永樂餃子店

Open Now

Now Closed

呢間店係我諗唔到食咩個陣都會去買，同同事諗唔到去邊食又去食，快靚正，作為一個dumpling-holic既人，耐唔耐就會餃子引發作🤭咁岩又係公司附近，通常都會去搵佢解一解我條餃子引。今日天氣有d凍，想食d熱野又有湯既，二話不說我又拉埋我個湯粉麵控同事去食餃子🥰🥰，我買左芹菜餃麵返公司開餐，不論係堂食定係外賣，佢個花膠淮山豬骨湯都係熱辣辣，淡淡地唔重口味，飲落唔似有味精，好順口。每次都一啖湯＋一啖麵＋一啖餃子放落口，冇得輸😍Ｄ餃子勁大隻，不過佢係北方餃子個類，塊餃皮偏厚，包左好多芹菜係入面，啖啖都有芹菜，不過Ｄ餡料味道都有Ｄ偏咸，但加埋個湯一齊就中和返。個麵既質地岩岩好，又岩岩好掛到Ｄ湯。每次食完個５粒大餃子加埋一大碗麵，個人就會暖笠笠，好滿足呀😍😍😍

呢間位於上環既永樂餃子店一開始係鰂魚涌開舖既時候小編已經試過好有深刻印象，因為餃子超大隻超足料超飽滿（心心眼）而且湯底標榜無落味精，自從搬咗嚟上環之後，呢日趁嚟上環工作就嚟食下，而且根據網上既資料，呢度既老闆係同路人，可以支持下。鮮肉香菇粟米餃（配花膠淮山豬骨湯）呢度既餃子有好多款餡料可以選擇，我就揀咗鮮肉香菇粟米呢個比較清新爽口既配搭，入面有好多粟米粒，令到整個餡料好香甜爽脆，餡料都係一貫咁飽滿咁多，個湯底絕對係招牌，好清甜天然既老火湯味道，飲晒成碗好滿足。人均消費：$48推介指數（10分為滿分）：7.5分

星期日晚上八點，上環可選擇嘅黃店唔多，行咗幾條街，最後嚟咗呢間。呢間係老店，雖然店內裝修同格局唔似好老，不過牆上面嘅古典風孔雀圖就暴露咗小店嘅年齡秘密啦😂。叫咗八隻雞肉冬菇木耳餃，湯底揀咗花膠淮山豬骨湯，另外再加杯豆漿。豆漿先上，呷一口，唔太甜，黃豆味非常濃郁，好飲👍。呢度嘅餃子外型比較獨特，呈長條型，唔算好飽滿，但係每隻都包得好實淨。咬一啖，餃皮頗厚，唔係我喜歡嘅類型；餡料調味唔錯，木耳亦夠爽口，不過雞肉略嫌唔夠肉味。成碗餃子最出色嘅肯定係個湯底，鮮甜到不得了，齋飲湯都值回票價😆。食完呢餐，成晚都唔覺口渴，證明冇落味精，呢度又有分加🤗。

今日黎到上環出名既永樂餃子🥟店開餐🤪🤪叫左鮮肉韭菜餃同羊肉餃，湯底有辣有唔辣，但個湯底都係用花膠淮山豬骨湯，花膠淮山味都出，足證好足料，辣湯其實佢都係加佢特制辣醬上去，但都好香❗️❗️講左咁耐梗係到主角出場🥟🥟餃子🥟都皮薄喊靚，入面d料多到爆出黎，但又仲好有肉汁，感覺到係新鮮包出黎，唔係包定曬等過夜🤪🤪好食，美中不足就係如果有得再追加餃子就好🥺🥺另外叫左個土豆絲，都好入味好好食整體來講，唔錯👍🏻👍🏻

上星期Happy Friday我又同同事去食粉麵啦！😂😂.今次我哋去咗食餃子！Yum yum!.攸桐媽我都好鍾意食餃子架！今次我就叫咁韮菜餃麵！.佢啲餃子真係好大隻架！一碗麵有5大隻仲要加埋上海麵！食哂碗麵之後真係飽到不行呀！.不過最吸引我，係佢哋個湯底呀！花膠淮山豬骨🐷湯！佢個湯底足料餚製，有香濃嘅豬骨味但又唔會蓋過咗花膠同淮山嘅味道！次次我都差唔多會飲哂啲湯架！🙈🙈🙈.鍾意食餃子嘅您，真係可以去試下呀！.永樂餃子店📍上環禧利街21號地下.

