泰妃雞 (Closed)

専程來試雞飯, 坐位好逼, 我們坐門口2人枱, 果個位置已經好熱, 身旁的玻璃廚房內有位女士不停大罵其他員工的速度, 真令客人好煩躁!!!海南雞飯~飯好似生米咁好硬冇味, 雞都冇水準, 只食了半碟, 真係冇得同勝利道比, 就算般含道的馬來亞餐廳和太古城food court內的xx澳門餐廳都好味過佢!! 拼盤炸春卷蝦餅~好油, 只食了兩件!!冇下次!!!

第一次去食！唔錯！好味！有學生餐！$24... 好抵！d雞好香好正！一定會再返去食！

上星期去完職業訓練局開會後覺得有些肚餓, 正在找食店時, 經過一間新泰國菜舘,便入去試試. 地方細細, 但幾舒服及清潔. 叫了碟招牌菜-海南雞飯, 真係好味, 雞很嫩滑不膩,飯香又不油. 與以前食的海南雞飯很不同! 於是走時也買一隻雞及一盒飯回家給家人試試, 價錢經濟又無收加一. 家人也話好好味: 雞很嫩滑, 飯香又不油, 還有"恬" 雞的汁, 酸酸地很開胃. 真係值得一試!

好味! 鷄肉很嫩滑,黄色飯有很香的薑味,送飲品或例湯,也只是$36,份量足,價錢平,不加一,是個不錯的選擇.值得一提是,連例湯也很好喝,不是一般味精湯.

睇雜誌介紹過,所以就去試吓叫了一客招牌雞飲,果然好介紹喎,雞很滑,飯又香,最正就係唔貴囉地方都很舒服又清潔。

店鋪細細，有d迫，環境衛生尚算合格。雞飯，飯有點硬，印象中西貢和勝利道的也不錯。拼盤炸春卷蝦餅等炸得有點油，冬陰公幾好，蝦又唔梅。因有人等位，食得頗匆忙，美中不足也。

我同朋友路經泰妃雞門口, 看到內裏裝修很別緻, 所以就入內一試, 雖然地方細細, 但坐位很舒適. 我們叫了一個海南雞飯/炒雜菜/串燒/紅包冰/三色冰. 味道都唔錯, 因為海南雞飯的飯身很爽, 沒有油淋淋的感覺. 都很有泰式風味, 價錢都好平民化, 又唔使加一, 都底食.

成日行過都好想試，今日下晝專登去。。。失望，好失望！叫咗海南雞飯，泰式的，碟飯一到，只見到好似手撕雞大小小嘅雞碎五塊，雞翼骨半條，飯係黄色的油飯，冇味的，叫咗杯青檸梳打，根本冇青檸，離譜，總共四＋一蚊，大家唔好再係度海南雞飯啦。。。

有一日出開灣仔, 黎左呢度食野.叫左一個海南雞飯, 沒有黑鼓油, 取而代之的醬係有點酸酸辣辣, 這種應算係泰式海南雞飯吧!? 水準唔錯, 雞油飯夠香, 而雞基本上係去骨, 但有一舊係連骨的. 至於味道, 我覺得都算不俗.連埋杯奶茶, 收$36, 我覺得幾抵食.