清真牛肉館 (打鼓嶺道)

Open Now

Now Closed

下晝請假同太太閒遊，去到清真牛肉館位於打鼓嶺道分店，貪佢座位比較寬落。平日下晝有客飯套餐，包汽水或豆漿都係六十蚊有找，不過我地都係選擇散叫，諗住食完再轉戰其他小店。咖哩羊腩 - 我最愛冇椰汁而且香料味重既咖哩，羊肉羶味加上香料最適合我呢類重口味人士牛肉餅 - 應該係話瀨尿牛肉餅，一咬落去熱辣辣既湯汁四濺，饀料豐富，但留意唔好外賣攤凍，肉汁會被餅皮吸收變得難食蔥油餅 - 原本唔想浪費咖哩汁而叫，但蔥油味香又唔想俾咖哩淹蓋，最後都係分開食

星期日中午駕車路經九龍城，便轉入去看看有什麽好吃。在九龍城兜了數圈，不要説錶位，就連可以停泊不阻人的街邊位也找不到，唉！正想回家吃杯麵之際，馬上看到一個街邊吉位，泊好落車，即見此清真名店，有食神囉！為免被炒牌，唯有快。一坐下便即點了牛肉餅、酸辣湯和牛肉湯麵。不用5分鐘，酸辣湯便上枱了，湯內配料豐富，酸辣味道配搭得宜，很好味。牛肉麵中規中矩，銀芽韮黄清爽，配上較濃味的牛肉，很夾這個鎮店之寶，每次來到是必吃的，今次較遲上枱已知必屬剛出爐的佳品，一啖咬開，燙口香濃的肉汁四溢.....整餐吃完只須25分鐘，但味蕾已相當滿足，绝对是名符其實的快靚正午餐！

小時父母帶去旅行時，必來清真牛肉館吃牛肉包，因兒時還是啟德機場，到現在還會間中來光顧，牛肉包一如往日般，皮薄肉多，一咬下去肉汁爆出來，要咬一少口皮，吹吹內裡的湯汁才可再吃，否則會被湯汁燙到酸辣湯是暫時我覺得最好吃的，多料味道好小心好辣的，餡料全的肉是牛，香濃。但店員有少少性格，大家要忍一忍還有客飯：魚香茄子，回鍋肉味覺也不差

最令人回味既始終都係牛肉餅，即叫即做，等10分鐘左右。真的不可以一口咬下去，不單是會爆汁，啲汁真係會打橫飛，還是非常非常燙口，證明真係新鮮滾熱辣出嚟，勁juicy 的🐂肉加超sweet 的🐂肉汁。食兩件已經飽飽地。再加個銀絲卷，點埋牛肉汁，唔好嘥，仲飽😶，不過銀絲卷唔係心水，一般。值得一提的是咖哩羊腩飯，雖然辣，但咖哩味很香濃，配羊腩一絕👍。咖哩🐑腩同🐂肉餅都係經常order的一組。這𥚃可愛之處係無收加一同☕️錢，價錢合理，所以晚上經常排長龍。唔想等就星期六中午啦。

個個泥親牛肉館，必為牛肉餅😏😏。但波波兔🐰泥親牛肉館就為咗⋯⋯⋯⋯牛肉餅只系排no.3架咋☝🏻☝🏻🙆🏻🙆🏻🙆🏻馳名清真牛肉餅： 熱辣辣，皮薄涵靚！保持水準！！👍🏻👍🏻👍🏻波波兔🐰每次嚟到必定會挑戰佢不破之咒😵😵😵#&@%>¥€%！！💪🏻💪🏻可惜依然挑戰失敗，肥佬～～哈哈！！😂😂🙈究竟呢度仲有啲咩咁吸引波波兔🐰呢？？🤔🤔🤔清蒸小籠包？No~🙅🏼蒜香炒羊肉？No No~🙅🏼🙅🏼奶油津白？No No No🙅🏼🙅🏼🙅🏼📣📣📣📣📣📣倒數no.2⋯⋯蒜香風沙雞🐔～～惹味得泥，皮脆肉嫩！！嫌唔夠重口味，仲可以加淮鹽！🤗🤗🤤📣📣📣📣📣📣📣📣📣📣📣📣🤤登登登登！！！🎊🎊🎊🎊🎊⋯⋯波波兔🐰No.1之選～～～～蝦子扒豆腐！！！🎉🎉🎉清香嫩滑嘅豆腐與濃郁既蝦子醬汁，配以蒜片香蔥嘅點綴，簡直系Perfect match!!!🎎🎎🎎🤤🤤🤤你以為佢貌似簡單？！但簡簡單單才最是不簡單！！👍🏻👍🏻試過你就知～～😌😚😚呢個已經成功成為波波兔🐰每次必嗌嘅hot dish~~~🤤🤤🤤😋😋😋👍🏻👍🏻👍🏻好嘢忍唔住要同大家分享，以後泥到呢到，各位唔洗淨係識嗌牛肉餅咁dry啦～～～😉🤗🤗

