泰妃雞 (Closed)

禽流感陰魂未散，簡直叫海南雞教教徒有雞吃不得。秉承藝高人膽大o既智慧，食o左先算。呢到令我諗起不愉快o既回憶同埋上o左一堂食家課：新開張o既舖頭，要等多幾個頭幾個月先好去試，質素同質量先至會穩定落黎。上次試o既海南雞飯，已經由鞋sap sap變o左做滑溜溜，叫人興奮；無雪味更加令人神往。雖然雞肉份量依舊少，點都有d失望，不過食埋個油飯都好夠飽。油飯無印象中咁油，都不失為好貨色，$36連餐茶，海南雞教徒從此又多個地方參拜了。唯舖頭地方真係豆潤咁細，快d擴充營業先夠應付。

今日ｏ係灣仔諗唔到食乜，又唔係太肚餓，所以2個人去左泰妃雞度食。好多friend食過都話正，今次終於都有機會試試兩個人只係食左海南雞飯，芥蘭炒脆肉同青檸梳打。海南雞飯相當唔錯，同一向食開既勝利小廚絕對唔差太遠，我反而鐘意呢間既汁多個勝利小廚添!!至於個芥蘭炒脆肉，本來都以為唔錯，芥蘭相當之嫩，點知個脆肉就....... 唔單止硬，而且食落成口都係油"益"味，仲衰過o係大陸食用千年油炸既野!!本來都諗住算唔出聲，但實在唔忍心再會有其他人受害，所以臨走埋單先出聲!!!

龍舟節要留守家中作少許家居維修﹐完成已過中午。從九龍過海﹐由中環跑到灣仔﹐結果想吃的﹐全部都沒有營業。漫無目的地行到泰妃雞﹐反正未試過﹐就這裡吧﹐填肚要緊。餐牌也算多選擇﹐但假期沒有平價午餐﹐想要下午茶餐時候又未到﹔最後散叫了雞絲湯河﹐另加八元有一杯椰汁冰。湯河份量不算小﹐湯底濃淡適中﹐加點乾辣椒粉後是頗正宗的泰式口味﹐河粉是港式的﹐比較軟身﹐雞絲有鮮味但可惜太碎且不多。一般泰式湯河﹐做得好的總會有一大塊煮得入味的蘿蔔﹐有這塊蘿蔔﹐整換湯河會“精神”得多﹐但這裡的湯河則蘿蔔欠奉﹐所以賣相及滿足度都要扣分。反而椰汁冰很好喝﹐雖然說穿了只是糖水溝椰漿再加冰﹐但如果三者的份量不對﹐太濃太淡或太甜都會很難飲。這裡的椰汁冰很對我口味﹐希望不是一時“撞手神”吧。而服務可以說是"完全沒有" ..進店時見到店員半坐姿地把屁股挨在檯邊借力﹐然後卻又安排我坐那張感覺上"餘溫尚存"的檯﹐真有點倒胃﹐我當然換坐另一檯﹐反正吉位多的是﹔而由我把店員叫過來下單到店員離開﹐店員是完全無發出過任何聲音..連簡單應有的應對也欠奉, 幸好不用加一服務費﹐否則我一定抗議。雖然, 我看到像是老闆娘的, 親自招呼客人是頗親切有

去過呢間泰國食店好幾次,覺得味道不錯而且都算抵食,所以值得介紹.曾經些過幾樣o野食:海南雞飯-當然要會一會呢個係點題菜,係嫩,係滑,亦都無骨,但略嫌雞味淡一點;飯碟頭夠亦帶飯香味,幾好.泰式炒金邊粉-惹味,亦有足夠份量,都夠2個人食o架,乾濕程度亦控制得幾好,我都幾喜歡食呢個粉o架!冬蔭公湯河-講真我自己就真係唔太識欣賞冬蔭公湯,所以好難客觀比到意見,但朋友試過立即愛上,我亦試過,如果係追求鹹,酸,辣o既味道平衡,呢個又真係做得到.青咖喱羊肉-羊肉就可以不提也罷,個青咖喱反而都仲有可取之處,算幾香亦都試得出係有heart做o既咖喱,唔係好似出面咁,做到辣但冇o左咖喱o既深層意義.小食拚盤-記憶之中有最大路o既泰國小食,蝦餅,春卷,紮肉...之類o既o野食,都係中規中鉅,好好唔係,好差唔算,真係唔知食咩或者口痕想食o既時候先好叫喇.泰式濕炒-其實都係粉麵炒完之後係濕濕地上碟,完全冇分別o架同其他.整體o黎講可以一試,而且服務都幾好,係算有比heart服務你個種,老闆娘亦都會介紹同解釋佢o地o既o野食比你知,到時你就知道其實好多咩炒粉麵金邊粉其實係冇分別,只係麵質唔同...哈哈...即係話

呢間鋪頭我想試好耐啦,次次都俾佢窗櫥啲雞吸引住,而且好多時都有人等位...今日(5月6號)行過見未係太多人,就即刻搵埋媽咪嚟試下1)海南雞飯+例湯$36 (雞嫩,飯不油膩)2)肥牛金邊粉$22,另加椰汁珍多冰$8 (肥牛正)二人共消費: $66

