永樂餃子店

Open Now

Now Closed

今天去上環，預備午間吃點粉麵餃子類，在開飯喇找出這餃子店，看到幾篇食評都似乎不錯就入去試試，選了鷄肉冬菇木耳餃拼羊肉餃，雖然前者是比較低價，但雙拼要收$55，這不是問題。餃子來了，確是比別家大一些，皮也是厚些，饀料多，但都是死死實實全沒有肉的鮮味，羊肉餃羶味極濃，鷄肉冬菇餃也是不知所謂，湯是有別於其他店的濃湯，據稱沒有味精，但我是對調味品極敏感的人，吃完馬上舌頭不適，總之是選錯了，絕不會再去。

🔸芹菜拼韮菜餃 $48 + 2（雙拼）很具北方的風味的餃子！餃子同平時食開既好唔同，餡料豬肉同芹菜/韮菜打至起膠，口感煙煙韌韌好特別，食餃湯底好重要，配上足料花膠淮山豬肉湯，湯甜美潤喉，好味！唯係餃子皮較厚，有失口感🔸羊肉餃配麵 $48羊肉餃味道特別，洋蔥配羊肉加埋醬汁，味道濃味但又唔會酥，麵就不過不失👀 如女士黎講，淨食一碗8粒餃子飲埋靚湯其實都好夠飽，想飽d 5粒餃子配麵都岩岩好，唯對大胃口既男士黎講就未必夠飽了

喺香港生活幾十年，從來到這條街，我是為了去吃生記的生滾粥。今次，本着支持小店的精神，發覺自己錯過了這麼好的地方。第一次幫襯，即時愛上。餃子及湯底太好味了。老闆娘就坐在那裏包餃子，很親切。粒餃子的體積等如別人的三粒！羊肉好鮮味，包得滿滿脹脹的。豬骨湯底很好。應該沒有味精...吃完了一整天也沒有口乾。老闆娘真的很友善，她說要包滿滿的，怕客人吃不飽！吃完一碗羊肉餃子麵，去外賣一打生了回家再吃！不明白，那些說灣仔碼頭比這裏更好吃的，哪些是什麼人？是不懂得吃，還是別有用心，要負評這𥚃？不理他們。繼續推介給朋友！

lunch hour 過來上環搵食  以為餃子會係輕食你就大錯特錯喇！！！ＯＲＺ嗌左鮮肉餃子8 粒單拼 $48 （雙拼+$2) (加麵底+$10)呢家餃子店的餃子係平時普通的3倍SIZE!!!!!D 料係實心架！餃子皮都好厚！完全係勁飽，好抵食。一個女仔當LUNCH食，其實食左5粒個陣已經好飽LOL好彩無加麵底啫我都偷偷聽到隔離枱女仔話好彩冇加，因為佢皮厚，所以都已經夠CARBS食! 開頭未食，單睇樣，以為佢皮咁厚會麻麻地好食，但勝在料都超超超超超多，所以都唔錯  不過味道來講就無乜特別，不過不失，佢既賣點應該係大大隻囉：Ｐ

餃子種類好多，呢敞一行8人，個個叫左唔同種類既餃子，其中我認為羊肉餃、韮菜同鮮肉紫菜餃比較出色。不過，待應姨姨同老闆既服務態度應該要改善下，聼到姨姨同客人講，俾錢果邊，我唔會帶錢找俾你...服務唔算有善，希望可以改善下讓黎食野既客人都有好印象。

今日同男朋友來食，小本經營的小店當然要支持一下，香港人！環境乾淨整齊，都唔會好迫的感覺！姐姐會幫忙落單，送餐等，也會一路包著餃子，有效率的工作！我們點了一碗餃子麵，包括了5隻餃子。餃子款式都幾多，可以慢慢想食那款，最後點了鮮肉粟米三色餃麵。麵的口感軟但也有咬口，份量剛好；湯底可選重慶酸辣或豬骨湯底，是無味精的湯好清好家庭感覺，餃子大大隻又滿滿內餡，三色椒切成小碎粒及粟米粒，豬肉餡足料，皮有彈性的，不錯！小食點了酸辣土豆絲土豆絲爽脆幼身，口感不錯！但如果酸辣味濃郁一點更好！

好少黎上環，但試過呢一間餃子之後每次黎都想再食餃子勁大隻，仲有好多款揀，女仔八隻淨餃分分鐘食唔晒，因為個湯太好飲!!!我平時唔會飲煮麵嘅湯，但呢個湯好鮮甜，飲完唔覺口乾，令人好想飲晒佢大家要多多支持小店

好中意食餃子啊！聽聞上環有間整餃子整得好好食噶店，就即刻飛去食啦。強烈推薦花膠湯底，平時我就中意食粟米餃噶，所以今次點左個冬菇粟米豬肉餃，餡料好味，冬菇好香，滴玉米又甜，夠曬味，不過滴餃子皮有滴厚，但系都可以接受噶，整體來講都ok。

由公司行過嚟不過十分鐘路程，但有少少太陽都仲會覺得有啲熱。湯底果然如標榜一樣沒有味精 真材實料 啖啖好味 花膠香 豬骨濃羊肉餃又騷又香，皮薄而不易穿，配上炒過嘅羊肉和洋蔥好正，都只係$48

