水門雞飯 (裕民坊YM²)

Open Now

Now Closed

約咗朋友係觀塘行下，諗住好耐無食海南雞飯，就搵到尼間試一試佢！水門雞飯轉雞髀肉（$64）雞飯好有驚喜，又滑又嫩，配埋特製既醬汁，味道好豐富同好香口。油飯食得到雞油既香味，做到粒粒分明，唔會濕漉漉，食下食下會唔覺意食哂！好食！泰式辣雞絲湯粉加牛丸（$57）湯夠熱夠香夠甜，最岩天氣凍食，雞絲唔會好辣，個味道適中岩岩好！牛丸夠彈牙爽口，必點。另外再配左炒泰式炒通菜（$54）通菜炒既火侯岩岩好，仲係好爽脆，味道唔會太濃太搶，岩哂配飯食。見餐牌有樣野幾得意就叫黎試下，烤麵包（$16）原來係有配埋咖哩汁，配埋烤到脆卜卜既麵包粒，做餐前小食岩哂。同朋友各自叫左唔同既飲品，香茅特飲（$20），熱蘋果雪梨水（$22），飲品好有驚喜！大杯得黎個味道好有誠意，飲得出唔係就咁開水而係煲出黎，好味道。總括黎講，雖然餐廳唔係好好大，但環境都好整齊乾淨，同埋食物非常多選擇，同埋好抵食！食多幾次都唔會重覆。去開尼頭既真係值得試！

今天與同事往觀塘出差，完成工作正值中午又係搵地方醫肚🍴😋😋嘅時候。行經裕民中心購物商場近協和街見有一泰式店舖”水門雞飯”幾吸引,一於入去一試。店舖座位三邊像吧檯搬擺放,中間座位就合多人一起聚餐，如喜歡戶外feel，店舖外亦有兩張枱可供選擇。食品方面有主食、粉麵🍜、沙律🥗、小食🍢、蔬菜🥦🥬、甜品🍮🍰和飲品🍹☕等等多款選擇。我哋就點選了水門雞🐔飯$54、泰式燒🐖腩$52、雞🐔肉和豬🐖肉串燒$42、班蘭大菜糕$32、凍落神花茶🍹$20和凍泰式咖啡☕$22。招牌水門雞🐔飯一定要推介畀大家，雞肉油度適中肉質嫩滑，入口味道豐富😋😋，配上味道香濃嘅雞油飯,真的胃口大增😁(雞油飯記得落單時要多飯，師傅咁用心炮製嘅靚飯當然要吃多啲啦!)😄泰式燒🐖腩與我哋平時吃嘅燒腩肉製法不同，將肥🐖腩肉配上醬料混合烤米一齊炸,再點一些秘製微辣嘅醬汁,味道一流👍，真的食唔停口😋😋，邪惡之最😂!串燒雞🐔肉和豬🐖肉都燒得恰到好處，肉質嫩滑帶點咖哩嘅濃香，非常好味😋👍!如你喜歡吃甜品班蘭大菜糕都要推介畀大家。冰涼嘅班蘭大菜糕配搭鮮甜嘅椰汁，入口香甜，快樂嘅心情都能夠倍增😄😄😄!最後再品嚐埋杯洛神花茶和泰式咖啡，我兩滿足極了!想

星期日我哋去咗凱匯樓下既YM2商場嘅「水門雞飯」食午餐，真係一個難得嘅好選擇！呢間餐廳以水門雞為招牌菜式，佢哋嘅雞肉真係嫩滑得嚟無得輸！油飯香口，令整個雞飯更加美味！另外，餐廳仲有唔同款式嘅泰式粉面選擇，價錢親民，性價比超高！🍚🍗🌶️🍜🥤😍首先係「水門雞飯」，加咗$10轉咗雞脾肉。雞肉真係好嫩滑，每一口咬落去都可以感受到肉質的鮮嫩。雞脾肉更加增添了風味，令雞飯更加豐富。油飯香口，完美地吸收咗雞肉嘅湯汁，令整個餐點更加美味！🍚🍗👌而「泰式乾炒辣牛河」微辣又好吃！牛肉炒得香口，融合咗泰式辣椒同其他香料嘅風味。河粉彈牙有口感，每一口都帶有微辣嘅香味。🌶️🍜😋另外，「泰式雞、豬串燒」，呢個串燒真係好好味！雞肉同豬肉都烤得香口多汁，配上泰式醬汁，味道更加鮮美。每一口咬落去，都可以感受到肉質嘅嫩滑同炭燒嘅香味，好滿足！🍢🍗😍再嚟就係「自選泰國船粉」冬蔭功湯生牛肉河粉，呢個粉面真係好特別！河粉煮得彈牙有口感，配上香辣嘅冬蔭功湯，味道醇厚。加埋鮮嫩嘅生牛肉，每一口都可以感受到肉質嘅鮮甜同湯汁嘅滋味。🍜🥩🌶️😋總括嚟講，「水門雞飯」係一間少有嘅高質素雞飯餐廳，佢哋嘅雞肉嫩滑無比，油飯夠香，令人回味無窮。😄🍱✨

