滿江紅小甜甜 (Closed)

有日朋友帶咗我去呢間食辣野 話平時宵夜食開 價錢抵又收得夜(凌晨4點)所以2條友銅鑼灣行到攰 就一於試試佢 🌶麻辣魚春拼魚卜煲🍲$98我係第一次食呢個餸無諗過魚卜同魚春可以咁食😭煲仔細細 但入面好多料 我覺得2個人食啱哂仲有個爐熱住 慢慢吹水都唔怕凍魚卜已經煮到好軟好冧 索哂味魚春食落好香口又入味份量又多 好似食唔完咁🤔我覺得呢啲濃味菜最啱送啤酒🍻煲入面仲有白蘿蔔 薯仔呢啲吸味野我覺得唔算超辣 應該係大眾都食到嘅辣度🥔辣子土豆絲🌶$48食落係爽口 唔係煮到好冧嘅薯仔會愈食愈辣 食薯仔代替飯🍚🤤🥒麻辣青瓜🌶$32青瓜主要係蒜蓉同麻辣油調味唔似有啲拍青瓜有醋味其實仲有好多小菜 唔同嘅煲仔 水煮菜色除咗服務麻麻之外😪我覺得食辣野嚟講都幾抵 枱枱都會叫個煲仔由其是係魚春魚卜都有其他煮法 係招牌菜

2019年2月23日（星期六）過咗晚飯時段先黎搵食，坐低先叫碗糖水，貪佢即食唔駛等。香濃薑汁糖水，配黃心番薯粒、湯丸皮薄餡香夠煙靱！酸菜魚酸辣度適中、芽菜清爽、魚肉切薄都幾好食！芫茜暗中吊出魚清香！☘️毛血旺味太搶、十分霸道，反而失色！正式麻到痺，完全掩蓋所有食材的鮮美味道；淪為死麻！呢個時候清甜咼筍絲、仲有大大杯怡神檸茶出場解圛，去油解辣啱啱好！應記一功！酸菜魚唔錯、毛血旺麻辣獨大唔推薦、糖水有驚喜！

和同事食晚飯，去小甜甜唔使加一，呢度座位比較逼夾，店外經常有客人在等候，這晚也不例外。同事鍾意食酸菜水庫魚，然後加 d 粉條落去煮，粉條係生嘅，煮到吸晒 d 汁味，好鬼好食; 煲裡面都多料，魚塊，酸菜，大豆芽，魚塊嫩滑，入晒酸辣味嘅大豆芽至係主菜，好味。叫埋麻辣田雞煲，野味同埋啖啖肉。炸豆腐，皮脆，因比較細粒，裡邊的軟滑豆腐感覺不足，大舊d 會好d。饅頭炸得脆(比較油)，加埋生煎包(不過餡料少d，皮比較厚)，我哋無叫飯食。最後叫個甜品，南瓜餅，煙煙韌韌，總括d 煎炸類比較油膩。

晚上同朋友在附近蒸身，到十㸃幾到好肚餓。忽然好想食辣的東西好多店都唔多關門，我哋就去咗橋底 ，灣仔方向小甜甜到食宵夜。回想以前我們一班同事、朋友放工最喜歡到這裡。雖然經常都要排隊,價格可以接受,又可以食下宵夜🌶🌶🌶🌶🌶🤤🤤🤤門口晚上去是比較暗㸃了麻辣田雞，好香味道夠濃，D田雞肉大隻左，我覺得硬左少少，以前比較細隻嫩囗這個必㸃正蒜蓉抄萵筍𢇁，清清地爽身。好香小小椒鹽味，我喜歡食，不過都幾熱氣。我地2個女人係食得晒

小甜甜係間川菜館，但佢既lunch menu選擇好多，湯粉餸飯都有，有辣有唔辣，飯餐會跟青菜一碟，同糖水一份。今日就揀左竹筒飯，上次兩點去到，竹筒飯已沽清，今次好彩嗌到最後一份。 竹筒裡面有花菇同魷魚等材料，味道十足，而且份量十足，有足足兩碗飯，一定夠飽。 至於糖水有3款可選，分別係蕃薯糖水、腐竹薏米同綠豆沙。 蕃薯糖水，夠薑夠辣;薏米清甜潤躁，係我至愛! 一餸一飯一糖水都只係42蚊，抵食!如果唔想食糖水，可以轉飲品。

