永樂餃子店

Open Now

Now Closed

午餐時分途經呢間餃子店，叫唔少人係到等位，就決定一試。姐姐大力推薦花膠湯底，五隻餃子配麵，就43蚊，價錢算平。我叫咗冬菇粟米豬肉餃，餡料好味，夠味，但餃皮實在太厚。麵就正常，飲完湯會有啲頸渴，唔知有冇味精。

係附近醫院探完病好肚餓，但係上環既餐廳都好早關門。剛好發現一家自家風味餃子店 - 永樂餃子店，鋪面感覺一般般，冇乜裝修冇乜冷氣亦都冇乜客人。始終附近可能係寫字樓辦公室返工的地點。膽粗粗入咗去坐低試吓，點知有意外驚喜。坐低左老闆同我地講主打係花膠淮山豬骨湯底，落重本製作嫁試一試啦! 餐廳有多款口味餃子選擇，有芝士餃有羊肉餃有咖喱薯仔餃......睇落有啲西色口味，感覺上第一次食都係要試返傳統口味會安全啲。最後決定經典風味鮮肉白菜餃，叫餃子唔跟麵有八隻餃，粒粒都好大粒，餡料夠多足料，水餃皮厚薄適中。雖然話係花膠湯但其實係冇比花膠既，但湯底味道濃郁，飲得出沒有味精，飲完不口渴。黎呢度食記得記得記得（重要嘅要講三次）最緊要飲埋個湯，正到飛起！

今日第一次黎食，本來仲有少少期望，因為見到湯底同餃子款式同我荃灣食開果間好好味餃子店有d相似，點知完全唔係果回事Lunch同朋友兩個人去食，叫左8隻芹菜豬肉，8隻雞肉木耳冬菇湯底：揀左花膠湯底，食得出冇味精，唔係好濃淡淡地，湯少餃子：Size都大隻，一定食得飽，但係餃子皮好敗筆，又厚又硬餡：都多，但係味道一般價錢：$48有8隻，性價比唔高 結構：冇下次，朋友覺得灣仔碼頭雪藏餃仲好味過佢，如果想食好味餃子，都係去返荃灣或者太子食

朋友介紹上環必食黎到上環，係上環翻工既朋友話永樂餃子好出名。就一於去試下午飯時間都要等大約十分鐘先入到坐，環境一般但價錢平民叫左5隻餃加面都係4十幾蚊！個湯底係花膠湯，清甜可口飲哂都唔會覺得油膩，不過餃子皮頗厚，但餡料十足。朋友絕對冇介紹錯

星期日過港島行下.餓了.想食餃子.發現電梯附近有間傳統餃子店.老闆係北方人.餃子睇得出係手工製作.肉新鮮.粒粒都好飽滿有光澤.皮唔算厚，有家庭製品味.北方人既家鄉味.朋友嗌左個酸辣湯底.都非常資料.缺點價錢略貴.無計中環區舖租係恐怖.

上班在上環，沿路經過一間餃子店，剛好碰上下雨天沒有長長人龍排隊，就決定試一試這間小店。.由於中午時段人比較多，所以難免要搭台，環境比較擠迫，但環觀四周地方尚算整潔。餐牌上以湯餃為主，有一般傳統我韮菜餃、白菜餃和椰菜餃，亦有小店的特色餃例如芝士餃、咖哩薯仔餃🥟等等。相對保守的我和同行朋友點了韭菜餃和雲耳椰菜餃各一，配以上海面，價格才不過$43一碗👍🏻.值得一讚的為餃子的湯底是花膠准山豬骨湯，香噴噴的豬骨湯配以上海面令人垂涎三尺😋😋雖然餃子的皮比較厚，但煮得軟熟亦算易入口，而且每隻餃子份量十足，我把五隻餃子、面和湯底全部食完。🤪 .總括而言，此店食物經濟實惠，熱辣辣香噴噴的餃子令人會想一試再試👍🏻😛

