清真牛肉館 (打鼓嶺道)

Open Now

Now Closed

每次嚟九龍城，除咗食泰國嘢之外，就喺嚟呢間㗎啦～呢到次次都唔洗等位架，地方又寬敞，而且可以坐得耐，食物水準又唔錯，而且性價比高!佢個牛肉餅真喺冇得輸!個皮喺超薄同香口，入面舊肉餡足料之餘喺好入味，啲肉汁多到瀉，不過都有唔少油喺入面，要小心熱呀~個清真炒飯都幾好味，又喺好足料，好似有啲臘肉粒喺入面~個蔥爆牛肉好好味~啲牛肉口感超軟，香蔥多得嚟好餸飯㗎😆個豆沙鍋餅唔太甜，個皮好夠脆呀~內餡喺紅豆加紅棗嘅味道，鍾意紅棗嘅朋友應該會幾鍾意!

呢日同屋企人去附近醫院探病後便嚟到九龍城，實在太耐冇食過清真牛肉館喇，大家都異口同聲噉話要嚟食，鑑於以前曾經幫襯過龍崗道嗰間嘅態度唔好，之後轉去打鼓嶺道呢間比較好，所以都習慣嚟遠啲嘅呢間～去 清真牛肉館 點牛肉餅就必定架喇，但其實佢嘅羊肉都唔錯㗎！當然先要一客牛肉餅 — 以前嘅牛肉餅一咬就爆汁，但今次就比較少了，雖然仍有湯汁，但可能俾肉餡索哂，但成個牛肉餅嘅味道仍然好好味～個人更喜歡羊肉小籠包 — 皮薄餡多，散發出輕微嘅羊羶味，而且勝在肉汁超多，咬一口簡直爆汁，溫度恰好，微暖又唔辣口～呢個超級大份！湯清甜少油，雞肉都幾滑，好容易撕開嚟食，雲吞都唔少，皮薄，但就肉餡居多菜餡較少。

我想試左清真牛肉館超耐，但奈何去親九龍城都係食泰菜，終於有機會一試啦食之前其實都好糾結，因為睇食評對佢既評價好壞摻半，所以都唔敢抱太大期望。但始終想試左咁耐，抱住試伏心態，都要一試究竟！羊肉餅同咖喱羊腩飯係清真牛肉館既必叫菜式吧？！牛肉餅果然名不虛傳皮薄餡料足牛肉餅煎得唔油，餅皮好乾爽小心咁咬一小啖，皮整得好薄，好易咬得開，但依然可以感受到餅皮略帶煙韌既口感牛肉餡料好多，好厚身，食落牛肉雖然牛味唔太出，但肉質尚算鮮嫩、唔會過老變得鞋口；餡料入面仲加左蔥，增加香氣。咬左一啖，湯汁開始傾倒而出，湯汁加牛肉餡同餅皮一齊食，成件事好夾，好正改善：湯汁雖多，但調味略重手，食到最尾會覺得鹹；湯汁都有一層油浮面，若果調味方面減鹹、減少油份會令成件事更清新！上台果陣牛肉餅係唔熱既，應該係整好放左係到，有客人落order就即出。如果可以即叫即整，會更好味！好好味既咖喱羊腩飯呀！份量方面，羊腩份量比我想像中少，真實既食物同影出黎係唔同嫁！相中既羊腩份量好似好多咁，但其實係一個細碗仔裝住先有種滿出黎既錯覺。羊腩總共有七、八件左右，每件係一啖既大細。但飯既份量一啲都唔少，足足有兩大碗飯！味道方面，羊腩煮得入味

留意這間餐廳很久 一直因為九龍城太遠所以沒有來到而公司附近原來有車直達 所以今天放工就來這裡晚餐7點半來到 可能是平日 人不算多熱門推介的食物都有相片參考 食評多人稱讚的是牛肉餅 牛肉餅可以選叫多少個 所以不怕只有兩個人但來了很多件牛肉餅是爆汁的 裡面熱辣辣 食的時候要小心 不要一大啖吃 要邊吃邊啜肉汁 牛肉味濃 皮簿直得推薦除了牛肉餅 京蔥牛肉都直得推薦 京蔥切得很細 而牛肉都淋羊肉鍋貼一碟五隻 每隻都熱和爆汁 很大很足料 但羊肉味不太出另外也點了蔥油餅 咖哩羊腩和清真粗炒，蔥油餅都值得推薦 蔥味濃 餅脆，但另外兩個是可選擇，因為沒太大特色

每次一講食咖喱，就必定唸起九龍城總令人心掛掛的味道久不久就掛住呢間店辣辣的咖哩，酥酥的羊肉，勁入味的薯仔熱辣辣的牛肉包，勁多肉勁多汁，一口咬落去滿口都是鮮甜的牛肉汁，每次都不會令人失望黃金蝦🧐 味道上就無咩驚喜，但蝦肉彈牙👌🏻，但味道淡了點🤭賽螃蟹🦀️👉🏻 好似食唔到有蟹肉，但好似有點瑤柱🤭 味道一般🧐牛肉小籠包子，其實好似牛肉飽的感覺，味道一樣，同樣多汁多肉，但配合醋一併食，一絕👍🏻👍🏻 食完牛肉小籠包，可以不食牛肉包😅😅

