樂湯雞麵館 (登龍街) (Closed)

This restaurant used to offer a delightful dining experience. Especially for the soup. However, our recent visits have been disappointing, particularly with the chicken meat quality. The chicken pieces used to be generous and flavorful, adding to the overall enjoyment of the meal. However, in our recent experiences, we noticed a decline in the quality of the chicken meat. It seemed less fresh and flavorful, detracting from the overall dining experience. The soup is not good either . We hope the

前幾日去左朋友屋企探小朋友, 夜晚係銅鑼灣登龍街搵左間餐廳食飯。餐廳主打雞湯米線, 我哋叫左砂鍋花膠雞湯翅米線, 湯底味道清甜, 花膠煮得夠淋, 份量好多, 食落無味精, 唔會覺得口渴。我哋亦叫左醉雞米線, 湯底有好濃既藥膳味, 雞肉食落幾嫩滑。另外我哋叫左兩款小食, Wasabi海蚻手雞配上麻油整, 食落好香好開胃, 花雕豬手已經去骨, 佢既花雕味好濃郁入味。平時出街食飯好多時都多鹽多油, 但呢間啲雞湯無味精飲落好健康, 整個人暖笠笠。

「樂湯雞」係一間專營雞湯麵嘅餐廳，標榜真材實料，無味精，而且價格合理，性價比高。👍🏻砂鍋花膠雞湯翅米線/ 砂鍋花膠雞烏冬，兩個湯底差唔多，燉得濃郁，配上鮮嫩多汁嘅雞，大大件的花膠，仲有魚翅，帶來一種大大的滿足感。😋藥膳醉雞米線，充滿藥膳風味，配上滑嫩嘅雞肉，帶來一種濃郁嘅風味饗宴。🎈XO醬龍皇雲吞，味道鮮美，配上香辣XO醬，唔錯👍🏻 如果想食真材料實料花膠雞湯，「樂湯雞」係值得一試👍🏻

甚少寫食評，不過今次係忍唔住想寫，睇到有食評話一入間店有陣味，哈～～～呢陣係金華火腿咸香味，對鍾意金華嘅食客…係寶，唔鍾意嘅…係臭🤣雞湯翅配上金華，係絶配，感覺等如奶茶配蛋撻。入店後叫咗最簡單砂鍋花膠雞湯翅+豆槳，好快上菜，先試雞湯（因為有人話淡而無味），梗係無乜味啦，間舖寫明少鹽少糖🤣想釣返起啲味，自己加返少少鹽（少少好喇大佬），成個感覺完全唔同，有花膠，有翅，有雞，有金華，當然係唔會多啦，但94蚊仲想點？雞確實係「鞋」咗啲，不過唔係咬唔開，翅係得啲啲，花膠有兩塊半左右，金華火腿絲數條，食完後感覺好滿足，真心覺得唔錯，下次都會再試其他嘢食👍👍

大家都知道銅鑼灣嘅登龍街有好多嘢食，我同朋友行完街嚟咗呢間雞湯小店。因為天氣咁熱，食個湯麵會開胃啲，見花膠雞好似好足料咁，就試下佢。砂鍋花膠雞湯翅米線加小棠菜仲可以加$10轉雞髀砂鍋上，夠哂熱辣辣，上檯嘅時候仲係滾嘅。雞湯底夠哂濃咪又夠膠質，花膠煮得夠軟熟，推薦大家一定要轉雞髀，加$10 夠哂抵食，因為雞髀夠嫩滑，簡直係錦上添花。雞湯翅真係無得輸。XO醬招牌雙寶撈刀削麵招牌撈麵嘅醬汁咸甜適中，撈面保持再適當嘅油份，條條分明令到口感更加出色，雙寶嘅兩種餃子亦都好好味，皮薄餡靚。Wasabi海蜇手撕雞呢個雖然唔係啲咩新菜式，但勝在水準夠高，wasabi 量控制得啱啱好，雞絲都高嫩，爽口嘅配菜增加口感。炸魚皮食湯麵都一定係配返一碟靚嘅炸魚皮。涼拌萵筍萵筍片夠爽脆，配搭醋嘅清爽，夏天食幾啱口胃。豆漿獨立杯裝嘅豆漿，夠哂乾淨衛生。豆味夠濃，同時唔會太甜。

去得銅鑼灣食飯 就點都一定會去登龍街度行一轉 睇吓有咩嘢食假期前夕放工 就去佐敦行街行個圈嗰日有少少病病地 又唔敢食熱氣嘢見到呢間食雞湯粉嘅中式嘢就諗住入去試吓點知10分有驚喜！推薦俾大家!俾大家睇吓個門面先 費事你哋入錯舖頭🤣佢都有二人同四人餐我哋嗰日散叫左半隻花膠雞湯再加多個刀削麵幫我哋點餐個靚姐話佢哋出名刀削麵咁就真係要試吓啦加$25就可以有個粉麵 仲可以揀一個湯底我哋就揀咗桃膠椰子雞湯我見個Menu寫住啲升級優惠其實都幾抵㗎 加幾十蚊就有花膠海參鮑魚但我嗰日就食唔落就冇加啦以上就係我哋嗌嘅餸啦 我覺得個涼拌幾好食唔係好辣題外話 呢間舖頭嘅辣椒油，幾好食㗎 大家嫌清淡的話可以加總括而言 呢間啲雞湯真材實料 食得出係冇加味精飲完都唔會好口渴都算係鬧市區嘅清淡選擇有驚喜大家想食得清啲嘅 有足料嘅 不防黎呢間食下

