永恆豬雜粉

Open Now

Now Closed

原本諗住食燒味飯行到過嚟冇開門，咁就試吓食豬什粉啦，之前行過好多次都冇食，因為店舖真係太細，但今晚食咗真係有驚喜喎👍🏻👍🏻👍🏻我係好鍾意食內臟嘅人，豬牛雞嘅內臟都好鍾意😎我叫咗碗＂足料豬什湯＂，淨豬什嚟嘅，冇粉麵，因為我想食多啲內臟🤣 加咗$10花甲仔，再加咗$10枸杞葉，盛為$98！裏面有瘦肉、豬肺、豬肚、豬心、豬潤、粉腸，火候煮得幾好，唔會過熟硬晒，湯底超級甜，忍唔住攞隻大匙羹飲晒！份量都算多，好飽👍🏻👍🏻我老公一向嘴刁都讚好味！佢叫咗三餸，豬肺、豬肚、豬心，配公仔麵，都係成碗食晒，飲晒成碗湯😎除咗有辣椒油，仲有辣菜脯放喺枱面可以任加嘅，不過我同老公都唔食辣，所以就冇加到！睇返介紹，自設豬肉檔，大埔元朗天水圍都有豬肉檔，保證來源新鮮👍🏻但係店舖真係非常之細，只有三張摺檯即係六個位，而且冷氣唔夠，始終都係冇門嘅，有冷氣都走晒啦！大熱天時嚟到仲要飲晒成碗湯，大家嚟試嘅時候真係要有出汗嘅準備🤣🤣但係為咗食好嘢，我就唔怕熱嘅😁😁

第一次去，發現佢原來只有一間窄舖，三張枱左右，最多容納6-8個客人。第二次去到，見到門口有位，妻子二話不說立即坐下。😹大家都點了豬什，我點的瀨粉，可能新鮮即刻逐碗煮，尚帶彈牙口感，我諗如果食米線可能更加彈；第一片吃的豬潤，尚帶少許咬口，😀簡直驚人，甜香而又不太老，非常出色。豬肺的份量不太多，不過夠爽夠清香，😅相當可口；豬肚亦都相當爽口，吃得過癮。豬雜湯底夠清夠香，清得來不會完全沒有未，豬雜濃香得來又不會過鹹，味道一流。另外，可以跟豬雜粉加$10要三隻餃子，三隻餃另上，韭菜餡料充足。不過我而家對吃餃子真係冇乜興趣，而且吃韭菜吃得多又話唔得，非韭菜餡料的餃子又好似冇乜癮，因此甚少主動吃餃反而滷水豬大腸，另上一碟仔，味道帶點甜味，甜多過鹹，味道特別，豬腸彈又不韌，值得一試。收費廉宜，服務一流，即叫即整，味道上盛，這些才是值得支持的小店。

環境：社交平台睇見有人推介呢間豬雜粉，就走去試試。店舖不大，只有3張枱，每張枱只能容納2人，超細嘅食店，今天3X度，店內有冷氣有風扇，但無開，食到滿頭大汗。。呢碗豬雜粉，有河粉，米粉，米線和瀨粉，以供選擇，細嘅48元/大嘅58元，如圖片中的是細size，湯底是混濁的，味道只是一般貨色。基本上豬雜每款只得1件，粉底唔算多，收得48元，起碼畀多少少粉底吧。。大Size加10元，餐單寫明會100%加大，段估是每款豬雜兩件，食完都應該唔會飽。這麽細嘅舖，有冷氣有風扇但無開，收這樣48玩一碗嘅價錢，仲要食到大汗叠細汗，有點離地~無下次。

