樂記煲仔飯粥麵專家

Open Now

Now Closed

大埔墟有好多傳統的味道呢間「樂記」有好多經典廣東既美食有多款煲仔飯、玻璃腸粉、粉麵、粥類等等…全部都是看似簡單，但也考功夫的🔸魚腩花蟹粥 $68入面有魚腩和原隻嘅花蟹新鮮味十足～有好多蔥花係上面😍點綴一下粥是綿綿的🔸豬潤腸粉 $32個腸粉不會太簿也不會太厚看到腸粉包住滿滿的豬潤🔸金牌新鮮牛雜麵 $49叫了幼麵，個麵嘅湯底係好濃既牛腩汁味~有金錢肚、牛肛、牛膀、牛大腸、牛粉腸等每種部位的味道和口感都有所分別，有煙韌的亦有濃濃牛味的🔸香茅豬頸肉 $48豬頸肉嘅香茅味也不錯👍 咬落脆口

前身是著名的陳漢記，老顧客接手經營，味道依舊🥰 裝潢呈中式風格，環境寬敞舒適，人流多 好熱鬧，氣氛很好☺️ 適合家庭或朋友聚會🥂 食物方面提供多款煲仔飯、粥品、粉麵、玻璃腸粉等等，選擇豐富，價格合理，質素高 好有驚喜，絕對值得一試！ 二人消費：$195今次叫咗兩碗粥及兩款小食，質素都好高😍魚腩花蟹粥 ($68+$9窩蛋)✨魚腩滑雞粥 ($65+$9窩蛋)✨必食，份量十足，非常足料！滿滿的魚腩、蟹及雞肉😚 魚腩好大件 肉質嫩滑，雞肉新鮮嫩滑~粥底有驚喜，不會太稠或太稀 剛剛好，混有薑絲，鹹香味適中，加入窩蛋更好味😚👍🏻 鮮蝦腸粉 ($28/3條)✨腸粉又薄又嫩滑，蝦肉好爽口彈牙🤤 高質👍🏻香脆炸油條 ($16)✨必點推薦！物如其名，非常香脆，配粥一流😚

以前食個煲仔飯都會諗起大埔的 #陳漢記 ， 每逢冬天都大排長龍，但自從佢光榮結業之後我就無入過大埔搵野食。呢日入開大埔搵朋友，見到陳漢記舊鋪又開左一間煲仔飯專門店叫樂記，諗起陳漢記所以就入去試一試。我地嗌左玻璃叉燒腸，炸两，雞粥，自鱔排骨煲仔飯，食落發覺味道同以前舊有陳漢記味道好似呀！細問伙記先知原來餐廳用返陳漢記舊有班師傅，只係改左名樂記！即刻好開心！玻璃叉燒腸不愧係招牌菜，腸粉全部即叫即蒸，皮薄餡靚，豉油勁香口👍炸两既油炸鬼仲係脆的，有驚喜♥️。滑雞粥係另一個名物～大大碗又多料～熱辣辣好滋味！清清地食得好舒服！而白鱔排骨煲仔飯香味撲鼻，吃得出材都是新鮮靚料，白鱔厚肉彈牙，排骨亦不會過油過鹹。整體非常不錯。最後喝上杯凍豆漿，完美♥️👍。

位於大埔運頭街, 一間煲仔飯粥麵餐廳, 前身為陳漢記, 現改名為樂記, 設有陳漢記舊有師傅, 而食物與舊有陳漢記味道無異。窩蛋牛肉煲仔飯 $⁶²生雞蛋配搭軟嫩牛肉, 蓋上煲蓋更香口😀豬潤腸粉 $³²爽嫩豬潤遇上香滑腸粉, 雙重享受。香茅豬頸肉 $⁴⁷肉質帶點嚼勁。炸網米蝦 $⁴⁷外皮金黃香脆, 包裹彈牙蝦肉。凍金牌冠軍配方奶茶 $²¹帶有茶香味道。樂記煲仔飯粥麵專家 (大埔)📍大埔運頭街91B號地舖 (港鐵大埔墟站 A1出口)

