樂湯雞麵館 (登龍街) (Closed)

“落湯雞麵館”聽落好得意，今日喺銅鑼灣登龍街搵嘢食遇到佢，即管試一試啦。睇中個“花膠魚翅養生雞鍋”，只可惜店員話：今天沒有魚翅供應，有些少失望，我諗隔離檯食客都同我一樣，咁唯有下次再試呢樣嘢喇。於是乎嗌咗個“砂鍋花膠魚翅餃雞”餐，沒有魚翅，但花膠魚翅餃係有嘅，當“止渴”咁睇啦，而呢度有樣抵諗嘅嘢就係你有5樣嘢可以揀，例如米線，米粉，粉絲，刀削麵或白飯，呢啲任你鍾意任你揀係唔需要加錢的，另2樣要加錢嘅就係稻庭烏冬和出前丁 。我哋就揀咗平時少食但又唔使加錢的“刀削麵”，啲麵QQ彈彈有口感又掛汁，唔錯唔錯；另一個"至尊鮑魚雞大碗飯"啲飯好入味，有鮑汁包裹住，大大碗都食得晒，啲雞亦好滑嫩；“凈花膠湯”有三大舊花膠；“鮮沙薑豬手”係朋友點嘅小食，豬手嘅軟硬度適中有咬口，而且真係見到一粒粒鮮沙薑，係第二度比較難食到，名符其實真沙薑；豆漿跟餐有半價，而且包裝埋够衛生我喜歡。

叫咗個1人鮑參翅肚套餐，份量非常多。魚翅花膠湯，有多件魚翅同埋大花膠，濃底濃郁，飲落有啲黏口，充滿膠質。一品鍋，有冬菇、鮑魚、花膠同埋小棠菜，全部都煮得好入味，鮮甜彈牙。糯米飯、荷香糯米香味，撈埋醬汁，香噴噴，好飽肚。口水雞，嫲嫲辣辣，雞件唔會煮得太老。醉雞藥膳粉絲，醉雞充滿花雕嘅香味，藥膳入邊有黨參、紅棗、龍眼等等中藥，中藥味香氣四溢。雜菜煲，有好多唔同種類嘅蔬菜，有小棠菜、金菇、娃娃菜、萵筍、木耳、雜菇等，非常大鍋。

每次行經登龍街，都會喺呢條美食雲集嘅街道見到呢間餐廳出邊排咗堆人喺出邊等入座或者外賣，所以一直都想搵機會試🤭今次終於係天氣變凍又心思思想飲番碗熱雞湯暖暖個身嘅時候嚟咗食晚餐😋要出街飲到碗冇味精嘅湯唔係咁容易，但係依度嘅雞湯大大隻字標明真材實料冇味精，而且連住個砂鍋滾住咁上😍砂鍋花膠雞有兩大片花膠，仲有啲魚翅。桃膠雪燕椰子雞就有好香嘅椰子湯底味。兩款湯底都係好清好香嘅雞湯味，而且仲有少鹽少糖選擇，夠晒健康。另外仲加配咗半隻花雕醉雞，調味好香濃，上面仲有啲蟲草花同埋枸杞，隻雞大大隻好多肉，好適合需要補充蛋白質嘅人士👍🏻總括而言，屋企冇煲湯又想喺出面飲番碗冇味精嘅湯嘅話，呢度都係幾好嘅選擇。

樂湯雞麵店原來巳開到第三間分店了，主打無味精的老火湯，尤其以砂鍋花膠雞湯翅出名。可做主菜，亦可配湯粉麵飯。 除有家的味道的食物外，小食偏向重口味，有川式、麻醬等弄成的小食，務求人人都找到喜愛的菜式～小食點了麻辣海蜇雞絲、麻香豆腐、口水醬黑白配（牛丸、墨魚丸）。先說黑白配（$38），採用振興，有信心保障，每款各2粒；麻香豆腐（$32），大概是百德百褔的朋友，上面舖滿自家製的麻醬海蜇手撕雞（$58），滿滿一碟，上面舖滿青瓜絲蘿蔔絲，海蜇爽口，手撕雞就真的撕到很碎😂XO醬招牌雙寶撈出前一丁，醬汁惹味，上面又是舖滿青瓜絲蘿蔔絲，配四粒餃。餃子淡口，大隻。砂鍋花膠雞湯翅配米線。這個湯底比單叫雞湯更有雞味，只是會淡口少少，但可連粉面一齊喝，滋潤滋補一下。大大塊花膠，數塊雞，不錯～