我最中意就係食餃子，所以對餃子既要求都唔低。平時都有食開附近既高質餃子店，有晚經過見到有呢間，大大個招牌，入邊坐曬人，好似好正宗咁，就決定入去試下。點知出曬事，d餃子皮勁厚同勁大片，好似專門黎食餃子皮咁。同行朋友話我要求太高，但我留意到每一台食客都食剩d餃子皮係碗入面。如果鐘意食餃子皮既人，就真係可以黎試下。餃子既餡料都唔得，好普通。不過無可否認距既湯底係ok既，因為一般餃子店既湯底，都係得餃子湯，而距係真係落老火湯。但試問主角係餃子，主角都未搞掂，配角幾好，都無用。

不計餃子連鎖店，在香港，餃子專門店真的很少。位於上環禧利街的永樂餃子店門面不算起眼，店內裝修以紅色為主題，很普通的舖頭，座位都會傳統的紅色膠椅。餐廳提供的餃子有13款，小食和飲品各幾款。餃子可點淨餃或跟麵底。雖然湯底只有兩款，但不能不讚真的無味精!今日點了一份鮮肉咖喱薯仔餃 ($48)淨餃，花膠淮山豬湯底，和一杯豆漿 ($8)。湯底有口感，有少少膠質，而且很甜，整碗喝掉也不會感到口乾! 因為餃子是薯仔做餡，所以淨餃都可以很飽。味道不錯，咖喱辣味十足，值得一試!

我和女朋友都超鍾意吃餃子，放學後就來到這間她介紹的餃子店❤️我地叫左兩碗雙拼餃子，分別是紫菜餃子拼辣肉餃子和椰菜三色椒餃子拼芝士豬肉餃。餃子非常大隻，雖然每碗只有八隻，但餡料十分足料，湯底也十分濃郁沒有味精，很像媽媽煲的湯，吃完餃子喝幾口濃湯十分滿足🤤我們叫的四款餃子中，最有特色的是紫菜豬肉餃，紫菜的鹹鮮配上豬肉十分好食✌🏻其次是辣豬肉餃子，辣度適中十分過癮。😻芝士餃子也非常不錯，淡淡的芝士味和豬肉配合得相得益彰，可惜芝士和中式的湯底稍稍有啲唔夾。而椰菜三色椒餃子就略嫌普通沒有特色，但味道也是不錯的！👌🏻整體而言，這樣的價錢可以在上環食到咁好食的餃子係開心嘅🤩暫時係食過最好味最有特色的餃子店，之後應該會再幫襯🤤

每逢星期五都要過上環，已經習慣咗在上環附近覓食，今次路過見到一間餃子店，雖然店內環境裝修看似平平無奇的店舖，但望到店內已經人山人海，直覺告訴我知這一間店舖是很好味，幸好我是一個人，職員很快便可以安排座位給我。坐下後看到餐牌有很多不同味道的餃子，左睇右睇，諗咗5分鐘之後，最後選擇了鮮肉香菇粟米餃及鮮肉冬菇木耳餃雙拼，由於是新鮮即煮的關係，所以等的時間比想像中要等多一點點的時間。湯...並不是普通上湯/清雞湯之類，而是老火的花膠淮山豬骨湯，喝了一口湯之後覺得味道很夠火喉，味道很好，很少餃子店會用老火湯（其實到現時都未試過有第二間店賣普通上湯餃子會用老火湯...唔計沙鍋雲吞雞）而餃子也很鮮味，唯一要彈的就是餃子皮比較厚，但整體味道也很高分呢！另外還點了一份小食炸雞翼，炸雞翼的味道沒有特別驚喜（炸雞翼都整得難食的話，應該間舖頭執咗笠了）但最驚喜係個價錢，$15有三隻，超抵食！食飽埋單都係$68，好抵食！

永樂餃子店，當然主打餃子，餐牌上除咗餃子同餃子麵只有兩三款小食。呢度特別之處係餃子唔係白灼或普通雞湯底，而係花膠淮山豬骨湯或者酸辣湯底。我叫咗白菜餃拼芹菜餃，$48 +2 （雙拼）= $50，配花膠湯底。餃子總共有8粒，size 一般唔算細，但唔算飽滿所以比例上皮略多，餡料唔叫好豐富，同埋唔係好 juicy。但最大問題係個人認為調味太重，湯底同樣比較鹹，就算有鮮甜味都被遮曬。總括而言唔推介，下次想食餃子寧願試下附近東北菜。