相隔唔知幾多年再次寫食評，外賣沙薑雞飯雞飯，六舊雞基本上全部都係骨 雞皮厚嗰啲肉，收50幾蚊，簡直就係搶錢。重新一點味道係可以㗎。但係你咁樣做生意死得啦。賺錢一定要賺，唔該俾返啲良心。我冇影相呀，信就信唔信就算。相隔唔知幾多年再次寫食評，外賣沙薑雞飯雞飯，六舊雞基本上全部都係骨 雞皮厚嗰啲肉，收50幾蚊，簡直就係搶錢。重新一點味道係可以㗎。但係你咁樣做生意死得啦。賺錢一定要賺，唔該俾返啲良心。無影相無影相

樂湯雞銅鑼灣登龍街41-51金龍大廈地下E及F鋪至尊鮑魚雞大碗飯配鮑汁瑤柱冬菇飯 $94鮑魚幾彈牙入味 嫩滑雞肉 有啲似意大利飯因為整體係濕狀 但又點唔同 意大利飯好容易食到’’濟’'因為好多芝士 感覺油份好重 呢個鮑魚汁冬菇底感覺清一點好岩香港人口味 份量一定夠食可以講低少油少鹽 餐牌有寫 鼓勵大家健康啲涼拌海蜇手撕雞 $58海蜇和手撕雞肉，口感清爽、爽脆富含蛋白質和膠原蛋白作為涼菜或開胃菜都OK砂鍋雞湯翅刀削麵 $84雞湯濃郁鮮美 滋味醇厚 熱氣十足 食呢碗雞湯麵精華都係飲個湯底感覺呢餐都幾健康

成日經過都冇機會食到～今日放半日有時間去試一試！1. 砂鍋花膠雞湯翅：招牌菜之一，絕對係湯品愛好者既不二之選。上菜時仲滾住！湯汁濃郁，花膠好大舊雞肉都幾滑2. 醉雞藥膳湯配粉絲：藥膳熬煮的雞湯為基底，無味精，淡淡藥膳味～粉絲吸收了湯汁的鮮甜味。無骨雞肉份量十足，肉質嫩滑多汁好重醉雞味。我自己鐘意砂鍋雞多啲～味道濃啲～^_^3. 麻辣海蜇手撕雞：係一碟涼拌菜，非常開胃。海蜇口感彈牙，搭配上麻辣🌶️和香料的調味，好食～但份量唔算好多～手撕雞肉幾入味4. 鮮沙薑豬手：呢個幾驚喜！超級入味！而且豬手係去晒骨！食落好方便！！燉煮後肉質軟嫩但爽口，沙薑的香氣與豬肉的搭配非常出色，味道濃郁，份量也很足夠，好好食！好推介呢款小食！

真實評語非打手，琴日食咗依碗砂鍋花膠雞。呢個價錢雖然都唔期望佢會俾啲咩花膠，但係舊花膠真係好硬同埋無味。啲雞又冇乜肉，好多都係皮，成碗就係雞湯加米線。如果有人係鍾意飲雞湯嘅人係可以去試。但我會建議你去超市買盒史雲生清雞湯慢慢飲。可能我係叫錯嘢食吧，真係好黑仔同埋坐得好唔舒服，間舖頭又有臭味，張凳又細，不過香港地方就係咁㗎啦。如果鍾意迫迫地都可以入去嘅，warm啲。我最後就成碗米線冇食到，希望佢可以改善吓。

今日嚟到登龍街呢一間舖頭食花膠雞門面幾企理，中午時段入邊都幾多人上網睇見到最出名係花膠雞湯翅，即刻叫個試吓；朋友就叫咗藥膳醉雞（$76）藥膳湯米線同埋醉雞分開，份量都唔錯OK，不過藥膳味就唔係太濃，同埋雞有少少韌花膠雞湯翅跟米粉（$94），湯底有好香嘅雞油，花膠都幾大塊，而且煮得夠腍入味，都有幾舊雞，但都有個毛病就係啲肉韌咗少少，另外唔係太見到有翅唔係好夠喉，就叫多個雲腿浸娃娃菜（$58），同埋涼拌萵筍（$40），呢兩個菜都幾唔錯，即刻健康晒😂

