橋底串屋

Open Now

Now Closed

啱啱去完汕頭汕尾返嚟無耐，又掛住潮州牛丸牛肉餅啊！朋友就介紹你食呢間話佢嘅牛肉丸牛肉餅超正喎！一鍋90幾蚊，款式就係牛肉餅同牛肉丸，呢個做法好地道嘅潮州風味，就係加啲生菜加啲炸蒜清湯底。落多少少潮州辣椒油更加正！俾個機會我回味一下潮汕風味，牛肉丸juicy 好正！連湯都飲埋！比好多話自己出名嘅牛丸有過之而無不及。仲有鰻魚餃，呢樣野我都係第一次食，情況有啲似魚皮餃，幾有口感，勝在難得同罕見。個皮其實同魚皮餃一樣，個餡就用咗鰻魚！都幾正！食串燒點少得食燒茄子原隻大大隻茄子配上子然粉辣椒粉呀！香蔥蒜頭等等，風味十足。我會鍾意係街頭食多過裝修靚一靚嘅餐廳，別有一番風味嗎！附近容易泊車。。。小心俾人炒牌！哈哈

如果想揾個地方三五知己食下串燒，談下心。呢間係旺角橋底嘅一間食串燒嘅地方啱哂風味啦！🔸玫瑰岩盬牛肩肉 $58呢個牛肩肉本身就係好淋嘅一個部分，而佢燒得好嫩，好夠肉汁，再加啲玫瑰盬可以令肉味更濃。🔸瘋狂燒雞翼$18雞翼控真係會大愛佢！佢個皮真心好脆加啲芝麻上去好香，一咬入囗真係好有罪惡感，爆汁同雞油🤤🔸蒜香豆腐皮$22識食一定係食豆腐皮，完完全全吸哂啲味入去，仲要本身就有葱蒜係皮中間，好難唔正。🔸橋底麻辣串串鍋$68呢個好似係內地會食到嘅重麻辣火鍋咁，佢個種香係個口停留勁耐，麻得好爽，唔似辛辣咁係咁流鼻水。一鍋有10串，最愛牛泊葉同墨魚丸，夠爽彈。🔸蒜香原條大茄子$32勁大條嘅茄子，啲肉上面有滿哂蒜蓉，辣粉，成塊起好好食！

三五知己最適合食串燒，１串可以幾個人Share，就可以食到更多款式加埋啤酒，吹下水，咁就夠晒爽啦！！！！見到牛舌就好想食，鹽燒牛舌雖然係薄切，但仍然有彈牙、有咬口、爽口既感覺經過火燒既雞皮表面脆卜卜，但係仍然有煙韌既口感，少少咸少少辣，不斷刺激食慾第一次試到呢種開心魚乾，岩岩燒出黎，熱騰騰，質感軟軟淋淋，食落甜甜地，加下調味粉，夠哂惹味，但係凍左少少會變到比較硬身，又有另一種風味，比較似零食牛丸本身已經有好重既牛肉鮮味，經過燒烤鮮味更加濃縮，表面有少少脆皮焦香，肉汁封鎖在內，一咬落去，肉汁噴發，連同鮮味一齊滲出魚皮餃食得多，鰻魚餃就未試過，再加上做成串燒真係會有期待。餃皮燒到帶有少少脆脆既感覺，內餡就有濃郁既魚香，仲有少少魚油既既滑溜滲出黎其實串燒都比較熱氣，最後當然要碗冰粉消消熱氣，下一下火啦。質感有啲似水晶粉，比水晶粉更加滑溜，加上唔太甜既糖水+山楂片及提子乾，簡直火氣全消，我仲食左２碗添開開心心暢飲暢食又一晚

