樂湯雞麵館 (登龍街) (Closed)

很久無來銅鑼灣了，今日一早來見工之後肚餓去咗食午餐，其實本身想食拉麵，以前係銅鑼灣工作時食開一間拉麵店係登龍街，之後就見到呢間樂湯雞麵館。因為我本身好鍾意食魚翅，見到都有啲魚翅湯所以都有啲興趣最後點咗個砂鍋花膠雞湯翅配白飯94＄+魚翅42＄個湯都幾濃郁，材料都夠嘅（不過要加錢😐）雞就有少少雪味和肉質唔算嫩滑（但可接受）我都知食魚翅唔環保，不過真係鍾意食翅或者羹湯之類嘅食物😐味道ok嘅！當然可以做得再好啲！如果評分想比4⭐️半，但呢度無半⭐️所以味道比4⭐️（雞肉扣分）環境衛生正常囉無點留意3⭐️或者4⭐️，服務4⭐️出面個姐姐好熱情拉客😀，至於抵唔抵食見仁見智，而且銅鑼灣租貴，所以都比4⭐️都值得比個👍

伏伏伏伏伏！銅鑼灣登龍街一直百花齊放 平時食開金西南 今日打算試下新嘢就入咗呢間米線，睇餐牌好似係出名食砂鍋養生花膠雞湯。我即刻毫不猶豫order咗呢個套餐，加埋杯豆漿其實都好貴下 ～100一碗米線lol咁我嘅期望一定好高啦點知……..個湯淡而無味，雞肉又硬又鞋，好重雪味簡直難食🙂🙂🙂豆漿係成餐飯唯一冇出事嘅地方我朋友碗椰子桃膠都好難食 呢啲咁甜品嘅配搭，係完全唔夾湯麵！🤧🤧🤧🙂‍↔️一定冇下次，難食又貴。

今日又喺銅鑼灣搵食，路經呢間樂湯雞麵館，聽到姐姐大力宣傳佢哋超抵食嘅午市套餐，一於入去試吓！午市套餐總共有六個，我哋嗌咗口水雞配細雞湯（$58）同埋滋味汁雞絲撈米線（$58），全部午市套餐都係$58，白飯轉 刀削麵/米線/米粉/粉絲/菜底只需要加$3，超級抵食，所以我就直接轉咗個刀削麵。刀削麵幾有咬口，咬落幾彈牙，麵質都幾爽口，配埋雞湯都幾清甜，鍾意食辣嘅都可以任加辣椒油，我就唔客氣落咗三大羹，因為辣椒油都唔算好辣。口水雞都唔係好辣，唔係用返任加嘅辣椒油，幾有誠意，雞肉幾嫩滑，一啲都唔肥，連埋皮食都唔會覺得好有罪惡感，凍凍地幾開胃。雞絲撈米線都幾爽口，都可以任加辣椒油，幾適合而家熱辣辣嘅天氣食。最正嘅係午市套餐仲要配汽水，加兩蚊就可以轉道地無糖烏龍茶或者豆漿，喺銅鑼灣50幾蚊食到個午餐仲連埋嘢飲真係幾抵食，打工仔午餐之選！

今日去咗銅鑼灣想食米線，平時見到呢一間舖，都想試，所以就入咗去一入到去唔知係咪落雨關係，好大浸噏味，夾住少少鹹魚味叫左砂鍋雲吞雞米 成94 蚊朋友叫咗花膠雞米線，個花膠都係冇味雞部份算多，但係好嚡同埋冇味 雞髀都好嚡佢比好多雞胸 好多碎骨 米線係偏林，係幾滑，但係都冇乜味係成個湯都無乜味😓 要落好多鹽同胡椒調味雖然係標榜少鹽少油，但係都唔應該成個湯都冇味仲要收呢個價錢真係好失望呀我不如去食譚仔，或者普通粉麵店好失望，好失望，好失望 ，好失望，好失望，好失望，好失望，好失望，好失望 ，好失望，好失望，好失望🥹

