樓下冰室 (Closed)

今日同朋友去完行街，之後想搵間餐廳坐低食返個下午茶。行過見到呢間茶餐廳客人又唔少，而且價錢又幾吸引。所以就同朋友坐低食返個下午茶。好幸運有張卡座坐，有自己既私人空間。座位與座位間有隔板，而且唔會太迫。睇完餐牌，好多野都好吸引，蕃茄通、瑞士雞脾、瑞士雞翼，好多唔同款式，十分滋味。我同朋友一人點了一份下午茶，仲加左$10配埋特飲，開心下。我點了一杯華田脆脆，係一杯凍華田再加好多華田脆脆粒係面，凍冰冰既華田好滋味，透心涼，上面的華田脆脆好好咬，脆卜卜，好正，口感跟味道都好好。另一杯是茶記經典既紅豆冰，香滑多豆，yummy yummy.我們仲叫多個小食。正呢個小食係麻辣脆雞粒，帶少少辣，但唔會超辣。外皮又脆卜卜，入面雞粒juicy，啖啖肉，一啖一粒超香口，超惹味。一份下午茶是吉列豬扒配薯角。呢度既下午茶份量都超大份。大大塊既吉列豬扒，塊豬扒仲大過隻手掌，炸到外皮金黃，但中間仍保持juicy，而且豬扒好腍身，好好味，啖啖肉。岩曬食肉獸。薯肉份量都唔少，熱辣辣。超豐盛。另一個下午茶點了瑞士雞脾配薯角。雞脾啖啖肉，而且超入味，超香濃滋味既瑞士汁，令每一啖雞脾都滲透左瑞士汁，又juicy又好味。呢度既

招牌瑞士雞髀$50，髀滑夠嫩口，瑞士汁味道剛好唔太甜或咸😌蕃茄湯底公仔麵+炒蛋，湯底之蕃茄味適中恰當公仔麵爽口唔覺冧，蛋滑；高汁好味😋金牌咖哩牛腩飯$49+紅豆冰$10咖哩味香濃唔辣，牛腩肉嫩口唔un牛肉嫩滑配公仔麵，豬骨湯底唔太濃稠，清清地炒蛋+半份厚脆多士，食埋就非常滿足紅豆冰特飲半價另+$10凍檸檬茶另+$3牛腩飲真係嫩滑唔”鞋”,影得唔太清楚😞總括嚟講，試完總店真係差天共地⋯⋯同一個價錢，味覺感受完全唔同，以為荃灣茶記無乜特別，點知厨師、用料截然不同。下次可以再嚟食

今天來到位於路德圍的樓下冰室，冰室比較乾淨企理，主打是蕃茄汁和瑞士雞翼鮮濃茄牛肉燴意粉 - 蕃茄汁真是整碟意粉的精髓，非常香濃，蕃茄味鮮甜牛肉份量很多，而且十分鮮嫩，絕對高質吉列豬扒配厚切牛乳炒蛋冶 - 本來是想輕食的，但原來份量都是很多，真是抵食夾大件牛乳炒蛋冶真的十分驚喜，炒蛋是厚切，而且蛋味香濃吉列炸豬扒十分香脆，不會很乾瑞士雞翼 - 是每次來到都必食的！瑞士汁比較濃郁，十分適合愛重口味的我們雞翼非常大隻，是全翼，雞肉鮮嫩多汁，真的吃不停口餐飲點了華田脆脆和茶餐廳特有的鴛鴦凍華田上加上脆脆片，多了一份懷舊的口味這間冰室食物非常高質，絕對值得再來

小時候，屋企樓下便是冰室，幾乎每天早上我與家姐都會在冰室吃早餐，接著便返工、返學，非常方便！  可惜婚後，BeautySearch 的家樓下沒有冰室，一切也變得不便！尤其現在疫情嚴重，就更希望有間樓下冰室，方便隨時買外賣...... 最近來到《樓下冰室》，這種渴望樓下冰室的慾望就更強烈！  《樓下冰室》雖然帶點陳舊，但搭配懷舊奇趣的裝修設計，風格恰到好處。在這裡進餐，童年回憶即是湧上心頭，突然很掛念姐姐！    冰室與茶餐廳一樣，充滿著香港人的味道，而這次我點算的「自家製蔥花叉燒滑蛋飯」，滑蛋與叉燒，絕對是完美組合，同樣滿載港式味道。半熟蛋好滑，而且蛋味濃郁，每一啖飯都透出豐富的蛋汁，厚切半肥瘦叉燒，增加口感，簡簡單單添加甜豉油，散一點蔥花，已好好食！  蝦子餅點選的是「金牌咖喱牛腩飯」，甫上桌，咖喱香氣已撲鼻而來，的確相當吸引，而且牛腩軟腍入味，超水準表現！   不過，來到《樓下冰室》幾乎每桌食客都必選這裡主打的大大隻瑞士汁雞髀，我又豈能錯過？瑞士汁是師傅精心秘製的，瑞士汁滲透在雞髀內，香味極濃，加上雞髀肉質較厚、軟嫩，真的非常棒！ 早年的冰室，主要售賣冷飲、雪糕及沙冰等冷凍食品，因