去到灣仔, 乘機一去呢間分店食下啦, 見自己成日食雞飯, 叫下新野青咖哩雞飯先$36飯跟飲品, 都幾抵, 但係等左都好耐先有得食, 碟內有好多茄子, 雞都算多, 雞有d鞋同overcooked, 但係個青咖哩真係令人好失望, 因為一d都無青咖哩香又無辣味, 以葡汁多過咖哩啦....同行友人食過豬手飯, 見佢食呢個招牌貨咁好食, 即刻好想食番個招牌雞飯......同埋呢間灣仔店好似比旺角個間的portion大d喎~~不過呢間迫好多~~

23/2(四) 1pm男友過黎灣仔申請passport,順便同我食lunch.路過此店見有海南雞飯,於是二話不說入此店一試,環境頗逼迫下,咁啱有張2人枱既客走左先有位坐.我地要左海南雞飯連凍檸茶$36,香茅豬排金邊粉$22.海南雞飯油飯挺香,有咬口,雞肉頗嫩滑.香茅豬排金邊粉---豬排夠腍身且入味,金邊粉相當滑!湯底清而不淡!檸茶亦合格!$58無加一.服務一般.recommended!!!

又係陪老公OT時間，吾知食乜，去左對面幫襯。地方淺窄，最後一張枱要坐門口，小心比人撞倒背脊，門口塊膠簾1. 泰式海南雞飯：飯味夠香，不覺得油膩，陣陣薑味，不錯；泰式雞肉一陣香料味，更令開胃，白肉部份略為"鞋"了一點點2. 串燒飯：豬、牛、雞各一串，沒什特色，汁屬一般

1月23日14:45食過忌念筒繼續往東行，本想到靠得住食粥，搬店後魚腩粥加了HK$2.-，哼！我罷食抗議。便轉到這店，小店一家，約有廿個位，那橙色小梳化幾舒服。這時段仍有六成滿，生意幾好。店用雞做主打，便要了雞絲金邊粉。金邊粉：幾彈牙，配有少許芽菜。雞絲：醃得入味，稍(鞋)口。有客人想點即炒的正價麵食，但因師傅已落場，伙計介紹了海南雞飯，賣相不錯。粗略統計，在廿分鐘內，客人分別order了三個海南雞，四個雞絲金邊粉。

今晚特意同媽走到灣仔去依度食飯..去到見到都幾多人係出面等位...一入到去,,店舖不大...都幾迫//叫左2個泰式海南雞飯,1碟菜,1個小食拼盤.個海南雞飯真係好正...雞好滑...黃薑飯真係好好味架...又唔會好似其他咁好油..小食拼盤有:春卷..新鮮炸起..都幾好..蝦餅...都係新鮮炸起..蝦味好足..好正串燒..牛同豬..都幾好..香葉雞..一般啦..包2個湯..

老實講,間舖坐得真係好迫,D人出出入入幾影響,至於食物,叫左兩款招牌菜,泰妃雞飯及紅咖哩魚餅飯,兩款都好掂,愈食愈想問無理由雞味新鮮成咁架,配埋黃薑飯簡直一絶~至於紅咖哩,裡面有埋茄子,熱辣辣食得出即整既,但茄子同魚餅都好入味喎,紅咖哩味道濃郁,正~

看見其他食家對泰妃雞的好評，很有信心地去試試，店子很小，不是吃完飯閒聊的好地方，但還未到晚上六時，店子已經很旺，幸好不用等位。我們叫了海南雞飯、沙爹雞絲湯河、凍檸茶、凍咖啡。湯河的湯底非常香甜，很清，卻不淡，不似是味精的香甜，河粉很滑，雞絲又嫩，沙爹的濃度剛剛好。海南雞飯的雞好嫩滑，煮得很入味，沾上醬汁，非常好味，飯煮得很好，不會像一般的海南雞飯油淋淋。凍咖啡就麻麻地。埋單六十餘元，很抵食。

o的雞都尚算嫩滑，不過個飯真係黃薑飯? 我o個日食唔到有咩味，似係有顏色o既白飯多o的....

去完職業訓練局路經此店, 睇下d雞掛晒係度, 好似幾好就入去食la , 就試下過泰妃海南雞飯,話起招牌菜wo 包一杯飲品泰式飲品加$5蚊, 咁就試下三色冰.佢個飯原來係黃薑飯, d雞有雞味佢個雞汁也幾好味, 三色冰有馬蹄~波蘿~ 椰果.不過當我食到一半時, 突然有一位小姐大叫, 一望有隻"小強"係牆上...., 仲係好大隻, 個位好似係老細立即係咁拍不過打唔到=.= 之後唔知去咗邊了.整體個餐算ok , 不過衛生真是要改善, 連我去廁所都見到有小強, 希望佢吔 旺角開新鋪真係搞好d衛生!

中午搵地方吃lunch ,都唔知食嘜,想食特別嘢,咪走入去試吓。都幾得喎,好過吃茶餐廳。的雞飯都幾好味,對於喜歡吃雞的我就至啱。至於個飯都唔錯不太油立立,都抵食。下次都會幫襯的。