樂廚私房菜 (Closed)

好友到海外負笈在即，一眾老友記自然就要同佢食餐勁嘅來與她餞行....太太要留在家中看顧小友所以不能來。回想起來，小弟已好久沒有單身出席友儕的聚會。最大的好處，當然是可以一個人靜靜哋享受食物的真味了....在尖咀"樂廚"吃私房菜。為了方便傾偈，預早就訂了一間廂房。不然以我們一班嘩鬼發出的聲浪，儘會將其他人客趕走的...好幾位老友要遲少許才到。正在百無聊賴之際，老闆娘忽地奉上一碟自製的芋仔讓我們來分食。自己當然老實不客氣連吃幾件，芋仔勝在夠粉糯，而且在經南乳煑醃過底下惹味度更是大增。相比起平常的花生粒或腰果醃菜，這個前吃明顯是有誠意得多...相隔多大半小時，卒之人齊，可以馬上開飯....原盅菜膽燉花膠是相當的大份。上桌時盅熱得燙手；呷一口湯，只覺火路十足；用羹掏一下，材料也是極豐富 --- 一盅內滿是雞及豬肉、金華火腿粒以及鮮瑤柱，湯水顏色甚清徹而甜鮮；花膠的份量也不吝嗇，每盅內都有兩大件，咬落質感夠淰而且真的十分膠口。醮些熟豉油去吃的話，光只食這堆湯渣已令人甚滿足...糯米酒煑雞有說老闆是客家人，故此餐內有好幾款東西都是基本的客家嘢。身為客家佬的我自然就大樂了....先試一下所謂的"雞酒

約佐一班久未見面的好朋友食飯, 大家都想搵個地方慢慢坐下, 傾下解. 經朋友介紹就嚟佐呢間,貪佢可以慢慢坐, 又唔會俾人趕, 加上食物又OK, 抵食.呢間私房菜是一般的家居裝修, 但環境算幹凈.而我們訂佐間房, 房入面仲有電視睇, 真係好屋企感覺呢 ~  一班好朋友可以好RELAX 咁大聲講, 大聲笑都唔怕吵到人地. …菜單如下:原盅燉湯:裏面有好多料, 差不多半碗湯料.有竹絲鷄,豬展,杞子,龍眼, 好好飲. 正!大家一定不能錯過.美極蝦:  蝦肉爽口彈牙,我個人中意濃味D, 認為咸少少會更好.   避風塘炒蟹: 微辣,非常惹味, 食唔停口, 是我食得最多的一次.推薦!金銀蒜粉絲:. OK!金沙煎焗生蠔: 金黃的外殼, 包裏著多汁的生蠔, 正! 個人認為鹹少少,多D咸蛋王會更正!清蒸海斑: 時間控制得剛好. 都OK!鷄: 應該係鹽焗沙薑鷄, 鷄隻皮薄. 味道又幾好WOR.仲有瑤柱扒西蘭花, 蛋白瑤柱炒飯.薑汁湯圓: 我中意呀! 湯圓好彈牙!仲有汽水送. 埋單$208/位. 好抵食呀! 下次想傾解食飯又可以多一個選擇! YEAH!

朋友介紹在這裡為家人慶祝生日，可惜……- 地方似小公寓，一行廿人困在一間最多只可容下一圍的房間，冷氣又不足，重有隻烏蠅飛來飛去。- 除了個湯和鷄較為可取，其他都是大堆頭和很咸很咸的，當然份量足，但距離好吃差D呢！ -上菜慢到嘔，半小時上一味餸，食到11點至上埋最後一味菜和炒飯，甜品都仲未得。一個比住家還小的廚房，跟本做唔到幾圍，就唔好接啦！ - 服務？大排檔都比佢好好多。 總之，一句講，失望之失望。

"時光一逝總不回，往事只能回味......" ，短短兩句的歌詞，卻道出人生的唏噓。依舊是七人的飯聚，對上一次原班人馬的聚會大概是三年前吧！自 "大衛" 與 "崎雲" 返回新加坡生活，這次大家在港重聚，那份珍惜的感覺似是更濃。他們兩夫婦也是甚愛吃，最不捨香港美食，到訪前下旨要吃個好的。於是我請樂廚備佳餚、自攜美酒，齊集好友 "關寶寶" 、"飛力" 和 "培訓 S"，可以開飯了！眾人均對樂廚的拿手燉湯非常期待，當晚的是圓肉杞子燉烏雞。色澤深褐、通透；用料豐、火候夠、香味足；味道就如精心久釀的醇酒，甜美、調和；具滋補、養顏的功效，不僅是女士們的恩物，連男士也喝得津津有味。難得燉盅內的湯料仍保留鮮味，大家吃得環保，沒有浪費！樂廚的美極蝦優勝之處在於味道不會過份濃烈和誇張，只利用美極醬汁輕作提味，其它味源均來自蝦隻本身的鮮甜，以及蔥頭等佐料，香氣自然、誘人。蝦殼脆薄、味道慢慢滲出，繼而品嚐鮮甜彈牙的蝦肉，美味就是那麼簡單！當中有數隻較大的蝦隻，有些微熟過頭了，幸好未有影響整體水準！金沙煎焗生蠔，無疑是一道令人又愛又恨的菜式。鹹蛋黃和生蠔乃屬高膽固醇之物，對健康等同魔咒；但鹹蛋黃味豐甘香，變成流