樂記正正就係大埔老店「陳漢記」原來的地址，新店一樣主打煲仔飯、腸粉、牛腩粉麵，聽聞新店沿用老店老夥計，但裝修後環境上明顯更好，大埔街坊話水準同之前一樣咁好，所以專程入大埔試吓煲仔飯，整體食物質素佳，好在沒有辜負我遠道而來雖然見到評價唔係全部都咁好，始終千人千味，作為地區小店價錢唔貴，我覺得都係值得推介，煲仔飯比較九龍區都平好多，腸粉真心好食，店內食飯時間都幾旺，但係又唔需要排好耐，我覺得啱啱好鹹蛋肉餅煲仔飯必試！作為一個不願意排隊的懶人，樂記的煲仔飯真的比起不少名店性價比高，說的是付出排隊的時間，肉餅唔會太鹹幾鬆化，而且好鍾意佢哋特製煲仔飯豉油，飯粒火候剛剛好，飯焦超香脆！咸蛋和肉餅的組合真的超好送飯叉燒腸粉大埔名物玻璃腸粉真的沒有失傳，腸粉皮真的超級薄，而且非常的剔透，叉燒粒粒也是毫不吝嗇，餡料很足夠，澱粉質腦袋衝！牛雜河比較少人介紹，沒有太多的預期，單純很想吃牛雜，但是味道真的不錯，喜歡吃辣的，必須加上自家製辣椒油，味道有層次好吃！—————————————————樂記煲仔飯粥麵專家 (大埔)大埔運頭街91B號地舖—————————————————

諗住陳漢記冇咗佢個腸粉師傅去繼續做都繼續幫襯點知每次買外賣都會少咁啲嘢跟住諗住打去投訴個收銀聽完你一次電話之後扮去做嘢、然後可能見到來電顯示啦，直接唔聽講真依間嘢而家已經一啲都唔旺、就算午市同夜市都唔會爆場如果唔係個腸粉師傅喺度，我都一早唔再嚟食嘢樓面服務態度差叫少少嘢都有甩漏外賣兩個炸兩可以比少一個跟住今日買外賣炸兩可以完全唔俾汁然後打去同佢講，佢話下次來推翻$10俾我😨難道我啲炸兩要等到下次去先嚟攞汁？先可以食？重點車程都起碼15分鐘，我唔係爭個$10 我只係想佢哋可唔可以根足d原來係唔會㗎，因為我再打去佢就係直接唔聽我電話同cut我線、跟住我朋友喺佢嗰度食緊嘢話間舖頭一啲都唔忙、佢睇住個女人cut我線🙄呢啲咁嘅舖頭真係唔好幫襯！

🎈樂記餐廳前身係大埔名店#陳漢記 轉讓後重新裝修但保留原班人馬師傅、店員以至食物都繼承舊店原有味道玻璃腸粉、牛腩同煲仔飯都好出名嚟到一定要試試佢地嘅腸粉😚粥麵腸粉全日供應 煲仔飯就係晚市供應🎈 鮮魚片粥+炸兩（套餐）魚片鮮甜滑嫩，另外加配田雞及皮蛋令粥底鮮味十足，食粥都可以好滿足🥰誠意推介#炸兩 腸粉皮做得透薄又幼滑包住香脆油條，外軟內脆食到兩重口感配上麻醬、甜醬份外惹味，經典港式滋味😚🎈皮蛋瘦肉粥 + 鹹肉粽 （套餐）粥底綿滑又夠熱辣，材料份量十足配料仲可以另加窩蛋，蛋香令味道更升級🫧重點係食完唔會口渴，真材實料#鹹肉粽 足料又有糯米香，夠晒大隻個人鍾意加砂糖食，鹹鹹甜甜好惹味🤭🎈香茅豬頸肉豬頸肉都相當有驚喜，重香茅味金黃香脆仍保留滿滿肉汁，口感爽彈係個唔錯嘅香口小食🫶🏽

經過大埔 想試下好耐歷史粉麵店夜晚做煲仔飯 日頭腸粉牛腩麵完全系香港風味餐廳腸粉叫左雙拼 叉燒拼蝦仁叉燒系碎粉 分佈系腸粉每個位都有蝦仁都大粉 幾爽身腸粉好透好滑 真係幾好食豉油唔系好鹹 所以整體系啱啱好叫左份牛坑腩米粉份量唔算細份 我已經叫左少米粉😂😂清湯夠味 唔過鹹 另外有啲蔥香牛坑腩煮到好唸 有牛香肥嘟嘟既位好滋潤 肥瘦相間 好難唔好食😂下次都想試下佢哋既煲仔飯佢哋出名呢樣野 勝在佢哋選擇幾多 滿足多心既我可以乜都點啲黎試