本來唔係太好內臟，仲要牛雜聽得多，豬雜真係比較少。但經過見到keep住有街坊幫襯呢間豬雜粉，所以膽粗粗坐低試吓！店內坐位唔多，款式亦都係餐牌上見到嘅。但個人認為種類唔需要多，只要煮得好味就夠哂數！加上貨源聲稱係本地自設豬肉檔，元朗街市就有得買，所以先可以保證內臟新鮮！大豬雜粉:超級有驚喜！因為每款內臟都覺得係爽口，口感唔覺得粉，亦無乜內臟味！除咗瘦肉，仲有齊豬膶豬肺豬心豬腰豬橫利，再加一啲唔知係咩嘅豬雜！配埋炸蒜加湯一齊食，好出色！直頭想再加豬雜！另外跟粉可以加$10有3隻手工餃，揀咗韭菜水餃！同樣十分出色，好足料，$10/3隻嚟講仲要好大粒！豬膶米線:本來點豬膶米線係因為驚豬雜粉唔啱食，豬膶應該最穩陣。下次一定點豬雜粉！小總結💬豬雜粉超級出色！清湯配上炸蒜，令成個粉再昇華！所以呢個價錢食到碗咁出色嘅粉，超級推介！(滿分為🤤x5)好味指數: 🤤🤤🤤🤤抵食指數: 🤤🤤🤤🤤🤤回頭指數: 🤤🤤🤤🤤🤤

食Lunch時間咁啱經過老闆娘話係用新鮮豬雜於是就比佢引咗入去，招牌豬雜粉(其實即係普通size)同增量豬雜粉(其實真係加大版)只係差$10，老闆娘話增量版係多一份豬雜，所以差$10我就叫咗碗大嘅。新鮮豬雜真係可遇不可求，原來呢間野嘅本業係在街市賣豬肉嘅，所以可以攞到D靚豬雜，豬雜入面款式都多，有豬潤豬肺豬大膠豬生腸豬腰豬黃喉豬粉腸等，而且以$68黎講份量真係好足好大碗，真係好抵食，內臟控真係要試吓。

偶爾行過水車館街，都會見到依間鋪有人排隊，心諗應該都係位唔多先要等，佢連門口都開埋先得4張枱。偶爾都會望吓餐牌有咩食，真係全部都係豬內臟，其實都唔平，咁就一路都冇試。今日揸車經過，泊正喺門口，老婆話想試吓，咁就試吓環境及裝修: 鋪頭細細，入面得3張枱，可以坐門外。門面，餐具都算乾淨，裝修就快餐style，無咩講究。不過佢門口就擺咗個豬頭嘅紙紮公仔，應該就唔係連豬，我見舖頭冇其他相關裝飾，應該都係綠服務: 一個樓面，四張枱，招呼都算周到，食物好快上台，芹菜同葱都喺匙羹內另上，都算周到，基本啦食物: 有驚喜，佢標榜係新鮮牛雜，真係好新鮮，冇嗰種臭豬腥味淨豬雜 $88: 好足料，我認得出嘅有豬肺，豬膶，豬粉腸，豬腎，豬腰，豬心，樣樣都好食，最好食係豬粉腸，豬腰招牌豬膶河 $38: 個豬潤普通，新鮮嘅，有豬膶味，但有少少血腥味，唔係滑嗰隻，係爽嗰隻，個河粉都好食，湯底足料，個湯冇味精可以飲埋滷水豬大腸 $12: 超好食，冇屎臭味，洗得好乾淨，新鮮有大腸味，食完個大腸味係齒頰留香，個滷汁夠香甜，正

網上睇到水車館街開左一間豬雜粉，仲要係「池名」，所以即日試下。簡單形容就係：白烚豬雜+ 魚蛋粉既湯底我主動問有冇胡椒粉加左心理上好少少唯一值得讚既係辣椒油，至少夠辣唔係得個樣

見豬雜粉專門店所以試下，第一次係開店果排去試第二次最近先去，兩次都係叫大碗豬雜粉，結果餸既份量唔多，豬雜切得好碎好細，豬潤太薄好鞋，完全唔合格！！至於點解最近再去係因為覺得開店初期唔可作準所以比多次機會，可惜基本上無咩分別，啲雜碎濕濕豬潤好乾柴，應該唔會有下次。。。上面幾個食評咁多料咁大塊我一次都無見過！！（咩意思大家自己領悟下）唔好比啲相呃到。。＄68蚊食碗面又唔算貴，但平過佢好食過佢既元朗真係大把選擇。