講到牛肉餅，諗都唔洗諗，一定係去清真牛肉館!通常假期都好多人排隊，但我地個日係平日去，所以好好彩一去到就入得一坐低已經見到收銀後面個牆掛左好多獎，而且隔離都有幾個外國人黎食，仲要每人外賣一袋拎走睇得出佢都有一定既水準同知名度！前菜就食個雞絲拉皮開下胃黎左咁多次都未食過，一黎到個份量嚇親我，差唔多係平時出面既雙倍，4個人食岩岩好。而且麻醬，醋，青瓜同雞絲份量都好足，唔會得面頭個啲有味講到牛肉餅真係不得了黎le到必食，每枱都有嗌！牛肉餅熱辣辣，仲要超多汁，所以食個陣都要小心唔好辣到個嘴而且每次黎親我都指定動作一定要食夠2件先會心滿意足上海粗炒味道不過不失略厭唔夠濃味，不過如果撈埋係牛肉餅滴出黎既肉汁一齊食味道即刻升幾個層次，一流四季豆就都係同出面差唔多啦~值得讚下既就係幾香口乾身，而且好足料至於砂窩雲吞雞就冇乜特別，可食可唔食雲吞由牛肉整成，菜同雲吞既份量都幾多個湯就偏淡，而且啲雞肉都冇乜味下次未必會再叫，可以留翻個肚試其他野整體黎講啲野食都唔貴，而且亦保持到一貫既食物水準，推介大家試下至於唔食牛既朋友，個到都有雞同牛比大家揀，所以仍然有唔少既選擇只係冇得食牛肉餅會有點小可惜~有時心癮起都

來到九龍城，泰國菜永遠是我們的首選。可惜我們心儀的店晚市開始數分鐘後便已經滿座。。。想着轉戰其他地方之際，男朋友表示原來他從未試過清真牛肉館😱！那就去吧！7時未到，不用等位。* 牛肉餅 *一如既往地爆汁！皮薄，會容易穿，小心漏汁！很美味。😋* 牛雙拼 *醬牛筋拼醬牛肚。凍上。醬汁形成膏狀，有點像鹵水汁，充斥了牛肚。而牛筋與膏狀醬汁混合。感覺並不油膩，味濃。不錯。* 羊肉嗆湯麵 *這個沒有甚麼特別。有少少羊羶味，個人來說是喜歡的。

清真牛肉館嘅牛肉餅一向都幾出名，但其實我之前食過係覺得冇乜特別，不過今次食又覺得好食番😂🙈(雖然同行朋友話都係以前好食好多)牛肉餅食落熱辣辣，而且今次食終於有「爆汁」啦，一咬開牛肉餅啲肉汁就流哂出嚟😂所以一定要擺喺隻碗入面食🙆🏻‍♀️不過差唔多廿蚊件，都幾貴🤔我發覺我每次嚟清真牛肉館都係食一件牛肉餅加一碟咖哩羊腩飯呢個combination😆羊腩份量唔少，煮得腍，食落騷味唔重。咖哩汁 絕對係要用嚟撈白飯，飯桶表示高興😛加埋杯豆漿($10)，飽到呢🤰🏻

一個人lunch，來到九龍城，不吃牛肉餅就太可惜了!牛肉餅餅皮又脆又熱，小心翼翼咬開一個小洞，不讓任何牛肉湯汁流出我的魔掌，一邊吃一邊吸啜湯汁，這10分鐘又享受，又驚惶! 但實在不能在別的地方吃到如此美味的牛肉餅! 我願意接受挑戰!太貪心了我，忍不住又叫了個咖哩羊肉飯，味道一如既往，只是羊肉不夠熱，可能她們怕太熱客人覺得太辣吃不下，但不夠熱，就不夠香呀！希望下次我再黎，可以食到色，"香”，味都有既咖哩羊肉飯!

幾個月冇去清真牛肉館，今次去到叫左一個二人套餐，感覺有點失望。二人套餐裏面包左芝麻雞，辣子羊肉，咖喱牛腩湯粉絲，再加兩個牛肉餅，＄260個餐咖喱牛肉湯嘅粉絲好少好少，每人都返唔到一碗仔。辣子羊肉油得來啲肉好少，芝麻雞凍冰冰，啲芝麻一pat pat。最重要係佢最出名嘅牛肉餅，竟然一夾就散，食頭兩個以為自己手勢唔好又或者運氣唔好，所以你多兩個俾多次機會佢（當然亦都係因為唔夠飽 😅），點知來的第二round都一樣,一嚟就已經係散咗,完全啜唔到喺餅裏面啲湯，好失望😥廚師轉咗咩？

