清真牛肉館 (打鼓嶺道)

Open Now

Now Closed

難得來到九龍城一定要來試頭號首選清真牛肉館，好多人都話來九龍城一定要食！一進餐廳便感受到是屬於7,80年代香港舊式餐館，點了2人套餐因爲已經包括了2大招牌菜，牛肉餅和咖喱牛腩果然係好味！牛肉餅皮薄肉汁多到湯一樣，小妹喜歡加一點點黑醋咖喱牛腩雖然賣相不佳，但味道出色牛腩肥美又入味，薯仔更為吸引我下次再來一定要試試咖哩羊腩～

今日同屋企去九龍城食清真牛肉館，之前從未食過 但係聽佢地話呢度好出名！咁所以我都好期待呢一餐原來佢有2間既一間就細d，另一間就大d 有2層 不過2間都等位等到傻咗 好在之前有bk位 唔係就等死啦最最最出名牛肉餅 梗係試先啦！一咬落去d汁爆哂出黎 一直咬一直流 係幾好食既！好juice呀！賽旁蟹！入面真係有蟹肉！我食開好似係無既得蛋白，唔知邊一個先係正宗呢？但係都好食！我地嗌咗好多食物，但唔一一介紹啦！總括黎講 質素都高既！值得一去

晚上六時多, 在九龍城附近本想吃火鍋或烤魚, 但兩個人用餐又點得不多。 結果友人A打我帶到這清真牛肉館。 他揀得真好, 這裡可以吃一些跟平日有點不同, 同時又價錢合理 (有這個概念是因為之前巳來過好幾次. ... 3次左右吧, 每次的水準同價格都合理)。這裡的環境光猛整潔, 不過好似每次來都是挻滿的。 所以一般都會被安排搭抬, 尤其是今次我們只有2人, 於是被安排跟另外兩班人一起坐。 所以如果想有些私密度, 那就不是選這裡.  基本上所有對答, 都有其他人聽到。不過這裡的好處是, 食物選揀很多, 一定要食的, 是每人一個牛肉餅。2個人, 點了2個面類及每人一個牛肉餅, 份量足夠。 友人點的粉絲湯, 一個人吃可能有點少, 我吧羊肉面條分了他一些, 把所有食物清得乾乾淨淨。  不過, 所有我們點的食物都味道濃烈. 回家要多喝點水。

好喜歡既爆汁牛肉餅❤️雖然九龍城好多好西，但次次都一成不變簡左清真牛肉館😂·🐮牛肉餅（$38@2，按件加$）咬一啖，湯汁好似比以往少～好彩仍然熱辣辣同味道讚👍🏻-🍛咖哩羊腩飯（$54）我唔喜歡羊既味道，但朋友們都話超級好食🧐試左一啖，好！騷！-🍜咖哩牛肉湯麵（$55）咖哩雖然油左少少😳但味道香帶微辣👍🏻👍🏻👍🏻薯仔索哂咖哩⋯重口味既我表示好喜歡❤️-🐮清真小籠包（$41）相比起牛肉餅⋯湯汁更少～幸好皮唔算厚⋯可以一試☺️

話就果日因為踢波比賽，場地係九龍城，甘果日收工過去早左兩粒鐘（無理由返屋企再出去架嘛...） 時間尚早又餓餓地，梗係搵野食啦！5食飽邊有氣力踢波呀！係附近搵下有咩好食，見到呢間清真牛肉館，都幾受好評，反正又未試過，甘就去試下啦～去到個門面果啲都無咩特別，有啲似茶記既格局，坐低點野食，我就點左一份炒飯+一份炒羊肉。先講炒飯個炒飯非常入味，炒得幾乾身，又5會太油，肉粒都幾多，比起我食過好多好多既炒飯都好食。 值得推薦另外呢個先係重點..蔥爆羊肉！我未試過甘好食既蔥爆羊肉，肉嫩！ 醬汁超級好食，真係好難形容，拎黎拌飯我肯定食到一個湯碗既飯... 菜又入味，超級強烈推薦！今次係甘多，下次食好野再分享！