難得去到上要，諗都冇諗就去左一直係wishlist嘅永樂食餃子。地點好就腳，地鐵站一出行陣就到。沿路都幾多食店，經過睇到menu都想試下。午飯時間點令鐘來到，近乎滿座，幸好有一人座位。入面啲食客大部分係返工放飯，所以食得都衝忙。餃子選擇多，叫左豬骨湯淨餃雙併$50（雙併加$2）除左餃子仲有啲小菜。雙併 鮮肉韭菜餃 加 鮮肉香菇粟米餃食物來到，即刻試餃一啖湯，好有住家老火湯嘅味，清清地，飲落唔係味精，係鮮甜味。真係唔錯。鮮肉和菇粟米餃包得唔係咁實，要小心夾先咁散。皮較厚，所以分量少但都夠飽。餡料打得均勻，見唔到啲肥豬肉，食落好似混合左唔同配料同調味，因為皮太厚，比例上顯得餡料唔多。但食落都好多粟米同菇，相對豬肉較少，算足料。鮮肉韭菜餃好多韭菜！韭菜食落好香，同啲豬肉混合得均勻。餃子餡同皮唔會一咬就分開，餡料同樣見唔到肥豬肉，但呢個對比起香菇粟米濃味，應該落重左調味。個湯咁鮮甜，當然一滴不剩！不浪費！整體來講，餃子皮較厚，餡料足料濃味，唔洗點醬汁都夠味。湯有住家味，清清地唔會搶左餃子味，一口餃一口湯，健康得來又食到好味嘅野！

餐廳吸引我的地方係，主打無味精😍😍花膠淮山豬骨湯。首先，坊間上無味精的餐廳可算是鳳毛麟角，對著重飲食健康的飯饞貓而言，簡直係彌足珍貴😭😭😭😭😭Order 左一客鮮肉雲耳椰菜餃，大碗米線端到桌上，眼見米線大大碗，餃子夠大隻，椰菜讓餃子更有咬口，鮮肉肉汁多、肉味濃郁。湯底淮山味重，遠處已聞到陣陣淮山清香，喜歡淮山的達人一定會對這間餐廳給個讚👍🏻👍🏻👍🏻對於要OT 的上環上班族而言，大碗米線晚上疲憊的身驅帶來充足的正能量。

收工後肚餓，決定去食餃子。來到永樂餃子店，單點了鮮肉韭菜餃子，和一份酸辣土豆絲。土豆絲份量不多，口感勉強和爽口沾上邊，當前菜就差不多了，很開胃。土豆絲只是微辣，個人覺得剛剛好，而當日看到有食客也要求加辣，所以看個人口味吧。香港餃子店都喜歡用老火湯為賣點，這裡是花膠淮山豬骨湯，卻沒有什麼湯渣，味道未見突出。主角韭菜餃子其貌不揚，包得不太工整，是坊間包得最隨便的餃子，沒有之一。有點類似北方的餃子一樣，皮厚，味道算過得去，吃罷覺得實在不太對胃口，應該不會再來了。餐牌：

呢間餃子店主打無味精花膠淮山豬骨湯底，坊間其實有幾間好味既餃子店都係以類似既湯底做招來，吸引中意飲濃湯同餃子既小妹我一試。餃子既種類都好多，可以雙拼，亦都可以轉湯底或者配粉麵。最後我叫左個鮮肉香菇粟米餃加米線: 個湯好濃味，飲得出足料，餃子皮偏厚少少，舊肉餡都好大舊，幾好味，香菇、粟米同肉份量均衡，唔錯。餃子配米線既話有5粒餃子，食完都好飽。總括黎講，個餃子係唔錯既，個湯先至係重點，小妹我都飲晒!!下次試下其他餃子先~