內臟我一向都好鍾意食 可惜香港真係唔多地方有得專門食內臟 今日竟然畀我喺元朗搵到一間食豬雜粉嘅鋪頭 二話不說 即刻入去食返碗先招牌豬雜粉$58 真係好多料 豬嘅內臟基本都有齊 全部都好新鮮 即叫即煮火候剛剛好 唔會過熟 湯底清而不騷 加入大量蔥花 芹菜 炸蒜 倍添香氣豬潤粉腸麵$48 豬潤屬黃沙潤 食落夠粉又夠香 粉腸煙韌有咬口 滷大腸(小食) 鹵水汁調教得好惹味 味道偏甜 可以消滯 大腸非常彈牙 肥瘦適中 份量夠多夠大碟鹵水雞翼(小食) 鹵水雞翼夠嫩滑 肉質唔梅 依然非常juicy 店舖細細 座位得幾個 但係光顧嘅客人都幾多 食客都係快嚟快去嗰種 全部豬雜粉麵都係即叫即整 夠新鮮食物方面 選擇唔算多 主要都係以豬內臟為主 內藏愛好者必食難得嘅支裝汽水 大大支都係六蚊咋 夠曬冰凍 爽

現在在香港能吃到點新鮮的東西都真的是挺困難這間，這間就剛好是主打新鮮豬雜的食店，因為有自己的肉檔，所以有大量新鮮豬雜可以供應，這就能自己把握品質了！招牌豬雜粉（58元）加了2份豬雜（20元）這個一共有三份豬雜，真的是滿滿的料，麵什麼完全都看不到！豬雜的部位非常多，我只能說出我認識的，如豬肺，豬肚，粉腸，豬肝，豬心，瘦肉，豬腎等等。由於是新鮮豬雜的關係，而且店員都洗得非常乾淨，也沒有煮過火，所以吃起來完全沒有任何異味，全是豬肉的鮮味，口感脆，爽，嫩，粉！平常不吃內藏的也能吃下去！湯底鮮甜清香，有豬肉的香味！我選了河粉，吃起來挺滑嫩！豬腳筋薑醋（58元）叫的時候沒詳細看，原來這是豬腳筋的，所以沒有什麼大骨，薑片以下的全是豬腳筋！這燉煮得非常入味，又不會太過軟爛，腳筋還有點彈性的口感！薑醋味道非常香，酸中帶點甜，酸度不會太高，能簡單入口！這個薑醋的蛋也燉得非常有火喉，內裡完全入味了！滷水豬大腸（半份）（12元）雖然是半份，但份量比想像中的要多，滷水挺香和入味的，鹹香中帶點甜味，豬大腸吃起來既有點彈性但又有點嫩嫩的口感！汽水（6元）玻璃瓶就不解釋了，很爽！

今日黎到元朗遊山玩水，出發前鄰近元朗港鐵站隨意地搵間鋪頭食午餐，就發現呢間小店招牌豬雜麵相當好食，就介紹比大家！招牌豬雜粉 $58 (豬雜增量100%) $68份量大大碗既豬雜粉，相當足料！包括豬潤、粉腸、瘦肉、豬腰、豬心等等，材料非常多之餘，仲要每人款內藏都洗得好乾淨，完全食唔到臭腥既味道，尤其粉腸洗得乾淨仲食到甜味！另外叫左碗粉腸瘦肉麵$48，份量味道都足夠飽！另一個小食，滷水豬大腸 $28豬大腸同樣都清洗得乾淨，滷水既味道更加入味，送粉麵唔錯！整體黎講食物質素真係唔差，同埋食物供應材料都係餐廳有自家街市提供，都有信心保證。不過位置唔多，小店只有3張枱，但過黎幫襯既人都好多，要耐心等位。

今日又係元朗搵食，呢次試咗新嘢，就係食豬雜湯。牛雜大家食得多，專門食豬雜又真係吾係咁多，所以一定要去試。小店位於元朗水車館街，店子小小，只有三張二人枱，繁忙時間需耐心等候坐位。如果住得近，或者外賣食更快捷。見餐廳介紹自己有肉檔，每日供應新鮮豬雜。並且以大量豬骨熬製香濃豬骨湯底，然後採用新鮮豬雜即叫即生滾。《足料豬雜湯》（$88）成碗豬雜湯有曬心、肺、喉、膶、肚、橫脷、粉腸等，令整碗湯好鮮甜。咁大碗，咁多工夫需要處理，真心抵食。最緊要嘅係，我朂鍾意食嘅豬腸同豬肺，都洗得好乾淨冇蘇味。《滷水豬大腸》（$28），滷水夠入味，而且唔會太肥美，感覺冇咁邪惡。試埋個《豬腳筋薑醋》（$58），又幾好飲，蛋夠香，豬手腳夠惹味，仲有腳筋添，好補身。整體真心不錯，值得去試吓。

