樂意粉麵

Open Now

Now Closed

近排成日OT，返到北角都10點幾，有時求其買個老麥就算，好幾次買緊老麥都俾對面呢間粉麵檔既牛腩香味吸引住，心諗有機會一定要試下！今晚連老公都要OT，於是就一齊黎試試！我地黎度已經10點半，但都有幾檯客。老公叫左牛雜湯河（$31），我叫牛腩湯麵（$31），之前睇過食評有人推介蘿蔔但已經賣晒！兩碗粉麵份量適中，牛腩湯好香好濃但飲完唔會口乾；牛雜非常入味，牛腩有幾舊略嫌有少少鞋，後尾聽到有客人落單時叫肥腩先恍然大悟，下次識嗌喇，哈哈！之後我地再追加左一碗淨豬皮魚蛋（$31），原本想叫正常辣，侍應建議我地試小辣先，果然小辣已經好夠！辣湯色水好似好淡但原來好入味好夠辣，正！一路食一路再有客人入黎坐滿咁滯，愈夜愈多人！睇黎附近既人都好識食，哈哈！

喺七姊妹道附近返工，四圍可以「擺入口」嘅選擇真係唔多...而算樂意粉麵算係唔會伏既選擇～每次路過樂意粉麵都會俾佢嘅腩汁香所吸引，今日忍唔住又去叫左碗切腩河($31)！老老實實，牛腩河唔難搵; 但好味嘅牛腩河就難搵喇！通常出面食牛腩河啲牛腩都係硬硬實實又多渣，食完實「痴牙」...但樂意用嘅係切腩，肥瘦適中又夠稔，正！腩汁湯底唔算重味精，食完都唔會好口渴。河粉份量都唔少，一個女仔食一碗絕對夠飽!有機會嚟食意樂記得要叫牛腩!!!!!!!!!!!!!!!!

同事一致好評, 一直都未試過, 今次就試試。叫左牛筋麵 + 腩汁。牛筋滑du du, 好林, 又多又大舊, 夠入味, 正呀! 幼麵係雲吞麵, 無間水味, 唔會太林/硬, 腩汁惹味, 唔算太油。係份量少左dd 。

本身鍾意食牛腩麵， 所以見到麵店鋪都會試。 好多年前喺鰂魚涌返工， 食lunch有時都會去樂意， 佢啲牛腩係夠諗同入味。 腩汁又夠香。 轉工後，好多年冇幫襯。 呢排成日經過， 次次經過都要食。 咖哩牛腩係鹹咗少少， 不過如果鍾意濃味，送飯都可以接受。 我最近食過幾次，都係叫牛腩麵。 牛腩嘅水準係穩定嘅， 味道次次差唔多咁好味。 麵就有時梘水味重啲。 但係當我食過一啲真係不知所謂嘅牛腩麵， 樂意真係算係咁。 而且過環境算係幾光猛，枱面地下都幾乾淨嘅。

My friend used to go to this restaurant for late dinner after work. He told me some day, this restaurant suddenly disappeared , so he could not eat anymore. few months later he saw in the street, that seefu appeared behind the window again, it moved to a new place not closed, so my friend could go again happily.He bought me here. We ordered a beef noodle, the beef was soft and tasty. Soup was not good as I expected but still good. Also turnip with beef soup. Turnip was soft.

行過香噴噴，見到好吸引樂意粉麵係鍘魚涌巧多年了，每次經過都比香噴噴既牛什味吸引，總要幫趁下既。今次叫了個牛什伊買走，牛什夠腍夠入味，同埋有好香既鹵水味，牛腸略有小小肥膏，不過阿媽話有膏先至香，一次半次唔怕既

每次上完堂由沙田回到北角而是十時半有多，食的選擇不多，樂意永遠都是我首選❤️ 招牌牛腩加上任何麵都不錯，而精華則是那一殼腩汁。夾起一塊牛腩，瘦中帶點肥肉，很有咬口又不會太硬，一啖下去滿口牛香，正！ 再飲一啖加了腩汁的湯頭，意猶未盡。好運的話，晚上還有我最愛河粉，賣光了只好退而求其次吃米粉了。牛是樂意招牌，其他牛肉料理都很不錯，大家有機會可以試試呢。

呢間樂意粉麵賣既都係一般港式牛腩類式類既食物.雖然好似好普通但又吸引到我去試,因為個鋪面好似好白雪雪幾乾淨!乾脆試試40大洋咖哩腩飯.不消半分鐘已有得食,當然啦,個咖哩腩煮好左嫁麻.腩同薯仔都極之軟腍,不用多少力氣就可以將肉撕開吞下.咖哩味道都幾辛辣,層次感比起一般茶記多一點點,但香料味不算重.以茶記質素來講算是幾有水準喔!