住這那麼久還是第一次嘗這著名的店一說牛肉餅一定想到清真從第一家開到第二家聽說吃過必回味的牛肉餅今天就來吃吃看熱熱的滿是汁皮很薄不小心就破了不過就算汁流走也是超好吃的肉香也鬆軟一碟例牌的芝麻雞好香啊 又滑芝麻味道合度好處不過骨頭有點大😅再一牛肉小龍包汁汁直噴太好吃了就算放冷了也不失美味質素也太好了吧還想吃菜不過最後店員推介在下這個蝦子豆腐她說很受歡迎哈哈怎麼有西多士的感覺連吃下去也像西多士不過真的很好吃沒想到家附近有那麼高質的老字號必吃

There is no doubt that the pan fried beef bun in this place is the absolute winner of all beef based pastry in the world. The bun comes straight out of the kitchen, the bun surface is crispy on your first bite. Be very careful - the soup inside the bun is of extreme heat. One deserves a medal for trying to swallow a bit of freshly made bun. You just cannot have enough of this bun. The rest of the menu is interesting as it is a mix of Northeastern Chinese food and also local cha chaan tang dishes

三月初星期六晚上，雀局前輕食。美容後又是不定期雀局聚會，友人提議在附近先吃點東西再過去，這家大家也很久沒吃過，就選在這裡吃。九龍城為有名美食區，特別是異國菜，這家的清真牛肉餅遠近馳名。一口咬下鮮甜的牛肉汁滿溢，肉質嫩滑，餅皮煎得香脆而且非常夠熱，能鎖住肉汁。要注意的是第一口咬下要小心肉汁四濺弄髒衣服。友人另點了一個咖哩羊腩，羊腩煮得夠軟腍，但是羶味不突出，一度以為在吃牛腩，不過咖哩味道夠香濃，配白飯一絕。填飽肚子，開始決戰四方城。

<清真牛肉館 >細細個媽咪已經成日帶我去清真牛肉館食牛肉餅。到大個左時不時都會好掛住牛肉餅嘅味道😋咁多年佢地都維持到水準，牛肉餅超爆汁（Hkd38/2件，可按件加），勁 juicy, 餅入面嘅牛肉餡料亦都醃得超入味👍👍👍👍👍 另一樣必食嘅就係咖喱角（Hkd39/5隻）哩個真係超吸好味，咖哩又香又濃，外層又夠脆！👍👍👍👍👍 反而另一樣今次都有叫嘅就有 d失望，嗰樣就係海蜇雞絲(Hkd85) 👎👎哩個真係又貴又麻麻，好淡味冇醬汁，吾建議大家叫。

有些老店，有些食物，有些味道，縱使每每被人批評今不如昔，食物水準不如往日，仍然令人回味，讓人懷緬，教人難忘，久不久便想重拾舊歡。位於九龍城的香港清真菜名店「清真牛肉館」，正是這樣一間有著特殊魔力的食店，讓我久不久便去重溫它的招牌「清真牛肉餅」的美味。這天幫襯的是位於打鼓嶺道的新店，去的時候雖是中午午飯時間，店內客人卻不太多，這天雖是平日，客人當然沒有周末周日那麼多，但店外不用排隊，店內也有空桌，或多或少都可反映出「清真牛肉館」的生意真的有點今不如昔的況味。必吃的爆汁「清真牛肉餅」（$38/2件）雖然沒有當年第一次吃時的驚豔，其實還是好的，熱騰騰的牛肉餅，外層雖然稍厚，但正好密密包藏著餅裡面的惹味牛肉餡和牛肉餅的靈魂----濃郁澎湃的肉汁。才二十元不到的一個牛肉餅，仍是令人衷心叫好的出品。 「咖喱雙拼」（$90）選了牛腩和羊腩兩樣，香濃的咖喱，開胃極了。牛腩也好，羊腩也好，都十分軟腍，而在軟腍中又帶點黏牙感，兩者中，我就喜歡瘦中又有點肥的羊腩多些。 「油豆腐粉絲湯」這上海菜的家常菜式，我其實極少吃，今次要了個小的（$32），少吃果真多滋味，但覺得油豆腐、粉絲、青菜、牛肉片等的組合，輔以

