洪記

Open Now

Now Closed

從來無食過咁差的魚蛋粉👎🏻👎🏻今日特登慕名而來去試雜誌推介香港十大魚蛋粉之一的洪記....實在太失望⋯⋯落單嗅串不特止，要等20分鐘先有得食，仲以為有咩好嘢食.....超! !!! 點知魚蛋腥嗅霉😖，其實睇見粒魚蛋爆同裂開左已經心知不妙， 賣身已經好唔得。 好彩佢醒目咁埋辣椒油，唔點辣椒油簡直食唔到！魚皮都唔知似咩，食咗一炮硬炸粉，簡直言語之間無法形容。唔通睇錯左係十大最差？究竟佢有咩咁出名？ 差差差，絕對冇下次👎🏻👎🏻👎🏻

諗住熟食中心d 野應該ok, 就求其搵間， 點知好難食。 佢得魚蛋麵同粉賣，叫左碗麵，完全無口感， 蝦子麵泥既，唔係手打麵。 d 魚蛋都ok, 魚片就無口感，又係軟既。d 湯我懷疑係味精湯，越飲越口渴。價錢唔平唔貴，一碗29, 相比起大埔其他麵店呢個價正常。 新蔡潤記好好多， 而且平過佢。

好失望 呢間魚蛋粉在新街市可以立足咁耐都幾神奇 一埋位話要等半小時 因欽記唔開先食佢 點知又中伏 等左最少十五分鐘 真係好多人食 我相信好多都係摸門釘先退而求其次 講返今次出品先 河粉唔滑 魚蛋又偏鹹 同鮮甜彈牙距離相差好遠 嬲嬲地下次行遠少少去食蔡潤記系列好過起碼未試過食魚蛋會腥 又有得雙併真係好正架 唔似今次既湯底淡而無味啦 炸魚皮又勁細碎 浸得耐魚皮跌哂出黎 變左油左好多 係魚片叫做好少少 但係都無補於事 希望大家可以食好d 唔好以為多人食就係好野

洪記的魚蛋粉較清淡，食完不口渴。魚蛋細細粒，一湯匙可載四粒，入口軟身；魚片爽口惹味多一點；厚身炸魚皮較平常所見的碎，份量算多，香脆好味。今時今日，一碗魚蛋粉集齊魚蛋、魚片及炸魚皮，買少見少，遇上就要趁機食。舖頭獨沽一款食物，多數客人入晒自動波，拿拿林食完就埋單走人，唔期望得到窩心服務。熟客當然例外，人未埋枱坐好，店員已搶先代為落單，亦會主動同熟客吹水。人人獲分配的辣椒油用豉油碟盛載，完全唔辣，奇。

十年如一日賣既都係獨孤幾味，魚蛋魚片炸魚皮粉麵，縱使味道強差人意、劣評如潮，但依舊客似雲來 ﹗不變既定律，幾十年 lunch 都依舊人山人海、人頭擁擁，要等好耐先有得食呢 ﹗好采我一個人好快就搵到位喇。塞到水泄不通，仲要好多人企係度等位呢，咩日子咁巴閉呀 ﹗見到隔離鴻基茶水檔有個位，唔理咁多叫份雞扒多士食住等啦，呵呵。雞扒多士再黎兩碗鴛鴦，唔係好過份啫，大滿足！魚蛋鴛鴦走蔥，洪記哥哥姐姐好耐無見喇，出品越來越差喎。雖然香噴噴呈上，但湯底無咩味道，清淡如水。辣椒油不香不辣，淨油又無渣，非常淡口。魚片腍劈劈又鞋烚烚，白淨魚蛋結實還可以，兩者還免強保持微弱魚味道！雖然唔多好食，都唔算難食，普普通通可接受。湯底無變，只係變得較水汪汪、較清淡。辣椒油無變，只係無以前咁香辣啫。魚蛋魚片變晒，又乾鞋又腍劈劈，魚味中帶點腥味。炸魚皮最穩定，我最愛留到最尾先食，可以索更多湯更濕潤，無咁硬又無咁咸，剛剛好，夠香口。炸魚皮浸湯半硬半脆、一咸一淡都幾好食。熟麵跟河粉正常，熱辣辣嚥韌熟麵夾住滑溜河粉再淋上辣椒油及豉油都幾可口既。魚蛋麵走蔥，湯底依舊偏淡，幸好還有一絲絲既甜味。辣椒油混上豉油讓熟麵盡情地打滾，再大

今日去到好多間好食既都無開，食開欽記，今次就試下呢間係到算出名食魚蛋粉既其中一間—洪記。我都預左呢種小有名氣既舖頭服務態度唔會好得去邊，果然如此。我叫的是魚蛋河，食完想講''又一間唔知有咩咁好食，但又好多人追棒的食店"。首先啲魚蛋唔彈牙既，又無咩魚味。啲河粉反而好食啲，但係個湯又係無味既。我覺得如果個辣椒醬好食都可以搭救，但係個辣椒醬係豉油溝辣椒碎，唔辣又唔好食。最後到個魚皮，硬到好難咬。下次不會再來試了。