依間樓下冰室喺荃灣來講都叫做有好多好評，咁為食嘅我當然去試吓佢值唔值啦！餐廳內在裝修都幾有特色，卡位係好傳統嘅冰室個種，有少少逼夾。叫咗個牛肉蕃茄湯通粉，先講蕃茄湯有好多軟綿綿嘅蕃茄蓉，酸酸甜甜十分開胃，牛肉都好淋，通粉細細粒都幾吸湯！常餐配嘅炒蛋份量好多，我鍾意把炒蛋放喺多士上面食！另外仲叫咗一個瑞士雞髀餐配鮮果沙律。瑞士汁略嫌有點過鹹，雞皮就好入味啦，但係雞肉就唔夠上色，但勝在餐廳都俾咗好多瑞士汁，所以切完都可以點醬汁食！鮮果沙律水果都新鮮，不過就較多薯仔。

之前食過蕃茄18見呢間鋪頭既餐牌同蕃茄18咁似就吸引左我入去食忌廉粟米汁雞排飯 $46粟米汁正 👍🏻雞排大大塊 好抵食但味道偏咸同埋碟飯大碟到食唔哂蕃茄濃湯牛肉螺絲粉 $46佢既蕃茄濃湯係好味好濃郁但無蕃茄18 咁好味😂(食過蕃茄18就知架喇)螺絲粉煮得太淋口感差左d牛肉都唔算新鮮仲有點難咬開🙈蕃茄螺絲粉配左呢個牛油多士同牛乳炒蛋厚多士上面勁多牛油而且既方包又幾好食 幾軟身炒蛋炒得比較水 但份量幾多熱飲既杯好有特色

樓下冰室有三間分店☺️荃灣兩家 鰂魚涌英皇道一家餐廳以新派香港茶餐廳為主題 😇🥰環境寬闊 特色蕃茄濃湯通粉配牛乳炒蛋 牛扒$50好多番茄粒 超濃番茄味而且可以點大辣夠晒惹味🤩仲要無添加味精 招牌瑞士雞髀$28必點招牌小食 雞肉好嫩滑 咬落啖啖肉好濃嘅香甜瑞士汁味 椰汁綠豆冰香濃椰汁味道底下係無邊綠豆香甜可口推介！✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝﹕💃🏼💃🏼💃🏼💃🏼/𝟻𝙿𝚛𝚒𝚌𝚎﹕ $50/𝚑𝚎𝚊𝚍.˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 樓下冰室 (荃灣)荃灣路德圍14-18號B舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

疫情下同屋企人日日喺屋企食飯媽媽話想放日假所以就出街搵食🤪又黎到最熱鬧嘅路德圍經過樓下冰室睇完menu比佢地嘅蕃茄濃湯吸引住就決定兩位唔該✌🏼除左蕃茄濃湯之外餐廳仲有唔同茶餐廳有嘅主食同飲品選擇好多睇到花多眼亂🤩最後問店員推介終於決定好~餐廳主題行懷舊風天花位嘅裝修唔馬虎假扮成舊式樓宇外牆比起其他茶餐廳天花見到水管冷氣靚🖼牆上嘅裝飾模仿舊式茶餐廳嘅餐牌連杯嘅design都非常舊香港風格🇭🇰同媽媽各叫一碗湯粉同飯而飲品跟餐半價今次發現佢地一杯檸茶足足放4片完整檸檬😮特色番茄濃湯螺絲粉配牛乳炒蛋+瑞士雞翼($50)番茄螺絲粉超大碗我地比番茄湯吸引入座自然對佢嘅味道有所要求😤果然不負眾望茄味超濃😍湯入面有好多茄肉🍅番茄控絕對不能抗拒！螺絲粉份量好多好似食極都唔完~瑞士雞翼亦相當有驚喜👍🏼👍🏼上枱嘅時候有陣好重嘅瑞士汁味雞翼都係熱辣辣相信岩岩煲起就上碟味道亦冇失望食一隻又太少兩隻岩岩好😋台式肉燥豬扒飯($48)點解份量又係咁大架?!!飯嘅上層好多嘅肉燥撈飯一流~豬扒好大塊煎出黎金黃色切開見到唔會煎到乾真真🤭估唔到午餐嘅價錢食到一餐咁飽嘅晚飯😝