隔左咁耐,終於可以見一見既我地@_foodss_lover_hk 永遠每次出黎食好西都係一日食十餐既節奏🎶🎵🟡有你真心正🙈🔴今次喺食完我地既第一餐之後,本身想食既茶記,原來無開門,所以行行下就黎左哩間👇🏻 #永樂餃子店 💛餃子🥟小店永遠想食最多野,又有選擇困難症既我地,當然要想盡辦法最少既錢💰食到最多款式既食物🙈😋————————————————-鮮肉冬菇🍄木耳餃🥟鮮肉韮菜餃🥟(🐽豬骨湯)木耳爽口脆卜卜🙈餃子🥟皮唔算話超級薄,不過食落唔會成口粉！重點係隻隻都超足料超多餡😋冬菇木耳溝埋豬肉出奇地夾👍————————————————鮮肉咖喱🍛薯仔🥔餃🥟鮮肉芝士🧀餃🥟（炸）超級為食既我地,試完兩款唔夠喉,所以一開始已經決定要多兩款餃子🥟不過四款咁多隻餃子🥟都食湯餃會🆚比較寡,而哩兩款餡料,我地個人就覺得配上炸餃🥟會有風味D 啦！我地兩個都覺得咖喱🍛薯仔🥔餡料相對比較惹味😋食到停唔到口!而芝士豬肉炸餃既話,如果芝士🧀可以再濃D就會更好啦！整體黎講,絕對係糧尾同速食之選！飽肚又好味😋💛

黎到上環搵食都想食平民啲 經過見到餃子店就緊係入去食啦14:30左右 入面都有3枱客餐牌簡單 一係5粒餃子 一係8粒 一係5粒加上海麵/米線至於餃子味道就超多啦我叫咗5粒雞肉冬菇木耳餃+上海麵 ($43)份量ok 餃子大大隻 麵就唔多湯底飲落清清地 又真係有豬骨味😋佢係花膠淮山豬骨湯 主張完全冇味精 健康又入味上海麵就麻麻地 唔夠彈牙 略為淋 如果可以煲短時間啲 令麵條硬身啲 一定好食啲☺️🥟餃子都係自己包 每隻大大隻咁 餡料多 佢啲雞肉 冬菇 木耳 已經攪到變咗蓉咁 所以食唔到一舊舊肉 唯一係木耳一片片 咬落少少爽口 有質感至於味道 好鐘意佢唔係好似一般餃子咁 落好多麻油同豉油依個食落味道淡淡地 不過又有陣好特別嘅味 少少似藥膳味?? 不過餃子皮略為厚咗啲 但係我自己覺得佢個皮好有嚼口-味道唔錯嘅 如果淨係食餃子8隻 會俾4星唯一真係麵質未如預期服務好好 老闆們親自出手落單 下廚 好有禮貌明顯係本土小店 盡心盡力👍🏻環境都ok 份量啱啱好夠一個人食 大食啲可能要叫下小食或者飲品上環搵食 又on budget 又想健康少少 可以試一試! 支持小店

經過見到有餃子🥟店配花膠湯底，就吸引左入去試試點左淨羊肉餃子🥟，餃子上枱好大粒咬開好足料，羊肉餃子餡多，一碗份量以女士黎講都過飽😅配上花膠湯底，食完餃子飲吾住飲晒碗湯湯底味精吾重，吾會太咸，而且帶濃烈花膠味道🤤堂食坐得較寬躺舒適，吾會客人與客人之間坐得太迫除湯餃外小店仲有煎餃，餃子款式多唯一美中不足小店可能係家族生意關係，樓面人手不足，如落單或跟餐只有一人需要等一段時間，先搵到服務員落單但服務員態度吾錯，等下無所謂

地理位置方便，係正生記對面。入去食飯嘅時候剛好六點，見到老闆同老闆娘食緊佢哋嘅晚飯阻住佢哋真係有啲唔好意思。坐低之後剛好有一個客人入嚟堂食，聽到佢叫羊肉餃子同朋友發現新大陸一樣，覺得比較少見所以都同朋友決定要點一份試下。兩個人分別叫咗兩碗雙拼餃，分別有羊肉餃子、鮮肉韭菜餃、香菇粟米餃、鮮肉芝士餃。 外加一份酸辣土豆絲，土豆絲口感清爽，佢哋嘅版本辣係偏辣油而唔係椒麻，但亦唔會太辣。羊肉餃帶羊肉應有嘅騷味，但如果唔鍾意食羊嘅人就可以唔使叫，你一定頂唔順。我同朋友都係超級鍾意食羊肉嘅人，食到意猶未盡。鮮肉韭菜餃正常。香菇粟米-個人就唔係太鍾意有粟米嘅餃子，整體偏甜同埋蔬菜感滿足。鮮肉芝士餃就純粹想試下新派嘢，試一次就夠因為本人都係鍾意食傳統嘅餃子。永樂嘅餃子皮係偏厚北方口味，麵粉感較強，一碗八隻落肚，我食完之後真係飽到差啲企唔穩。性價比好高，最後離開鋪頭嘅時候見到可以外賣一打羊肉生餃，如果以後經開呢頭都會再幫襯。

今日想食得清d，所以黎左試呢間出名花膠湯底嘅餃子店。佢其實有兩個味，一個係花膠湯，另一個係加左酸辣醬喺面嘅湯(其實都係花膠湯)。我地兩款湯都點唒，覺得食餃子都係清湯襯d。未飲都巳經聞到淡淡嘅香味，一飲落去花膠味好重，偏向清甜唔算好濃郁，所以配落餃子到味道剛剛好。加左酸辣醬嘅湯就略嫌酸辣味蓋過左花膠味，所以都係建議食原味。呢度餃子5隻就單款，8隻可雙拼。我地叫左3款餃，海鮮餃有d似蝦餃，羊肉餃羊肉味好濃，而我最喜歡係鮮肉雲耳椰菜餃。鮮肉雲耳椰菜餃 拼 羊肉餃 $55（花膠淮山豬骨湯)海鮮餃 加上海麵 $48(重慶酸辣湯）酸辣土豆絲 $20豆漿 $8