今日我和朋友去了銅鑼灣行街, 朋友說想吃雞補充蛋白質, 所以我們行完後便順道來吃午餐.餐牌款式都算多.海味雜菜煲 ($88):好多不同的蔬菜, 有娃娃菜, 小棠菜, 菇類, 粉絲等等, 個湯又清甜.幾好飲, 不錯.好多粉絲, 好豐富, 好好食.砂鍋龍皇雲吞雞米線 ($94):個湯底都幾香, 好飲, 雞件都多, 份量夠多, 雞件都好滑, 好食, 幾鮮味.另外雲吞都好大粒, 又滑又鮮味, 幾好食, 不錯.米線都幾滑.大大粒雲吞, 幾正.鮮沙薑雞米線 ($74):沙薑雞咸咸地又好香, 我和朋友其實都很喜歡吃沙薑雞, 個味都好出.另外沙薑雞都幾滑幾好食, 不錯.總結來說雞真的很出色, 如果喜歡吃雞的話, 真的推薦來這間餐廳, 而且價格親民, 性價比高, 值得一去.

想食湯面，但又唔想咁簡單，於是就搜集資料，見到網上有間麵店叫做‘’落‘’湯雞，不過係歡樂的樂，唔係比雨淋濕的落湯雞🐔🐓🦃，哩個諧音都用得幾好。喺軒尼詩道轉入登龍街，就見到這間豪華的雞湯麵店，首先講下豪華 ，這裡的面可以配魚翅，鮑魚，花膠，大花菇，各種唔同雞的菜式，仲有好多種美味小食任君選擇，淨係睇餐牌都已經好開心，中意食雞最啱，因為有醉雞 ，口水雞，沙薑雞，手撕雞，藥膳醉雞🐔，全部都肥美肉厚，精彩絕倫。我同 Honey 都鍾意沙薑味，沙薑雞就是我們的首選，平時食沙薑雞都是用沙薑粉開的醬汁，但這里是用沙薑粒調製的，鮮香美味，少少咸多多鮮味，完全將雞味提昇到天花板層次。雞肉鮮嫩雞皮滑漏，啖啖美味，沙薑雞滿分。👍刀削麵也是我的至愛，一碗鮑汁花膠花菇刀削撈麵是我的次選，刀削麵煮得依依韌韌，用甜甜的醬汁調配，加上兩個大大厚厚的花菇，兩大塊潔白的花膠，再配兩棵上海青，一碗美味豪華的刀削撈面完美呈現。Honey 是飯桶，無飯不歡，所以他選了至尊鮑魚🐠雞大碗飯，用鮑汁花菇瑤柱煮的飯，加上一個雞比，兩條上海青，鮮味無比的一碗飯被他很快吃光光。今次未食到湯麵，下次再來試其他款式的雞🐔湯麵，浸在雞🐔湯裡一定

最近呢排好想食手撕雞，喺呢個咁潮濕嘅天氣食清涼嘅手撕雞一定好正，咁啱我哋喺銅鑼灣行街嘅時候，就見到登龍街啲條好出名嘅食街入邊有間專門食雞嘅餐廳，而且入邊都幾多人食，幾乎坐滿晒咁滯，所以我哋就入咗去啦。😆入去坐低之後，我哋就點咗Wasabi海蜇手撕雞，份量揀咗一隻，店員好貼心，幫我哋分開咗兩大碗上碟。手撕雞嘅雞肉份量都幾多，而且真係一絲一絲，Wasabi嘅濃度啱啱好，唔會太嗆，亦都唔會太淡，而且海蜇非常爽口彈牙，係我最鍾意食嘅海蜇，三者口感同味道互相配合，非常有層次感。😁另外，我哋亦都叫咗個藥膳湯配米線，呢度嘅藥膳湯飲得出係好用心煲，飲完之後即刻覺得好溫暖，米線亦都幾彈牙。另外，我哋叫咗紅油花膠魚翅餃，呢個係第一次食嘅，都幾特別，辣得來又幾彈牙。😄

平日喺銅鑼灣練完波好肚餓，都會同隊友揾吓附近有咩好食，補充下能量，最好就係地方闊落，可以坐低吹下水，又價錢實惠。經過見到鵝頸橋附近呢間專食養生雞湯嘅麵館，入面都好多人食，就俾佢吸引到，入左去試吓。😎首先，我試嘗左佢地嘅招牌菜，就係砂鍋花膠雞湯翅。其實除左佢，仲有wasabi手撕雞、口水雞等多款選擇。啱啱上枱已經飄散香噴噴嘅湯汁，馬上勾起胃口。入面嘅花膠好多，有5-6舊，咬落口感爽滑，雞肉亦都嫩滑，食得出係新鮮雞，絕對唔會鞋口，然後飲一啖湯，飲得出湯汁濃郁，冇味精，入口暖心。😊跟住落嚟我地都叫咗白飯，米飯粒粒分明，配上砂鍋雞湯好開胃。🍚此外，我地都點左豆漿，濃郁的豆香配上適中的甜度，喝在口中清爽宜人。不會太甜膩。🥤