小編今次同大家介紹一間用心製作嘅橋底串燒隱世小店！🤩🔸燒爆汁牛丸 $22/串熱辣辣好新鮮💕大大粒牛丸一咬落去小心爆汁！好彈牙好惹味！一定趁熱食👍🏻🔸墨魚汁香腸 $28/份墨汁香腸真係第一次食！切到一片片好方便，味道甜甜地大人細佬都鍾意！😆🔸 新疆羊肉串 $18/串，燒雞軟骨 $24/2串，燒雞皮 $22/2串，銷魂肥腸 $18/串，惹味燒冬菇 $20/2串羊肉串好juicy,上面啲粉好惹味👍🏻 雞軟骨味道啱啱好，好新鮮爽脆☺ 雞皮好邪惡🙈燒到好似薯片咁好薄好脆！要再encore! 肥腸滷水味好重，越咬越香，處理得好好，好入味！冬菇都係必點之一，上面嘅蒜蓉令到整體味道更加有層次感！❤🔸總結: 真係一間高水準嘅串燒店，好適合宵野飲酒傾計！真係回味無窮，值得支持的小店！😊

收工最開心同朋友邊食邊隊啤，舒緩番工既壓力啦一坐低嗌個辣一辣既椒香泡鳳爪先辣度十足，唔食得辣真係要認真考下爽口既肉質，加上麻辣既味道，配上啤酒真係一絕由於街市就係隔離，啲海鮮新鮮到不得了大大隻既花蝦，成隻碟咁長肉質仲要爽口彈牙，落少少鹽同孜然粉，香得黎仲更加帶出鮮味蒜蓉牛油加上新鮮既元貝，簡直係定律啤酒真係需要配上麻辣既味道架一煲過有十串，十串都唔同款式牛柏葉，牛毛肚，鰻魚餃等等串串都吸收哂湯入面既香～麻～辣不過第二日都係要番工所以最後嗌番個潮式手打牛三寶解一解酒，起碼番到屋企先牛肉丸，牛筋丸，牛肉餅款款都有好濃郁既牛肉既鮮味唔只彈牙，連湯都有鮮甜既牛肉味，所以連湯都清哂三五知己隊啤傾計食串燒既好地方

特登嚟到橋底度食串燒，上網見評語幾好，估唔到出色嘅唔單只係串燒仲有呢個自家製薄荷冰粉。好正常應該會同大家講串燒食咗啲乜嘢，但今次一反常態，要介紹咗個甜品薄荷冰粉自己煲嘅薄荷底配上冰粉山楂黑糖等等，口感冰涼好解辣，暫時食過最吸引我嘅冰粉，係香港啊！大廚話佢每一日新鮮整個冰粉底，所以呢賣完就冇㗎啦！一人一碗解辣啱啱好！串燒方面點左但係唔記得影相，食咗呢個牛脷薄片，好有口感同𡁻頭。必食呢個牛小排，燒到肉質鮮嫩，牛味豐富。有兩個鍋㗎不過呢今次嗌左個全牛鍋，就覺得好似上次另外一個雜錦鍋抵食啲。因為呢一個全牛鍋，全部都係牛肚嚟嘅，相比上次嗰個雜錦呢又有唔飽又有菜又有肉呢就抵食好多。都睇個人喜好啦！食完之後忍唔住再叫多一次冰粉，真係好好味囉！夜晚時間係星期六日真係好多人最好打電話嚟睇吓有冇得訂枱。

天氣開始轉凍嘅日子,最適合就係打邊爐或者食串燒,但係如果二選一,我會選擇後者,因為夠晒風味。潮式三寶又點少得牛肉丸,牛筋丸,牛肉餅。三款牛寶都爽口彈牙,牛味濃郁。燒茄子係我每次食串燒必叫嘅菜式,大大條茄子被燒得軟淋,加上大量蒜蓉同秘製醬料,永遠都最能夠俘虜我嘅心。令我食得一啖接一啖。韭菜亦係我蔬菜類串燒嘅至愛之一,最鍾意佢吸晒D醬汁,用嚟餸洒一流。極力推介依款肥腸串燒,令我食完一串之後再encore。經過滷水嘅肥腸再拎去燒,入味又帶點香脆,亦唔會有肥膩感。令我有驚喜嘅一款串燒,豆腐皮外層被燒得微脆,內裏帶點Q彈,再包住爽爽嘅韭菜。牛舌雖然只係薄切但夠爽口而且不失牛味。加上黑胡椒嘅調味夠晒惹味。