颱風後復工，鋪頭大部份未開，沒有太多選擇下試了這家的餃子。餐牌種類算多，但以傳統口味為主，所以點了個最傳的豬肉白菜餃來試試。可選淨餃或麵食，我點了淨餃走湯。$48一客有八粒，女生來說夠飽了。味道方面還好，不是超濃味那種，感覺健康。餃子皮煙靱，饀料不乾，但因為豬肉份量偏少，以致不夠肉汁。整體還可以，如有煎餃會更好。

又到Lunch time, 想每日來點不一樣的今日食水餃米線, 見佢款式都幾多, 咁我地就叫左鮮肉白菜餃同鮮肉香菇粟米餃, 仲叫左杯豆漿, 先講下湯底, 因為我地都唔食得辣就叫左花膠淮山豬骨湯底, 第一件事就係試啖個湯先, 個湯真係好香濃嘅淮山同豬骨味, 好鮮甜, 不過花膠就唔覺有但我覺得食完真係可以飲埋啲湯而且一啲味精感覺都無仲有每碗都有5大粒嘅水餃, 差啲連匙羹都裝唔落先講講白菜餃, 本人就覺得白菜好足料豬肉就略為少左啲, 皮唔會太厚或太薄, 因為咁大隻黎講仲要好薄皮一定會好易爆, 另外香菇粟米餃我就覺得菇少左啲, 粟米略嫌硬左啲, 如果可以蒸一蒸先再包可能口感會好啲, 味道覺得岩岩好唔會太咸再飲啖有帶甜嘅湯真係食完一啖再一啖, 同埋上海麵都幾彈牙, 雖然外賣返到去都可能會吸哂啲水, 不過我個人仲可接受唔會淋哂個種, 而且本人好鍾意佢嘅辣醬更加’野‘味, 另外豆漿唔知係咪佢地自家製架呢, 真係有啲過甜, 飲到底都飲唔哂不過整體會再幫襯可以再試下佢嘅其他款式

上環一帶有不少美食，尤其在禧利街、蘇杭街。這間永樂餃子店，就是位於禧利街上，接近上環地鐵站，非常方便。餃子湯底有兩種湯底供選擇，包括花膠淮山豬骨湯，或重慶酸辣湯。兩款湯底都冇味精，我每次來此餐廳食餃子，都會選這個花膠淮山豬骨湯，濃厚綿稠，豐腴質感，每次都會清盤喝盡所有湯底。第一次嘗試鮮肉咖喱薯仔餃子，有驚喜，咖喱味道不會太濃，又能保持鮮肉味，這個配搭剛剛好。雞翼炸得非常香脆，重點是只是$15 ，比一般街上的小食店還要便宜！

上環呢間細細地既餃子店平時都好多人幫襯 lunchtime一定要排隊！連鬼佬都識貨 成日見到入面有好多鬼佬🤣餃子有大概10款唔同餡料比你選擇之前黎果陣羊肉餃賣曬 今次再挑戰~！終於比我叫倒🥺羊肉餃貴dd 淨餃$55八隻餃 大大隻 好多料啊羊肉味濃得黎唔會太蘇 重點係個湯 花膠淮生豬骨湯 無味精黎到熱辣辣 食完d餃個湯仲暖架咁好味當然要飲曬佢！另外仲叫左生菜($15)同豆漿($8)碟菜都好大碟啊~食完個肚暖笠笠 好滿足😋😋😋

真係未食過咁差嘅芹菜餃🤬🤬🤬一咬落去全部都係渣，事原係佢裡面嘅芹菜，正常只會用芹菜最粗嗰部份嘅莖部，其他嘅分枝同葉係唔會要嘅，因為會好老，但佢哋就係用哂啲分枝放落去包，慳皮吖嘛😖最初頭都監生吞落去，後尾就將佢哋揀返出嚟，揀揀吓直頭都費事食，佢碗嘢都唔係平㗎，成$49,比啲咁嘅嘢客人食真係離哂譜，加上個女店員嘅態度好差，我問佢係咪有兩隻湯可以揀，佢話冇㗎，定咗，明明見到寫住豬骨湯同重慶酸辣，佢跟住話咪得辣同唔辣囉，過咗大概一分鐘，我問佢呢度有冇洗手間，佢用好唔禮貌嘅眼神望住我，問我你有冇喺度食嘢㗎，我話啱啱你先幫我落完單咋喎，跟住先話裡面吖，其實間舖當時得兩三枱，咁都唔認得，咁嘅食物質素加上咁嘅工作態度，唔怪之得一點鐘食晏時間都係得小貓三四隻啦😏