入到去見到個裝修其實幾新靜，而且周圍放左好多懷舊嘅裝飾比我嘅感覺係幾有回憶，幾有8090年代嘅感覺。我地兩個人叫左二個主菜同三個小食又飲左杯幾有特色嘅飲品。首先講下個招牌茄湯通粉，個湯唔算好杰，不過就幾濃蕃茄味係幾好食，第二樣係叉燒蛋飯，個蛋滑到嚇親我而且叉燒都好出色，係值得一試。兩個主菜都份量好多，飽到差d爆肚。最推介食嘅係個瑞士雞翼，又大又多肉，煮到骨肉分離，一個字 正。我地仲叫左個芝士肉醬熱狗，個包好大個仲好脆卜卜，加上芝士唔算好肥膩啱啱好，中間應該係普通司華力腸不過都已經好好食。最後係個芝士西蘭花，做到好似一口系列咁，全部都細細粒好易入口芝士味都唔會好重。我就叫左杯椰汁冰，超重椰子味，好啱我呢d重口味人士。我個fd就叫左杯凍話梅柑桔，估佢唔到超好飲，食都未食完就已經飲晒，酸酸地好過癮，之後又叫左杯忌廉紅豆冰，個外型已經冇得輸，仲好好飲不過食埋上面層cream就有d滯。So far 全部都幾好食，最後係飽到差d行唔郁，下次會再去食埋其他招牌。

💕今日放假訓到好晏，諗住去屋企樓下求其食d野先出街，見到樓下冰室冇人排隊（平時通常要等位），就入左去坐低。💕平時嚟依度通常都係食早餐，今次都係第一次試佢d午餐。🍝意式肉醬燴意粉-居然有驚喜，味道勁似舊式茶餐廳的燴意粉，蕃茄味好濃，蕃茄醬更加融合了响每一條意粉上，肉醬夠多又惹味，食到最尾都勁多肉醬，唔會dry😂🥛阿華田-夠濃，正常。總結：原來肉醬燴意粉好好食😋下次會試埋其他menu中意粉類食物。

今日去開荃灣買野，突然興起想食瑞士雞翼。上openrice見到呢間樓下冰室，好似好正咁，就一於去試下啦。去到見到都好爆場，經理都叫我哋要等一等，不過好快就入到去啦。量好體溫之後，就安排我哋坐左係個卡位度，附近都有板格一格開。餐牌啲選擇都好多，我哋睇左一輪就叫左幾樣野。飲品就上枱先，有菠蘿冰同綠椰冰。菠蘿冰有好多菠蘿，仲係新鮮架，唔係開罐頭果啲，我食極都食唔晒。而個綠椰冰就係椰汁冰同綠豆蓉，啲蓉都好多下，同埋椰汁飲真係一絕！小食我哋叫左3隻瑞士雞翼同芝士蒜蓉多士，個雞翼係全翼嚟，亦都好大隻下，食落啲肉好滑，啲汁都好入味，正。而個多士就大大塊熱辣辣上枱，烤得啱啱好，仲好脆。而啲芝士同蒜蓉都俾啲熱力溶左，好香好好食。而主食我哋叫左招牌胡椒豬肚滑雞米線同自家製蔥花叉燒滑蛋飯。個米線係驚為天人地大碗，以為兩個人食咁。入面啲配料多到食唔晒，而且好重胡椒味，冬天食好正。米線亦都好爽，飲埋啖湯就一絕。而個叉燒蛋飯亦都大大碗，啲蛋同叉燒多到睇唔到啲飯，叉燒入味又軟熟，蛋亦都好厚身，飯底仲有豉油，撈埋食好正。最後想一提啲侍應好有禮貌，仲會介紹啲野食，做到無停手都保持到禮貌，咁樣埋單都唔駛200蚊，好推薦大

