Video
8-min walk from Exit D, Jordan MTR Station
continue reading
Opening Hours
Mon - Wed
12:00 - 15:00
18:00 - 21:00
Thu
Closed
Fri - Sun
12:00 - 15:00
18:00 - 21:00
Public Holiday
12:00 - 15:00
18:00 - 21:00
Public Holiday Eve
12:00 - 15:00
18:00 - 21:00
Above information is for reference only. Please check details with the restaurant.
上網見啲食家話呢間蝦拉麵好掂，今日去開尖沙咀，就記得要黎試下。去到舖頭對面街，見到落左閘，好失望，行過去閘前睇下張告示講咩，原來搬左對面街，即係正正我地頭先企果個位置。好彩行過去望一望，唔係就走寶了！舖頭唔大，咁岩都仲有張人枱，所以可以即刻入座。店員細心話今日淨係蝦拉麵，其他款式都冇晒。冇所謂，我地原先都諗住係食蝦拉麵，另外仲加左個醬油青口小食。先講拉麵，店員放低拉麵後，會喺你面前落蝦油，落完之後已經聞到好香蝦味。食麵前先飲啖湯，好濃郁，同埋個湯好杰身，仲有啲蝦米粒。拉麵本身唔會煮到好淋，夠爽口。最欣賞係麵入面兩隻蝦，蝦身已經脫晒殼，肉質鮮嫩，彈牙。醬油青口反而冇咩驚喜，醬油有少少辣辣地，都好食既。我地冇額外叫飲品，食完麵過左兩個鐘，都唔口渴，証明冇落味精，非常欣賞。去開尖沙咀既朋友，不妨一試。
continue reading
從來不寫食評的我，今天破處為這小店寫食評，如有任何用詞不當請見諒。今日特登碰運氣去尖沙咀嘗試這小店的出名拉面，因過去每次去到都看到排長龍，不想排隊就離開。今日去到門口看見關了門，本來失望而回，但發現門口貼了張通告，告訴新店開在對面馬路，轉身180度看見一間主色調為紅色的店舖，看不到店名，在門口猶豫了一陣（看到布局和以前啲所知的差不多）才進去，發現店舖改了一個新名字叫＂幕多＂，仍然以蝦湯拉麵為主打，點了一個蝦湯拉麵和蠔湯拉麵，告訴蠔湯是由廣島蠔打碎熬煮，再加上兩隻美國桶蠔在面上，當蝦湯拉麵和蠔湯拉麵送到桌上，鮮香撲鼻一擁而上。先學一口蝦湯，非常濃郁鮮味，蠔湯亦做得非常鮮甜，帶點微辣（不知道是否蔥段發揮作用或是因為加了少許胡椒粉）。個流心蛋是額外加的，亦都非常厲害。整體兩碗拉麵都非常漂亮美味。蠔拉麵100% K.O.一滴湯不留，可能本身對蠔有一份熱愛。另外老細非常層次和型仔，忍唔住要求和他拍個照，沒有拒絕。bonus是天佑（電視藝員和主持）非常高大靚仔，在店舖里 幫忙，亦和他打了卡。記得新店在舊舖的對面，改了名叫＂幕多＂請多多支持本地小店！
continue reading
星期六剪完頭髮，差不多12點，城中熱話的蝦湯拉麵差不多開門，一於急急腳去碰碰運氣。去到門口非常好彩，剛剩一個位，個位好似留給我這個有緣人。餐廳大約有7-8個位，入到去已經滿室蝦湯味。我叫了一碗醬油蝦濃湯拉麵加糖心蛋。拉麵放到我面前，碗內有2隻中蝦及一大堆櫻花蝦。急不及待飲啖蝦濃湯，感覺好似一隊蝦兵步操進入口內，蝦的鮮味充滿口腔內歷久不散。湯頭鮮味程度好似食左個蝦家族，蝦爸爸，蝦媽媽，蝦BB，全部係我個口游緊水，逐漸游向我個胃。麵質軟硬程度恰到好處，是我喜歡的彈牙質感。奇怪同枱無人有蝦殼落地，原來廚師已經剝咗殼，爽。爽。爽。蝦肉帶有淡淡的醬油味，醬油推高蝦的鮮味並且不太咸。紅紅的糖心蛋黃，流心程度剛剛好，不會太稀爛或死實，加上蛋味濃郁，一試難忘。最後向廚師道謝，烹調了一碗用心的拉麵給我，忍不住跟他說”我今日好幸福。”
continue reading
唔食拉麵唔排隊嘅肚波食完表示，愛了🫶甜到濃嘅蝦湯拉麵，正！・・・・・・・・・・・・・・・・・・・・🍜 醬油蝦濃湯拉麵 HK$118 (流心蛋+HK$15)・味道：蝦湯煲到好濃，但個濃唔係沾麵嗰種鹹，係鮮甜🤤！煲到有顆粒嘅濃，誇！加咗蝦油一秒level up，必加💥～食得出蝦用咗豉油辣油醃，超入味。個入味係真係入咗隻蝦到唔係蝦殼，已剝蝦殼上，細心😚！蛋都好食，成粒蛋黃都係流心的～好surprise食完佢行咗陣都唔使飲水💧，因為真係唔係走鹹香嘅濃郁，真材實料desu。・口感：個蝦可以放係熱湯到咁耐都係爽嘅，jeng～拉麵偏粗有咬口嗰種，微掛湯～**可以免費加麵底🤩，大食人士唔使擔心～廚師仲特登畀咗另一款醬油湯我哋試，呢個清啲但一樣咁鮮甜！・・・・・・・・・・・・・・・・・・・・🤰性價比：高～🤰9衝度：9衝～🤰結論：街頭已經聞到陣醬油蝦味，唔會搵唔到位置XD 味道同香味一樣咁正！正正子desu🤘全店一麵走天涯，sa個lute先🫡・・・・・・・・・・・・・・・・・・・・環境：小店8個位左右，真係好細好逼😶🌫️。行路動線好kick，客人職員每經過一次都要左攝右攝，拎住碗麵要咁行嘅話都幾危🥶。
continue reading
一間小店專注做好一款拉麵🍜近來這間店的醬油蝦濃湯麵人氣旺盛正午營業已經有人龍排隊探店🦭炎炎夏日都阻擋不到大家的熱情🍜醬油蝦濃湯拉麵+溏心蛋 $118 +$15他們的拉麵底是標配正常軟硬度的曲麵，蝦湯底鮮味極濃，醬油的甜味剛好突顯蝦的鮮甜，帶有少許薑汁香氣，湯汁混有打碎蝦肉加上櫻花蝦，上枱後店員更會淋上秘製蝦油，啖啖精華😻麵上兩隻大蝦好細心已經剝殼，以微辣醬油醃製，彈牙爽甜🦐大食的朋友還可以加點替玉㊙️替玉是免費的，湯頭是較清澈的醬油蝦湯，較前清甜，還會撒上櫻花蝦和蝦油，誠意十足啊💯‼️-🍜 植幕宵 🏡地址: 尖沙咀漆咸圍2-4號金時商業大廈5號舖☎️電話: 從缺🕙營業時間: 12:00-15:00; 18:00-21:00 (Mon-Wed;Fri-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)
continue reading