水門雞飯 (裕民坊YM²)

Open Now

Now Closed

今日和朋友去了觀塘的裕民坊行街，見到這間泰國餐廳很像好吸引，於是便決定進去吃晚餐。牛肉湯牛丸生牛肉粉（$50）：牛肉湯個味好香濃，幾重牛肉味，幾正。牛丸又好彈牙，口感不錯。牛肉又好鮮嫩好滑，重牛味，幾好食，不錯。同埋牛丸，牛肉的份量都夠多，男仔食都會夠飽肚。泰式鴛鴦（$22）：奶香味濃，不錯，幾好飲。泰式乾炒辣牛河：好香辣，惹味，幾正，又唔會太油，牛肉份量都算多，牛肉又滑又好食，不錯，又夠飽肚。同埋這個乾炒牛河又不算很辣，即使不太吃辣的朋友都可以叫的。蘋果雪梨水（$22）：好清甜，但個味又唔算太甜，同埋真的好清潤，不錯，好好飲。埋單總計$240，真的不算貴，食物又好食，高質，性價比都高，值得一去。

之前係旺角分店食過佢地嘅海南雞飯，見到觀塘原來都開咗間，所以諗住過黎試下～見到menu上面有胡椒豬什河粉，好似幾吸引咁，所以就叫咗呢個碗粉黎到熱辣辣，本身想飲啖湯試下湯底個味，因為太熱都要等一等先，欣賞佢地即叫即整吾馬虎～河粉份量都幾足，豬什配料同湯底都好味～雖然佢無船河湯底咁濃，但係感覺上胡椒湯底都好吾錯同健康啲咁～不過坐位就比較逼啲，好容易會畀隔離枱嘅手撞到😅不過食物好食價錢合理，所以有機會都會再去食嘅～

呢間水門雞飯平時見到都排滿人，今日比我見到裕民坊原來都有分店，就嗌左四個外賣。佢價錢平，點左4個餐都只係2百多元，水門雞飯都只係54元，仲有湯，好平，仲有香辣紅咖哩牛肉飯（50元），水門炸雞飯（50元），同水門三寶雞飯（64元），真心平，堂食都抵，免加一的。先講水門雞飯，雞肉香滑嫩有肉汁，雞皮又特別好食，份量都吾少，配上雞飯同青瓜，好食。而炸雞飯都抵食，先50元但有7,8舊炸雞，炸得勁香脆，很惹味，同樣都是配雞飯的，吾錯。另外三寶飯是多了雞雜，仲有炸雞同水門雞，雞雜有雞賢，雞腸，同雞紅，食落爽口乾淨冇異味，增口感，好好食。最後想讚紅咖哩牛肉飯，價錢平仲要超高水準，好岩食，紅咖哩辣又惹味，有好多配料，有草菇又有青椒，牛肉是薄片，不過勁多份量，又索晒咖哩汁，好正啊，送飯一流，估吾到除左出名雞飯外，咖哩都好出色，會再食，推介。

驚喜海南雞同泰式豬頸肉-水門雞飯原來間舖頭喺商場出邊，搵咗一陣先搵到，連outdoor都有座位㗎，店面唔算大，坐低後有QR code落單，都好方便😀黎到梗係要試洗門半隻雞啦😂仲點左泰式豬頸肉，泰式炒通菜😗海南雞好滑，配上醬汁好惹味，雞紅都好滑😂 泰式豬頸肉有驚喜😌味道香濃，有炭燒嘅感覺，配上醬汁，又辣又惹味🤤飲品方面泰式奶茶同椰青都一樣咁出色👍🏻Overall 食物質素唔錯，係坐得無咁舒服😅

六周年限定特價$8泰式奶茶，經過諗住試吓，另加珍珠$6 ，一共$14 ，冇茶味，冇甜味，得澀味，超難飲嘅特價泰式奶茶，唯一值得欣賞的地方係珍珠尚算好食，唔會過硬，但我一定唔會唔會再飲。

《水門雞飯》每次經過裕民坊又趕時間都會去水門雞飯到快食價錢唔貴出餐又快唔收加一好過茶餐廳下午茶時間鳳尾蝦泰式金邊粉泰式珍珠奶茶豬肉串燒x2水門雞飯+湯（多飯）雞肉串燒x2蘋果雪梨水埋單$174幾抵食不過豬串有d靭

最近到觀塘水門雞飯食個快lunch.顧名思義佢哋係以水門雞飯為主打不過都有其他一些美味的菜式，讓食客們可以品嚐到豐富多樣的美食首先，我點了他們的招牌菜式——水門雞飯。這個果然無失望，雞肉分量唔少，而且又夠嫩，烹調得剛剛好，保留了雞肉的原汁原味。佢地仲有個雞汁好正！讓整體口感更加豐富。強烈推薦大家品嚐一下！除了水門雞飯外，我還點了肉醬芥蘭。這道菜以炒熟的芥蘭配上香濃的肉醬，好惹味芥蘭唔老，唔會過於軟爛。肉醬的份量適中，不會過於油膩，與芥蘭完美搭配。最後，我點了一杯蘋果雪梨茶來解渴。這杯茶唔會好甜。蘋果和雪梨的味道完美融合，帶來了微酸的口感，非常開胃。尤其是在炎熱的夏天，這杯茶絕對是消暑的最佳選擇。

