津津食店

Open Now

Now Closed

之前食過，覺得幾好食，又大碗，介紹比同事之後佢又好想試，終於試到喇，今次覺得麻麻地，無咩味，叫左皇牌湯濛粉，啲粉好碎，硬度就岩岩好，有雞翼、腸仔、豬扒、扎肉，係清湯，好多濛粉，炸雞翼只有一隻，扎肉兩片，腸仔一條，切開一半，豬扒一塊，剪開幾塊，好鬆軟。午餐時間好煩忙，所以等左一陣，侍應好好甘幫我地安排二人台。入到去係台面攞紙攞筆圈想食嘅野，然後比侍應，好方便，點菜紙亦好清晰，一人填一張。叫佢比多隻碗，啲碗有啲污穢。上菜都幾快。

今天只係想同大少簡簡單單食一餐飯。好開心可以翻兜津津。上次食完津津，已經話下次要試佢地個肉餅飯，今次終於可以試吖。我地叫咗豬扒肉餅飯同埋雞翼肉餅飯。我一直諗肉餅係點嘅呢⋯⋯原來係炸扎肉餠。味道不過不失，可能因為係同大少食，哩餐食得好開心，好好食。為獨美中不足係,大少個碟豬扒肉餅飯唔夠色。。。如果可以再多少少豉油,咁就好啦。一段小插曲，我本來係叫雞翼肉餅少飯、但係嚟咗豬扒肉餅少飯，佢哋都肯換，但係新嗰一碟雞翼肉餅飯係勁多飯。可能佢哋太忙如果額外要求未必跟得咁貼。

堅尼地城既味道, 會係咸咸既海風? 大學既書卷氣? 還是舊城市既人情味? 啲咁深奧既嘢我就唔識答喇😜但每次係堅尼地城遊走, 我都記得呢陣傳千里既香茅豬扒味; 係街尾已經聞到; 就算搬咗舖, 只要靠個鼻就LOCATE 到佢既津津食店🌬️係堅尼地城十字路口一旁, 津津係一間老店風格, 無多餘裝修, 用上最簡單既白光燈💡 有部小電視📺 MENU寫晒係牆; 小店估計20個位左右, 唔算闊落, 都係比街坊醫肚既格式, 唔係文青店比你坐足全日個隻🤐唔駛GOOGLE都知係食佢香茅豬扒河🐷另外有咖喱腩撈檬🐂同越式炸肉餅, 仲有小試佢既咸金桔蜜🥃撈檬上枱唔止鬈鬈既檬粉, 仲有跟埋菜同蒜片; 咖喱牛腩就另上, 撈完汁既檬隻色好得意, 有少少似螢光筆咁, 但又唔係嚇親你; 牛腩份量好足, 大腩係碼4-5舊😯, 筋都有3舊; 自已小食檬粉, 不過佢既味道都吸引到我咬多幾啖😍香茅豬扒河湯底係越式STYLE 帶住少少油既清湯, 同外邊唔同係佢無加啲辣椒, 青檸比你; 本身湯底係已經夠濃😬然後河粉滑滑溜, 戲肉係個豬扒, JUICY, 香味當然勁過你係街度聞啦, 厚薄度適中,  入面滲左佢啲湯底, 咬落去小小鬆化未至

有朋友講津津食店係西環必食嘅餐廳之一，今日我哋食晏時，特登來試。佢哋而家餐牌有好多選擇，花多眼亂，越南菜係佢哋嘅主打。大少就叫左津津皇牌飯，我就叫咗必食嘅咖喱牛腩飯再加雞翼。我都知道佢哋唔係真係越南菜館，當佢係一間茶餐廳比較適合。津津王牌飯，有雞翼，豬扒，扎肉同埋腸仔，再加豉油，大少就話味道不過不失如果多啲豉油有就更加好。雖然我都知道咖喱牛腩係佢哋嘅主打，好多食客都會要多咖喱汁用來撈飯，係我自己唔係怕肥所以叫咗佢哋少汁。講真個句，佢啲咖喱真係唔錯，有牛腩亦都有牛筋。牛腩夠林亦都冇肥膏。追加嘅雞翼亦都好好食。呢一間津津色店，好明顯係街坊生意，味道唔差，價錢大眾化，選擇亦好多，怪不得朋友都講津津食店係必食店舖至一。