Sun 18 Feb 初九仲以為 星期日 銅鑼灣 食晏 會好難搵位，所以都冇乜期望，求其搵間有位坐嘅就撞入去。原來佢主打係食雞。$8x+ 主食、$5x+ side dish，好明顯佢對出品哋好有信心。砂鍋桃膠雪燕椰子雞 配 粉絲。要等多一陣，上菜嘅時候好有氣勢，熱騰騰嘅砂鍋 湧上嚟嘅椰子香氣 滾淥淥嘅上湯 卜碌卜碌咁樣擺喺你面前，先聲奪人。材料上冇揸流攤，真係有晒佢講嘅嘢。好食 推介。麻辣海蜇手撕雞撈刀削麵。以我啲10小辣程度，都剛剛頂得住。食得辣嘅人，不妨叫佢加辣。好香口 追住食到美人照鏡。胡麻醬手撕雞撈刀削麵。真係顧名思義，係 「胡麻醬手撕雞」…..，唔好幻想會係 「手撕雞胡麻醬」……。 不過味道真係唔錯，胡麻醬溝得剛剛好。好啱我口味。

呢間啲雞湯好正，食落好養生，養生嘅朋友嚟到依度飲番啖湯就啱晒啦，唔使成日食煎炸嘢咁唔健康🤣🤣🤣🤩砂鍋花膠雞湯翅這道湯非常濃郁，花膠和魚翅餃增添了豐富的口感和層次感❤️❤️❤️又養顏又可以養生啊 刀削麵條寬而彈牙，配上湯底中的雞湯翅，味道更加豐富😋😋😋。🤩藥膳醉雞轉雞髀刀削麵加配龍皇雲吞藥膳醉雞的香氣和滋味使整道菜更加開胃😜😜而龍皇雲吞的嫩滑口感和餡料的豐富度使這道菜更加美味可口😀😀🤩口水醬黑白配入面有牛丸同埋花枝丸。這道菜以特製的口水醬為底🥰🥰重口味嘅朋友啱晒😆😆

由太子食到嚟銅鑼灣 識食一定要堂食 完煲砂鍋上！糾結咗好耐要雲吞雞定要花膠雞 但女仔都鍾意靚靚 所以揀咗後者  hehe ~ 😝 上枱熱辣辣 滾下滾下. 姐姐貼心提醒小心辣親. 見到有好多魚翅  仲有兩大塊花膠喺碗底 足料到咁! 仲非常大兜 兩個女仔食到都夠 😳 個湯主打冇味精 雖然唔算最濃 但飲得出好有心機. 不禁一啖一啖飲曬啲湯 淨低啲麵喺度😝 朋友個口水雞好惹味 夠辣. 另外wasabi撈手撕雞 都好開胃~ 午市幾抵食 飲品半價 叫咗兩杯豆漿. 平日下午長期爆滿 大概兩點先至去就唔使等位🤗 📍樂湯雞麵館 (登龍街)銅鑼灣登龍街41-51號地舖

冬天好想搵啲暖笠笠嘅湯麵食，嚟到銅鑼灣呢條小食街，見到呢間麵館主打健康嘅米線同埋湯麵，今日都想食得清淡啲，就入咗食個晚餐，味道真係有一種幾健康嘅感覺～砂鍋花膠雞湯翅刀削麵 $94熱辣辣嘅砂鍋煲，上到枱個湯底都仲滾緊，都好足料下，花膠大大嚿，炆到好林，配合雞湯翅，湯生更加挺身厚實，面底除咗米線米粉普通嘅選擇，仲可以揀刀削麵，今次就叫咗刀削麵，面質唔錯，有彈性，有少少咬口，湯底唔會好濃，食得出的健康～藥膳醉雞米線 $76一上枱就聞到好大浸藥膳味！但係食落去又唔會感覺好燥熱，一種比較容易入口嘅藥膳湯，湯底亦都唔會苦，浸醃咗嘅醉雞，配合藥膳湯味嘅米線，真係好適合冬天食👍🏻涼拌萵筍 $40萵筍非常嘅爽口，調味同樣亦都唔會重口味，一個比較容易入口嘅涼拌菜，作為開胃菜唔錯。叫咗米線可以半價加飲品，我哋就一人飲咗一罐可樂同埋一杯豆漿。

