海記魚蛋粉麵 (Closed)

新一年第一餐諗唔到食咩又走咗嚟海記🤪新年食下雙併，叫咗一碗牛腩牛筋河走青 $44，一碗雲吞牛腩河 $44，另外加包魚皮 $21。講下包魚皮先，上次係$11，因為係跟碗粉加，份量少d 嘅。今日係直頭叫一包，所以係貴d 但份量多d，加嘅話就俾個碗裝俾你，一包就成包放上碟等你自己開，魚皮唔會好過硬同過鹹，浸一浸個湯就食得。上次碗牛筋魚蛋河睇落好似牛筋多d，不過今日碗牛筋牛腩河我都覺得夠晒大碗，牛腩仍然係好淋，牛筋夠彈牙。平時唔多叫雲吞，但其實海記個雲吞都幾好食㗎，入面係蝦嚟，雲吞唔會煮到爛晒，大家有機會都可以試下雲吞。