渣哥一九九六 (Closed)

懶得排隊嘅我，終於俾街坊帶咗我去朝聖🧸$15八粒<<燒賣>>同$15十粒<<魚蛋>>呢個價位真係喺銅鑼灣鬧市唔易搵👍🏻仲要係黃店喎！仲要係好食喎！燒賣大大粒兼且有魚肉味，而且幾有彈性有咬口😋魚蛋彈牙冇腥味！辣汁辣得夠香而且唔係死辣！啱晒而家凍冰冰嘅天氣❄️食完成身都㷫恰恰🔥

平時鐘意食渣哥既豬皮蘿蔔。員工態度都很好所以經過都會食。今日試試佢個炸墨丸。。。真係唔得😭 無味既，得啲椒鹽味，口感都唔似墨魚丸希望改善一下，會繼續支持其他野食😂

銅鑼灣多嘢食就真係人人都知幾年前意外食到呢度嘅燒賣同阿真係驚為天人燒賣都係求又夠知呀仲有可以加甜醬添哥哥仔招呼就到手腳快 就算佢係街食我都一樣覺得好開心 腸粉又真係夠曬或留都係食上癮次次去銅鑼灣都要食 真係好想搵日試曬 佢啲嘢食 我最愛嘅燒賣魚蛋

到了食午餐的時間，但係早餐仲未消化完，想輕盈食又會唔貴嘅選擇，推介渣哥^.^雖然門面好細，條隊都好長，但係職員嘅效率好高，唔洗一陣就已經輪到我哋，買咗拎返辦公室食，我哋今次買咗一個腸粉套餐（四條腸粉、四粒燒賣、四粒魚蛋可選辣或者唔辣）芝麻甜醬辣醬麻油豉油都係可以選擇性去落，好人性化一個腸粉套餐都只係$27 ，價錢非常親民！ ！ ！另外加多咗個碗仔翅，足料入味得黎又唔會太咸成個消費用咗$49 ，銅鑼灣地區來講呢個性價比算高，唯一不足就係冇得堂食

已經黎左呢間小食店好多次通常都係食早餐食得辣既推介魚蛋仲有腸粉都好受歡迎大大份又軟滑雖然酸齋少少貴但個果較得好食仲有炒麵既份量好大有得買半份就好啦唔知大家又鐘意食咩呢？

💛 #黃色經濟圈 渣哥都係早期就已經加入💛但之前經過親都大排長龍所以一直都冇機會試🥺呢排朝早經過開見到冇人當然要去買番份早餐朝聖下💛🍴腸粉套餐(魚蛋燒賣各4粒)($27)想講呢個套餐真係飽到癡線🤣早餐食完lunch time都唔餓💤首先腸粉都有4條~食落都幾滑但因為太多醬所以就唔係好食到腸粉本身夠唔夠香🤣魚蛋係比較細粒個款~食落彈牙啲就係我鍾意嗰款😋(btw而家打梗望到張圖先發現佢個次唔小心比多左粒我🤣)燒賣大大粒唔會蒸到淋曬😋食落仲好香魚肉味👍🏻銅鑼灣渣哥本店下年1月就會停止營業🥺希望佢會係港島區重開🖐🏻📍 渣哥一九九六 (銅鑼灣)銅鑼灣渣甸街30號B舖地下

今日想買渣哥咖喱魚旦，一向支持佢，因為是良心小店又好食，我喜歡環保，所以每每盡量唔用佢的發泡膠盒，我會自己帶盒的。今早不是太多客人，只有2位在前面，我是第三位，早早準備了錢。那個男員工負責的，佢收了錢我才給上膠盒，佢放完$20咖哩魚蛋後，竟然話佢無收過錢🤬🤬🤬我已經同佢講我俾咗，我話了2次我肯定俾了，佢竟然好堅持話無。其實錢真的唔係問題，係誠實問題，如果唔係趕住返工，我一定叫佢check CCTV, 這樣的員工再好食的我都唔會再幫襯

舖位咁細間賣咁多野，但係一啲都唔覺得間鋪好亂好污糟，睇得出老闆好整齊好注重衛生！成日都會見到有人排隊，一邊排一邊睇NOWTV新聞，好快就到！腸粉套餐有三個選擇，可以揀拼燒賣魚蛋各四粒、拼全部魚蛋或者全部燒賣。好細心啊🥰🥰！我揀咗燒賣同辣魚蛋各四粒。腸粉好滑，燒賣大大粒好好食！魚蛋正常，不過我覺得個汁可以再辣啲！碗仔翅好足料好正！係會飽肚！好耐冇見過咁有良心嘅碗仔翅🥺。老闆超級Nice！好親切咁問你想食咩，直頭成個爸爸咁🤣🤣。

今次係我有史以黎第一次食渣哥🤭 要紀錄下先渣哥三寶（$3x）三寶有魚蛋、豬皮同蘿白。魚蛋都幾細粒🤣食落去係實淨既，同我想像既彈牙都幾大出入，不過兩種口感我都okay；豬皮好滑，冇毛既，呢個幾欣賞；蘿白就好淋好嫩，冇根冇纖維，呢個都要讚。個汁都可以，少少辣惹味的。都幾大碗，食完都飽飽地，不過你問我係咪好食到要專登去就一定唔係了，但去開附近又肚仔餓都係一個唔錯既選擇既！大家都支持黃店～～佢有3間分店

