沙縣小吃 (Closed)

呢間既蒸餃好好味，一口一隻仲有得外賣生既番屋企自己蒸賣相一般，但口感真係堅得，外脆內軟燉湯好多款我都飲過，最常叫既係雪梨，蟲草花，豬腦，茶樹菇等等見過有人走入嚟只係為左飲個湯，就知幾大吸引力大腸酸竹辣撈米線都係我必點之一，少辣我需要配罐忌廉，有時叫微辣都同小辣一樣咁辣，所以唔食得辣既記得講清楚…如果丁點辣都食唔到，佢地有隻麻醬撈麵，只係個人覺得酸辣個味正d老公多數叫撈麵另外土豆絲都推薦大家試下，記得食唔到太辣要叫微辣，唔係食一兩條應該舉白旗…

好中意幫襯一啲小店 見網上都有推薦過呢一間黃大仙區嘅小舖頭 見係屋企附近就想來試一下炸雲吞 ($30)同平時食開嘅炸雲吞完全唔同呢一款炸雲吞 好少餡 占大部分都係炸雲吞皮別有一番風味 份量好多 點雞汁味道一流豬腳飯 ($47)豬手飯就食得多 但係脆卜卜嘅炸豬手飯我就真係第一次食 豬手嘅皮炸到很脆 連肉很煙韌 好好味 回頭率好高 必食！豬手飯餐跟紫菜湯碗湯有好多紫菜 好味道蒸餃 ($26)$26 有8隻餃子 認真抵食而且味道不錯 好多餡 賣相都ok平均每人$50 左右有點小店嘅味道 價錢又親民 值得一試

呢間沙縣小吃可以穩得上係平民隱世小店 外表毫不起眼 但係就係內地都有幾多分店既福建菜 價錢親民 口味地道 所以有唔少街坊捧場客👅平時我地都成日會去買外賣食既 今次難得堂食 又試左佢地既燉湯 當然要介紹下比大家啦😍先介紹既係3個我地好鐘意食既小食 酸辣土豆絲 蒸餃 同埋炸雲呑🤤 土豆絲除左酸辣 其實仲可以麻辣 不過我哋試過覺得麻辣真係太辣 反而酸辣加左醋就更惹味 有一種食極都唔夠既感覺👍🏻 蒸餃就係每枱客人都會叫既指定動作 因為價錢太平 味道太好食😭 $25 有8隻蒸餃 而且每一隻都大大隻好足料 每次泥都必食😋 炸雲呑就係我既至愛 雖然饀料唔多 不過即叫即炸 好鬆化 對於我地呢d鐘意食熱氣香口野既人有一種無化抵抗嘅吸引力😂另外 呢到既燉湯都幾出名 我見好多客人都會叫 不過我地就第一次試 今次我哋就試咗蟲草花鴿子湯 燉湯都相當足料 入面有1/4隻鴿子同蟲草花🐦 不過味道就淡左少少另外我地每次都會叫一個撈麵 由於麻醬同酸辣撈麵我都係一般 呢到仲有個隱藏Menu 係可以叫清撈米線 唔好以為無味 佢地既醬油都好好味🤤🤤 而我地通常都係揀清撈豬腳/雞翼米線 因為豬腳同雞翼佢地都炸得好出色😋 好香口

➖➖➖黃大仙。推介🥴花生醬拌餃子➖➖➖花生🥜控必試的平民小店唔鍾意食花生醬嘅仲有蒸餃呢。。呢間小店都幾多人幫襯，店內不斷都有人等位，雖然座位不是坐得太舒服，但是香港的平民小店，最緊要食物取勝，反正大家也不會待在餐廳太久。。餐牌圖文並茂，牆上還寫上了不同的off menu 呢。花生醬餃子好啱我嘅口味，記得以前喺深圳食過，一直念念不忘，終於係香港搵到啦。。▪️花生醬拌餃子$32/8隻▪️拍青瓜$22▪️麻辣土豆絲$22▪️酸辣薯粉$30▫️➖花生醬拌餃子❗️❗️性價比高❗️❗️每粒餃子都脹卜卜，接痕清晰又靚花生🥜醬冇顆粒但幾香濃稠適中，唔會杰到張實個口餃子入邊仲有紅蘿蔔🥕韭菜。蔥花。豬肉好耐之前喺大陸食過喺香港重遇真係有一種相逢恨晚嘅感覺😍▫️➖拍青瓜正常味道開胃菜▫️➖麻辣土豆絲 & 酸辣薯粉好正啊！薯粉夠彈牙😍土豆絲係我最鍾意嘅麻辣！唔食得辣可以叫BB辣。➖小總結：好想再食。好味道😍😍😍堂食無加一， 只係收現金。但係座位就會坐得迫啲🙈呢度嘅價錢實在好相宜，差唔多用外賣嘅價錢就可以坐低堂食。個人覺得值得一試。回頭率： 100%。

