津津食店

Open Now

Now Closed

自從入咗港大之後，住hall令我每晚都要搵嘢食，因為自己唔識煮，每次練完波，我哋都會落西環食嘢。師兄師姐話津津好食，就帶我哋去食咗第一次。呢間餐廳係食越南野，我嚟到食咗咁多次，最鍾意都係春卷撈濛！永遠春卷都一定係熱辣辣嘅！佢個汁好好食。所以食咗咁多年就算而家畢咗業，去到西環都一定會搵返佢！大家快啲去試吓

今晚想黎個快食，嗱嗱臨食完個晚餐返屋企，聽朝好早要起身快食有咩好揀，食碗越南粉最抵玩，以前讀書嘅時候最鍾意去津津食，今日返去回味下個味道<烤豬肉串香腸湯金邊粉$48>烤豬肉串係我嘅最愛，豬肉好彈牙，配上惹味醬汁，燒到香噴噴真係冇得頂個人鍾意食金邊粉多啲，因為金邊粉冇河粉咁肥之餘，又唔會好似檬粉咁難夾<雞絲墨丸湯檬$44>女朋友叫咗個雞絲墨丸湯檬試咗佢幾嚿雞絲，唔會係鞋十十，質素幾好街坊小店，人情味濃厚，要多啲幫襯

津津晚飯鬆一鬆、食飯食得好歡容又事隔年幾無嚟過，又去食下晚飯，睇下仲有無keep到水準。價錢大眾化，份量亦足夠，味道也算不錯：記得之前係到食既時候，佢哋既咖喱🍛汁確實幾好味，但今次唔記得食😂———————-🟪招牌皇牌金邊粉：🐷豬扒、🐔雞翼、扎肉、香腸…金邊粉滑溜，雞翼味道夠香，扎肉味道恰當，香腸正常，但豬扒味道太多「拿」過的味道，這個味道就有點兒差一點😅😅如果沒有「拿」得太多（類似梳打粉，令肉質鬆軟的「拿」味，其實小小可接受，太多就失去原有肉質的味道😅————————- 🟫清湯牛腩飯：有白蘿蔔配料，牛腩炆得夠焾入味湯清甜，做得不錯😊————————⚫️油菜：灼菜心，夠爽又夠甜————————🟩炸雲吞：炸得香口夠脆，點上喼汁更加匹配和惹味—————————🟨炸墨魚丸：彈牙爽口好味道😋———————🟧咸🍋檸檬忌廉： 🟥鹹檸檬七喜：飯後喝一口，咸檸檬七喜，再來個忌廉，做人咪奄尖😂————————開心🥳⋯⋯就係咁簡單

邊間咖喱好味？我覺得呢間真係唔錯，每次嚟都必食咖喱牛腩飯！咖喱可以配唔同嘅嘢，例如牛腩、牛脷等。不過咖喱牛腩係最受歡迎嘅，甫坐下已經聽到order咗幾次。餐廳位置唔算多，午餐早啲嚟都唔使等。咖喱汁濃郁，牛腩配埋牛筋，送飯一流，飯嘅份量好多，一個男仔可能都食唔晒。小食一啲都唔失禮，越南蔗蝦好有驚喜，蝦肉炸起包住蔗，咬落去仲有蔗汁，一啖有兩個味道。食個咖喱牛脷撈檬又得，加個可樂大熱天時即刻唔熱啊！又抵又好食，下次再encore！

之前係薄扶林既時候最愛搭多兩個站去食津津，貪價錢公道又好食，平時點開香茅豬扒濛粉，不過朋友話牛脷飯先係呢度既招牌，叫我一定要點黎試下，所以今次點左碗咖喱牛脷飯，如果真係冇介紹錯，好好食呀！牛脷唔係度度都處理得咁好，建議來到津津不妨試試！

堅尼地城其實都好多野食架～推介一間價錢平民嘅餐廳比大家先！就係津津食店啦！喺呢頭番工，有時星期六都要番。星期六已經唔想番工架啦，重要成日屈喺office就更加唔想。所以我會出街食lunch。呢度價錢平民又好食。有飯有湯河。叫左個香茅雞翼湯河，可以揀湯底，揀左咖喱汁。雞翼有三隻，炸成金黃色，單睇外表已經好吸引，流曬口水啦！😍D香茅雞翼真係好香，皮脆肉嫩。河粉好滑，同埋咖喱汁一齊食份外滋味😋。咖喱汁有咖喱嘅香味，唔會好辣，怕辣嘅朋友都食得落。黎呢度食個靚lunch就係我星期六番工唯一嘅慰藉啦～🥰

多味精津津一日去到堅尼地城，辦理私事到下午，成日冇粒米落肚，極度肚餓。堅城好多嘢食，為已發展舊區。選擇多，唔似大商場全部都係連鎖店。但地鐵開咗後已經好多好嘢無做。因為唔熟地頭，就隨便衝入街坊小店醫肚。疫情期間，店內特定幾張枱貼了不准使用，但店員無理會照叫客人入座。枱與枱之間不夠1.5米，衛生防疫措施麻麻。叫咗碗火車頭，大碗飽肚，配料有牛丸、牛肉片、牛脷、牛腩及牛筋。件牛腩勁大血水味，茹毛飲血般。食完好口渴，好多味精。應該唔會再去。