與同事午膳食雞飯，去了觀塘協和街33號裕民坊YM2～1樓101號舖～水門雞飯，港鐵觀塘站A1出口，步行約4至5分鐘，交通非常方便。店內環境舒適，裝修時尚，走年輕人路線，多以吧位為主，是間香港地道的快餐食店。菜譜簡單易明，馳名海南雞飯、泰式小炒、泰式小食、甜品、鮮果冰和花果茶等，任客人自由選擇配搭。泰式乾炒辣牛河$78薄切牛肉片，肉質柔嫩，河粉滑溜乾身，加上芽菜、九菜、紅椒絲，辣度恰好，好味又惹味。炸雲吞$28雲吞皮炸至酥脆金黃色，餡料是新鮮彈牙的蝦滑，沾上酸甜醬汁，美味又可口。水門雙拼雞飯$56切雞肉幼嫩多汁，雞皮滑嫩彈牙。炸雞件外脆內軟，調味剛好，兩款雞件各有特色。飯粒分明，柔韌有嚼口，配上特製醬汁，非常醒胃。飯餐跟是日例湯，香濃雞湯內還有兩件冬瓜，入口感到順潤又清新。椰青$38、芒果冰$26椰青汁水清甜解喝，吸一口齒頰留香。芒果冰新鮮果肉攪拌，每口充滿果味，新鮮程度滿分為這餐添上滿足和飽足。

過開呢頭，食厭apm一帶，過來裕民坊搵食，就食下呢間，地址顯示一樓，實則是街鋪，巴士出口那邊。1. 水門雞飯雞肉幼嫩，雞皮爽脆，配醬汁，微辣，有特色，就算是雞胸肉也不柴。米飯有咬口，都幾香。2. 牛腩河粉（走青）牛腩炆到好淋，清湯，有胡椒味，都算好食，用牛腩點雞飯個醬汁更香，河粉是寬河粉，都幾好食。3. 泰式奶茶，兩個字，唔錯店員服務都ok，多d笑容會更加 加分飲品要單叫，沒有優惠，如果跟餐配飲品有優惠更好。

今天去咗觀塘區親戚屋企，佢哋話原來他們屋企樓下開咗間水門雞飯，上次我在尖沙咀食過，覺得非常之正宗又有泰式風味，所以今日就去咗觀塘嗰間分店試吓。呢度最正嘅就係有冷氣，就算夏天嚟到，都唔會食到身水身汗。我們叫了一個水門雞飯，加$10轉雞髀肉。加咗雞髀肉，雞飯當堂變得更加滑溜。最鍾意是雞飯配的泰式醬汁，雖然有幾隻辣椒，但是食落一啲都唔辣，而且10分惹味。雞油飯10分香口，仲會附上雞湯。湯麵我們叫了牛腩，牛腩層次分明，肉質非常之林，入口即溶，白蘿蔔亦都朔晒啲味。最正的是，可以選擇面底係金邊粉定係河粉，任君選擇。今次做推廣的是韭菜花，韭菜花好食過平時通菜，沒有很多油，又高纖，柔嫩。飲品方面，我們一個叫了菊花茶，一個叫了蘋果雪梨水，兩杯都非常之足料，飲落去非常之解油膩。最後甜品一定要叫的是芒果糯米飯，我哋叫佢後上，咁樣就可以熱辣辣先食。