今天搵左一間黃大仙試下，呢間沙縣小吃。原來呢間貌似小店，其實來頭不少， 是內地同名有多間分店的連鎖店，甚至海外都有。環境就一般般啦，傳統舊式快餐店咁。價錢好抵，平均都係$30-40 左右。這個是麻辣土豆絲，小辣，但係都幾麻幾辣。好惹味，送飯一流（ 所以忍唔住叫左碗白飯😋）Off menu花生醬蒸餃，第一次食好特別，好match 但係如果一個人食哂都幾膩。餃是紅蘿蔔菜肉餡， 食落唔會成口肉👍🏻不得不提呢個湯，呢個係胡椒豬肚湯，同平時飲的好唔同，顏色係深啡色，而且好足料，就咁睇都有幾多料！味道有胡椒味的，仲有杞子。

朋友說附近有一間好吃的福建菜，於是決定去試。沒想到是我平常也有去吃的沙縣小吃。吃主食前，我們點了炖湯，可惜太晚去，只有5種可以選擇。我們選了豬肺，排骨，豬心及鴿子湯。-茶樹菇排骨湯（清熱祛火）-雖然小小一碗，但很足料。裡面有排骨，茶樹菇，枸杞，紅棗等所以不會因為茶樹菇而過份苦澀，帶有甘甜香味。-枸杞豬心湯（補血養心）-味道比茶樹菇排骨湯少了甘香的層次，帶鹹香豬心入味，有咬口。不過炖湯不會很解渴，因為材料多，所以會有飽足感。-蒸餃-聽說每次餡料有少少不同，有時會比較多紅蘿蔔，有時則有其他蔬菜。熱騰騰的蒸餃配上香醋令味道更有層次，亦不會太膩。餃子帶有鮮甜味，讓人愛不惜手，一吃再吃。我們這次點了兩籠另外還點了一些前菜-酸辣黑雲耳-酸味恰到好處，令人開胃。-酸辣無骨鳳爪-鳳爪不夠入味，只是單憑醬汁的味道，不會再點。-酸辣粉-是順滑形的紅薯粉，較波浪形紅薯粉入味。辣味過癮，怕辣的朋友亦可以選擇少辣。紅薯粉份量多，配菜有豬頸肉，腐竹等，不會怕不夠飽肚。-炸雞翼麵-因聽說雞翼好吃，所以也另外點了一份雞翼。可惜雞翼有點太鹹，不然它香脆入味，會比快餐店更好吃。食物質素不錯，但因吃完會很口渴及中間有些小插

身為黃大仙既街坊一早都已經發現左依間既小店係好好食但一直未有為佢寫食評沙縣小吃 好似家庭式經營主打係食d 四川麻辣每一枱必點係蒸餃佢可以做到皮薄餡靚 重點佢既餡係冇香料果d 我好中意佢仲配有餃子汁 都好好味另外我必點係豬腳撈面有酸辣/麻辣揀豬腳既調味好好 又脆可口每條面都係有麻辣既汁 重口味岩我！好評仲有都會點下佢既湯 佢既湯都幾特別 有豬肺/腦果d 平時處理依d材料都幾煩 所以依度飲都幾超值我發現夜晚飲會濃味d 日頭飲會淡d 可以煲耐d 既關係？！

今次介紹一間隱細小店，仲要係隱藏餐單 (花生醬餃子)！Menu上係無家！花生醬餃子 呢個配答我一開頭以為好似怪怪地咁，但估唔到效果出奇地夾，花生醬滑而香，同比較淡味的餃子一齊食，相得益彰！好食之餘都好特別！絕對要試！蒸餃子 餡料同花生醬餃子的餃子係一樣的，蒸嚟食風格不一樣，口味會比較清淡，但味道絕對唔輸蝕。麻辣土豆絲 麻辣味好香，土豆絲亦好爽脆。胡椒豬肚湯 味道比較似燉湯，比一般坊間嘅胡椒豬肚當為清淡。

如題，又一間平民化隱世小店！呢間野座落於黃大仙同慈雲山既中間，如果唔係住開呢頭應該唔會發現到呢間野。跟food blogger叫左一D招牌菜，果然真係名不虛傳！蒸餃睇得又食得，層餃子皮扭成麻花形狀，非常賞心悅目。餡料多菜少肉，非常適合唔中意啖啖肉既我。拌面幾重口味，醬汁好似鹹左少少，不過花生醬味好香濃，面既質感都唔錯，係好爽口既上海面。不過手拍青瓜就麻麻地，我諗因爲岩岩開門，青瓜未醃好，所以無乜味。雖然間店好細，但坐落去都算舒服，而且價錢實在大眾化，值得一試！

