滇川雲南小鍋米線 (Closed)

天氣凍左想食下辣野，晏晝同同事出黎滇川食酸辣粉，唔知係咪附近米線舖多左，感覺晏晝人潮無咁誇張，遲左黎都仲有位喎。叫左一人一碗粉加凍飲，加埋$70，道理上我個碗加左餸貴啲嘅，但同事話就咁除開就算。凍奶茶食粉麵加冷熱飲品同價，咁食辣嘅就梗係加凍飲正啲啦，呢杯凍奶茶好得，茶濃奶滑不過甜，相當好飲。酸辣米線加午餐肉是日塊午餐肉厚切，正。湯底夠酸夠辣，今日調味對胃，米線又多，一碗飽飽。同事要左涼拌米線無加餸，個賣相寡啲，味道正常，啲肉醬幾好味。間中食下幾好味。