經朋友介紹嚟呢間店食飯. 朋友特別推薦燉湯,及金沙煎焗生蠔, 佢話呢兩樣一定要試! 於是選佐 家常喜慶餐 $198/位廚師推薦原盅炖靚湯 :好好飲, 好足料, 有元肉, 杞子, 豬展及竹絲鷄.湯料都差唔多有一半. 美極蝦: 蝦身沒有多余的油份,爽口彈牙+美極香.正! 金沙煎焗生蠔 :朋友推介必食,佢話佢平時只食生蠔, 但都會食呢度d熟蠔. 可惜行開一陣既時間, 已經俾屋企人掃清. 鳴… 唯有下次再試. ..清蒸游水海斑: 食得出條魚係靚魚. 唔錯!金銀蒜粉絲蒸元貝: OK!避風塘炒蟹 :同朋友講既一樣, 好大碟. 家鄉風味鷄 :一般. 瑤柱扒時蔬 :賣相唔錯!味道ok!瑤柱蛋白菜粒炒飯 :唔會太咸, 屋企小朋友都啱食. 湯圓: 薑汁湯圓. 為呢餐飯畫上完美句號.送每人一罐汽水. 呢一晚, 好飽, 好满足, 多謝朋友的介紹. $198就可以吃到以上菜色. 相當抵食. 會再來!

睇openrice d comment好似唔錯, 又有得食大閘蟹, 所以今次就同班大學同學去試la...我地11個人, 一早點左大閘蟹A歺, 每位288, 唔洗加一去到門口, 冇左"樂廚"個牌, 所以有D朋友按錯左隔離門鍾. HAHA... 咪好囉, 有得按摩.入面有3間房, 1個庍, 比阿姐老點左我地去另一間房, 一開門成班人望住我地... 呆左. 原來隔離果間先係我地o既, 阿姐一個人煮野食真係忙到爆, 所以上菜都好慢. 另外有一個幫手, 都係上菜, 執枱o既, 但佢咩都話唔知艾草 / 龍眼肉燉湯 - 全個歺最好食就係個燉湯喇, 真係燉o既美極蝦 - 好大碟, d 蝦個shell都好軟, 好味瑤柱西蘭花 - 其實係瑤柱絲, 打左個芡再淋係西蘭花上面, 11個人黎講有d 細碟, 味道偏淡, 但賣相ok大閘蟹 - 歺牌係寫每隻4襾両, 但應該冇囉, 好細隻, 一公一"拿", 公都算ok, 但"拿"係唔掂, 好細隻... 回水... 奉送羌茶一杯, 依點又ok蒸扇貝 - 依碟菜真係好過份, 100%sure 佢個扇貝係急凍, 然係放係個shell 上面蒸, 唔單因為冇痴shell, 食茖

由於一星期前訂左位 一行13人 一早已經落左菜單 菜單上 話可以自行改菜式 其中想改一個為黃金蝦球 接電話果個係老闆娘 佢話唔可能突登為我地整的 所以改為佢推介的美極蝦而且佢話我地人多 安排間大房我地 (可足夠坐16人)原本訂了打麻雀 最後都無提供當晚 有朋友早到去拿位 點知我地間房俾左另一班人坐最後因為我地菜單有叫鮑魚 先有番間大房安排好唔掂 佢所講可以坐16人的大房 其實坐13人都已經超迫圓檯幾乎貼住牆~不過食物水準不錯 每人一罐汽水1 黨參杞子桂圓燉烏雞 (湯底好多料 又夠火喉) 2 家鄉釀豆腐 (d 豆腐入哂味 有胡椒味 好正 如果只係試個汁 就咸左少少) 3 避風塘抄蟹 (一d都唔辣 完全食唔出有避風塘感覺 不過d蟹好大隻 好似龍蝦咁大 又大碟) 4 美極蝦 (蝦身細, 味道一般)5 原隻鮑魚冬菇扣鵝掌 (每人一隻鮑魚 好甜呀 yummy)6 金銀蒜粉絲蒸元貝 (13人但只有12隻 原因又係俾錯左去隔離檯 要等左1小時多 先補到隻元貝俾我地) 味道都係一般7 客家鹽焗雞 (隔離檯突然要求要 所以將我地原先訂果隻俾左人 當係補償番人地之前坐錯檯 而要讓番俾我地既代價 完全係好