西環老店，由細食到大，每樣野都係咁好食，非常正宗既越南菜，無論車仔麵定係咖哩都係咁出色。個人最常食既係津津皇牌飯加咖哩汁。津津皇牌飯裏面有香茅豬扒、香茅雞翼、扎肉、香腸、菜五樣野。每一樣都整得好出色，首先係香茅豬扒、香茅雞翼呢兩個都炸到非常脆口，而且用香茅去處理左，十分美味。而扎肉就非常爽口而且好好味。配合埋自家製咖喱汁，根本係人間極品。另外個人推介依度既咖喱雞飯，佢D雞塊非常多而且啖啖肉，加埋咖喱根本一流啊。呢度既車仔麵都好好味，一定要加牛湯，每樣配料都係咁好味，不能盡錄，總之就係好好味啦！

津津算是西環街坊食堂，不論我什麼時候到來，都是滿滿的客人。每次來都是餓著肚子，然後捧著肚子回去。 皇牌飯（豉油汁）皇牌即是有雞翼、扎肉、香煎豬扒、腸仔，其實可能配搭檬粉會更為合適，不過我是一個飯桶，所以很難逃離魔掌。不過，咖喱汁比起豉油汁更為出色。豉油淡而無味、更沒有香氣，就好像吃了一整碟又乾又硬的白飯，難以嚥下。 生牛肉河絕對是堂食的皇牌，你總不能夠外賣一個生牛肉，那會變成Well Done的牛。九層塔、香茅、青檸及辣椒都令它成為色香味俱全的越南粉。另外湯底非常濃郁，不知道用了多少牛骨去配製而成。 越南春卷有別於我過往對它的印象，當中餡料有粉絲及紅蘿蔔絲，感覺是吃了一個素食。然而炸得有點不均勻，調味也沒有太多。 我也堂食過數次，今次服務是最令人不滿意。第一、效率不夠。點單的對手上的Pad認識不足，站了良久才開始下單。第二、員工溝通不足。對不同員工說了至少三次以上沒有收到點單紙，在進食期間分別詢問，有點妨礙我去享受面前食物。我希望只是一個過渡期去適應電子下單，畢竟從前的服務效率高，不會出現如此混亂。 雖然位置的問題，令我跟叮叮、婆婆分開坐，但是當中也不乏談天說地，難得跟叮叮到處逛到處

有次家姐買比我食，一直念念不忘，於是我就去左食lunch~~印象中，他們好似搬過鋪，新店亦都更好坐～一碗撈檬滿足我多個願望🤣🤣 #津津皇牌撈檬 $44 入面有齊豬扒、雞翼、扎肉同腸仔，全部都係我中意食既野😛😛......其實都係每樣一件，但一次過食咁多餸係開心Ｄ既：Ｐ豬扒金黃軟腍，雞翼乾脆，扎肉薄切，仲有炸蒜粒同生菜絲，令到口感豐富，夏天就係想食啲酸酸地開胃既野😗😗👍🏻津津食店地址：西環卑路乍街55號地下

今日咁鬼熱又想清清地食個麵首先鎖定越南粉點知越北太多人排咁就重返津津懷抱 堂食!!!我大約1330到 由於叮叮未到要人齊先入坐我就唯有等 等 等終於開動子生牛肉湯檬(3.5/5)不錯喔~~~~又有青檸汁比你吱落去小清新牛肉亦都好滑夠新鮮豬扒撈檬(2.5/5)唔係話唔好食但比我會簡我會簡皇牌因為樣樣有 夠豐富青檸梳打(5/5)叮叮情深推介佢糖水比出面甜少少中和番青檸既澀味短時期食兩次津津原因就緊係 好 好 味下次餓啲一定要食飯我好似係第二次咁講今日既叮叮好美呀架著太陽眼鏡看你緩緩地走過來有一天 我會伸出我的手握緊你