今晚去左登龍街搵食，喉嚨麻麻地，第一時間諗起呢間又冇味精又好食嘅健康美食，呢間樂湯雞。佢出名花膠雞湯翅的，我點了砂鍋花膠雞湯翅配米線，而朋友嗌了砂鍋桃膠雪燕椰子雞配米線，再點了兩小食，涼拌海哲手撕雞同口水尖椒皮蛋，加豆漿同可樂。吾洗一陣就準備好了，正啊，兩碗米線都原個砂鍋咁上，d湯滾住的，熱辣辣，厲害，店員仲會小心提吾好掂親很熱，砂鍋花膠雞湯翅配米線，湯很清甜冇味精，一食就知，好食，又比足料，花膠大大舊都有好幾舊，仲有魚翅，都很多，雞很嫩滑，黃皮的雞很有雞味，米線又熱又滑好食。而砂鍋桃膠雪燕椰子雞，都同樣厲害，大大砂鍋同樣滾住上，椰子味很香，湯底清甜，大碗食落好夠飽。小食海哲手撕雞好食，爽口有埋青瓜同蘿蔔絲更口感，而皮蛋都幾辣下，朋友都大讚很惹味，加落米線食好味。整體都好滿意，食完喉嚨都好舒服，冇味道健康之選。

前排有啲著迷於雞湯米線/麵，經朋友介紹可一試銅鑼灣嘅樂湯雞麵館～今日同屋企人分別嗌咗兩款刀削麵 海蜇手撕雞 加兩杯豆漿本身以為係11:45開門 點知原來係12點 所以係附近徘徊咗陣 到11:55員工開門 佢哋好客氣招呼我哋先入去 態度分Up Up Up涼拌海蜇手撕雞先上，雞絲、海蜇、紅蘿蔔絲同青瓜絲比例啱啱好麻油味很香，味道調得剛剛好～ 啲雞絲仲幾滑添！雖然$58唔算平，但都值得一試～兩碗刀削麵的份量同用料對得上價錢，上枱時滾熱辣，如果係天氣比較涼去食的話會非常暖胃呢間的雞湯有濃濃的金華火腿味，但個人覺得有啲太重，蓋過咗雞味 ⋯⋯屋企人嗌咗花膠雞湯翅加鮑魚，花膠同翅的份量都唔少，雞就剛好俾到雞髀位，肉質嫩滑～花膠大大舊，夠入味的！可惜我叫的花膠雞麵的雞（雞胸位）都幾鞋，有啲扣分另外可能刀削麵比較厚身，未有好好吸收到個湯，食落唔夠味⋯⋯ 下次可能叫米粉米線會好啲

銅鑼灣嘅登龍街一向出名多各式各樣嘅美食，經過見到呢間樂湯雞麵館嘅無味精養生雞湯麵好似好吸引咁，價錢又合理，令人忍唔住都想好好養生一下～砂鍋花膠雞湯翅💰HK$94雞湯味道鮮甜美味，質感豐富濃厚，仲要用砂鍋上，令到成個湯都keep住熱辣辣！麵底就揀咗掛湯能力極高嘅粉絲，吸收哂雞湯嘅精華！另外有好多嫩滑嘅雞件、魚翅同埋兩大塊花膠，真係超足料！果然係進店必點嘅招牌菜之一～藥膳醉雞米線💰HK$76朋友要求咗啲醉雞要雞胸肉，每一件醉雞都散發住濃郁嘅酒香味！藥膳湯底味道都好清甜，桂圓紅棗味比較重，感覺成個麵都好滋補～XO醬龍皇雲吞💰HK$58大大粒雲吞，一咬開勁大隻蝦喺入面，每一粒都餡料充足！配埋面頭嘅XO醬，真係令人食得好滋味～豆漿💰跟主食+HK$9