駕車去九龍城，就想起吃牛肉餅，通常都會來這裏，除了泊車容易，還不用等位。位於龍崗道的總店，門外經常有人等位，兩間食店我都曽光顧，我認為食物水準沒有分別，反而我覺得這裡座位更舒服！這裡的牛肉餅出名多汁，吃時真的要小心，不然汁液四濺，狼狽極了！今天真有食神，牛肉餅咬落不但皮脆，牛肉餡嫩滑美味，鮮甜多汁！真是必吃的美食！酸辣湯也是另外一個我必選的菜式，湯的稠度適中，少辣，不嗆喉，湯料有牛肉絲和牛肚絲，配上筍絲、雲耳，豆腐絲和蛋花，有爽脆，有冧滑，配搭合適，口感豐富。麵食就點了上海湯麵，因為宗教關係，不能用豬肉入饌，所以用上了牛肉絲，加入椰菜絲和小棠菜，粗麵條，風味十足！整體而言，這裡價錢合理，是我經常光顧的食肆！

由於好想食羊既關係，於是走入九龍城呢間清真牛肉館兩個人叫左四樣野第一樣係咖哩牛腩麵其實如果跟飯會好食啲牛腩唔鞋，夠冧，薯仔好入味，好食但碗野面頭有一層油之後就係京燒羊腩如果鐘意食羊既朋友，我高度推介呢個菜畀你地因為真係好有羊味，又酥脆但唯一一個缺點就係個腩真係好肥，有層肥膏之後黎左個名物牛肉餅個牛肉餅係好多汁既但係只係暖，唔熱而且牛肉味唔多，啲肉太碎，無咩咬口之後個羊肉煎餃就係甜既呢個無咩特別唔好太高期望最尾埋單只要你Show返你下載左佢個Apps就有九折

數年沒來九龍城，發覺這裡變了很多，也多了一個新景點: 石屋家園，不過參觀的地方很少，如果專程到來參觀可能會失望了. 不過我其實是為了吃而來的，參觀只是其次，所以之後就來到多年沒吃的清真牛肉館用餐了. 選了騎呢時段到來吃我的early dinner (16:45)，所以店內有大量吉位，不用等位又可以吃牛肉餅真爽! 由於精打細算的我看過2人套餐B ($230)的食物大都是我想吃的，而價錢又比散點平約$30，更送甜品，那當然點套餐la! 一行3人食量不多，單點多一件牛肉餅就夠我們享用了. 牛肉餅 $36 (2件) 記得以前和父母到來時都是點3件的，雖然餐牌寫2件的價錢，但套餐已包括2件牛肉餅，所以我們再單點一件就可以了. 最期待的牛肉餅出場了，怕了會燙口所以先小口咬開餅皮，內裡牛肉汁滿滿的，可惜不是現製，入口只是熱而非辣到燙口，不知是否我們於非繁忙時間惠顧的原因喇! 說實在是幾失望，多年沒吃仍記得當年辣到燙咀且肉汁瀑發的情景，可惜不復再了! 而且牛肉餅的肉汁實在太鹹，也可能是近年吃得較清淡，對濃味食物有點敏感. 麻油雞 看食評說麻油雞是凍的，不過我吃到的是室溫狀態，面層

看了食評來這裡吃，我都覺得我們台灣比較好吃，牛肉餅太油膩了，除了油就是油，蔥油餅也不好，乾乾的，沒有味道 環境還行 挺乾淨的 但是食物實在是太難吃了！非常不推介，四季豆也和泡了水一樣！千萬不要來 太難吃了！而且牆上好多獎，不明白香港人味覺是怎樣的

