滇川雲南小鍋米線 (Closed)

劣食系列終於要出✨✨打響頭炮一定係呢間！！終於執淨上水個間分店啦！！熱烈慶祝 終於將我中學嘅惡夢消除講返呢間啲嘢食先～首先講環境 佢嗰浸惡臭味 未入去間鋪頭已經聞到 嗰陣又酸又臭 成個垃圾房味 次次行過都想掉頭走入到去更加唔使講啦 啲枱癡粒粒 碗野好似比人食過咁款第二 佢既味道真系好怪 臭過螺絲粉啊 仲要好咸好重口味 每次睇到個菜單都揀唔落手 但係我啲朋友個個都好鍾意 可能佢哋食慣垃圾次次坐親去入邊 我寧願唔食望住佢哋食☺️我都過唔到自己個關 希望我有生之年見到佢上水分店都執埋😊😊🔥🙏🏻

味道不過不失既，叫兩碗米線兩碗都寫錯單（得三枱客）都照食,肺炎期間班操流利鄉音既姐姐冷氣又唔開大門又唔開今日得20幾度，我地兩個人焗到全身濕，真係再好好食都唔會返轉頭，似足大陸鋪頭冷氣費都唔想比（第一次寫食評）

天氣凍左想食下辣野，晏晝同同事出黎滇川食酸辣粉，唔知係咪附近米線舖多左，感覺晏晝人潮無咁誇張，遲左黎都仲有位喎。叫左一人一碗粉加凍飲，加埋$70，道理上我個碗加左餸貴啲嘅，但同事話就咁除開就算。凍奶茶食粉麵加冷熱飲品同價，咁食辣嘅就梗係加凍飲正啲啦，呢杯凍奶茶好得，茶濃奶滑不過甜，相當好飲。酸辣米線加午餐肉是日塊午餐肉厚切，正。湯底夠酸夠辣，今日調味對胃，米線又多，一碗飽飽。同事要左涼拌米線無加餸，個賣相寡啲，味道正常，啲肉醬幾好味。間中食下幾好味。

收工肚餓，見到呢間雲南米線唔使等，所以買碗外賣返屋企醫肚 😁酸辣菜肉雲吞米線(中辣)~ 味道不過不失啦，辣味比較重，酸味比較少。米線好大碗，但係雲吞只係得兩粒。。。🤔

對於唔食得辣但又想間唔中食少少辣辣地既野促進下新陳代謝既我黎講，呢間鎮川雲南小鍋米線都係幾好既選擇。地方寬敞，座位間隔舒適，唔會太逼，裝潢簡潔，望落都衛生乾淨。呢間平時繁忙時間必定多人，不過我專揀少人既時候先黎食，冇咁多人又唔洗咁嘈。價格方面真係幾便宜抵食，味道亦唔算差。今日晚餐叫左口水雞$33，滇川松花蛋$23，豬大腸$7，小窩米線$25，加埋野飲凍檸茶$6，埋單都係$94（打包加1蚊），試到好多野又飽到食剩可以打包。首先上黎既就係滇川松花蛋，我以為係皮蛋，點知佢又好似同皮蛋有d分別咁，比起皮蛋多左種淡淡既味道。一個人食2，3塊還不錯但唔好似我咁一個人食晒咁多，感覺就會偏膩同油脂感重，佢晚辣油d汁味道都唔差。食得出蛋味，個蛋黃好好食。咁樣睇會清晰d見到個顏色係唔同既，個蛋黃中間少少流心咁，望到都至少3層口感。不過其實唔係幾沾到汁，但我唔食得辣所以唔care然後上既係口水雞，冇諗過竟然係雞脾，真係有少少驚訝。除左辣油仲有層醬，再加埋d脆花生同芫荽，聞都覺得好香。食落都係頭一啖覺得辣，但其實唔算好辣，雞有雞味，凍凍地既，都算嫩，鐘意個醬同d花生，可惜我真係唔食得辣所以冇辦法食晒佢，但的確

今日難得我個“飯桶”男朋友想食米線，於是我地晚餐就近近地去屋企附近嘅滇川雲南小鍋米線食～我叫左小辣嘅腩肉雲吞麻辣米線（$36）男朋友就叫左小辣嘅肥牛豬大腸雲吞酸辣米線（$45）我地兩個都飲凍檸茶跟米線叫加$6，另外再加多個小食涼拌青爪（$20）佢d雲吞好足料、大大隻，再吸收埋麻辣湯底，食落又香又辣！佢個腩肉本身已經係辣夠晒香口，再加上腩肉煮到好軟綿綿，得嗰幾塊真係唔夠喉！男朋友d豬大腸都尚叫爽口，但肥牛煮得太耐有d韌！個青瓜嘅汁調配得剛剛好，酸酸辣辣好開胃！整體黎講都ok，可以間唔中食下佢！

一星期都黎食兩三次，雖然感覺水準不穩，但都不過不失，主要係價格合理。店鋪裝修座位寬敞舒適唔會好逼。價格唔算貴，可以揀既配料都幾多，所以成日黎食都唔會話厭，而且本身附送既配料都好足，但又講唔上係超好食，呢個價格黎講算係合理。個人好鐘意食佢既特式小食酥炸魷魚鬚，但偏咸。今晚黎食小鍋米線$24加配豬大腸$6同午餐肉$6，豬大腸冇之前黎食咁好味，而午餐肉就正正常常。另外亦叫左個蒜泥白肉，不過冇想像中咁好食，有少少失望。值得一讚既係呢度既侍應真係好有禮貌，態度好好

