泗益

Open Now

Now Closed

今日放假，諗住入嚟赤柱食大牌檔，點知未食已一肚氣入到泗溢，人不算多，除了我和朋友二人，沒有人等位，等左三分鐘有位坐低坐低左有個似外藉傭工的女士收了之前的食物，但冇抹台，無問題，我用紙巾自己抹，食大牌檔，預左想落單，向伙記示意，伙記搖一搖頭，指一指廚房的女士，我見佢忙緊，唯有等佢出嚟收錢先，點知她第一句：而家唔落住。好，我唯有等，香港情懷，對於七十後的我值得的但在等待落單（不是等食物！）的途中，有三位仁兄分別對著㕑房位説，二佬，我要xxx,xxx(落單）我於是走向廚房，想有樣學樣，但男仕（我相信是二佬）很忙，唯有又坐返低，希望女仕（應該是事頭婆）再出嚟收錢可以幫我落單前後坐左十分鐘，事頭婆再出現在眼前，我女朋友説了：唔該，幫我寫野（絕對正常tone)....之後，事頭婆説：你收聲先我心諗人地打尖落單我都冇出聲，我地等左十分鐘好聲好氣嗌落單，你竟然我地收聲最尾當然係起身走，頭也不回

復活節假期第一天，到赤柱暢遊想起好幾次行到店門已售罄的西多士，今日天陰陰過去碰碰運氣希望能夠品嚐美食12點半嚟到赤柱市集，可能天氣唔穩定中午時段大街人潮稀疏，走進鐵皮屋的“泗益”出奇地只有二枱食客，好多位置任我坐，今日真係有運午飯時段仲有咁多位。點了“免糖漿西多士”、“豬扒包”、“餐蛋麵”、“凍檸茶”西多士唔使自己加糖漿，老闆在制作時已用他的獨門秘方加了甜，甜度洽到好處唔會過甜，配上牛油麵包鬆鬆軟軟熱辣辣，美味非常 ，唔係自己怕肥真係一件唔夠喉想食多件眼見老闆制作西多時是件即叫即做，認真制作的小食 豬扒包~包包其貌不揚，但食落包脆肉嫩，配搭起來齒頰留香, 好食 餐蛋麵是香港茶餐廳的美食，泗益的餐蛋麵蛋煎得半生熟，保留了蛋的流心，餐肉是圓形一塊好大塊，其它茶餐廳已經好多係半塊，好鍾意圓形餐肉呀))))麵同湯底都係普通，但整體個麵都好食涷檸茶~我自己口味要飲少甜少冰，少甜茶唔苦澀，有濃濃的茶香味，茶底好靚，調到一杯唔苦澀有茶味的茶底，一定係茶葉、煲茶、沖茶有一定的功力，制作上花個功夫，真的用心 舊式排檔天氣熱焗時只有風扇沒有冷氣進食時比較熱，但看見老闆和老闆娘制作認真，樣樣也是美食，流點汗

泗益大排檔真係由細食到大不得不提嘅當然係佢嘅蛋牛菠蘿包啦香滑嘅炒蛋加上鹹牛肉，再配以烘過嘅香脆菠蘿包，絕對令你食唔停口不過要食都好睇緣份架，週末嘅時候好多時早上11點幾就賣完啦食飽咗當然要配返杯香滑奶茶啦！泗益大排檔嘅奶茶用自己特別調配嘅茶膽，茶味非常香，而且奶味濃郁其實好味既又點止依2款呢!泗益仲有即叫即做既西多，不過佢要1點半後先會供應可以話蛋牛菠蘿包同西多真係不能共存啊 哈哈!依種係大排檔嘆茶嘅享受今時今日真係買少見少啦

看到了「泗益」的招牌就知道這是老字號，裝修都有點殘舊，但非常有舊香港的味道。這邊點餐我是直接向在廚房炒蛋煮麵的老闆或者闆娘點東西，因為他們比較忙，較少顧及樓面，別以為他們服務不好，其實這裡都頗有人情味～餐蛋菠蘿包 |本來想吃最愛的鹹牛肉蛋包，但是鹹牛肉已賣完了T^T～幸好這個午餐肉是厚切，咬下去啖啖肉而且蛋也很滑，最重要是菠蘿包表面很香脆，又鬆軟，也沒有失望～不過午餐肉鹹了一點點。咖央西多士 |多士的咖央很香但較甜，不用下糖漿都夠味。喜歡吃甜的都會很滿足～但整個西多士炸得偏腍身～必飲熱奶茶 |我和朋友都點了茶走～實在是很香滑！茶味濃，奶的份量也剛好，有時覺得用鍊奶沖奶茶，奶茶會更有張力，口感更好，而且不像白砂糖那種單調的甜味～這個真的是必點！但建議大家如果不是想充飢，就不要點麵食了，因為也比較普通～