很久沒來過清真牛肉館了，只因九龍城有太多美食，有時難以取捨。早前經過，見到這裏有名為「午間小敍tea set」的餐牌，內容頗為吸引，故今日專程去試試。我不去龍崗道總店，而來打鼓嶺道這間分店，因為這裏比總店大一倍，坐得舒服些。平日午後客人不多，環境清靜。牆上貼著餐廳歷年來得到的獎項，證明是間實至名歸的老店，亦沒有讓人覺得，他們是在炫耀。我選了$39的tea set D，有一件牛肉餅、一件葱油餅和兩隻咖哩角，這樣便可以一次過品嚐這裏的著名小食。等了十多分鐘，三樣食物合成一碟送上，熱辣辣的油炸味隱隱飄蕩，其中以葱油餅的香葱味最濃烈。目測最吸引的，卻是牛肉餅呼之欲出的汁液，餅側邊較薄的位置，肉汁已開始滲出。於是我便先吃牛肉餅，一口咬下，即時爆汁，牛肉餅的熱度剛好，才不致令舌頭燙傷。早前看到雜誌訪問這裏的老闆，就是問及牛肉餅如何能做到「爆汁」的效果？老闆說，做法類似小籠包，在製作時將汁液濃縮冷凍，然後切粒，連同牛肉餡包在餅內。牛肉餅煎熱後，濃汁變回液體，便會造成「爆汁」效果。這個餅多年來味道不變，仍然非常美味！葱油餅的材料簡單，只用麵粉加葱粒混合煎成。雖然葱粒香濃惹味，不過吃起來味道較為單調。於

清真牛肉由一小間店食到現正兩間店，都仍然喜歡它的＂咖哩羊肉湯面＂每次都總會滿足地埋單離開。例牌會點：- 咖哩羊肉湯面：羊肉入味而淋滑，咖哩好香而不算太辛辣。如果唔食羊我朋友，可以有其他咖哩。但果咖哩一定要試，用來撈飯，沾蔥油餅或手抓餅都係好正。。- 牛肉餅：肉汁多到湧出來，所以食時小心燙口。是即叫即煎- 雞肉水餃 及 蔥油餅：都係常會吃的點心。如果唔雞肉可以有羊肉水餃（放湯亦可）。蔥油餅好香和脆口，吃唔哂，打包晏點食，都依然好味，唔會覺太油膩。如一班人，建議去新店，有人台，坐得舒服點。

今晚兩口子去九龍城揾食，响眾多嘅餐廳中，諗起佢 "清真牛肉餅" 好好彩，八點幾去，唔洗等位！入去 order 左一個二人套餐，同埋好好味嘅牛肉餃子！上菜當然係用呢個極速嘅速度，但用餐就當然慢慢來，因為要細意品嚐丫嗎！先講 牛肉餡餅唔夠熱，但都係勁多汁，真係有好多！多到可以飲 再黎麻油雞一字記之曰 咸！！跟住就上咖哩羊正丫！羊有羊味之外，咖哩汁都勁有羊味！I like it！個二人餐包 麻油雞，牛肉餡餅兩件，咖喱羊，菜，同埋兩杯豆漿其實夠架，但見到人地個牛肉餃子，實在太吸引。所以我哋都要叫返一份！真心冇叫錯，即叫即粥熱辣辣勁多汁仲好食個牛肉餡餅下次再去食一定會叫多次！

今晚吃什麼🤔有時都好視乎心情同胃口😂（其實大家已很幸福喔！可以有這樣多的選擇😉）今晚我與「他」的胃都想吃久違了的牛肉餅。想吃便吃，gogogo 😍這裡的食物味道依舊、價格亦合理，不設加一服務費。唯一美中不足是要「搭枱」，但不是大問題。牛肉餅（$36）$18/件很美味，很多汁😋羊肉小籠包4隻（$40）很多汁，不太大羊腥味。（我十分接受羊腥味的）京燒羊腩（$83）很油膩，但皮很脆、肉很嫩👍🏻😋蝦子鍋塔豆腐（$69）我覺得一般般，但「他」很喜愛。各人口味不同喔！我怕太多汁～

又來媽子最愛既清真牛肉館, 每年生日佢都係選擇呢度, 最大原因當然係呢度既牛肉餅好味多汁, 令媽子胃口大開; 不過平心而論, 咁多年呢度既食物水準都可以保持, 除左名氣大左客人多左等位耐左, 基本上其他野都可以維持一直水準, 老店都已經算係好好今晚一行六人, 叫了咖哩羊腩, 雞絲粉皮, 賽螃蟹, 牛肉餅, 牛脷濃茄年糕, 蔥油餅, 桂花糕同埋豆沙鍋餅, 除左賽螃蟹略為失色外, 其他都一貫保持水準, 尤其新菜色牛脷濃湯煮年糕, 牛脷味道非常濃郁, 配上本身清淡既年糕, 非常好味