Video
Above information is for reference only. Please check details with the restaurant.
劣食系列終於要出✨✨打響頭炮一定係呢間！！終於執淨上水個間分店啦！！熱烈慶祝 終於將我中學嘅惡夢消除講返呢間啲嘢食先～首先講環境 佢嗰浸惡臭味 未入去間鋪頭已經聞到 嗰陣又酸又臭 成個垃圾房味 次次行過都想掉頭走入到去更加唔使講啦 啲枱癡粒粒 碗野好似比人食過咁款第二 佢既味道真系好怪 臭過螺絲粉啊 仲要好咸好重口味 每次睇到個菜單都揀唔落手 但係我啲朋友個個都好鍾意 可能佢哋食慣垃圾次次坐親去入邊 我寧願唔食望住佢哋食☺️我都過唔到自己個關 希望我有生之年見到佢上水分店都執埋😊😊🔥🙏🏻
continue reading
味道不過不失既，叫兩碗米線兩碗都寫錯單（得三枱客）都照食,肺炎期間班操流利鄉音既姐姐冷氣又唔開大門又唔開今日得20幾度，我地兩個人焗到全身濕，真係再好好食都唔會返轉頭，似足大陸鋪頭冷氣費都唔想比（第一次寫食評）
continue reading
天氣凍左想食下辣野，晏晝同同事出黎滇川食酸辣粉，唔知係咪附近米線舖多左，感覺晏晝人潮無咁誇張，遲左黎都仲有位喎。叫左一人一碗粉加凍飲，加埋$70，道理上我個碗加左餸貴啲嘅，但同事話就咁除開就算。凍奶茶食粉麵加冷熱飲品同價，咁食辣嘅就梗係加凍飲正啲啦，呢杯凍奶茶好得，茶濃奶滑不過甜，相當好飲。酸辣米線加午餐肉是日塊午餐肉厚切，正。湯底夠酸夠辣，今日調味對胃，米線又多，一碗飽飽。同事要左涼拌米線無加餸，個賣相寡啲，味道正常，啲肉醬幾好味。間中食下幾好味。
continue reading
收工肚餓，見到呢間雲南米線唔使等，所以買碗外賣返屋企醫肚 😁酸辣菜肉雲吞米線(中辣)~ 味道不過不失啦，辣味比較重，酸味比較少。米線好大碗，但係雲吞只係得兩粒。。。🤔
continue reading
對於唔食得辣但又想間唔中食少少辣辣地既野促進下新陳代謝既我黎講，呢間鎮川雲南小鍋米線都係幾好既選擇。地方寬敞，座位間隔舒適，唔會太逼，裝潢簡潔，望落都衛生乾淨。呢間平時繁忙時間必定多人，不過我專揀少人既時候先黎食，冇咁多人又唔洗咁嘈。價格方面真係幾便宜抵食，味道亦唔算差。今日晚餐叫左口水雞$33，滇川松花蛋$23，豬大腸$7，小窩米線$25，加埋野飲凍檸茶$6，埋單都係$94（打包加1蚊），試到好多野又飽到食剩可以打包。首先上黎既就係滇川松花蛋，我以為係皮蛋，點知佢又好似同皮蛋有d分別咁，比起皮蛋多左種淡淡既味道。一個人食2，3塊還不錯但唔好似我咁一個人食晒咁多，感覺就會偏膩同油脂感重，佢晚辣油d汁味道都唔差。食得出蛋味，個蛋黃好好食。咁樣睇會清晰d見到個顏色係唔同既，個蛋黃中間少少流心咁，望到都至少3層口感。不過其實唔係幾沾到汁，但我唔食得辣所以唔care然後上既係口水雞，冇諗過竟然係雞脾，真係有少少驚訝。除左辣油仲有層醬，再加埋d脆花生同芫荽，聞都覺得好香。食落都係頭一啖覺得辣，但其實唔算好辣，雞有雞味，凍凍地既，都算嫩，鐘意個醬同d花生，可惜我真係唔食得辣所以冇辦法食晒佢，但的確係幾好食既。因為叫左兩個小菜所以就冇加好多餸。小鍋米線本身就已經好足料，有d少辣既肉碎，酸菜，芽菜，好多蔥（有蔥頭又有蔥尾），芫荽。我淨係加左豬大腸，而唔算好騷，不過偏肥。可能因為岩岩上桌好熱所以覺得真係好辣，但係攤凍左就唔覺得辣啦，可以接受，連d小食都唔覺得好辣，都可能係我冇乜沾汁。不過佢既小食好多都係辣辣地，我係完全唔食得辣既，太辣會好辛苦，但佢既辣唔算超辣，辣一陣然後適應到就ok，尚可接受但唔食得太多，每樣食左半份，然後個咀唇已經又紅又腫，feel到少少麻痹。總之佢既辣味係唔會搶左食物本身既味道，所以我覺得幾好，如果嫌唔夠辣亦可以加辣。另外唔知點解今日開左度門，店舖係馬路邊嘛，我又被安排坐門口位，大風吹入黎我度覺得好凍之外，仲有d蚊滋仔騷擾我食野。可能當時太多人d姐姐姨姨又睇我唔到，又冇so我😅，我入店舖個陣有主動關門但佢開返，應該係刻意既，所以我又唔好意思自己關度門。臨走唔想浪費想打包食剩既小食，但等左好耐打晒成篇野都冇拎俾我，應該係唔記得左，然後催左兩次😂，d人都走晒終於拎俾我打包。但係我話要打包d有汁既野，想拎個碗黎裝，點知佢俾個小食盒仲要關唔到既，用橡根就咁札住算。我一陣仲要搭夜晚小巴返屋企，我諗應該會倒瀉晒，呢方面真係好唔細心另外，可能太耐冇食辣野，食完半個鐘唔夠開始胃痛，打完呢篇野開始擔心個屁屁
continue reading