嘩，超大條既蒜香大茄子，大個手掌二三倍既燒茄子真係好少見，味道仲要好野味，真係令人停吾到手，一個人可以食一條吖！平時燒野食都係最多得燒牛粒，呢度居然有燒一塊既牛肩胛仲有玫瑰岩鹽配埋，當然味道吾好預佢超高水準，不過價錢相宜，值得試試！不得不提既係炸蝦滑，呢個真係有驚喜，切到細細粒甘炸，又吾會難入口，一口一粒，諗得周到吖！燒菠蘿係我既至愛，呢度啲菠蘿好甜，咬一淡，超多汁，多到滴曬落張枱度，雖然燒菠蘿冇乜特別可以燒得好味啲既方法。但係係一個不可缺少既野。一行三個人，叫左成枱野食，價錢都吾算貴，百幾左右，個個飽到抱住個肚走。 仲要開到零辰，平時經過冇野做都可以拮二串，因為即叫即燒，都等左一段時間先有得食。不過新鮮熱騰騰，等下都值得既。食完咸野，可以食返啲甜野先。呢碗四川紅糖薄荷冰粉都真係幾正吖，面頭有啲山楂餅碎，酸酸地，而加埋甜甜地既冰粉(感覺似係透明既涼粉) , 酸酸甜甜甘，絕對可以解到啱啱果堆上火食物吖。推薦！環境都好泰國，坐左入左，好似去左泰國甘，好舒服，又夠氣氛，雖然係喺馬路邊，但吾算太嘈，成班人傾下謁都吾錯。

有什麼比和好姊妹們,談天說地,開心進食更吸引的活動呢? 早前,懶理爆暗瘡的危險,相約一班好姊妹,到大角咀一間串燒店吃火辣辣的串燒。請不要問我為何有這樣的犧牲,很多東西只要喜歡就可以了。 這店舖面積不大,加上外面露天位置,還不到30個座位。不過串燒的香味,也把附近的人引來了。 首先出現的是開心魚乾,香香脆脆的,送酒一流。 魷魚乾以前也吃得多,但是烤手撕魷魚乾伴山葵豉油的吃法,還是第一次嘗試。山葵帶出來的鮮味,感覺很不一樣。 燒豬腩肉很香口相信大家也知道,但是燒厚切豬腩還多了一重香脆的感覺。外脆內嫩,香濃的油份滲出,叫人一試難忘。 燒香腸好像沒有什麼特別,但是燒四季豆還是第一次看到。以蔬菜作為燒烤對象,又多了一種選擇了。 當然也少不了香甜的燒粟米。 一人一隻燒原隻扇貝,是當晚的重頭戲。香濃的蒜蓉牛油燒扇貝,讓人回味無窮。 海鹽燒鯖魚是我的最愛,燒烤怎能沒有它 ! 燒安格斯牛扒,本來當晚沒有供應,後來店員說找到一份可以燒給我們,香濃的牛肉味,燒到五成熟剛剛好。人間美味就在這裏。 在這裏也可以找到一些比較特別的串燒品種,例如燒爆汁牛丸、燒牛肉餅、燒鰻魚丸和燒鰻魚餃,值得一

