍛🥩🍛🍛（4.5分）籠仔雲吞呢個#籠仔雲吞，雲吞皮薄餡靚，內裡包住豐富嘅蝦肉同豬肉，食落非常爽口。配埋特製嘅醬汁，味道更加突出，真係好味到不得了。🥟🥟🥟🥟（4分）極上肥牛酸辣金湯米線呢個#極上肥牛酸辣金湯米線湯底非常濃郁，有淡淡嘅酸辣味，配埋嫩滑嘅肥牛，真係一流。米線煙韌彈牙，湯底嘅味道非常豐富，每一啖都充滿滋味。🍜🍜🍜🍜⭐（4.5分）籠仔腩汁菜芯呢個#籠仔腩汁菜芯，菜芯非常新鮮，淋上特製嘅腩汁，非常入味。菜芯嘅口感爽脆，配埋腩汁嘅濃郁味道，真係非常滋味。🥬🥬🥬🥬（4分）招牌豬扒包（走洋蔥）呢個#招牌豬扒包，豬扒非常嫩滑多汁，外皮烤得香脆，內裡保持住豬扒嘅鮮味。雖然走咗洋蔥，但味道依然非常豐富，配埋特製嘅醬汁，真係令人回味無窮。🍔🍖🍔🍔（4分）飲品：滾水蛋（少甜）呢個#滾水蛋，

今日經過，見到佢既鋪面有幾張米芝蓮既證書，就一試下啦！原來佢地由澳門開過黎既，佢地用傳統既竹昇麵，用全蛋去做，唔用機械做，就試下佢既分別先！職員的服務非常好，詳細介紹各種食物同特色；餐牌份量設計都好貼心，可以選擇半份或全份。對於我呢啲眼大肚窄、咩都想試既人來說，點半份就不會因為一份食物而吃得太飽，咁樣可以嘗試更多的菜色。見佢既豬扒包同蝦子撈麵都好似幾好食，但我一個又食唔晒，唯有揀一樣啦最後我揀左牛筋蝦子撈粗麵，加$18要左一個籠仔巨魚旦，同埋樽仔奶茶！黎到既時候賣相幾好，牛筋有三大舊，有幾條菜心，面頭鋪滿蝦子。佢既其中一個賣點係佢既麵質，話唔係機械做既！試一口，真係發覺同出面完全唔同，佢既麵質好有咬口，有彈性，有蛋香味，真係幾好食呀！溝埋啲蝦子一齊食，真係會一啖一啖繼續食架！至於牛筋方面，炆得好淋，但又有果種GEL 既感覺！！而籠仔巨魚旦，味道可以啦，好彈牙!而佢既樽仔奶茶，好好味，唔會好甜，而且仲有淡淡既伯爵茶味！下次經過都會一試！評分：👍🏻👍🏻👍🏻/5整體味道指數：😋😋😋😋/5性價比：💰💰💰💰/5環境：❤️❤️❤️/5服務：✅✅✅✅/5