今日下午茶時間去食，人客唔多，侍應有五個，實際做野應該冇五個，侍應工作不主動，叫寫野當睇唔到，叫兩次才有人過來，玻璃腸粉，皮薄口感梅淋，蝦就夠彈牙，食完腸粉，豆漿還未到，埋單時才出到，試完都不錯，豆漿夠濃，甜度適中，份量夠。見其他食客都要侍應跟進食物（因等了很久食物仲未上枱）

大埔名物陳漢記自結業後好快就有新店頂上，同樣係賣粥、粉麵、腸粉同煲仔飯，格局亦同陳漢記大同小異。原來新老闆係陳漢記嘅熟客，接手之後邀得多位原本嘅員工同廚師繼續幫忙，希望可以將舊店嘅味道、情懷延續，好有心呢。𖦹粉腸牛肉粥 $46𖦹艇仔粥 $38粥底極為軟綿，艇仔粥加上肉碎、魷魚、魚片等配料；另一碗就有大量粉腸同牛肉，非常美味。𖦹蔥花蝦米腸粉 $25腸粉皮超級薄，晶瑩剔透，食落滑溜好軟熟。𖦹窩蛋牛肉煲仔飯 $62熱辣辣嘅飯粒蓋著牛肉同一隻生雞蛋，牛肉鮮嫩，仲食到飯焦！𖦹郊外油菜 $25大碟嘅通菜爽口鮮甜，加上腐乳就係簡單嘅美味。

𝐼𝐺@62.𝑙𝑜𝑦𝑎 ❣︎ 呢間大埔小店的煲仔飯同生滾粥最出名大埔街坊都識佢最近改左名 成為左城中熱話🗣️🗣️唔知啲質素有冇變到呢襯今日lunch過黎試下😋😋😋啲粥仲係好正遲啲冬天一定會番黎食煲仔飯😋😋💕♡⋯⋯食評⋯⋯♡ ☻ 4.6/5 粉麵套餐 $64·魚皮餃· 鮮蝦雲吞（+$8）•粉麵有多款選擇有我最愛的米線🤤🤤🤤正常水準餃同雲吞各有三粒唔算小👍🏻油菜 跟餐+$18食粉麵一定要跟碟油菜😤瑤柱腸粉 $32呢個第一次見食落有淡淡的瑤柱香腸粉好滑溜入口濕潤魚腩花蟹粥 $68推薦✨✨✨估唔到有勁大舊角腩同埋成隻蟹粥底好綿滑 真心好抵食魚腩肥美蟹肉多唔怪得佢啲粥咁出名

[ 樂記煲仔飯粥麵專家 ]今晚嚟到大埔搵野食，從餐廳窗外見到一煲煲飯，被吸引住，入去睇吓有咩好食先。✿ 鳳爪排骨煲仔飯 $62 即點即煲，熱辣辣上枱，淋上甜甜嘅煲仔飯豉油，焗一陣再開蓋，有少量飯焦，但份量唔算多，足夠一人食😋而排骨份量都唔少。
✿ 崩沙腩幼麵 $68崩沙腩肥瘦均勻，咬落好淋身，啖啖肉，牛腩味香濃，唔錯👍🏻👍🏻✿ 炸雲吞 (6粒) $48雲吞炸得熱辣辣，有驚喜！再配上沙律醬食，好香口🤪總結🫦呢個價錢食到即製嘅煲仔飯，質素好不錯👍🏻牛腩粉麵都做得幾出色，值得一試。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿樂記煲仔飯粥麵專家地址: 大埔運頭街91B號地舖電話: 37975318✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

見到很多人讚陳漢記(現在叫樂記),特別抽空由九龍入去大埔試下。叫了豬潤腸,網炸腸,田雞蟹粥(本叫魚腩蟹粥,落錯單,算了)。等了好久,粥已食了一半,網炸腸又食完,還未見豬潤腸。問左男侍應,原來比左对面一对夫婦。(佢哋又唔奇怪,點解一叫就有,照食。)再追單,位女侍應又想比对面的夫婦,我已經好唔高興。問佢,點解你哋咁鐘意比左人,唔跟先後次序。位女侍應好串咁話,如果腸粉來左,我問你係唔係,你答係就得。之後就轉身走左。雖然陳漢記比人點讚,但係又唔係好得咁到厲害。單憑這女侍應的服務態度,唔會再有第二次。