1月1號冇咩做，諗住去九龍城街市開飯，點知街市樓上啲鋪得一檔泰國嘢開，於是我哋諗住去食點心，點知點心大排長龍，周圍遊下遊下，冇辦法，有開檔又唔難食嘅得清真牛肉，兼且重點係唔使排隊，我哋又好肚餓。同老婆叫咗兩塊牛肉餅 一個麻醬撈麵 同埋一個煎羊肉餃。牛肉餅流量非常之大，所以好新鮮不停咁煎，你都唔使點等就有啦，食落水準依然，皮薄多汁又香口，係個免治肉太過爛，冇乜口感…麻醬撈麵係好眼簡單嘅青瓜加上海麵加麻醬，但係佢個麻醬個味調得非常之好，好醒胃，雖然好大碗但係我哋都食得曬青瓜好爽口新鮮好清甜羊肉餃一樣皮薄多汁，兼且餃子皮底煎得非常之香脆可口，好好食…不過呢間嘢出咗名服務差，我哋落order嘅時候，佢哋嘅態度都唔係好好。雖然唔洗排隊…但係入面好迫下…

Lunch和幾位同事叫了幾個牛肉餅和一隻麻油雞送飯麻油雞夠肥夠滑，大家都大讚，而且大大隻，無偷工減料牛肉餅我們每人一半，多汁香甜，汁還可以送飯個人覺得餅皮可以再薄一點，因咬下去時仍會嚐到麵粉味值得讚賞的是這裡茶水任飲，叫侍應加水絕無黑面

我和P大人有個偶爾想念九龍城某幾間食店的習慣.....哈哈, 是間歇性的~是日就是其中一次, 所以我們專程搭了一小時車到九龍城搵食!今日其中一樣想食既就係咖哩羊!!!!!!!!超級掛住清真牛肉館既咖哩羊!所以第一站就係清真牛肉館囉~回味紅茄凍 - 呢度應該用左兩個大蕃茄吧, 甜甜的, 蕃茄幾新鮮的樣子, 但兩個人食完呢兩個大蕃茄好像已經有一點飽......牛肉餅 - 基乎係呢度每枱必叫既野! 依然好好食, 餡餅入面既肉汁超正,提提大家食牛肉餅既時候要小心, 唔好一大口的咬呀!!入面的肉汁多而且超級熱的!!咖哩羊腩飯 - 今次好似辣了一點, 但還是很好食, 不過這次的羊腩好像少了....薯仔反而多了一點喔!總結, 打完呢篇食評我又開始有點想念那兒的咖哩了, 希望下次羊腩會多返D喇

同事居然話要坐的士去九龍城食晏！好，捨命陪君子，去到成村人在門外，原來好多等外賣。等了约15分鐘，有５人位了，大家都叫了咖哩同牛肉餅！咖哩係幾辣的，飯好多，女生可叫少飯。牛肉餅裏面有好多汁，但也好多油，肥死了！但真係超好食，材料又足，俾1000個like。

這間清真餐廳薄有名氣，今日下午來一試虛實。環境欠佳，枱面椅子不清潔，可幸侍者沒有老餐館的通病，服務禮貌尚可。首先點了牛肉鮮蝦雲吞，經胡椒調味的牛肉惹味香口，蝦肉亦彈牙，大粒結實，對辦。咖哩羊肉拉麵卻令人失望，咖哩汁油膩但不香，羊肉肥膏甚多且韌，相比之下清真惠記比這裡出色得多。最後是這裡的名物牛肉餅，端上來只是微暖，表面不算太油膩，咬開肉汁四溢，不過汁不是由當中的牛肉來，就像小籠包一般，當然牛肉本身質素可以，起碼是貨真價實的牛肉，不會像部分本地麵店般以豬腩充牛腩。17元一件算物有所值了。我還是建議進來只吃牛肉餅和一些輕食，例如水餃，之後再到其他地方用餐。

牛肉餅硬過紙皮,多唔多人都唔會係比啲硬左擺左好耐既牛肉餅人食。仲要咬開油淋淋。有食家寫comment話啲侍應十問9唔應,我遇到既仲經典,等左半個鍾我見隔離枱遲過我叫同一個牛肉餅都食緊,咪問下個疑似老闆娘既物體係咪漏左單。唔知邊忽觸動左佢神經啦,一味鬧鬧鬧話我唔等,我叫佢“你冷靜啲先,我都係問一聲...”跟住有個樓面呀姐出黎打完場話幫我跟,最後原來真係冇落單。我個心what the xxxx左好多次並發誓我以後唔會再黎食。講真,我屋企人以前住呢頭我真係果幾年算係由細食到你大,眼見既只係你啲水準越黎越差,態度更加唔洗講,慢慢敗你以前賺落既口碑啦我同朋友講起,佢地都不約而同話咁遠特登入去食餐飯,為咩要受氣你睇你地真係幾咁出名。。。