朋友搬了去堅尼地城，所以以後吃飯有飯腳了太感動了。冬天就是想吃點暖暖的，是而且重點要非常飽，絕不能輕食，所以在樓下找了一間街坊越南餐廳。津津看起來就如一般的茶餐廳，但其實他的越南牛肉湯河的湯底，以大量牛骨熬製而成，非常濃味，性價比極高。先呷一口熱牛骨湯，湯底鮮甜，滋養潤喉，肥牛薄薄一片，熱湯入口十分鮮甜。津津的咖哩牛舌也是無敵，厚厚實實的牛舌，配上金黃咖哩，不太辣而味道豐富，牛舌彈牙，非常入味。👅

雖然都知道係平民越式食店，但係平民還平民，都唔可以求求其其，馬馬虎虎。我哋叫咗三樣嘢食，分別係，鮮茄牛脷飯、香茅豬扒撈檬、鮮茄牛腩(小食)。叫咗三樣嘢食，三樣嘢食都唔好味，咁樣就知道呢間鋪頭嘅水準，係唔掂。鮮茄牛脷飯，個番茄汁唔係淆出嚟嘅！而係蕃茄水咁嘅樣，完全係稀nel nel，牛脷一條條嘅，完全係唔入味。香茅豬扒撈檬，個豬扒睇起上嚟好靚，但食起上嚟肉質好乾好硬，個檬粉都係好硬 加上啲"綠林汁"先叫做好味啲。鮮茄牛腩， 同之前個牛脷一樣呢個鮮茄醬完全都係番茄水溝出嚟嘅，牛腩又煮得唔入味，蕃茄一舊舊，完全都唔淋。呢一餐啲食物，唔好味！我覺得個廚師係，求求其其，馬馬虎虎，是是旦旦。

鋪位細細 但都有好多位又坐得唔迫點餐係用紙點 選擇唔算特別多 不過第一次黎就冇所謂啦叫左個津津皇牌飯配豉油汁 咖哩牛脷撈檬 青檸梳打 咸金桔蜜 個皇牌飯有雞翼 扎肉 豬扒 同腸仔 飯就好多 不過肉嘅份量差啲 唔夠滿足感 豉油汁都唔係好夠 不過我諗可以問佢再加返啲不過個撈檸就非常好 份量唔輸俾個飯 而且非常好味 一食就停唔到口 個咖哩牛腩係分開上 咖哩汁都調得幾好 唔算好辣 除左牛脷 再俾左幾舊薯仔 牛脷亦煮得好林 咁樣偶然簡單又一餐 又食到越南菜 非常好

Good 燒賣 Suace is well infused into themBut fishball taste a bit dullLack of rich fish flavour But price is relatively cheap$10/10

今日lunch Time經過呢頭，見到有間越南餐廳，於是決定買個外賣試吓。-🥢香茅豬扒飯，咖喱汁一打開個飯盒，完全見唔到啲飯，面頭全部都係菜同埋已經切好一嚿嚿嘅豬扒🤤🤤🤤撥開啲菜同豬扒，發現有好多飯，亦都有好多咖喱汁。豬扒屬於比較厚身嗰種，炸得唔錯，唔乾有肉汁，香茅味亦都好出。咖喱汁食頭嗰幾啖都冇乜辣味，但係辣味越食越出，咖喱味亦都好香，覺得佢有獨立炒過啲咖喱粉先至再整成汁。以呢個價錢，味道同份量來講，絕對值得翻兜👍🏻下次可以試吓佢啲撈檬，聽講都唔錯的。😁

鐘意周圍去尋找美色的我，殺到去堅尼地城，由以前舊區發展到今日已經有地鉄出入方便的堅島，我點可以唔去😬😬一間小店坐位亦算ok，服務亦算不算😊咖哩牛腩配豬扒飯津津招牌朦津律招牌朦——唔使再唸餸，已經有四個餸，香腸、雞翼，荷包蛋、豬扒，配埋咖哩汁，實在惹味，呢到既咖哩汁又香又夠味😋咖哩牛腩配豬扒反，豬扒香口，牛腩炇得夠焾入味白菜🥬———用上湯去灼的白菜，灼得夠鮮甜，又爽脆，又不會過老，灼得時間剛剛好，好味道😋最愛吃昵到既咖哩汁，😋😋😋😋😋青檸🍋梳打——甘熱既天氣，解喝一流近排天氣忽冷忽熱，喉嚨有點不適，飲呢個咸金桔🍊蜜就啱曬我👏👏👏👏👏

朋友係堅尼地城住，入去搵佢食飯，佢就帶左我去津津，話一定要試下牛脷飯但我對牛脷有小小抗拒，最後都係點左香芧豬排撈朦，朋友就要左牛脷撈朦朋友話唔係度度有得食牛脷，最後係朋友力勸下試左一舊，果然好好味，一試愛上

朋友介紹尼堅尼地城呢間小店度食越南河，先會知道呢間店，都幾多人食，唔洗排隊但入面都唔係話好多位，睇尼都係街坊熟客豬肉串撈檬豬肉串非常之香，份量有3串，都比想像中多幾好味，豬肉好香撈檬都唔錯唔記得係咪叫招牌河，總之就有幾款送既~有豬扒、雞翼、扎肉、腸仔扎肉係黑胡椒味，D味都幾勁豬扒好食，冇梳打粉味，亦幾脆，唔硬雞翼都幾香腸仔就都係平時個D啦整體都唔錯，份量都OK，唔會話好細兜，不過價錢就中等啦，唔係話好平