泰妃雞 (Closed)

雖然同媽咪只食過3次,最鐘意食肥牛河加冬蔭公湯底,湯底夠味,唔係太辣,但係食過泰式海鮮炒飯,太辣(我都已經食得好辣)完全每食一口就要飲水,以後唔會再食li個飯,今日可能會再去食其他款式

星期六下晝同女朋友去試下佢個海南雞,同埋叫o左個沙爹牛肉金邊粉:本來已經坐得唔係幾舒服o家喇,d位好窄又多人出入,之後個海南雞飯黎o左,大失所望- 賣相只是一般,加上飯同雞份量都好小! 食落口,個飯較乾,唔夠香。個雞肉質只屬一般,但點下佢個汁,味道都okay o既。食食下望到出俾其他枱o既海南雞飯,有d竟然好大碟!d雞同飯滿到呀,差唔多係我個碟o既1.5倍!是"大細超"定係品質不隱? 無論係咩原因,都令我覺得$38唔抵食。個沙爹牛肉金邊粉,d 牛肉都okay o既,但金邊粉偏淋,可能煮得耐o左D,而且我覺得落o左唔少味精。總以言之,水準只屬一般,港島區實在太多浪得虛名o既餐廳了....

上星期和朋友到泰妃雞食晚飯，卻遇上從未想過的恐怖經歷!!! 我和朋友坐在店內中間位置，當我們點了食物后，我發現小腿上有異樣，低頭竟看見一隻直徑5厘米的在小腿上爬行，我嚇得彈起並立刻將大撥到地上。泰妃雞的職員見到這個情形，便以極速用腳將大踩死，並撿走屍體，情景極度恐怖嘔心，令我們胃口全失!!! 這間食物質素普通，衛生情況卻這麼差的餐廳，我以後一定一定不會再光顧了!

某日同男朋友去行188﹐去開灣仔﹐又諗起前排好似係<飲食男女>有介紹過既呢一間野﹐咁就入去試試啦。鋪頭細細﹐但係因為已經係三點幾﹐所以都唔係話好多人。我因為唔係好肚餓﹐所以兩個人淨係叫左一個最出名既海南雞飯啦。賣相OK。。。(但係海南雞飯賣相認該都唔會可以係差啦嘛﹖﹖) 我"畢"左少少黎食。。。"嘩~~~乜咁既﹗﹗@.@!!!" D雞得個滑字﹗無尼味道﹗一D雞味都無﹗D飯仲衰﹗﹗乾爭爭﹗﹗真係想問佢雞油飯D油去左邊﹗﹗成碟飯好似係度乾哽咁﹗﹗卒之要問佢儸多碟醬黎撈飯﹗﹗問你死未﹗﹗﹖﹖睇見我男朋友好似食得好勉強咁。。。真係有D唔係咁開心。。。好辛苦咁終於食完﹐諗住談0下情﹐點知個亞姐唔知佢有心定係乜﹐不停咁走埋黎﹐收完碟又走埋黎加醬油。。。之後仲直情走黎堆0下我哋張檯。。。話移返好D喎﹗﹗﹖﹖@.@!!!R爆頭﹗﹗咁我哋都係見無乜人先留多陣嗟。。。又唔係霸住你張檯~~唔使咁0下嘛﹖﹖總括黎講﹐呢間野一定再無幫襯﹗﹗亦都勸大家無謂特登去食﹗因為真係一般過一般﹗﹗>__<""

昨晚和媽媽特定到此一嘗海南雞飯, 因為曾經經過給掛著的黃色雞吸引.我們叫了海南雞飯, 濕炒海鮮河及油菜.雞的份量比勝利小廚多一倍,但雞雖滑但沒有雞味,油飯不正宗,兩間都沒有黑醬油,不算正宗海南雞飯, 只係泰式雞飯吧!河粉都ok,價錢算平,要求不高可接受, 但我不會再回頭.