環境4分：中式小廚格局，樓面OK高，內牆貼左幾幅招牌菜直接介紹，D木枱櫈有懷舊風味，唔算迫，可以畀四分。衛生4分：每枱都有膠板隔開，非常衛生，枱櫈完全冇黐立立，四分。服務5分： 侍應生快手快腳，唔囉嗦，上菜爽手，滿分。味道5分：1)    砂鍋花膠雞湯翅（半隻）成個砂鍋上枱熱辣辣出曬煙起曬泡，近少少都感受到一百度熱力。入面D花膠大大塊，白雪雪，好滑同好有口感，魚翅份量都算多，兩百幾蚊有半隻雞食，仲要係大大隻雞，Ｄ雞皮好滑，雞肉好厚，Ｄ雞味落曬落個湯度，所以D湯好濃郁，食曬半隻雞非常飽肚。2)    砂鍋花膠雞湯翅配上米線一模一樣一上枱超級熱辣辣，卜卜卜卜，Ｄ米線好滑，份量好多，有兩大塊花膠，魚翅同雞件，個湯一樣咁濃。再加配花膠魚翅餃，每粒大大隻，皮薄，入面D豬肉新鮮，仲有Ｄ好脆嘅木耳，所以食得好爽。抵食5分：百幾二百蚊可以食齊花膠魚翅同咁多雞肉，性價比非常高，非常抵食，一定滿分。

<砂鍋龍皇雲吞雞米線> $94砂鍋系列超吸引，用原個砂鍋熱辣辣裝著，享用時也能保持著温度，可以自選米線、米粉、粉絲、刀削麵或白飯！今次試砂鍋龍皇雲吞雞米線，切雞大概五至六件，雲吞包著原隻鮮蝦，口感很彈牙😍⤫ ⤫ ⤫ ⤫ ⤫ ⤫ ⤫ ⤫ ⤫ ⤫<口水豬手撈公仔麵> $90類似用白雲豬手的做法，豬皮會變得超爽彈，不過醬料就改為自家製口水汁，不會太辣易入口得來又惹味！餐牌本身配刀削麵，但也可可以免費改轉公仔麵，是更邪惡的選擇！⤫ ⤫ ⤫ ⤫ ⤫ ⤫ ⤫ ⤫ ⤫ ⤫<涼拌一口花膠> $58<口水醬黑白配> $38小食的選擇超多，價值矜貴的花膠也可以做死小食，將花膠切成一口size，再伴上蒜汁醬油！另一款小食口水醬黑白配，餐廳選用大埔振興牛丸和墨魚丸，牛丸爽彈重牛味，墨魚丸混合花枝粒充滿口感！

真係唔會食第2 次。好耐都未試過寫食評，但真係忍唔住要差評下。本來諗住食登龍街間山西藥膳刀削麵。但發現好似執咗，所以見到《樂湯雞》都有藥膳刀削麵諗住都可以試下。所以，坐底叫咗一個價值$76的藥膳醉雞刀削麵。唔夠5分鐘已經上菜，但係真係好令人失望。個刀削麵係一啲味都冇。好，我忍，試試個醉雞先。咩事? 個醉雞都係完全冇味，係完全冇味啊！！淨係食到雞味。從來未試過食醉雞係一啲酒味都食唔到，食到我都懷疑我味蕾有問題。平事我都唔食太咸，但今次成餐都冇味真令我大開眼界。食完今次真係冇下次。

今日來到呢間樂湯雞面館食佢出名真材實料無味精既雞湯面果日都岩係落雨我都變左落湯雞同個店名幾match首先點左麻辣青瓜和涼拌萵荀兩款小食麻辣青瓜比較惹味涼拌萵荀就比較清爽跟住就係豆漿都幾有豆味跟住就係砂鍋花膠雞湯翅刀削面 這碗面係$94有齊魚翅花膠和濃雞湯浸住既刀削面其實都算幾抵雞湯非常濃郁而且無味精用來撈刀削面係唔錯既雞都幾大件跟住就係至尊鮑魚雞大碗飯 這個飯是用鮑汁來炆而且仲有一隻鮑魚和雞鮑汁飯好惹味而飯裏面仲落左D好似菇既配料跟住再叫多個雲腿浸娃娃菜都係用上湯來煮總括呢間店都可以用合理價錢食到魚翅鮑魚花膠都唔錯可以試下