水門雞飯今次要介紹觀塘一間餐廳叫「水門雞飯」，未講餐廳之前，先講下裕民坊YM²，呢間裕民坊YM²商場下面係巴士站，呢間餐廳就喺一樓，我原本以為一樓係商場入面，點知去到一樓周圍問人原來先知係喺麥當勞出面，只不過係街舖，點解要納入商場範圍，真係好不得其解！講返呢間餐廳，雖然門口有一級，但係我今次揀咗坐戶外，果日唔算好熱，食物質素好高質，價錢又親民，性價比超高！1.水門雞飯+冬瓜湯+凍泰式奶茶$62（轉雞脾肉+$10）+泰式炆雞腳（6隻）$14（9/10）水門雞飯個飯加咗雞汁，令到個飯更加香，我加咗$10轉雞髀肉，雞髀肉肉質嫩滑，雞髀肉都有10件雞肉，不過冬瓜湯鹹咗少少，湯入面有冬瓜肉，仲加咗$14叫咗泰式炆雞腳，雞腳辣辣地炆得好淋，一共有8隻雞腳！凍泰式奶茶：呢杯泰式奶茶甜度適中，奶茶好夠滑，奶同茶比例啱啱好，非常好飲！2.水門炸雞飯+冬瓜湯+凍泰式咖啡$60+馬拉盞肉醬芥蘭$24（9/10）水門炸雞飯個炸雞好酥脆，雞肉唔有有肉汁，個飯加咗雞汁，令到個飯更加香，不過冬瓜湯鹹咗少少，湯入面有冬瓜肉，仲加咗$24叫咗馬拉盞肉醬芥蘭，芥蘭新鮮爽口！凍泰式咖啡：呢杯泰式咖啡好香濃帶少少酸！3.炸雞

水門雞飯 📍觀塘協和街33號裕民坊YM² 1樓101號舖復活節未有得飛住🥺想食泰國菜第一次時間諗起水門雞飯🇹🇭價錢抵食又好味以泰國大排檔裝修設計～好似去左泰國禁🇹🇭水門雙併雞飯用上Q彈雞皮同厚肉海南雞同即叫即炸～炸雞排炸雞排一次過食哂兩款口味套餐仲跟埋雞湯～好好味🇹🇭 泰式腩仔肥瘦均勻夠香脆🥺跟埋秘製醬汁微辣惹味🇹🇭香辣鳳爪沙律鳳爪已經去骨～調味酸軟甜開胃🇹🇭串燒 叫左雞肉串～跟有青瓜、洋蔥醋同沙嗲醬🇹🇭炸雞皮超級好味🤤即叫即炸🤭大家一定要試下🥤凍泰式奶茶 🧋加珍珠+🥤凍咖啡食到飽包埋單～二百零蚊😍抵食好味

招牌水門雞飯：飯底睇落冇咩顏色但食落好有有雞油香，比起平時出面既薑黃飯個人更加中意呢個飯底，雞肉唔算好滑但皮薄肉多，脂肪較少，醬汁辣辣地唔油，仲跟碗胡椒雞湯，飲完唔口渴應該唔係味精👍算係健康又好味既選擇泰式腩仔：呢個就邪惡喇，腩肉炸得酥脆，食落唔會覺得好油，腩肉既肥瘦比例均勻，唔會成舊肥膏，有少少似炸豬頸肉既感覺，點埋辣辣地既醬汁非常惹味，個人認為係呢到最值得推薦既菜式😍西蘭花炒魷魚酥：幾年前黎食既時候好中意呢道菜，不過當時同行朋友嫌太重口味，唔知店家係咪有根據香港人口味調整過，宜家冇咁重味同埋個汁變左少少茨汁有啲中式既感覺，不過個汁咸咸辣辣一樣好味😋香茅特飲：甜度適中，味道清新，適合怕甜膩既人芒果糯米飯：正正常常，芒果新鮮唔酸裕民坊呢間分店應該新開，無論樓面定廚房都幾乾淨企理，服務態度亦都幾好👍