又罷市又出posts又捐錢又送野食既超級大黃店💛因為之前經過次次都太多人啦 所以直到依家我都仲係未式過大名鼎鼎既渣哥🙊難得個日book左檯8點幾先有得食 我地就去左支持支持😍😍·渣哥腸粉套餐 $27腸粉黎講我自己覺得有少少貴 不過係得銅鑼灣開舖無辦法啦🙊🙊不過佢個質素想當唔錯 我本身以為佢會比較一般添 唔怪得之咁多人啦🥳佢D場粉超級滑 而且D醬汁都好食 燒賣又係超好食 唔會係一pat粉咁 幾高質🤤個魚蛋就一般少少啦 無其他兩個咁驚艷😌·#rbyeat#rby港式#rby小黃店#rby銅鑼灣 #rby九龍灣 #rby東涌·📍銅鑼灣渣甸街30號B舖地下📍九龍灣偉業街33號德福廣場一期P41號舖📍東涌港鐵東涌站TUC15號舖

腸粉套餐 $274條腸粉+4粒魚蛋&4粒燒賣唔好以為好少，其實都足一個飯盒份景㗎🤪最鐘意辣魚蛋個辣醬，辣味後勁凌厲😁都喺輕微辣姐，有啲辣喚醒味蕾呀嘛😝魚蛋又夠彈👍🏻魚肉燒賣叫做有啲嘢咬下😂腸粉有滿滿嘅甜醬，正😋

經過銅鑼灣口痕，諗起一直都未食過jargor1996 嘅小食，所以決定嚟懲罰一下！下晝兩點幾去到要排一排隊，睇嚟真係好受歡迎🤨整體來講，食物質數都唔錯，街頭小食來講都算幾有特色，見到有炸燒賣、炸貢丸等等。再加上店員好好，明明餐牌話燒賣魚蛋各三粒，點知燒賣俾咗四粒，魚蛋俾咗五粒！真係要多啲幫襯～(係呀女人心就係咁易收賣㗎啦🤪).Got super snacky while walking around cwb 😆 so decided to stop by jargor1996 for some classic hk snacks! went there at 2pm and there was actually a mini-line 😮 overall the food was alright for street food 🍢 they got deep fried shui mai and deep fried pork balls, etc. 😋 but the good thing about this place is that they gave us 5 shui ma

正如我之前介紹渣哥咁講，個價錢唔係走最平嘅路線，但係佢嘅食物質素就一定有保證。·魚肉碗仔翅冇落太多生粉杰撻撻，亦食唔出好大浸味精味，魚肉就幾出色，又彈又有啲魚味，唔似得平時嗰啲好似食緊膠咁。我之後再食多咗碗😼～·三寶就有齊魚蛋、豬皮、蘿蔔。咖喱汁經過特別調製非常之惹味🥳。估唔到三樣入面最出色嘅係蘿蔔，收哂咖喱汁之後超級入味；豬皮就一如既往嘅彈牙；魚蛋就採用左陳皮魚蛋（my favourite），大推！！😼·腸粉套餐成為$27有腸粉、四粒魚蛋、四粒燒賣。腸粉滑嘅程度令我諗起深水埗嘅合_ _小食（🙅🏻‍♀️而家冇食！）。特別係嗰陣豬油味道，令腸粉滑滑滑。四粒燒賣就算落咗豉油辣油都食得出魚肉淡淡的魚香味，好有咬口，一個字，好食！·我呢排排隊係排足八九個人先買到，足以證明其實香港仲係好多有心人。大家一齊撐住香港加油！🥰-魚肉碗仔翅｜$30渣哥三寶｜$30腸粉套餐 | $27-渣哥一九九六 (銅鑼灣)銅鑼灣渣甸街30號B舖地下

渣哥黄到發金嘅程度比得上龍門老闆🤪次次想去食 但都比人懲罰街頭排到街尾。。。琴日去和你宵經過得好少人排隊 好開心終於到我懲罰佢🥳.👉🏻椒鹽燒賣($18/8粒)即叫即整 等左大約5分鐘就有了☺️.椒鹽燒賣外層個皮炸到好脆😼入面個層唔似便利店個啲食落勁粉 反而係好有彈性有咬口 仲食得出有魚肉味🤪.下次要試埋魚蛋同腸粉先🥰———————————————————-渣哥一九九六銅鑼灣渣甸街30號B舖地下

食佢既原因得一個：良心！係香港 大部分人都係自私 😳😳😳 yes indeed 但佢渣哥 佢地出哂名 係為香港人做生意 👍良心企業👍👏🏽🤩🥰味道當然好 - 香港人味道❤️- 堅毅不屈味道🧡- 甜蜜溫馨味道💛- 不離不棄味道🤎將會不斷去食好好味！ 👍👍👍