呢到主打係串燒，選擇都唔少， 而第一次黎當然係要點佢有"手指公"既推介啦 牛肩胛 好香牛味，仲有陣陣油脂香，鐘意食牛既朋友一定會鐘意 金針菇 濃濃蒜味，仲帶小小麻辣味，未食肉之前既菜類～ 鬼緊炸蝦滑 感覺好似泰國蝦餅咁，炸得夠脆卜卜點埋個醬仲正 叫左一大堆串燒，唔一一介紹啦， 當中比較有記憶既係銷暈肥腸 - 醃得夠味，入面都清得好乾淨 麻辣涮肚鍋 呢個鍋仲有得揀微辣、中辣、大辣、變態辣 我只係揀微辣已經要狂飲水⋯ 果種辣係食完之後由喉嚨訓返出黎，唔係係條脷辣出黎⋯牛肚好腍細細舊好易入口 原條燒茄子 呢個好抵食！2隻手掌咁大， 上面仲有蒜蓉孜然粉夠哂惹味，朋友都大讚燒得岩岩好 第一次試冰粉，好似JELLY既口感， 上面仲有D山楂幾得意，原來係四川野既甜品，真係長知識！ 橋底呢度要黎同朋友傾下計坐下，環境不錯起碼無好嘈， 冬天夠涼坐出面就最舒服！呢間仲開到凌晨，旁邊仲可以泊車好方便。

來往奧海城至旺角的天橋底竟然開左間串燒小店😳🍢一去到門口已經聞到好大陣串燒香味, 而且訂價唔貴,我地點了11款串燒+小食+野食, 埋單都係3百幾, 食到捧住個肚走~🍴上菜都好快, 等了5-10分鐘就先上了一大碟串燒~🔹蒜香原條大茄子（$32）+蒜香豆腐皮($22), 超多蒜, 燒得勁入味!🔸瘋狂叫咗勁多串燒😂燒鰻魚丸($22)+ 新彊羊肉串 ($18) +豬頸肉($16) + 燒雞腎($24/2串)+ 鹽燒牛舌 ($38)+ 肥腸 ($18)+ 燒原隻扇貝 ($32) 送酒一流！最推介燒鵪鶉蛋 + 錫紙蒜蓉牛油焗什菇, 值得再encore🤤🤤🔹另外點了手打魚三寶烏冬, 當然同日式煮法的烏冬係冇得比, 但烏冬用料係唔hea, 幾彈牙, 反而d丸比到驚喜我地, 店主話因為鰻魚餃賣晒, 比多左好多粒馬駮魚丸, 一入口就爆汁同勁彈牙😍😍🔸橋底麻辣串串鍋係老細推介, 提供幾款辣度, 最勁去到變態辣, 岩晒中意食辣之人😱隔離台有叫個樣都相當唔錯, 不過我地唔食得太辣就無試到啦😝👏🏻老細同侍應都好好人, 服務一流, 見我地食完仲想送糖水比我地添~😸雖然店內座位不多，只有幾張2-4人枱，但晚上會在門外

前陣子 Dayz 在朗豪坊參加朋友的婚宴由於 Dayz 負責當司儀整晚都台上、台下兩邊跑餸菜幾乎都沒怎麼碰過散席後，馬上跟幾位兄弟姐妹去找宵夜 我們來到位於旺角跟大角咀交界、塘尾道14 號的橋底串屋平常Dayz 都會從奧海城走天橋到旺角卻一直沒有注意到，天橋底竟然有一間串燒店～橋底串屋店小小的，只有 3-4 張桌子卻出乎意料之外，挺乾淨的日式串燒常常吃得到，潮式串燒倒是第一次接觸也有不少海鮮提供呢～開心魚乾口感有點像磯燒魚乾，有嚼勁味道卻更為濃郁、充滿鹹香用來配啤酒一流呀！燒四季豆炭燒過的四季豆口感香脆上面灑滿了七味粉辣辣的、非常惹味！燒台式香腸Dayz 最喜歡的台式小食之一燒烤後油香飄散味道香甜帶辣，非常 Juicy！燒金菇肥牛卷甜甜的照燒汁牛味十足的肥牛配上爽口的金菇很不錯呢～燒原隻扇貝簡單的以蒜蓉牛油去燒燒熟後不但香噴噴而且十分鮮甜推介呀！！錫紙蒜蓉牛油焗什菇另一款以蒜蓉牛油去料理的小食好香好好味～完全吃不停呀！！想不到這間小小的橋底串屋...竟然會大有驚喜呀！！不但食物款式選擇多而且價錢又合理下次去旺角逛街的時候一定要再來吃串燒呢！！

