泰妃雞 (Closed)

我呢期興嘛。月前在星洲吃過幾次後上了癮, 星馬泰式咩都殺啦。是晚趁來摩利臣山上堂之便, 慕名來吃。6 時許來到, 小小的店已給擠得水洩不通, 寸步難行。一坐低, 目標明確, 就是泰妃海南雞飯, 附飲品一杯, 要凍檸茶($40)。海南雞飯不到5 分鐘已送到面前, 雞已去骨(雖仍吃到少許附在肉上不能去掉的骨), 約有半隻雞脾份量, 加上黃澄澄的油飯和惹味泰式雞汁, 煞是誘人。雞肉件不算厚身但也嫩滑, 也不是很肥。油飯香味稍欠, 不過不要緊, 主角其實是香辣的雞汁, 相當刺激, 可以稍為中和飯的油膩,之不過味精倒是有一點點。檸茶嘛, 純粹解渴, no comment。如今泰國人開到成行成市, 這兒也開了第三分店在附近, 分分鐘在香港食泰式海南雞飯比在泰國還容易!! ^_^

老豆突然來電, 話係金鍾等我放學, 接了他們, 慢慢行去灣仔, 行一行太原街街市.欽點了這兒做晚飯之地, 人多雞多, 鋪窄路窄. 等位, 如要等好耐, 好不自在.幸好只是等一檯, 一入去, 不需要打開餐牌, 海南雞飯兩客, 再加一個泰式炒通菜.海南雞飯味道沒變, 但雞味差左. 又難怪的, 現在好雞難求, 只求"they do chicken right". 個醬汁超正, 兩碟醬最後"乾了塘", 俾我地點哂.後悔炒了通菜, 因為灼一碟只是$15, 炒要$32.....地方可惜, 太小了, 如果大一點, 坐得舒服, 又唔同. 見到三角街有分店, 但始終, 都是老鋪好.

d服務好差...知唔知咩叫以客為尊!同幾個朋友去食...有幾個叫左lunch..有d等食下午茶..因為唔係好餓...點知有個男waitor話下次等下午茶要係外面等!!咩意思先...又唔係唔幫襯你!!又唔係差呢個位!之後走果陣唔知開門個制係邊..搵到後行出門...聽到個似老闆ge人話"企係度門係唔識自己開"!!!你話係咪差呀d服務!個客都未走..就咁樣講野!!就算d野有幾咁好食!!都唔駛旨意我再幫襯!!

食海南雞基本我只係鍾意食去骨的，好時去得太多所以黎試下呢間係港島區既泰妃雞，可能因為下午五點幾去到，客人不多待應話我鍾意坐邊都得，一黎就即叫一客海南雞飯，餐飲要例湯，雖然係一般中式例湯不過呢度水準我覺得唔錯，飲o左成半碗先開始食個飯，個飯一睇落去賣相其實好一般，有感覺d雞油飯會係一舊舊咁，但一食落原來唔會真係痴埋咁，雞油香又夠，另外d雞都好好食，大部份都好滑，連其中一兩舊雞胸都唔會話太過鞋，只係唔知點解有其中一兩舊d骨去唔乾淨，好彩情況唔算太過份，另外個醬汁雖然唔夠同心果度咁好食，但都算係相當唔錯的，埋單四十蚊我覺得都算抵食的。

我喜歡吃雞，看見泰妃雞這麼多人等位，就去試試，店子很小，食完就要走，坐近路旁就會俾人「撞倒」。不過我們叫了海南雞飯，的確好好味，雞好嫩滑有雞味，配黃薑飯，不太肥，可沾上醬汁，不過不沾醬汁都一樣美味，套餐的雞都不少，配很濃的例湯(不是滾水湯) 只是$42，是我們愛食雞人士的不錯選擇。

魚佬係灣仔行街之後, 順手買左半隻泰妃雞加送($80)隻雞已起骨, 好在唔肥. 多肉, 連雞胸都幾滑但Ｄ點雞醬比之前浠. 得個酸味, 一Ｄ辣都無. 連唔食得辣既魚佬都話唔辣. 有Ｄ失色

和朋友行街去食晚飯,朋友多番推薦這間餐廳所以選擇了這家餐廳,我們3個人不用等就有位坐,我個人就叫了波蘿炒飯,再另外加$12凍飲原本打算叫$38有6串的串燒,但考慮到朋友的身體狀況及怕份量過多,所以打消了這念頭我們不用很久就先來了飲品和飯波蘿炒飯:可以簡單地用一個爽字來形容炒飯夠入味爽口,而醬料充滿香味而不會辣肉鬆,波蘿,蝦和雞肉增加成個炒飯的口感另外,我也試了朋友的豬頸肉,口感真係非常好,咬落彈牙清爽而且有種味道適中的豬肉味,總體而言,呢間鋪頭比較細同擠迫,加上有不斷的食客在外等候,繁忙時間不宜久留,而一般飯類要另外加$12換凍飲,有點不便宜不過,味道方面的確有所保證下次有機會再去的話,一定要嘗試十分抵食的串燒飯套餐或是當店最出名的海南雞飯

lunch 食o左三角街果間好唔得,晚上要試埋總店d雞先得,鋪內好似好迫,叫o左手撕雞翻屋企食,可惜...雞= 皮太肥+ 雞冇雞味+ 唔彈牙+ 有d梅= ...Sorry ! That's not my bowl of chicken !!