招牌蒸餃加花生醬 ($26+$2)餃子和花生醬既組合你試過未？菜肉餃子外表唔錯，仲幾新鮮tim。餃子皮唔會太厚，淨食餃子已經好好味道。加D濃郁既花生醬又別有風味，兩者一齊都唔會奇怪。

- 喜歡蒸餃強烈建議加花生醬!! 加咗好味好多!-大腸飯同雞髀飯,飯太乾太硬雞髀炸到乾曬, 基本上冇咩味道.本來點的是奧爾良烤雞腿,因為沒吃過奧爾良口味,可惜上的是炸雞腿吃第一口還覺得奇怪,怎麼沒有味道第二口才發現是炸雞腿......明明就想試下奧爾良口味......大腸一般但底下伴芽菜, 芽菜清爽好食, 而且睇起嚟靚, 加分!!雲吞唔錯, 清清地, 肉餡彈牙可惜有紫菜，我不喜歡湯紫菜……而且我覺得湯底有點鹹，可能我食得比較淡-涼拌土豆絲,酸辣超好食!!  第一次食仲好食, 仲爽口第二次食,可能浸水時間不夠, 土豆絲粉粉的

一間地方小店， 雖然地方唔係寬敞不過都叫做乾淨企理。 佢個蒸餃子超級好味。 個牛腩麵嗰種麵質 好特別 唔係雲吞麵但亦唔係日本拉麵， 但係煙韌爽口。 豬腦湯係高膽固醇之選 唔介意嘅話 食得過， 個豬肺都好正。 呢間店舖唯一一個比較煩惱嘅問題 就係 廚房似乎鍾意慢工出細貨 見佢哋煮嘢嘅手勢都係好滋油淡定慢慢嚟， 試過落咗order之後等成15分鐘有多先至有嘢呢。 佢哋沖嘅凍奶茶都好好， 唔係求其亂咁沖杯淡茂茂嘅奶水。 嚟呢度食嘢好多人就咁泊街， 小心呢度 抄牌抄得好密， 如果要食呢間鋪頭最好搵咪錶位同埋 預鬆啲時間。

位於 鳳凰新村 有一間沙縣小食 呢個名詞呢据我所知係大陸好多處地方都有呢一間名字嘅小食 舖頭 所以喺香港見到我覺得好奇怪就走入去又要試一試 當然啦價錢就畀大陸嗰邊就貴少少啦因為香港經濟問題啦、但係食嘢方面呢就同大陸 有啲唔同 因為佢係家庭式嘅製作麵食呢一種親切感 上次我哋一家人去我同我老公呀奶奶呀又去食我奶奶就好鍾意食豬手就叫咗個炸豬手啲皮好脆但係呢佢個心係好 林 啫 連 我 奶奶 都覺可以食得嘅，即係老人家都可以食得嘅咁我覺得呢一樣係好嘢，我覺得幾推介呢一樣炸豬手 其餘比較出名嘅就係小雲吞仲有就係蒸餃子啦都好有水準 另外呢都幾鍾意佢嗰個下午茶餐呀嗰啲雞髀炸薯條呀嗰D飲嘢呀都幾經濟實惠嘅幾抵食嘅所以如果你話講小息嚟講呢一間嘢呢我都覺得係值得推薦

行過好多次想試好耐，今次終於第一次黎食原盅燉湯都係$30，又夠料，真係好抵今次試咗佢個烏雞燉湯燉湯選擇都多，店員都會推介烏雞同乳鴿比女士，服務都算幾好蒸餃子雖然無乜汁，但幾好食，一籠有成八隻咁多仲有配埋個汁點餃子，個汁小小酸小小辣好開胃，配埋餃子好夾...... yummy 推介炸雞翼同豬手 雞翼同豬手都係即炸架，上枱熱辣辣，又夠味雞翼一碟$28 有四件，全部即炸豬手外脆內軟，真係好好味 ，而且$28 都係有4件咁多添估吾到平民價錢有咁嘅水準下次想試炸雲吞同豬腸

好耐之前已經收藏依間鋪頭 但一直都唔順路無去食 今日終於去試下最岀名係蒸餃 $26竟然有8隻 好抵呀😍😍又熱辣辣 個饀都幾好食 雖然無咩肉汁 啲拌面都係廿幾蚊碗 仲要份量適中 好濃郁 啲面好彈下嗚依家香港地廿令蚊食碗又飽又好味既面真係好難所以性價比真係好高決定下次冬天黎飲下佢啲燉湯