秋冬嘅時候特別鍾意飲碗暖湯滋補一下🍁今日經過銅鑼灣就試吓呢間以雞湯出名既餐廳☺️主打真材實料唔加味精既雞湯🤪飲完覺得真係好有水準特別推薦比鍾意飲湯既朋友🧡⭐️ 砂鍋花膠雞湯翅 🍲又有花膠又有翅用料真係好豐富🤤飲一口淘湯好有豐富嘅油香🐔 雞既精華完全融入湯裡面💛 配上花膠感覺用料好滋補同埋暖胃呢⭐️ 醉豬手米線 🐷豬手口感唔會太肥但係有滿滿嘅骨膠原💪🏻 酒味帶清香唔會太重🥂特別配上龍王雲吞好飽滿🥟⭐️ 鮑汁炆花菇 🍄花菇炆得濃郁入味而且唔會太鹹 🤭用料厚實有質素

今晚來到銅鑼灣，試到一間以平民價格，就可以食到超足料嘅花膠魚翅養生雞鍋<樂湯雞>，無論價格、分量、同雞湯鍋嘅質素，都充滿驚喜！！<砂鍋花膠雞湯翅配刀削麵 $94>花膠雞鍋一上枱非常之熱辣辣出曬煙，忍唔住當然要立刻試一口雞湯，雞湯味道非常之濃郁，雞味香濃，帶點膠質，花膠又厚又大件，足足有三四件咁多，入口非常軟腍。雞件份量亦都非常之多，而且仲保持到肉質夠嫩滑。<另外加咗兩隻魚翅餃 $24>魚翅餃非常之大隻，而且入面有好多肉，同埋仲有少少魚翅。<XO醬招牌雙寶撈刀削麵 $94>雙寶係龍皇雲吞同埋花膠魚翅餃，無論花膠魚翅餃同埋雲吞都非常之大隻，而且入口仲啖啖肉，仲帶有肉汁，皮薄餡靚。XO醬夠曬惹味香濃，撈埋落刀削麵一齊食，更加惹味好食。<花雕醉雞半隻 $138>花雕醉雞酒味夠清香，餐廳用咗大量嘅杞子同埋蟲草花一齊來煮，令雞肉嘅酒味更為香甜，雞肉亦都嫩滑好味。喺銅鑼灣呢個位置就可以用平民價格食到砂鍋花膠雞湯翅同醉雞，真心值得推薦！！～

呢間餐廳出名食雞，天氣開始凍過咗嚟呢度食雞養生！呢度啲店員服務態度都幾好砂鍋桃膠雪燕椰子雞：這道菜以砂鍋燉煮的方式製作，結合了桃膠、雪燕和椰子雞，椰子雞則帶來了椰香和嫩滑的雞肉，與湯汁相互融合，加上2粒花膠魚翅餃，超豐富！值得注意嘅就係因為啲湯好熱會令到啲雞更加熟，所以如果想啲雞滑啲就最好飲湯嘅時候，順便撈起佢！花膠魚翅餃入邊有蝦同埋食到都幾足料好多花膠！冇咩？胡椒粉味證明啲蝦好新鮮！豆漿：唔算好甜，豆味香濃鮮沙薑雞撈麵：這道菜以鮮沙薑雞和出前一丁撈麵為主要食材。出前一丁麻油味好重。至尊鮑魚雞大碗飯：這道菜以鮑魚和雞髀雞肉作為主要配料，搭配上大碗的飯食。鮑魚大大粒，而且鮑魚汁撈大碗飯味道濃淡適宜。