香港雲雲茶餐廳中未搵到一間嘅西多士,拍得住哩間咁好食。同老闆講我係專程來食西多士，因為實在太懷念。後來同老闆傾起上黎，請教佢點樣整，經他講解，了解到真係要花好多心機去製作。多謝老闆。每次到赤柱一定來朝聖，就係為左哩碟西多士。寮屋仔型大排檔係香港真係碩果僅存， 冇冷氣師傅兼老闆係後面低頭默默做到大汗搭細汗，煮出舊香港當年的風味與情懷｡

來到赤柱，大家都會想起市集，也會想起沙灘。而食方面，來者大都會被海邊的一眾英式酒吧西餐廳吸引走了。不過，在赤柱市集的一個顯眼處，有一個小小的大排檔也是吸引著遊客的。內有兩個檔位，一個是賣粉麵的，另一個是我是次拜訪的茶水檔，說明一賣晒當天準備的東西就會收檔的《泗益》。 一個小小的排檔，充滿了魅力，許多識途或或細心看過旅遊書介紹的本地及外地遊客，都有摸過來。說真，這《泗益》可以說是赤柱飲食的一個朝聖熱點，令人覺得更神聖的，就是遲半點來都隨時會賣晒，冇得食。 西多士，是《泗益》的名物，十個來者有九個都會叫一份。我在等待食物時，看見店主不停地手打蛋漿，而且是逐份西多打，令大家都看得出，這西多是功夫之作。 對! 我點了一份西多，同檯的兩位哥仔也點了一份。厚厚的，鬆泡泡的，同一般食慣的西多士有好大的分別。內心有果醬，所以店方說明這西多是不需要加糖漿的。預先交叉型切開了四份，加點牛油，入口鬆輕香口，充滿了雞蛋香的麵包西多，令人返尋味。 中午，肚很餓，所以一坐低就立即叫了一碗麵。沙爹牛肉煎蛋公仔麵，是許多茶餐廳/茶檔都做得出色的美妙食品。這兒的沙爹牛有少少與別不同，因為這沙爹牛冇乜汁，沙爹的味道緊緊地

好耐都冇散散步四圍走走，今日忽發奇想入赤柱行街街！咁多人讚好埋揀呢間囉！叫左一個五香肉丁出前丁，個麵煮到淋晒，麻麻地，不過好在勝在肉丁夠多，似一碗比一罐！重點出場，咖咉多士，好差好失望！油淋淋，咖咉少到冇咩味，個牛油係冇意義！收成三十幾蚊，一點都唔值！食落口只係一件普通西多士，仲要好多地方都好食過佢，極度失望！反而個鹹牛肉三文治治好味！滿滿的鹹牛肉，加蛋一齊煎，香脆的麵包，竟然係驚喜！總括黎講，都唔貴，係多士又貴又唔好食！

年初五的這天，小公主同朋友走咗入嚟赤柱享受新年的氣氛，離市區遠遠的...朋友好想食嘅呢間餐廳，大約早上11點左右到達，地方比想像中難搵，因為係個鐵皮屋下面，經過真係會睇漏眼。明明睇餐廳應該開咗，不過出面有間水果檔的阿姨，卻告訴我們兩點左右再來，還未開舖。所以大家去食嘅話，聽聞好似每日開嘅時間都唔同，唔好預早餐時間嚟大約兩點左右，真的再回來這間店舖，門口已經有人龍，大約五至六人左右，等左大約15分鐘，入邊嘅座位比較少，環境上比較逼....朋友話一定要試西多士！所以落order，一份西多唔該，因為肚餓緣故，每人點左一個麵，朋友的餐蛋麵，我的肉丁麵。仲加左杯凍檸茶，飲管好長，同隻杯完全唔襯，不過係幾好飲(朋友仲話有d 肉丁味，夠晒風味）笑了！廚房聽閒就係老闆同老闆娘兩個，因為人客好多佢哋兩個都踢晒腳，老闆娘負責上菜同整麵，老闆一個負責西多士最有趣的是：每次上菜的時候，嗰碗麵，個杯野飲，都好似飛埋嚟咁，喺枱度溜冰咁。如果呢一間係高級餐廳，呢一點絕對不能接受，不過呢間比較細小又狹窄嘅餐廳，我又接受到個麵普普通通，中規中矩冇咩特別，因為本身想食沙嗲牛肉，午餐肉都冇....好似剩係得火腿蛋同肉丁，所

去赤柱一半為左睇風景，一半為左吃西多士。臨走前來買，等足八个字仲末俾我。完全冇服務，收左錢就黑口黑面不理會你，問二三次都冇反應，一直話要等，等到其他顧客都吃哂离開都不理人——不堵住佢個出餐口可能都依然唔打算俾我嘢食。西多士好油，吃住同飲油冇咩分別，叉起西多塑膠碟下面一汃油，咬一啖炸嘢用油滿嘴都系，夾央唔算出彩，淨係死甜，仲有D甜過左頭。講好听D係有油香，講難听D係完全唔得。來赤柱食一次算過，食到一肚氣，冇第二次。