木嘴最近食米線食到上癮，去親邊區都想發掘下有咩食肆有米線食。今次再次黎到粉嶺，喺openrice見到呢間米線評分唔錯，於是決定入去一圓米線夢。有睇開木嘴食評既大家應該知我鐘意食辣，去食米線其實醉翁之意不在米線，而在辣。木嘴最後叫左個麻辣腩肉小辣，木嘴朋友就叫左個酸辣腩肉雲吞小辣。木嘴一食個麻辣腩肉米線，真心以為佢上錯。點解完全無辣味既？仲要係連麻辣既香都無，真係幾失望下。酸菜呀芽菜呀幾豐富既，至於腩肉都好食既，不過份量唔多，每片都薄過張紙，盡show廚師刀功。至於朋友碗酸辣腩肉雲吞小辣，感覺上辣過碗麻辣，而且香D味道出D。不過，呢碗只係相對木嘴果碗叫好D，總括黎講話好好食又唔係。不過隻雲吞就幾大隻同幾好食既，挽回返D分數啦。木嘴本身為左一圓自己既米線夢而黎食，但其實碗米線真係幾普通，食完完全無滿足既感覺，所以夢一直都在，唯有下次再搵另一間啦。當然，如果閣下其實只係想搵D野食醫下肚又完全無要求既話，呢間米線都食得過既始終價錢唔貴又包食得飽。

最近天氣濕氣重 個人成日好累 好想食辣野解困濕 所以去左食米線 平時會食譚仔或者雲貴香 今日同事話就話帶我去呢間試下 所以就兩個人去左食米線 Lunch時間都多人 好想食就等左幾張枱 叫左個滇川米線 好豐富 包左幾款餸既 肉碎(微辣) 雞絲 火腿 冬菇 仿鮑魚 蟹柳 腐皮 $41 另加墨魚餅 $7 + 凍檸水 $6 味道好啱我口味 兼價錢合理d 米線質地彈牙朋友點左麻辣湯底 大辣 揀左腩肉 同腐皮 真係辣到佢流晒汗 佢話真係非常正囉 濕氣全消精神晒 一個字爽第時多個選擇添

下午茶時間黎到, 平時坐滿人,今日竟然唔使等位,天氣凍凍地, 想食D有湯既野暖下胃叫左腩肉,響鈴小鍋米線,唔辣上次試過叫小辣, 但辣到飛起店員有D粗魯, 送米線黎果陣, 隻匙巾跌左落去個碗小鍋米線有D酸菜,湯底有酸味,有好少好少既辣味響鈴無浸哂落去個湯,你知如果成個響鈴浸哂落去個湯會即刻淋哂,唔好味今次D腩肉少左D, 如果多返D就好喇,食哂D腩肉但剩左好多米線米線份量都無上次黎食咁多,記得上次食剩左好多

20161216--是日一人用餐，想吃米線，又不想走到粉嶺中心那邊，知道聯和墟也有米線專門店，就去試試看。平日下午茶的關係，店內人客不多，侍應也較有求必應，主動走過來給我點餐。點了:腩肉米線中辣($30)--腩肉份量足，肉質新鮮，湯底味濃，辣味夠，米線有點過了火，太淋身了，芽菜份量配合米線好像較多了一點，米線偏少了一點，可能自己不太愛吃芽菜。味道算是不錯。後來帶家人來光顧，兩位家人還是愛慣性到訪X仔的口味。可能他們不愛吃辣，個人覺得味道不錯，偶爾換換口味，也相當不錯，所以我是給一個好評，獨個兒想吃米線還是會再來的︳但可能會點"走"芽菜"的米線。

這間位於粉嶺聯和墟的滇川雲南小鍋米線，味道與質素和價格完全不成正比碗米線湯底過酸，而米線線身亳冇彈性而且沒有米香不滑身非常糊口，腩肉過腍質素差數量十分小，墨丸一口咬下只得粉冇墨丸味毫不彈牙真係唔食好過食

多年來都支持這家店，比一般吃的米線要好吃，湯底夠辣，配菜亦足，比出面的店配菜要多。薯粉較有口感，個人喜歡較淋既薯粉，可以特別提出。在比較過多間連鎖米線店後，還是覺得這間比較好。

排想食d水水地既野，所以就去左食米線，第一次食呢間，我覺得環境都可以，咁我點左個雲吞腩肉酸辣米線中辣，等左十分鐘就有野食啦，最先，我就試左個湯先，湯底好濃郁，辣都好夠味，但酸味較弱，另外仲有大量配菜都几入味，米線好滑又彈牙，而個雲吞都几大隻，唔會好多豬肉，餡料足，最後腩肉好爽口，薄薄地一片片好通透，加埋辣辣地既湯汁，整體感覺都唔錯。

其實每次都叫小辣，一時完全唔辣，一時又辣到食唔倒。酸辣腩肉豬耳金菇米線難得賣相唔錯，但少辣都好辣，係咪因為腩肉本身都辣汁調味呢！？酸辣雲吞大腸米線雲吞同上次食唔同左，大隻左同札實左，無未夾就粉碎，呢碗個酸辣味唔錯。酸辣魚皮餃芝士腸米線兜亂上……今次碗野得好少米線，可能太多人一齊叫。酸辣餐肉腩肉豬肚米線呢碗完全唔辣，但就好酸，怪怪地，餐肉好薄切，唔抵！魚腐雲吞熱拌紅薯粉魚腐超淋同空心嘅，紅薯粉超大碗，軟硬剛好，食到底就覺得辣，辣汁都係哂個底到。幾乎每個月都會食一次，幾時啲酸辣味先會穩定啲呢？！