🎈水門雞飯餐廳主打海南雞飯，價錢經濟而且質素有保證，餐牌仲有泰式咖哩、炒金邊粉、湯河等，選擇豐富🥢🎈海南雞飯海南雞可加$10轉雞脾肉，啖啖肉得嚟肉質嫩滑，雞皮部份無肥膏，口感爽彈好加分👍🏽配上胡椒雞湯、秘制醬汁同油飯，有時簡簡單單就係最好味🎈泰式辣雞絲湯金邊粉湯粉可以自選河粉/米粉等等，有大中小辣🍲雞絲加入辣椒、香料等調味，味道有層次🌶️炸豬皮香口唔油膩，索啲湯底食又幾正🫶🏼🎈泰式腩仔鍾意香口小食應該都會鍾意呢個泰式腩仔🤤外層香脆，內裡係半肥瘦腩肉，配有酸酸辣辣嘅醬汁，加上腩肉嘅油香，口感相當唔錯🎈雞肉串燒雞肉燒得微焦，內裡仍然juicy，火喉掌握得好好🍢細心位係備有沙嗲汁同醋汁兩款，一款香濃惹味，一款清新微酸相當開胃🎈泰式奶茶🎈菠蘿冰菠蘿冰大大杯夠哂透心涼，菠蘿果香濃郁，而奶茶口感幼滑有茶香，固定甜度，飲到泰式奶茶獨有香味🤗

裕民坊商場外圍會搵到我都係行咗商場裏面一個圈先知道原來唔係喺商場室內 佢有做外賣，所以堂食個空間唔係話好大可以加超多芫荽咁樣食泰國菜都幾爽泰式辣雞絲金邊粉辛辣、酸甜和清爽 加$5可以超多芫荽 🌿成碗青色加白魚蛋 配料幾豐富 有兩塊大嘅炸豬皮三角形香蔥香茅 香葉 食東南亞菜式唔少得嘅香料食泰國嘢飲杯奶味重又香甜奶茶鴛鴦都好最緊要加珍珠夠煙靭 好好咬胡椒單骨雞翼 作為小食鹹香香幾惹味相比起其他雞翼 一條一啖 好容易食唔需要用手搞嚟搞去 同時雞皮嘅油分都被抽乾 零舍香脆馬拉盞西蘭花炒魷魚鬚馬拉盞辣辣地 佢嘅醬汁同埋蝦米仔撈埋西蘭花魷魚一齊炒醬汁朔晒入去西蘭花花心入面

揀咗嚟呢度食水門雞飯，水門雞飯同埋海南雞飯嘅分別係，水門雞飯雞肉白啲，皮爽脆啲，肉質鮮嫩啲。我今日就嚟一嘗試吓～😃湯首先有個湯飲，其實都唔錯又好重胡椒味，近排凍凍地好暖身。水門雞，炸雞雙併飯首先，佢有兩個汁，一個少辣，一個酸嘅，辣嗰個就係食水門雞，酸嗰個就係點炸雞。我個人覺得個汁真係幾特別，兩個汁都有出色嘅地方，加落飯都好開胃👍🏻但係飯單雞方面，我就覺得有少少普通，未可以令我食到我覺得真係比海南雞飯滑既雞，正如我個題目所講，有少少失望🥲皮方面亦都唔夠爽，所以食咗少少之後都起左個皮冇食。飲品方面冇影到，朋友話珍珠奶茶嘅珍珠比較硬。🥲但係我飲嘅美碌我就覺得好濃好味😋凍飲，仲唔使加錢👍🏻希望之後呢間店可以有進步，有機會會再食多次，睇吓會唔會有第二個感覺👍🏻

正宗好味的海南雞飯😋中午有lunch set，點了雙拼海南雞飯，凍奶茶，total66hkd，隨餐送湯。✨雙拼海南雞飯✨有水門雞和水門炸雞兩種口味，有兩種口味的醬汁，咸醬油和甜辣味。水門雞很嫩，雞肉本身有淡淡的鹽味。水門炸雞很脆，和甜辣醬超級搭配。✨凍奶茶✨奶茶好評，真的很泰國的感覺，和港奶有啲差別，多了一種香料味。甜度沒得調整。✨雞湯✨有陣胡椒味，一般般～

很久沒有去泰國了！想念泰式雞飯，看到「水門雞飯」，就衝衝衝！店面很有特色，還有戶外座！點了兩杯泰式飲品、前菜、Padthai，當然不少得水門雞飯！香辣鳳爪沙律酸酸辣辣，但唔會太辣，非常開胃！鳳爪QQ彈彈，香菜帶出泰國風味！鳳尾蝦炒金邊粉非常入味，辣到剛好，麵條彈牙，蝦肉爽口鮮味！重點來了！水門雞飯有一種醬料，甜甜辣辣！雞飯煙靭，湯味濃郁！雞肉滑身鬆軟，雞皮QQ彈！泰式奶茶是正宗橙啡色，茶味很香，奶味也很濃郁，不會過甜。泰式咖啡香濃，帶點焦糖味道！配辣的菜色真的很適合！價錢方面超抵，雞飯只是$50幾元，其他菜式基本上不過$100，我們才吃了$230。店員也很nice，介紹食物給我們。性價比很高！