噢，終於試到聞名已久，大埔街市魚旦河，但食之前就要受下氣先，好彩我 EQ 高，阿姐老板態度就認真差，今時今日，自問態度良好，我問第一句想買外賣，態度奇差，答 “唔做外賣“，但係成店都係外賣碗喎，第二問，我自己買去另一間店食，食完自己拿碗回來，答“我地唔過檯“，三話 要等半小時，等得就等，令人未食就勞氣，好。。我等，上檯魚旦河，$23元碗，確實抵食，魚旦亦明顯新鮮打做，湯渴完不口渴，但魚旦食落口，味道普通，不過河粉質地好好，但隨附魚皮，太油，油膩味太重，其實生意好，亦不能對客態度如此，令客幫襯都好似變乞食。 當然無下次

又跟同事去大埔街市搵食，今次試了洪記。整碗魚蛋河，河粉沒隔離檔的滑，魚蛋是手打，但身形比較細小，吃落有點碎骨，不過很有鮮味，算係咁。魚片頭則彈牙又不用太重味精，唔錯。凍奶茶亦夠香滑，有水準。同事話食埋對面發記的腸粉，又好！

次次黎10：00未夠就收舖啦，今朝和老公黎食如心所願食到洪記，叫左碗魚蛋河食，所謂的湯底好清，原來是無味的湯底，傳說中的彈牙魚蛋去了那裡，！態度差都唔緊要，但味道真係難食！一次就夠了！

系有魚味，但系魚疍吾滑，吾彈牙，有骨碎。超市裡的四海四海都好食過佢！食品選擇可說是沒有，只有魚蛋，配的也只有河粉或麵，連米粉都竟然沒有。隨便找附近的粉麯檔也會比洪記好吃！

細細個由10幾蚊食到20幾蚊，雖然依幾年係咁加價，但無計，因為而家D靚魚買少見少，成本高左都無可厚非，個湯夠清，魚蛋又夠魚味，不過咁多年都KEEP到水準，都算係唔簡單啦。

小時候在大埔長大的我回到大埔，第一個令我回憶的就是「洪記」，從舊街市搬到現在新街市。風味不同了，食物也不同了。以前既洪記好串O家，外賣唔做，因為沒有外賣碗，如果真的想要外帶，請自備外賣碗到取。因為太忙太忙了，所有侍應都是面臭臭的，另外，等上30分鐘～1個小時都是間間地，等就等，唔等就算。可是現在搬了上熟食街市，隨和多了， 有笑容多了，可以食物沒有以前那樣好味。魚蛋時好時壞， 有時口感像回以前般， 有時真係不像樣了。 不過，老實說比起外間既機製魚蛋，實在好味很多。湯底沒有變太多，夠清夠味夠鮮， 這個是在其他魚蛋麵店沒法比得上。在洪記要麵底還是河粉底？ 可以比個HINTS大家，一定要河粉底，因為河粉質感非常好，配上夠味既清湯非常配。

這個漁蛋粉每天只賣到中午1:30 就收工, 佢D漁蛋粉既粉本身已經有味道, 每人都會有一個辣椒油附送, 就禁把魚蛋點來吃是不好味的, 要成碟辣椒油倒落碗粉到先會有個種好味道出來, 因為D魚蛋系用新鮮來打既, 個度既食客大部份都要叫2碗既, 真系好鮮味, 再加埋隔離檔既凍檸茶, 簡直系食完一碗想再食多碗。

今日一心係到欽記食的，但去到竟然無開! 老公又真係好想食魚蛋粉，聽人講洪記都唔錯，於是就試下!洪記當然無位，於是我就食其實茶餐廳拎位。老公order 左一碗魚蛋粉，伙計話要等30分鐘! 嘩! 好寸! 不過老公真係想食，唯有等!結果，20分鐘食物已送到。賣相同欽記差唔多，一心以為味道都係差唔多...點知，一食落去，d 魚蛋係好淋的，無口感!而且d 魚蛋好細粒! 另外，炸魚皮都唔夠脆，唔好食!個湯底就ok，不過不失!不過，我地食完之後真係唔明點解0甘既質素都要排晒隊! 唔知係唔係因為果日欽記無開先禁多人。我個人覺得呢個魚蛋粉0既質素仲差過一般茶餐廳! 起碼好多茶餐廳d 魚蛋都係大大粒的! 今日食完呢間真係好失望! 下次一定唔會再幫襯。

this place is famous amongst locals and rightly so because it's fish balls and soup/broth is very tasty compared to other places. their fish slices and fried fish skins are also so much superior. food is consistently good unlike other fish ball noodles stalls. one may think how hard it can be when it's just fish ball noodles but when you see as many customers as they do, you'll appreciate the food. $16 for a small bowl it's not cheap but then again, it's demand and supply and even at that price,