晚餐時段在觀塘裕民坊逛街，看到新開的泰國菜餐牌很吸引🤩，大大個水門雞飯的招牌在門口處，決定走進去試試看～～店內很多靠牆坐位，一人來吃晚飯也不怕醜☺️我點了水門雞飯🍗 $54，雞肉超幼嫩，肉質充滿光澤，肥瘦適中，熱氣蒸騰的雞油飯充滿飯香，點上自家製酸甜醬非常惹味，套餐更配有一碗冬瓜胡椒湯～馬拉盞西蘭花炒魷魚鬚 🥦🦑$68一上菜的時候馬拉盞醬汁香氣襲人，魷魚鬚爽口彈牙又新鮮，西蘭花炒得翠綠，爽脆清甜，有驚喜～串燒（豬肉/雞肉）🍖 $42沙嗲醬汁內有花生碎粒🥜，醃製過的串燒充滿咖喱味，咬下啖啖肉汁～芒果糯米飯🥭 $58金黃色的芒果成熟甜蜜，糯米飯煙靭，充滿椰香，再配上椰汁以及脆粒，清新得來有口感，飯後甜品一流！芒果冰 🥤$26芒果冰清涼甜絲絲，濃郁充滿芒果味。

好友喜歡吃雞，今日專登帶我嚟試下水門雞飯，個鋪面好闊好大，廚房是開放式，見到掛住啲雞就已經流曬口水，啲雞一睇就知道喺皮薄肉嫩，靚雞之選。中午時間好多人，我地要等位，好彩唔駛等好耐就有位。兩個人急急腳掃碼點餐，一口氣點左幾個菜。半隻水門雞，炸黃鱔皮，肉鬆炒芥蘭，水門招牌撈面，兩杯招牌泰式奶茶，仲有一個甜品椰汁班蘭糕。兩個大食怪諗住唔夠再點，點知原來份量好大，水門雞肉質雪白，又鮮味又爽滑 ，真係雞有雞味，非常好食，仲有啲雞腎啱哂我地兩個胃口，點雞的醬料係特別調配，少少辣特別惹味。招牌水門撈面有驚喜，內有豬手鳳爪，爽滑撈面，仲有啲通菜。 豬手燜得好淋，充足骨膠原。芥蘭肉鬆非常嫩口， 青青綠綠賣相囉慢分。兩杯特色泰式奶茶都好搶鏡好飲， 特別香濃有別於港式奶茶。最後個甜品都好正，濃濃的椰奶加上爽爽清香的班蘭糕，成餐飯好滿意好滿足😋😋，生活真幸福。😘😘

今次想同大家介紹位於觀塘嘅一間水門雞飯專門店。我都知道呢間舖頭真係幾出名㗎，今次就一於趁午市時間嚟呢度試吓，想知我嗰日食咗咩嘅❤️，就一定要繼續睇落去啦～泰式和牛串首先想介紹嘅就係我嗰日食嘅和牛串，和牛串調味十足，可以品嚐牛嘅油脂香味，啖啖都好滿足。串燒（豬肉/雞肉）跟住就想介紹吓餐廳嘅小食，除咗和牛串之外。餐廳嘅其他串少一樣唔會令人失望㗎，我好欣賞餐廳喺串燒上面嘅調味，唔會過量，啱啱好。我好鍾意！水門半隻雞跟住要介紹嘅就當然係主食水門雞啦。食完之後覺得真係一定要食。唔單止雞件好嫩滑，雞味濃郁。另外隔離嘅配菜都一定要試㗎，真係好吸引。芒果糯米飯見到芒果糯米飯又點可以錯過呢，可以食住啖啖果肉品嚐果香味。糯米飯上面嘅椰漿真係必須的，同芒果好夾！泰式鴛鴦個人認為泰式鴛鴦嘅味道更加濃郁，如果本身鍾意咖啡同奶茶嘅濃香味。就一定唔可以錯過啦！

🇹🇭 每次掛住泰國 ，第一時間就係諗起水門雞飯，雖然都就黎去，但都想頂下癮先🤭最近係觀塘開左新分店，點都要去試下既😆🔸水門三寶飯一次過滿足到三個願望😍可以食到水門雞同炸雞，仲食到雞雜，而份量超級大🫣雞肉嫩滑唔會肥，🐓炸雞表皮香脆，雞雜有雞腎、雞腸、雞心同雞腸，油飯調味岩岩好，食落好香乾蔥既味道🔸牛肉湯生牛肉金邊粉份量超足，面頭舖滿生牛肉片😋仲要塊塊都好大塊，🐂牛肉味濃肉質軟腍，麵底可以自己揀，自己就揀左金邊粉，金邊粉粉質軟身，湯底味道岩岩好，唔算好濃郁，同覺得可以熱多少少🤏🏻🔸泰式奶茶食泰國野必點，甜度固定，開頭都驚會好甜🙈比起泰國飲甜度較低，比較適合香港人口味🔸美祿好耐無飲過，所以就嗌左😆味道好濃，唔會因為啲冰溶左溝淡左