20/01入去食晚餐，同之前其中一個留言感覺一樣，入到去第一個感覺係一個字，臭。陣臭味係應該來自啲抹地水，有強烈霉味，留言所言非虛。叫咗個龍王刀削麵，大概10分鐘送到枱上面。熱度非常之夠。個人認為個湯係個靈魂，所以急不及待即刻去試吓個湯底。一試之後，覺得雞湯唔夠厚，唔夠濃，刀削麵質OK，但唔掛湯，有肉味，但係唔夠雞味。雞本身質感OK，但亦都係冇雞味，總結一句下次不會再來。唯一嘉許係店員態度親切，奉勸佢吔處理抹地水嗰個問題。

店太臭了 真係臭到我最後反胃去食糖水可以稱之為銅鑼灣一臭花膠雞湯 幾塊完全唔剪既花膠，配上唔黏既雞湯，聞上去一陣拖把味。經典。花雕醉雞我醉了。我真的醉了。雞肉，咬唔開，真係咬唔郁。救命，咬開雞肉中間又硬又綿。隻雞真係太醉了。一人套餐滋補雞湯底加米粉。只有滋補既黨參與紅棗皮浮在水面，冇雞味，冇紅棗肉，冇黨參味。米粉只有甜味，我今日食左四匙羹辣椒醬，第一次覺得辣椒醬撈米粉太好味。甚至想問醬邊度買。最好笑係服務人員，個女人：你地真係食好少，唔好食啊？我：係啊，太難食了，仲冇我煮得好。個女人：你係廚師（走左）如果係咁，間店膠比我做啊不如，我妙手生花。

朋友知道我鍾意食米線，特別介紹咗呢間位於銅鑼灣登龍街，主打花膠雞湯米線俾我試吓。值得一提呢間餐廳標榜真材實料，冇添加味精，仲可以落單時提出少鹽少糖，感覺健康好多。菜單多樣，除咗有砂鍋雞之外，仲有撈丁、大碗飯等。我哋點咗招牌砂鍋花膠雞湯翅米線同砂鍋海王雲吞雞烏冬，另加小食醉豬手和拍青瓜。招牌砂鍋花膠雞湯翅米線（$94）- 不愧為招牌菜，雞湯底鮮甜清澈，雞件好嫩滑，仲有肥厚嘅花膠同魚翅。米線入口好滑，呢個米線我比好高分。砂鍋海王雲吞雞烏冬（$94）- 呢個專登加錢轉揀咗稻庭烏冬，入口夠晒煙靭。雲吞配以雞件及雞湯，美味可口。鍾意佢連砂鍋上，熱辣辣，特別好味。此外兩個小食都十分出色，醉豬手（$58）肉質爽口，以花雕酒調味，入口好惹味。手拍青瓜（$32）清爽好味，青瓜脆嫩清爽，味道微辣，十分開胃。點粉麵飯，可以半價加購飲品，包括汽水、自家製豆漿及烏龍茶。

樂湯雞麵館位於銅鑼灣登龍街，晚上八點半去到，坐滿曬人，超好生意，一於試下😯😯好彩咁啱有人走，我地先有位😆花膠湯濃郁嘅雞湯味道，湯底清澈而滋味十足😋加上啲滑嫩嘅花膠，好吸雞湯，暖心又滋補❤️❤️涼伴海蜇手撕雞手撕雞肉鮮嫩多汁，配上爽口嘅海蜇，加埋啲蔬菜同調味汁，幾開胃🥳花雕醉雞雞肉入味，花雕酒嘅香氣太正啦🥰肉質亦比較結實砂鍋花膠雞湯翅刀削麵呢碗麵食係一個結合湯麵同滋補食材嘅菜式上桌個陣熱辣辣，雞湯味濃，味道剛剛好, 超級多花膠同翅，雞都好滑😝好滿足😋龍皇雲吞雲吞皮薄滑，超級足料，正！😛有原隻蝦仁，再加上豬肉的餡料，鮮味十足❤️追求健康既朋友，仲有麵食同雞湯嘅愛好者值得一試！🥰❤️