跟幾位前同事難得的飯聚，不禁回想當年的風騷歲月，於 JJ's 喝不完的 Happy Hour、BBQ、Pantry 飯盒比拼等一一浮現眼前，似是昨天才發生的事情，數數手指原來已超過15年的光景。大家分道揚鑣這麼多年，感情沒變，還能互相鼓勵、勸勉，關係深厚得像一家人。 托 "家人" 的厚愛，每次團聚總把挑選地點的責任交予給我，說實話這是我最愛的差使，定當全力以赴。原欲訂的潮州菜菜館在裝修中，只好在 Open Rice 搜索一番，皇天不負有心人，給我找到了樂廚。光是客家菜三字已令我心動，沒深究便立即致電訂位，就在飯聚前一個晚上全都定下來了，速度之快與過程之順利，令我感到詫異。 樂廚就設於一個住家感覺的單位內，裝修擺設絕不講究，可想而言之樂廚是潛在另一方面的吸引力。坐下不久，預訂的菜式便一一出籠。首先是圓肉杞子燉烏雞湯，每位一盅。燉湯不是新搞作，但令我感驚喜的，不僅是燉湯既有的鮮甜芳香，湯水還有著一種可被舌頭感應出來的醇厚底子，令嘴巴與喉嚨感到特別的順和舒暢，用厚來形容液體似乎較抽象，也許是精華匯聚的效果。及後才從大廚陳太口中得知此湯燉了10小時，怪不得連豬肉肉質都是十分的鬆軟，所有湯渣早給

We went there for Father's Day to celebrate with my dad, food is great but very busy restaurant especially with only one cook in the kitchen. If you'd like to enjoy food better, you may want to go during weekdays. Food portion is big and waiters are very friendly. However, environment is so so only since it's an old building. We only chosen the cheaper dinner set because we don't want to eat too heavy but given the portions are really big, we didn't finish all the food.

第一次食中式私房菜, 食物材料樣樣都好新鮮, 店主同我哋講海鮮是佢下午4點幾去買架, 條石斑 ~ 蒸得剛好, 肉質幼嫩. 個蟹肉繒今山翅 ~ 份量十足呀又好味, 原隻鮑魚扣鵝掌 ~ 好欣賞呢道餸. 一上枱就聞到好香的味道, 鮑魚幾大隻. 每人一件. D汁扣得好好. 而鵝掌及冬菇吸收晒D味. 好入味, 好正. 沙薑鷄 ~ 肉質仍嫰滑又夠味. 正!! 金沙煎焗大生蠔 ~ 好多咸蛋王, 好香又保存到蠔味 ... Good ar!!奉送生果拼盆及每人一罐汽水免加一環境方面, 雖然沒有華麗的裝修, 但都乾淨企理, 幾有屋企feel. 店主好好人, 服務良好!

第一次食私房菜, 讓我很有驚喜. 食物材料新鮮,店主說海鮮是她下午5點幾才買, 還是游水的, 條星斑的確很好味, 蒸得剛好, 肉質幼嫩 , 避風塘炒蟹也很可口, 此外, 嚮螺燉湯也很鮮味, 很清, 店主說燉了很久, 且絕對不含味精! 份量方面, 雖然是二人份量, 但相信多個人食都無問題, 我們也吃不完所有食物, 碟炒飯最後要打包.價錢方面亦相當大眾化,這麼多餸, 每人只需用$210, 免加一, 還有汽水送, 有滿載而歸的感覺! 環境方面, 雖然沒有華麗的裝修, 但都乾淨企理, 蠻舒服的. 店主很好人, 服務良好, 還有靚仔KAIDEN幫手, 大家不妨去試試吧!

一年一度的中秋節, 又係一家外出食飯做節... 為佐唔想同人逼. 今次經朋友介紹, 嚟佐樂厨私房菜. 選擇佐$238套餐.包括有以下：鮮蟹肉膾金山勾翅 :唔錯. 大蝦二食: 蝦身係芝士蝦. 味道好夾又唔漏. 蝦頭部分係金沙蝦.好香口. 海鮮百花球 : 用蛋白包住D料,有蝦, 蟹肉, 西芹. 上面洒佐D蟹子. 口感豐富. 清蒸海石斑 : 新鮮. 蒸得唔錯. 原隻鮑魚扣鵝掌 : 好欣賞呢道餸. 一上枱就聞到好香的味道, 連家中偏食的小朋友也指著鮑魚話要食. 鮑魚幾大隻. 每人一個. D汁扣得好好. 而鵝掌及冬菇吸收晒D味. 好入味, 好正. 花凋蛋白蒸紅蟹 : 蛋白蒸得好滑. 撈飯食好正. 當紅炸子鷄 : 係炸鷄.鷄皮幾乎冇肥膏, 而肉質仍保持嫰滑. 平時係酒樓唔食炸鷄, 今次我卻食多佐幾塊. 百靈菇時蔬 : OK!富貴炒飯 :都OK. 奉送生果拼盆及每人一罐汽水食完之後, 第一次嚟私房菜既老人家話, 以後都要再嚟. 猛話出面都冇乜野食, 又貴. 而呢餐大家都食得好满足!