初四入去赤柱行個大運, 順便到鐵皮大排檔食超出名既西多士, 咖央多士。 因為所有食品都差不多係由老板一手包辦, 咖央多士好快到左, 而西多士就等左差唔多二十分鐘。 等待期間, 見到老板用特制既方法好用心去整西多士。 西多士黎到外型吸引, 但食落口, 總覺得有一種燒鵝醬既味道, 個人覺得麻麻地。

今日年初五到赤柱工作，見赤柱很多商戶食肆都關門，懶懶地就到附近的大排擋買碗魚蛋粉。通常魚蛋粉咁容易整既野，都好難會食唔落口既。今日的確令我感覺到一山還有一山高，俾我遇到呢一碗啲粉碎哂，得三粒魚蛋，用清水來煮既魚蛋粉。新年流流，好心你啦！

成日都到人講呢間小店，聽聞仲會有好多人會專程去食。卡比仔今日一於去試，一落車就見到佢，但如果唔係記得個名，就咁行過可能會忽略呢家小店，因為其實個門口，只係鐵皮屋黎，裡面空間亦唔算大。食呢d 風味野，當然愈地道愈好。而且野食好好，由其西多士外脆內軟，入面熱呼呼，牛油靠西多士的熱力慢慢溶化，西多士上台已經切好6件，加上糖漿一流，係必點！碎牛蛋菠蘿包好特別，其他茶餐廳都未食過，好香好軟，即刻食覺得好好食。豬扒都好好，呢餐性價比超高。

上星期六返完半日工，一收工就飛入赤柱，咁啱係lunch時間又未食飯，一落小巴就嚟咗食泗益。咁大個仔今次係第一次正式入赤柱行，亦都係第一次食呢間鋪。今次叫咗個咖央西多士、豬扒包、凍檸茶同埋凍檸水。由於小弟對於凍檸茶有一份執着所以講講杯凍檸茶先。呢間鋪既凍檸茶個茶底比較清，飲落口果啖茶味好快消失，唔係代表唔好飲，只係小弟個人鍾意濃茶味d。之後就試個咖央西多，有好香既油香味，唔會太多油係口，由於上2星期食完某店既咖央多士，所以好自然會將今次個咖央西多同個咖央多士做比較，雖然西多還西多，多士還多士，但我都係鍾意早2星期食既咖央多士，因為咖央味比較出d(歡迎搵返我之前寫既深水埗某店食評，就會知我講邊間）。豬扒包方面，就正正常常，值得一提既係塊豬扒都將厚身。其實果日仲係隔離買咗碗牛腩撈麵，下次搵機試下再寫埋食評。

本來滿心歡喜，去排隊食呢間西多士，最後變咗一肚氣。去到見到排隊唔緊要，好嘅食物係需要等待，排左20分鐘終於入到去坐低，諗住終於有得食，點知完全冇人理我地🤷🏻‍♀️ 好啦當佢忙，都冇問題，於是我地不停搵人落單，兩個啊姐叫左十分鐘都唔肯落😡最終好似求佢咁，先勉為其難喺隔離枱問我地食乜！我真係當佢最強大腦記得都算喇，點知轉過頭又唔記得晒問我地，其實佢根本就冇落過單🤷🏻‍♀️同枱兩個女仔仲慘，陰聲細氣，都唔知啊姐有冇察覺佢地存在過。最後等咗大概半個鐘，我哋杯茶終於到咗，再過多三個字個面都到埋，然後個阿姐就過嚟收錢。吓，但係我哋仲有兩個西多士未到喎lol 我就開始大聲同佢講仲有兩個西多士，連埋面兩個女仔仲有三個。個阿姐發爛渣，話廚房個師傅做得慢，要鬧唔好鬧我，根本喺度扯貓尾。講真，間鋪其實10張枱都冇，而廚房根本冇野出，真心唔明兩個阿姐忙乜嘢。最後5分鐘，個西多士終於嚟到，完全冇特色可言，非常失望。麵包係一pat粉咁，賣相又好差，食完嬲到即刻起身走人。未試過食茶餐廳要等個半鐘先可以食到野！第一，強烈建議平日被上司欺壓嘅打工仔，唔好去呢間食店受氣。第二，出邊是但一間茶餐廳嘅西多士都好過佢！

哩度嘅西多士 真係好好好食呀😍🤩但次次經過都係排哂隊嘅 但今日好好彩 今次唔洗排隊 所以就即刻入左去 即刻叫左兩碟西多士🥚🍞由於係即落柯打即製作 所以真係需時 但真係值得嘅heehee☺️唔好睇佢同平時出面嘅西多士無咩分別 其實味道真係好唔同的😋🤤👍🏽👍🏽炸得好靚好金黃色 真係好香蛋味🥚♨️又好軟熟呀😄😀哩度嘅西多士🥚🍞係唔需要蜜糖嘅🍯因爲入面已幾有咖央的了 啲醬料都幾多下的嘿嘿 甜度已經有了👍🏽😀西多士上有一舊小牛油食嘅時候記得搽勻 咬落嘅時候 食到牛油 咖央 同西多士 真係好正👍🏽👍🏽要再encore!!!!!非常出色呀～～～