朋友話想食串燒，於是我地就黎度呢間橋底串屋食野門面古色古香，份外有風味食物既款式應有盡有，除左有串燒之外，仲有多款小食同特色美食，價錢都好親民，所以我同朋友都不知不覺叫左好多野食黎試下😂😂😂先黎呢個鬼馬炸蝦滑，外皮炸到脆卜卜，裡面既蝦滑爽口彈牙，食得出好新鮮，沾埋中間個醬，甜甜地有驚喜潮式手打牛三寶，三寶包括牛肉丸、牛筋丸同牛肉餅，三者都好彈牙，而且牛肉味到好出，食得出係真材實料，再點埋個辣醬，更加出色串燒方面，豬頸肉好爽口，雞翼肉質仲保持住嫩滑，而金菇牛肉卷好juicy，食到好濃郁既孜然味，非常惹味墨魚汁香腸，食落啖啖肉，味道都幾香口燒牛舌，牛舌都幾厚片,口感好煙韌，味道幾香椒鹽土豆,土豆炸得外脆內軟,外皮充滿椒鹽，鹹鹹香香都幾好食燒茄子係我嘅最愛,茄子燒到軟林林，上面鋪滿好香嘅蒜蓉醬同啲秘製配料，非常香口惹味最後仲叫咗呢個四川紅糖薄荷冰粉做飯後甜品,味道好清涼，冰粉有少少薄荷嘅味道,再淋上一啲紅糖嘅汁,甜甜地，面頭再灑上一啲山楂碎，酸酸地中和返紅糖嘅甜味，幾好食

上星期和屋企人嚟到呢一度食潮式寸燒，係朋友介紹嘅好地方呢度地方雖然細，但係呢食物質素好高而且價格相宜。還有一種獨特的香港橋底風味， 好多時喺橋底食飯大家會覺得好污糟但係呢度環境10分清潔。絕對可以放心喺舒適開陽嘅橋底下邊吃住寸燒。開舖嘅時間係五點幾六點至到凌晨三點所以呢當日都比較夜先去。必食嘅呢就係牛三寶，有牛丸牛肉餅等等美食。配上由細食到大嘅清湯加蒜頭油湯底，加上生菜等食材，直情同我媽咪煮嘅係一模一樣。推薦呢個燒牛舌薄切，同日本串燒有得揮啊！加上少少黑椒，惹味精彩。燒牛扒都係一個精選美食雖然佢唔係什麼來自日本澳洲但係很juicy ~ 煮法令到肉汁能夠保留。正！呢度嘅全消品種真係非常之多價格有十零到到幾十不等，自從喜歡食川菜之後就喜歡左食蓮藕，我唔到蓮藕加芝麻同埋四川粉食落咁正。海鮮每天不定期供應，當日有一隻手掌長嘅八寸大蝦，先至講緊$38 only有口感！買單一個人都係$200仲有黃老吉涼茶飲下。有陣時夜晚冇嘢做，可以過個海再食下。

好耐冇食串燒串燒喇！😍🔥🔥平時收工好鍾意黎呢間位於旺角同大角咀之間連接住嘅橋底下既 橋底串屋 食宵夜！順便啤啤佢🍻😎呢度嘅串燒真係抵食又好味！大部份都係廿幾蚊串就有交易👍🏻 當晚我地瘋狂叫咗勁多串燒😂，例如燒翠玉瓜、菠蘿、雞軟骨、鹽燒牛舌、冬菇、雞肉、豬大腸、雞翼、金菇肥牛卷、燒香脆雞皮、韭菜、豆腐皮、鰻魚餃、原條大茄子同埋錫紙金針菇！全部都燒得勁入味，勁正！忍唔住encore再encore😂 最推介係燒雞皮同豬腸，送酒一流！呢度喺橋下面又有露天位，都幾有風味😎 由晏晝五點鐘就開始營業做到凌晨三點，無論食飯定食宵夜都勁啱！值得一試👌🏻