特登由銅鑼灣行落灣仔試下呢間既海南雞飯﹐8點幾去到﹐鋪頭幾乎坐滿﹐我地要搭檯﹐好鬼逼。試左海南雞飯同埋海鮮濕炒河﹕海南雞飯﹕飯完全唔夠香﹐雞同好時一樣無咩雞味﹐但又唔夠好時滑﹐好失望。海鮮炒河﹕唔算油﹐熱辣辣上﹐幾多海鮮﹐配埋D酸酸地既汁﹐幾好。總括來講我覺得呢間只不過係一間好平凡既東南亞餐廳﹐唔明點解咁多人食﹐亦唔會回頭。

為雞而來，但是看見麻麻的賣相，已不抱太大期望。雞肉不鞋，不過味道頗淡，只靠那碟醬汁支持。作為招牌菜，我倆就不大滿意。反而蝦膏炒飯更令我歡喜，簡簡單單的沒有幾多材料，只在炒飯上面加塊炒蛋和放一些肉鬆。蝦膏放得不多，讓炒飯散發不太濃烈的蝦膏味，對我來說是剛好的，夠香了。$36一個套餐，沒有加一，不算貴，不過再要吃海南雞的話，這裏不會在考慮之列。

曽獨自來過這裡吃廿元的下午茶餐. 一大碗雞絲金邊粉. 覺得很抵食又好味, 所以今天跟友人來這裡吃個晚餐試真些.這店很多人. 位少而且很窄. 我們等了十分鐘才有位. 三個人每人叫一樣菜- 海南雞飯, 青咖哩雞及泰式炒金邊粉. 再加一大碗冬蔭公.海南雞飯真的不錯. 雞是油淋淋的. 但黃色的飯並不油膩, 很好吃. 雞很嫩口且肉滑, 雞味也香鮮. 青咖哩嫌料少了些. basil 只得一塊, 整碗咖喱沒有basil 味. 茄子是普通的中國茄子. 整碗咖哩只是很重椰奶味及咖哩粉味. 一點也不辣而且雞也很少. 泰式炒金邊粉的粉不錯, 但炒的不夠香, 跟我上次來時吃湯粉的口感差不多. 又是一點也不辣. 小雪藏蝦肉色透明且腸也沒有洗淨, 賣相很差. 冬蔭公的料算做夠, 很多lemongrass 和幾隻不好食的小蝦. 但沒有辣味, 奶味也太重.叫了凍飲, 結賬一百五十多元. 也算經濟. 不過這裡的泰式食品真的唔得. 下次再來只會吃雞.

介紹d 同事去食lunch, 坐到好迫, 6人要坐4人枱, d伙計有位都唔比我地轉. 碟雞飯幾好味, 不過就肥左d同少左d啦. 轉飲特飲(桔蜜)要加$5, 就比較貴喇.

日前在Openrice 見到KC兄嘅食評介紹泰妃雞，KC兄係Openrice嘅台柱，佢介紹到一定有啲保證，所以我同阿K專誠到呢度食晚飯。到達時候人不多，我地嚮舖頭前望過吓啲雞，睇落又真係幾好味。一坐低就毫不猶豫點咗泰妃海南雞飯、再加一個小食拚盤、咸魚炒芥蘭同埋冬蔭公。與下面P.J.嘅經驗不同，雞飯一啲都唔鹹，都冇味精(我皮膚冇異樣)，要更正嘅係啲飯正如KC兄所講，唔係雞油飯。據一位泰籍友人所講，正宗泰式嘅雞飯係唔會落雞油，而係用雞汁去肴。雞唔肥，但係唔知點解啲雞肉好滑，不過雞味不明顯，要點啲泰式酸甜醬至夠過癮。冬蔭公亦做得不錯，配料頗足，一大碗都有四、五隻蝦，配上香料同辣椒，係驅走我體內寒毒嘅良方。據阿K所講，呢度嘅冬蔭公同佢嚮泰國食嘅有少少分別，就係比較creamy，所以冇想像中咁醒胃。小食拚盤有炸蝦丸、春卷、香葉雞及串燒兩串。蝦丸同春卷由於係炸嘅，所以幾香口，不過有啲油膩，可能唔係咁啱女士食；香葉雞亦係香口嘢，難得嘅係入面仲保持到豐富嘅肉汁，一般嘅就整到好乾；咸魚炒芥蘭火喉剛好，如果少番少少油更佳。埋單$156，好合理。睇吓餐牌，半隻海南雞要七十幾，與嗌一碟海南雞飯比較就顯得冇咁抵