西環=叮叮叮叮又介紹我食好野行過幾次都食飽左今次終於可以試下係炎涼既天氣底下推介既一定係皇牌撈檬(5/5)材料有腸仔 豬扒 扎肉 雞翼份量十足 又多料仲有好多青瓜絲生菜絲 食完咁多肉都唔覺濟雞絲撈檬(3.5/5)清清地 岩哂懶人一族因為冇骨其他出名既係依度既咖喱我下次都心郁郁想試下因為今次係外賣 希望下次可以試下堂食不過外賣既話 撈檬係first choice唔會淋哂又唔會凍左我好開心食到小店保留自家既特色以最樸素既食材整成最美味既食物叮叮成日驚我唔鍾意食但原來我就係你既二分之一鍾意食你鍾意既食物 人都一樣最緊要係個心

幾年前office仲係西環，差唔多個個星期都會食津津。Office搬左之後一直無再黎，後來先知原來津津搬左去對面。依家有大約6-7張枱，坐得舒服過以前好多，所有野都好新淨。唔知係咪太奈無食，我覺得搬遷後味道居然仲好食過之前，好似落多左d炸蒜片。呢次叫左個皇牌撈檬。皇牌撈檬有豬排、腸仔、扎肉、雞翼，生菜絲同炸蒜片。豬排依舊香嫩，炸蒜甜中有少少苦，味道不錯。依家出街食想食多少少菜都難，但個皇牌撈檬至少有生菜絲，都幾難得。凍奶茶味道正常，係睇落有少少似廣告彩。都算係津津特色吧哈哈。食完出黎見到門口已經有8-9人等位，好彩黎得早。

最近津津搬咗位，不過唔係搬好遠，搬咗去宜加隔離~成間餐廳一眼睇哂，大約得6-7張枱，坐落去有d逼，通常要等位。食物款式唔算多，我通常都會嗌咖喱牛腩飯，d 牛腩好淋同好入味，所以十分推介！！！！仲有撈檬都好好食，扎肉同雞絲撈檬都唔錯(我好中意淋好多好多汁xdxd)小食方面，食過越式春卷，同一般春卷好唔同，個皮鬆脆d，不過嫌餡太少~點埋個特製醬汁，真係好好味~不過加野飲好似要加$7，比起類似嘅餐廳比較貴，所以通常唔嗌~

我一直都以＂哩腩河＂稱呼津津食店，因為幾乎每一次都係點咖哩牛腩湯河($38)。堅尼地城港鐵站啟用後，附近變化很大，津津食店原址都變了中原地產。新舖座位多了一培，以往排長龍等位嘅情況似乎改善了少少，但搭枱文化仍然要繼續。不過新舖前身係一間好難食嘅粉麵店，或者街坊未搞清潔狀況...講返碗咖哩牛腩湯河：咖哩並未有因為湯河變得淡而無味，牛腩、牛筋、薯仔都好林(但阿姐都係撞手神，唔擔保各有幾多件)，河粉粗幼韌度適中，加幾條芽菜，整體好好味。

晚飯時間去，諗住同啲frd好好地食餐dinner見外面冇寫明齊人先入座，就同幾個frd入去坐底先坐底兩分鐘，叫左野食，仲有兩個frd未到個侍應就開始不停催我地，叫我地啲frd快啲到然後又不停走過來又望又問又催，不停比壓力我地真係好鬼煩野食就一般，幾平但由於態度太惡劣，我已經blacklist左呢間垃圾Honestly, this restaurant's servicing is utter crap. Don't waste your time eating here.