呢間冰室幾乎係我飯堂，唔只主打無味精瑞士雞腩脾同番茄湯粉好食，其他野都煮得比其他冰室更用心同好食。例牌我食開嘅招牌瑞士雞脾番茄螺絲粉，抵食有營。啖番茄湯係屋企煮再濃d嘅版本，瑞士汁調較得香甜，雞脾非常入味而肉質滑溜，呢間係我少有會食埋雞皮嘅餐廳。番茄粉上面仲放有滑蛋，香濃蛋味撈埋番茄湯係超正！呢度咖喱都好正，唔辣偏香同惹味。秘製咖哩牛腩飯牛腩份量多，飯餸分開裝，都靚仔。冰室有菜食係少見，而且上湯浸雜菇娃娃菜更少見。難得係都煮得好味，娃娃菜索哂d上湯，上湯湯底好鮮甜，唔洗講啦，好味。友人鍾意瑞士雞翼，同雞脾一樣好味，再入味d，佢連雞翼尖都食埋。餐加$9有凍檸茶，加$11有特飲華田脆爆添，即係凍阿華田上面加阿華田脆脆，咁杯凍飲就超濃華田味又有脆嘅口感，得意有好味。我就係鍾意呢度員工有禮貌，野又好食，價錢又一d都唔貴，希望水準一直保持下去呀。

每次嚟到樓下冰室，都一定要食佢個蕃茄湯通粉，仲要加佢隻最出名瑞士雞髀！呢間茶餐廳，雖然座位都比較迫，但係真係有讀書食到出嚟社會工作都咁鍾意食！特別係佢隻瑞士雞髀，真係喺香港搵唔到第二間好食過佢嘅雞髀，可能係因為我未發掘到掛，哈哈！至於蕃茄濃湯嘅湯底，開頭見到蕃茄都好抗拒，因為本人好唔鍾意食蕃茄，但係自從食咗佢哋嘅湯底之後，我鍾意咗蕃茄湯底，再加埋佢個炒蛋真係一流。至於佢個咖喱雞扒飯，就係男朋友最鍾意食，佢個咖喱汁濃得來又唔會太肥膩，都係一個唔錯嘅選擇🙋🏻‍♀️

聽講呢度出名食番茄通粉同埋瑞士雞翼/雞髀今晚就同男朋友試試😋環境乾淨 而且做足防疫措施 入座時亦特登安排我地坐隔離冇人既座位 感覺同隔離枱有段距離 安心好多🥰呢度仲有少少懷舊感 好特別😬望個餐牌 價錢都唔貴🤩選擇頗多👍我同男朋友分別都叫左特色蕃茄濃湯意粉佢轉左螺絲粉 而我就係通粉未食落口 已經聞到好濃既蕃茄味🤩蕃茄湯底真係好濃烈 而且茄肉多 可以咬下🤣個蛋都好滑欣賞👍👍👍跟住就係期待已久既瑞士雞翼&雞髀😙✨✨✨個汁真係好出色🤩有少少甜甜地既味雞肉都偏滑 多肉食左兩隻覺得唔夠喉😂🙈好回味....男朋友叫左杯綠椰冰😛佢話幾有椰汁味 唔會太甜 不過不失😄特別值得一提係❗️雖然好似唔係叫左好多野食 但我地兩個都食得好飽！所以個份量真係好多🤗抵食✌🏾

好耐冇黎食樓下冰室，今次一個人再去食午餐，打開餐牌睇到咖喱牛腩飯（好味到汁都會撈埋）同蕃茄通....通通好想食！但一個人點食到咁多，一於食瑞士雞翼餐（因為路德圍先有）加錢飲杯新鮮菠蘿冰😋雖然疫情好似冇咁嚴重，但跟餐嘅沙津都用盒個別裝住先送上，食起黎到安心D👍🏻大大隻雞全翼色香味俱全，未食都聞到好香豉油汁嘅豆香味，老實講幾十蚊一客雞翼餐，一定唔會用新鮮雞翼整，為咗成本多數用雪藏雞翼架啦，但係佢哋處理得好好，一啲雪藏味都冇👍🏻 x 20, 雞皮浸倒有爽滑口感，我平時唔食雞翼尖但今次都要破戒，全隻K.O咗😝骨都（倫）埋新鮮菠蘿冰，成杯滿滿嘅新鮮菠蘿， 店主絕不吝嗇等食客大啖大啖菠蘿食住飲，好爽快