看了KC兄的食評，挑起了我和男友的雞飯癮，今日下午專誠拜訪。男友點了海南雞飯，$36蚊原價連熱飲，我們加了$5蚊要脾位。雞肉OK滑，雞味OK有，過我和男友都不欣賞這裡的雞油飯，超咸超味精，食白飯好過。我點了魚旦米粉下午茶餐，$18蚊連熱飲。魚旦有五大粒，無expectation底下覺得幾好，$18蚊算超值。

周五的艱苦修練完，人也近散開，肚子空空的，要快去吃東西。之前經過這裡，已很想試這裡的海南雞飯，但多數都擠滿人的，望門輕嘆。是日雖然近十時，人客都不少，還好一個人可以搭檯，人未坐下已經叫了雞飯。雞肉已拆骨，油油潤潤的，賣相不錯。這裡的雞肉是暖暖的，足證流量快，不用攤凍至捧客。肉質嫩滑，點上泰式醬油，再下點辣椒魚露，就更冶味。吃海南雞，一定要連皮吃，才夠精彩，這裡的吃落夠爽脆，吃得一口油香，很好；飯是雞汁飯，非雞油飯，偏硬身，很合個人口味，味道調得不錯，吃得很稱心。但見冬蔭公賣相也好，配料豐富，下次再來要吃這味。連青檸梳打一杯，埋單41蚊，水準不錯，物有所值，難怪午市是擠得水洩不通。人常說「泰式」或「坡式」或「星式」的海南雞，吃得多自然知，其實都是同源，這裡的雞飯，都吃得過。

一年前食過紅咖哩好正,今日專登走去食,點知見到個廚師推介-正宗泰式咖哩牛腩+法包,$58貴左D喎,其它餐都只係$36,不過心唸一定好味D既~點完上,眼完唔多對辨......又杰又黃,似港式咖哩喎,一試真係大鑊,絕對港式,牛腩同咖哩竟然係分開煮,完全唔入味,法包更加不知所謂,又硬仲外暖內凍,不知所謂!!我一路食一路嘈,俾$58食D咁既野,又冇餐飲,茶餐廳咖哩分分鍾仲抵食夾大件,各位街坊下次小心,咪叫所謂正宗咖哩~~

我本身都係住係灣仔,所以泰妃雞對我來說可謂非常就腳,亦因為係咁,所以經常幫襯.最值得推介的是這裏的泰妃雞,在門口已見到女廚師將隻雞拆骨,所以食起來啖啖肉,而且每一舊都好似係雞脾肉咁滑,點埋個特色酸辣醬就真係無得頂.之前好多人推介食泰國水門區的人妖姐姐雞飯,我都特登去食過,都係覺得呢度好食好多!!!而且唔好叫雞飯,因為會得好少雞,最好叫半隻雞再叫其他飯麵就最正啦~~~

昨晚我一行4人黎到這店叫了：拼盤半隻雞4杯特飲金邊粉豬頸肉油飯逐個品評喇！拼盤：有春卷2 件 串燒2 串 雞2 塊好味！串燒較好春卷不太特別半隻雞：我既朋友好好奇點解隻雞is cooked但係都咁滑！就算你食到飽晒食返塊雞個陣味也是咁特別！令你食完又想再食！特飲：還可以啦~OK金邊粉：呢個我第一次食幾好！給我既印象是ok既呢個金邊粉好香牙有d唔知花生既味仲知有百味好香口值得一試！豬頸肉油飯：油飯就ok不太特別最重要是不太油豬頸肉方面我就好鐘意因為好好味個d肉好有味道這全是那兒既waitress 介紹既都值得一試！我下一次也會再去既！