最近新嘗試了不少麵食，包括元朗一家豬雜粉！見證「永恆」由裝修、掛上招牌，到開業後駱驛不絕的客人，作為街坊也替老闆高興！自遠離上環工作後，已多年沒吃豬雜粉，聽聞「永恆」本身經營街市本地豬的豬肉檯，與現在新開的豬雜粉店形成了一條龍，那豬雜貨源更直接、更無難度！因為 「永恆」店子很小，只能容納兩張二人摺檯，所以我倆一早便到來，成為當天第一對客人，免卻等位及避過人頭湧湧的時段！我們要了兩碗招牌豬雜米粉＋豬雜增量 HK$68 ，另加了一份滷水豬大腸 HK$28，而大家也推介的豬腳筋薑醋因日前沽清，朝早還未及準備妥當，所以無緣品嚐了！不過，第一時間送來了滷水豬大腸，滷水入味程度不錯、沒過鹹、具香氣，而且一吃便感應到豬大腸的彈性和柔軟度，好吃！發現豬雜粉跟西營盤「永記」的處理方式不太一樣，「永恆」每碗以獨立湯底灼豬雜，所以相對需要較長烹調時間！吃著滷水豬大腸，不一會招牌增量豬雜米粉端來了！先呷一口湯頭，總體味道柔和，帶著輕甜和一點點魚香，不過跟老闆確認後，湯底原來由豬骨熬製，完全沒有魚的成份啊，有空得去擦乾淨我的舌頭！個人覺得湯底還好，但重口味的老公則覺得略淡，未知會否是差了豬雜精華的匯集所致？！老

永恆豬雜粉 (元朗)元朗水車館街66號錦榮大廈地下2號舖不是到處也有豬雜粉吃，也不是每個人都欣賞，但是對我來說，這絕對是美食。大招牌豬雜粉$68能夠將普通不過的豬雜，用最普通的方法煮熟：烚熟，從而變成滋味的美食。豬雜必須新鮮。新鮮的確是致勝之處，而且要洗得乾淨。但烹煮動物內臟需用恰當的香料，將豬雜的羶臊味闢除，這一點綴啦，同時引出豬雜獨特的味道。這裏的著作完全想不到有味精，全然是豬雜的天然味道。滷水豬大腸$12半份豬大腸非常入味，甜甜的滷水汁配有咬口的豬大腸，完全下不到騒叶，全是豬大腸原有的鮮味。滷水雞翼$28滷水雞翼入味，雞肉嫩滑。飲品$6罐。

聽谷友講開左間新麵店仲幾好食，是日特登黎搵下，地點都唔算難搵，係水車館街，呢條街都好多野食。門口有個豬頭幾吸睛，寫住全部係新鮮豬雜，仲係即叫即煮喎，試下先。餐牌簡單直接，全部都係豬，價錢仲好貼地添。點完野就慢慢等食，小店不大，只有三張枱，等食期間都唔少人外賣。叫左份特價雙併麵加配滷水小食半份+飲品，全部加埋都係$66，抵食。碗麵係豬潤瘦肉米粉，諗緊要豬雜好定豬潤好，最後揀左後者，其實兩樣都想食啦。豬潤清潔做得好，入口柔軟爽滑，無化學味，瘦肉亦很鮮味，係好食喎。米粉份量都唔少，清湯底都好味，有芫茜粒正呀。小食係滷水大腸，唔知仲有咩滷水小食揀呢，餐牌得大腸，但我估應該有其他野揀。半份大腸份量也不少，肥滋滋有咬口，滷水汁帶甜，滷得入味好食噃。再飲埋支蜜桃紅茶，夠哂凍，天氣熱飲凍飲特別爽。價錢唔貴又好食，有下次喎。臨走前先留意到原來佢自設肉檔，仲有三間分店添，咁啲豬真係確保新鮮，正。