深井陳記燒鵝 (民泰街) (Closed)

第一次食佢下午茶餐嚇親，好耐冇食過禁好食既燒肉同叉燒，品質幾好，咬落軟硬啱啱好，D皮又脆。叉燒都整得好好食，蜜汁好香。不過，第二三次去就遇唔到個個品質既燒肉，有D失望。

諗住試吓呢間燒鵝瀬粉，門口寫住下午茶$46，比錢果陣佢收我$68。之後我問店員，佢話我呢個唔係下午茶喎份量多d,咁就是旦啦，點知，反到去一睇，份量又小，燒鵝又冇肉，好似食骨得塊皮冇下次

價錢貴，員工服務態度差，食物又垃圾，店舖有老鼠周圍走，第一次去食完，已經食到肚痛，肚屙左三日，要睇醫生，不會再去這店，已經通知食環處跟進，希望不會再有市民中招😭😭😭

黃埔新村有陳記燒鵝下午茶本想去南記，但無位黃埔陳記，下午茶＄46平過深井總店＄10但份量和美道，深井勝!燒鵝凍，皮唔太脆，味唔夠瀨粉份量少湯底唔清醬無深井咁好味行山去深井食，仲好幾位廚師一路煮，一路吹水話黃之鋒咁有錢，坐監抵死哈哈，他們唔驚暴徒衝擊舖頭!

已經好耐無入深井陳記食燒鵝，今日同朋友在紅磡見到有分店，一定要再嘗燒鵝的味道剛好下午茶時段，我們叫咗燒鵝瀨粉$46同叉燒瀬粉$40，燒鵝皮薄，脂肪少，咬落皮唔脆但肉嫩，鵝味濃郁，瀬粉份量較少及偏鹹燶邊叉燒沾滿了蜜糖的亮凙同時充滿了焦香味，入口甘香，肉質軟腍，值得一試套餐送飲品，涷飲+$3

今日咁岩經過陳記燒鵝, 見d燒鵝色澤唔錯, 就決定加料買番屋企孝順下母親大人番到去未夠鐘食飯, 母親大人已經心郁郁忍唔住打開睇下d燒鵝佢一睇面色變左:「點解咁差既, 燒得唔好, 有血既, 唔熟既...下刪一千字」..呢隻燒鵝明顯燒得唔透切, 明知唔熟都照斬俾人, 係咪想混水摸魚?? 個價接近百五蚊都出d咁既質素比客人各位如果想食最好堂食啦, 起碼唔熟既時候都可以即時同店員講, 換左佢.  如果唔係就有我呢個情況出現

疫情以來想食燒味，但係又好怕街邊燒味舖唔乾淨，經過陳記見到新舖乾淨整潔，值得一試。既然係陳記當然就一定要食燒鵝啦，買咗1/4隻外賣，拎到返屋企都仲好好食，皮燒得靚嘅，燒鵝髀好正，肉質唔錯，但係就略肥。見到燒肉都幾吸引，可以下次試吓。

新店的設備簡單光猛，大部分都是落地玻璃。店內不算很大，約20 個左右的座位。牆身塗上綠色，牆上還有隻可愛的鵝型燈，下午茶時段，人流較少，當然是叫燒鵝瀬粉，分開上枱，幸運地分到小鵝脾一碟。據了解，鵝是比鴨多肥膏的，是可接受的。一如所料，皮下肥膏厚厚的，但鵝皮燒得香脆。鵝肉軟熟味濃，可又不難咬開。唯一可惜是雖看到咁大碟，其實只有鵝腳上的3塊有鵝肉可吃，其他都是只有鵝皮可吃。燒鵝有水準，但份量不多。湯瀬粉爽滑。可配熱飲，熱菜蜜，可惜淡些而已。一個餐$46，還是可以的。