今日行經見到呢間樂湯雞麵館好似好正～仲見到佢主打係雞、雞湯，好吸引呀。因為自己就懶得點煲湯，出去飲到雞湯都幾正，所以就捉住老公入左餐廳坐了。餐廳環境好大，好多張座位，唔洗等位，地理位置又方便，易搵。睇睇餐牌，有好多唔同主食，以雞為主，雞湯、雞湯翅、炒麵飯⋯⋯小食等等都應有盡有，好正呀。我們點了一個小食～涼拌海蜇手絲雞，海蜇、手絲雞、青瓜絲、蘿蔔絲，夾雜在一齊，所以吃起來時又爽又脆，口感相當唔錯，而且調味都好開胃，凍凍的前菜，十分吸引同開胃呀。海蜇又爽又好咬口，雞絲份量都不少，作為前菜相當唔錯。醒胃老公點了一碗至尊鮑魚雞大碗飯～賣相超吸引，有大大隻鮑魚，多件大大件又肥美既雞件，仲有大大碗飯，飯仲是有味飯的，入面已調好味道，仲夾雜住少少菇菌，相當之好味。老公對呢個飯都大讚，又惹味又重雞味又飽肚，相當之抵食同吸引。我試過都讚不絕口。我點的是砂鍋花膠雞刀削麵，粉麵可以自由點選，如米線、麵條、刀削麵等等，而我就點了刀削麵。呢個砂鍋花膠雞簡直是一流。砂鍋熱辣辣的送上，要小心被鍋邊烘到手，熱辣辣的雞湯翅，滋味無比。雞湯又鮮甜又好味，入面仲超足料，有多塊大大片又厚切的花膠，彈牙又充滿膠質。仲有大量既魚

呢幾日都落雨，天氣涼涼地。最岩食D暖笠笠既野，所以簡左雞湯翅。砂鍋花膠雞湯翅呢款應該係招牌，砂鍋上台時超級熱辣辣，勁多煙，覺得冬天食一定仲正。今次我配米線食~ 入面有雞件，有花膠。花膠扒好大塊，好足料。雞件肉質幾好，唔會有雪藏味。湯頭濃郁，入口鮮甜，同米線食都好夾。砂鍋雞湯翅朋友叫左呢款配粉絲，材料大同小異，配粉絲索曬汁，一樣好食。唔覺唔覺都飲曬D湯! 食完個胃都好暖。涼拌海蜇手撕雞呢個有驚喜，好開胃既一個冷盤。唔食辣既朋友都岩曬，會越食越上癮，海蜇口感十分清爽。雲腿浸娃娃菜份量都幾多，菜都吸曬湯汁，唔會太咸，感覺好健康。最後加2杯凍豆腐，唔會太甜，完美!

2/5The abalone sauce rice is good. But other dishes just alright. Especially the fish maw taste blank, didn’t pre cook in chicken broth but water. We didn’t even eat one.

行街行過登龍街，咁啱落緊雨又冇帶遮，見到呢間舖頭個名好特別，既然係咁應景，所以就入咗去試下啦間舖頭入面都好古色古香，好乾淨又企理，我哋坐低，舖頭店員就好快埋嚟落單，推介我哋食砂鍋龍皇雲吞雞，咁我哋就嗌咗一份雲吞雞。自己又口痕想食岀前一丁，就叫咗個XO醬招牌雙寶撈出前一丁。諗住食啲菜，所以就嗌埋一個雲腿浸娃娃菜。啲食物都好快就上枱，第一上枱嘅菜就係個娃娃菜一放低就聞到好濃好香嘅金華火腿味，個奶油輕身得來又好香，配埋金華火腿一齊食，非常出色第二道上枱嘅菜就係個雲吞雞，一放上枱見到佢喺度沸騰緊已經覺得好吸引，除咗賣相好睇之外：首先個雞唔會好韌有雞味，仲要好多都係雞髀肉，啖啖肉個雲吞超級大粒，個size係出面食嘅雲吞嘅兩倍！入面有原隻大蝦同埋好足料嘅肉，雲吞皮仲好滑重點就係個雞湯，好濃郁好香好好飲！唔使嗌飲品淨係飲呢個湯都已經足夠！第三道菜就係個XO醬撈丁，個XO醬真係好出色，撈埋個丁簡直係一絕！入面包埋雲吞同埋水餃兩款都好好食，好足料！食完問返個店員，先知原來個XO醬都係佢哋自家製！但係咁啱賣晒，下次經過見到有一定要買返一樽XO醬返屋企食估唔到咁都比我發現到一間咁好食嘅餐廳，真係好值得推介！