之前有朋友問，在香港區有哪一家牛什出色？連鎖的潮興當然不會上榜，非常勉為其難才想到糖街那一家。 這天要到北角辦點事，行經這裡，聞到一陣牛什香，又剛巧肚餓，太好了。 叫了一碗牛什麵（$29)，牛什份量沒有欺場，牛肺、牛肚、牛筋都有，我不要腸，所以換來多一件牛膀。牛什很新鮮，炆得入味，夠腍，更值得一讚的是他們的湯底，清澈而濃厚牛香，我把整碗喝光，證實沒有味精。 這裡一碟淨牛什賣＄78，比銅鑼灣平廿蚊，下次有人再問哪裡有好的牛什，有答案了。

這家街坊小店，食足八年，由細舖食到大舖。曾幾何時，家住北角，工作地點又在北角，一日有兩餐都響呢度搞掂。最近在家時間多了，突然想起這裡的香濃腩汁，不如就落街吃碗河粉做午餐。避開繁忙午餐時間，2點半才到，完全不用等位。牛肚切腩河，河粉依舊滑溜，腩汁湯底依然香濃，牛肚爽嫩無渣，可惜的是牛腩肉粗難咬，有點失望。見到很多食客都叫咖哩牛腩飯，吃得津津有味，下次再試！

感謝網友相贈之演唱會門券，這晚可與太座到「九展」看演唱會，出發前先簡單地吃過晚餐。每次路過此店，太座都說：「好香！」但每次都是吃飽才經過，也許今次可以來吃了。此店馳名賣牛腩，牛雜，所以我們點了牛雜麵和原汁切腩飯。牛雜麵有牛肚，牛肺，牛膀，牛柏葉，牛筋，牛腸等，用了花椒八角等五香物料烹調，味道複雜，牛雜也夠腍，雖知內臟膽固醇極高，但偶爾吃一次也不礙事。原汁切腩飯，飯煑得太腍，而茨汁亦太多，弄至更濕，舉「筷」為艱，切腩瘦多肥少，不夠滑，草草吃過不餓便算。

樂意嘅咖哩牛腩我覺得幾好味, 夠香夠濃之但係就爭左啲層次同埋好杰, 仲有, 除左腩之外都係腩咁我就會買一盒返屋企, 加一大個薯仔, 一碗水, 蠔油同豉油, 再炆佢20分鐘, 咁就啱啱好, 好好味補充, 佢哋呢排多左牛筋, 好稔好正, 又係清湯與鹵水之間, 終之唔係五香嗰隻搬大舖後啲嘢差左啲, 但係仍算好食, 可能生意太好接唔住, 好似有偷雞落味精,

成日一個人lunch去食呢間!一個人唔使排隊, 一到就入得＄26一碗麵 ＄5加底 ＄34撈麵不錯的lunch choice!推薦牛腩麵 牛腩一碗有六七塊咬一啖, 牛腩又腍又入味蛋麵爽口又彈牙不過份量好似少左d女士就咁一碗～男士加底會比較飽~~~但係waiter比較不耐煩哈哈

本想到"一面倒"有8個讚的華記飯店吃午飯，走了數圈仍找不到，問問街坊，才知華記飯店已因收購、重建而結業，問街坊有何開飯熱點，他介紹了樂意的牛腩飯。樂意粉麵的地方較細但桌椅簇新，衛生理想，店員大都年過半百，繁忙時顯得有點吃力。食物味道咖喱牛腩的咖喱汁頗濃，但並不太香，配以蘿蔔總是覺得有點格格不入，牛腩頗多但不太腍，屬有嚼頭一類，整體算合格吧! 不過那酸梅湯淡了一點，不試也罷！

因為工作關係, 所以經常會喺附近買外賣返公司食, 樂意由舊鋪搬到新鋪, 環境改變咗不少, 舊鋪時有點殘舊而且店內較悶熱, 但搬了新鋪後, 鋪內冷氣開放, 更裝有電視, 頓時為小店升呢不少~~~ 只可惜距離地鐵站口再遠多一個街口, 喺正七姊妹道健康邨麥記對面跟其他食店一樣, 搬了新鋪, 無可避免地加價, 一碗粉麵由舊鋪 $24, 上調到 $25, 可以接受嘅升幅~~order 了切腩河走青, 切腩為片狀厚切, 約6-7片, 而腍度亦適中, 好有咬感, 當中帶有一點肥膏, 但亦唔會有過份的肥膩, 河粉則一般, 未致於煮得太淋, 但數條河粉則黐在一起, 湯底則用上自家牛腩牛雜湯, 但個人覺得今次有點鹹, 有機會再試清湯 or 撈麵, 希望會比較好~~外賣不用加錢, 店員亦會俾包預先 pack 好一袋仔的辣椒油, 總算都幾細心!! 份量一般, 大食的話可能要加底先夠~~~晚市有供應咖哩切腩飯, 有機會試下先!!