唔好以為九龍城淨係得泰國野好食，除左泰國野之外，其實仲有好多好野食嫁，其中一間就係清真牛肉館喇！相信十個有九個，都會推介呢度嘅牛肉餅，每個牛肉餅都係熱辣辣嫁，成個牛肉餅充滿湯汁，食果陣要好小心，如果唔係好容易比d湯汁辣親嫁，不過真係超好味嫁！食完真係想即刻再encore！仲左牛肉餅之外，呢度啲咖哩都啊錯嫁，口味偏向印度式多啲，岩曬鍾意食辣嘅朋友呀。另外呢度啲酸辣湯夠酸夠辣夠曬惹味，冬天食成個身都會飲到暖曬！值得一試！

九龍城除了食泰國菜之外，另外冇得輸就係清真牛肉館，這裡有馳名的爆漿牛肉餅，還有咖哩，上星期日晚上六點多就要排隊，好彩衹是等了廿分鐘便可入坐。要了咖哩羊肉飯，葱油餅，酸辣湯，咖哩羊肉，非常淋滑入味，咖哩香而不太辣，刺激味蕾，零舍開胃，葱油餅又香又脆配咖哩汁真是一流，酸辣湯有木耳、筍絲、豆腐絲、銀芽等，酸和辣恰到好處，好味！埋單都係百二蚊！

片兒湯，就系餃子皮、牛肉片、牛肚、菜整出黎既濃湯，家常味道，牛肉牛肚軟嫩，餃子皮太稔，冇口感。又系咖哩牛腩，份量多！牛肉餃子，只系外皮變左，用牛肉餅味道一樣，多汁多油。

好多朋友到九龍城都係為咗食地道風味泰國菜， 而我就最鍾意到這間清真牛肉館， 一來每次到的時候都不用排隊，二來食物質素唔錯，三來地方寬敞坐得舒服。每次來到必食牛肉餅$38，今次還點了羊肉嗆湯麵$53和咖哩牛腩飯$54。牛肉餅皮薄餡靚，餡料好足。一啖咬落去肉汁 多到流曬出嚟，香噴噴的肉汁味真係食極都唔厭！ 不過大家要小心，因為入面熱辣辣，所以好容易辣親嘴，所以食的時候慢慢來，唔好心急。羊肉嗆湯麵， 如果鍾意食羊嘅朋友可以選擇。 因為我好鍾意食羊，所以個人口味來說我是喜歡的， 湯底唔算太濃更容易帶出羊肉的香味。咖哩牛腩飯， 本身唔太鐘意食咖哩的我， 但這裏的咖哩已令我愛上了。 微辣的咖哩汁用嚟送飯一流， 薯仔和牛腩好入味，yummy!

每次嚟九龍城，除咗食泰國嘢之外，就喺嚟呢間㗎啦～呢到次次都唔洗等位架，地方又寬敞，而且可以坐得耐，食物水準又唔錯，而且性價比高!佢個牛肉餅真喺冇得輸!個皮喺超薄同香口，入面舊肉餡足料之餘喺好入味，啲肉汁多到瀉，不過都有唔少油喺入面，要小心熱呀~個清真炒飯都幾好味，又喺好足料，好似有啲臘肉粒喺入面~個蔥爆牛肉好好味~啲牛肉口感超軟，香蔥多得嚟好餸飯㗎😆個豆沙鍋餅唔太甜，個皮好夠脆呀~內餡喺紅豆加紅棗嘅味道，鍾意紅棗嘅朋友應該會幾鍾意!