昨天，灣仔會展舉行國際貓展，老公一向是貓癡，每一年都必定捧場，昨天當然也不例外，我們在會場行足兩小時，既疲倦又肚餓，於是參觀完畢後，當然不是買貓糧，而是沖沖找地方醫好我們的五臟廟。當然又是我當響導，帶領老公沖上去雞竇。請各位別想入菲菲，我所指的是去灣仔一處有雞吃的地方吧了。到達時剛好是五時四十五分，這是最理想的晚飯時間，因為過了六時，必定逃不過排隊這宿命。侍應安排了地方坐下，我們便「柯打」了兩碟泰妃海南雞飯餐\(HK$38/碟)，包括番茄薯仔例湯。整碟海南雞飯的靈魂就在他們的泰式醬汁。海南雞沾上泰式醬汁即時提升雞的鮮味。雞身連雞皮很嫩滑。除了雞翼這部份外，其餘部份也全部去骨，我一向不喜歡帶血的海南雞，此處你可放心儘情地吃。飯有雞油香，再將醬汁淋上雞油飯，的確味道不錯。記得蔡瀾曾說過「食雞唔食皮，不如唔好食雞」，我相信很多人也同意他的講法，尤其識食之人，但現今很多人郤擔心吃雞皮時會一併將膽固醇吃下，因而怕影響健康，我可推介大家一個既能吃到雞皮的味道，又不用怕吃下膽固醇，方法是先將雞皮放入口內咀嚼，直至每一個味蕾都嘗盡雞皮的鮮滑味道後，再將咀嚼完的雞皮吐出，方法雖然會令部份人反胃，但像雞皮

上週六龍在西貢、灣仔兩頭走，體力消耗不少，會展後陪他去找吃的。我們本來屬意新景園的，走到泰妃雞時卻想起海南雞很好評；反正龍是個海南雞飯迷，便立刻轉軑坐下。慳返少少腳骨力!　由於入座時間算早，人龍尚未出現，一袋二袋的我們被安排就坐四人卡位，幾舒服!週六黃金時間食店的turns很重要，店員也會催單，不過語氣很好，我們很明白也一點不介意，就快快手揀了海南雞飯($40)，以及時令推介的咖哩羊腩飯($40)。　海南雞飯的切雞肉地嫩滑，黃色的雞飯泛淡淡油香，龍幾喜歡；不過我還是較欣賞肉地較實的雞+濃濃油香的飯。　反而咖哩羊腩飯是估不到的美味。紅青黃咖哩中我揀了青咖哩，味道濃郁又香口，廚房功力極高；加上半肥的羊腩煮得香稔，一啖一美味，絕對是意外之喜。本來我不覺餓，咖哩羊打算是叫來給龍加餸的，卻因太滋味而全部清碟了，對我而說是超難得。　再加檸茶奶茶各一杯，飽得很了。偶爾為之好了，之後為了影相，真的要食少點減肥啦!

見有咁多人推介,啱啱行完188,使往試吓。一行三人,叫了半隻雞,串燒套餐,生菜包,炒介蘭。半隻雞$70,但味道一般，雞肉腍,沒有雞味,還有雪味,要点汁才能遮盖雪味。黄油飯都ok,串燒是炸的多過燒,但味道都ok!

I have tried many chicken rice in HK , I think this is the best I tried with the yellow rice.Although the environment is a bit tight, well preserved chicken attract me to go again.

三十幾蚊個海南雞飯連飲品...晚餐喎, 好抵! d黃薑飯好香, 不過有d乾, 但d雞好滑, 整體來說, 已經係好好味!! 仲好食過係新加坡所謂最出名既海南雞飯, 下次想食海南雞飯一定會再去! 另外又叫左碟馬拉盞通菜, 炒得好香, 但好咸...喜歡濃味既人可以試下...依家仲開左間分店係大有商場對面既"三角街", 仲方便左, 下次再去!

這晚到新伊館看表演，便來此店吃晚飯，取其速度快也。雖然店內通道極窄，讓人坐得滿不舒服，但要快和方便就不得不將就一下。本來打算點半只海南雞二人分享，另外再配點其他東西便算，猛然瞥見餐單上有泰式豬手飯（店家稱為「泰式滷豬腿飯」），馬上改變主意，點了海南雞飯和泰式豬手飯各一，另加一碟鹹魚炒芥蘭。海南雞飯別的食家都介紹過了，只想談一談這泰式豬手飯。這豬手飯外觀非常有泰式風味，滷至深啡色的豬手，其骨膠豐厚的外皮十分誘人，滷汁的顏色和伴碟的酸菜，都甚具泰式豬手飯的架勢。味道方面有七成似，豬手肉未滷至最入味，滷汁則比較淡，不過外皮嫩滑，吃後嘴唇有黏黏的感覺。最差是那酸菜，像沒醃透乾巴巴的，不吃也罷。

尋日，係灣仔太原街行完，想搵d新野食，過兩條街見到泰妃雞，有泰式海南雞，好新奇。其實不太似，中式海南雞，不過雞油飯都幾香，雞有少少\"鞋\"，整體都ok。另叫一碟馬拉戔通菜，相當香。見廚房阿姐燒緊豬脛肉好似幾正，不過太飽，無食到，下次可一試。