先叫左個招牌，水門雞飯🤗仲轉左雞脾肉～嫩滑既雞肉，搭配香氣四溢既油飯。再加上特製既辣椒醬、醬油和麻油等調味料，味道鮮美而清淡。對它的口感和風味很滿意！鳳尾蝦泰式金邊粉😳 金邊粉既寬條狀好有口感，搭配鮮嫩的鳳尾蝦、蔬菜和特製既泰式調味料，帶有辣味、微酸的口感，以及香料既香氣，獨特而令人愉悅既味道。叫左個炸蝦春卷小食，脆皮包裹鮮嫩蝦肉同蔬菜，搭配甜辣醬享用，可口又有口感健康人生必須食菜：馬拉盞肉醬芥蘭苗🥦馬拉盞既獨特辣味與肉醬和炒熟的芥蘭苗搭配在一起，味道豐富且開胃🤤 菜都可唔可以好好味最黎叫左凍鮮檸梳打，清涼爽口的飲品，有檸檬汁、汽水和冰塊混合而成。檸檬既酸甜風味非常解渴

國慶三日假期既最後一日，在YM Square食水門雞飯做晚餐呢間鋪雖然唔大，但出菜好快，我們等了一會好快有位坐。坐低咗一陣，睇咗一見到Menu有唔少選擇order左半隻雞，加一個雞油飯。另外，仲有泰式清湯腩船麵，呢個$50，真係比較抵食，船麵要泰式嘅金邊粉，成碗麵有5件好厚身既牛腩，仲要好冧，正，我仲加左$10麵底飲品方面order了一個芒果沙冰，同場應該至少有五、六杯同我地order既一樣，今日香港依然好熱，所以叫呢杯芒果沙冰都是消暑推薦👍🏻呢度仲有見佢哋Menu有個嘗鮮價既$20一串和牛串，我哋都點左兩串試下，和牛燒得好僅僅熟，裡面肉質係粉紅色既。嚟得水門呢度就梗係要試吓去嘅海南雞，我哋叫咗半隻海南雞，呢碟海南雞係去骨，旁邊仲有雞紅、雞芯、雞腸、雞腎。

外賣服務為負，0分都比多左。比錢買難受出菜完全係混亂混帳， 會漏叫單，最威係亞姐叫完號碼即刻關窗，連搵個人問下都無。問落單個窗口會叫你去拎外賣個窗口， 現在就係你果邊落閘無人問丫嘛，垃圾到爆炸。等外賣位又窄又熱， 係正巴士出車位，夏天更加係難以想像， 不可一不可再。

要食quick lunch又要價錢實惠既話一定去食水門雞飯終於俾我等到觀塘有得食水門雙併雞飯$56炸同唔炸都一次過可以食到另+$10轉左雞髀肉雞肉好滑唔肥唔會食到雪藏味呢間既雞肉可以remind返大家有肉香既雞肉係咩味炸既雞外皮薄、香脆芒果糯米飯$58芒果香甜糯米飯份量岩岩好因為糯米真係好飽肚熱騰騰既糯米飯口感份外軟糯馬拉盞肉醬芥蘭苗$46好貼心係汁可以揀另上芥蘭苗熟度剛好好翠綠唔想只食肉既可加碟菜泰式奶茶$22凍熱同價比起街邊既泰飲店呢個價錢真係抵飲！又大杯Qr code落單上菜快地方唔大但乾淨企理

裕民裕民坊YM²，新開咗一間餐廳「水門雞飯」，以泰式烹調，食物選擇有招牌『水門雞』（有白切/炸），泰式豬手、泰式炒金邊粉/河粉，泰式船粉，泰式沙律/小食/串燒/甜品等而家新推一款『香辣牛脷飯』連冷/熱飲品一杯，嚐鮮價都只係$58，都算係幾親民招牌水門雞飯（＋$10轉雞脾）配湯冬瓜湯清晰，入口胡椒味濃郁招牌水門雞飯雞皮跟肉中間，完全無肥油，雞皮入口嫩滑，雞肉肉質軟嫩，入口有少許鹹味，點上帶薑辣味的秘制醬汁，更加惹味至於飯底，米飯粒粒分明，帶薑味、油香炸黃門鱔魚皮炸至香脆的門鱔魚皮，口感結實得嚟又香脆蘋果雪梨水（似係自家製的）杯內有蘋果、雪梨肉、南北杏、紅棗，入口清甜解渴