😋 No.311 香港 | 永乐饺子馆🔹地址: 上環禧利街21號地下🔸再来推荐一家非常评价又非常适合午餐的餐厅，在香港很难吃到地道的大饺子，这个饺子好啊，皮薄馅大，配点面条一碗才不50左右真的划算的很。可以选择全饺子或者饺子加面。🔸我们是7个人去的，所以每个人点的都不一样，就把店家所有的口味都试了一遍，咖喱味的第一次吃有点惊艳，咖喱味挺浓郁的但还有不至于过分。土豆块馅的也第一次吃，软软糯糯很是喜欢。🔸另外店家的小菜也不错，点了醋溜土豆丝，好评。🔹人均50-80，口味8/10，服务7/10，环境8/10

約左朋友黎上環食野，呢條街都幾多野食，見呢間唔太多人食，d位又好似幾舒服就搞左呢間。呢度有10款左右既餃子，我地3個分叫左香菇、芝士同椰菜餃子，酸辣湯。開頭以為酸辣湯係上海麵果隻，但其實係諗多左，只係加辣咁解😂😂😂😂😂米線係比較幼身，唔會太淋，我中鐘意呢隻質感。餃子都唔錯，好大隻。我地仲加左青瓜同炸雞翼，炸雞翼夠熱辣辣，都唔錯。我地食完仲飲緊野既時候，就俾阿姐催我地走，明白想做多枱客，但可以令人感覺好d☹️其實都係得3-4個人等緊。我地乖乖飲完就快快趣趣走。

不得不承認我其實係餃子控🥟而我念念不忘嘅餃子店一定係里度😛以前係附近番工幾乎個個星期都食，而家係中環番成日都心掛掛😭里度嘅餃係會一試上癮嘅❤️超飽滿嘅餃、花膠湯，再加幾隻香脆炸雞翼🤤我其實好多款都食過，冬天通常食羊肉，其他日子就睇心情~今日就食左粟米香菇，一咬開超多粟米里度嘅水餃皮唔算薄，應該係因為佢每隻餃都好足料好大隻，反而有種家嘅感覺🤤根據我有時食淨餃有時食餃加麵嘅經驗，淨餃(8隻)係飽過餃(5隻)加麵，可想而知份量十足🙌🏻補幅之前食麵嘅相係里度食記住揀花膠豬骨湯(其實你唔講，佢都會default俾里個你🤣)，寫住不含味精，暫時信住先~不過湯頭都真心唔錯😌另一私心推，炸雞翼，生炸仲係新鮮炸，一定要等，但！係值得嘅，香茅味，皮脆肉嫩，通常我自己會掃一份(3隻)🙈真心推❤️如果做外賣速遞就好啦😭

同事話好食、食評人又話好正⋯⋯係咪咁正呀？但價錢唔平，有時行過舖面𥄫下，嫌好似貴咗啲就走。近月多事之夏，揾亮點開心下！好！會一會妳！點了花膠淮山豬骨湯底拼芹菜豬肉餃+豆漿=$56，點解要依個湯而唔揀重慶酸辣，咪又係貪飲埋個湯又補身又夠飽，無蝕底！哈哈！我真係飲哂！個湯底有濃濃花膠豬骨味，但唔太重膠質又「唔太張住個口」，隱約似食到茨實味多過淮山，餃子比超市大牌嘅size大1/4，芹菜同豬肉比例若4:6，好足料，煮熟後餃子皮都係黐住啲肉，無虛位，可見佢哋用心啦⋯⋯總之，女生一定飽肚！至於豆漿，一般啦！食落其實唔算貴，淨係個湯，叫你買料、浸發、汆水、睇火，講都已經一身大汗，仲未計日日落手去做喎！淨係個湯，都撼贏啲包包湯啦！依家又飲又食，都係$56，如果求其去門市買包預製花膠乜乜湯，walk-in 價應該都要$50以上，況且餃子又人手包，全部心機錢嚟㗎！其實，如果行開附近又想飲湯又要食，依個係幾好嘅選擇！

呢間位於上環禧利街嘅餃子店之前係鰂魚涌佢搬咗過嚟之後就好少去今日咁岩行經附近當然要入去再食下鮮肉香菇粟米餃 $48淨餃有八隻雖然呢度係食餃子但係我最鍾意就係佢嘅花膠淮山豬骨湯底而且佢講明不含味精一上枱熱辣辣嘅時候當然要飲番啖湯連湯底都好用心製作連聞都會聞到花膠嘅味道感覺好養顏餃子每隻都好大隻因為佢咁大隻所以落完單都要等一陣先個皮薄到可以睇到入面有幾多料粟米係完整嘅一粒粒🌽仲有香菇帶出香味每次食完都好滿足如果唔夠飽仲可以加米線🍜

午餐時分途經呢間餃子店，叫唔少人係到等位，就決定一試。姐姐大力推薦花膠湯底，五隻餃子配麵，就43蚊，價錢算平。我叫咗冬菇粟米豬肉餃，餡料好味，夠味，但餃皮實在太厚。麵就正常，飲完湯會有啲頸渴，唔知有冇味精。