很久沒來。經過忽然想辣子雞想用回辣的味道刺激1下平淡嘅生活😬幸好還早晚市還未開始。。入去就有位了🙂急不及待叫了1枝青島解下渴🙌🏻點了辣子雞。椒鹽雞翼尖。辣了雞比以前退步了很多。😣不夠脆也不夠辣。1點辣味也食不到！雞翼尖還keep 到水准。不過真的要趁熱食😉地方比較寬敞🙂食物品質價錢屬於中等。還有焗峴比較多沙

今晚十點多做完義工，大家有點肚餓，便一起去食晚餐加宵夜。這間店已經食過數次，沒有加一，坐位比較狹小。酸辣水庫魚138元。 小辣，魚片，大豆芽、鹹酸菜、青辣椒、紅椒、洋蔥，大家因為肚餓，不停在食，鹹酸菜點點甜酸，魚塊沒有魚腥味，大豆芽份量不少。豉椒鵝腸88元。碟頭不大，但是鵝腸新鮮美味，青椒洋蔥茄子，炒得香濃。原味焗蜆78元。蜆肉有一點點沙，味道鮮美。炸饅頭28元 + 生煎菜肉包24元。饅頭半打，外脆內軟正常。生煎包，皮比較厚但鬆軟，餡料不多。

睇鋪頭名最初以為係食甜品嘅😂，點知原來係一間食麻辣+甜品店。由於門口有少少凹入，路過都可能會miss咗㗎，裝修比較舊，但尚算企理。午市套餐粉麵飯都有，我最鍾意係烏江魚飯或者酸菜魚飯。因最近食得多熱氣嘢，今日清清地食個雞皇飯，大部分飯套餐都會跟例湯，時菜。雞皮係淡黃色，零脂肪，少少雞味，肉唔嚡，點附上嘅薑蓉味道剛好，例湯都可以，少味精。附送嘅時菜係白菜仔，落咗嘅豉油汁，送飯一流😆。同時叫蒸魚飯，佢今日好運最後一個都比佢食到🤣，因平時好快就售罄。蒸魚好大碟，我都幫口試下味先😂，魚肉無泥味，蒸得剛好，肉質結實唔嚡，重點係豉油較得好好味👍。另一個竹筒飯，呢個非常底食，又係經常售罄嘅菜式，只係$38！而且飯好足料，有冬菇，豬肉，魷魚煮得非常香，唔好睇佢竹筒咁細，都有碗半飯㗎！最後套餐係可以揀飲品或糖水，咁女士們大多數會揀糖水嘅🤣，款式有3種：蕃薯，腐竹，綠豆，想清下熱氣大家都揀綠豆，好有誠意咁有加臭草同海帶，甜味啱啱好，真係食多一碗都得呀🤤。又平又好食仲可以喺邊度揾👍👍

假如你重視甜點/湯水多過正餐，小甜甜絕對是你的御用飯堂。它常備薑汁蕃薯湯水，薑湯較辛辣。綠豆沙是我每次熱氣時的救星。另外腐竹湯水都是滑滑的口感。三款都是為返工朋友打氣的良品。中午套餐有數十款麵飯，飯套餐會有湯，白飯和油菜，很有在家吃飯的感覺，而且好像營養很均勻似的🤣它的蒸魚套餐非常搶手，通常最快賣完。我吃過幾次，魚新鮮份量又大，無怪乎深受歡迎。另一熱門是鱆魚竹筒飲，味道香濃，用小小的竹筒盛著，令人不知不覺就將一整桶飯都吃光了。其他口水雞等味道都不錯，而麵更有多款選擇，較少見的龍鬚麵和刀削麵都有提供，不用另外收費。

伙記食咗火藥。一入門口只係問咗一句：「可以坐係邊度？」啲伙記好唔耐咁話：「一係呢度係，一係入面。」啲語氣好有火薬味。其實我係第一次嚟，唔清楚邊度係入面。班伙記就發火。咁咪算囉，即走，食野姐，點解要俾你指住嚟鬧。

朋友極力推介呢間餐廳，周末在銅鑼灣辦事後便來一試!果然係麻辣之友!!先來1個“麻辣魚卜魚春鍋”，非常惹味。唔係度度都有呢樣野食，而且湯底有薯仔，蘿蔔，青瓜令人意想不到!“原味焗蜆”淨睇樣已夠吸睛，放埋尖椒一齊焗，一開就已經香氣撲鼻。不過唯一問題係好多碎殼，進食時需要比較小心。食左5樣餸，最後最喜歡既係麻辣燙金菇肥牛!!麻辣超香!入味!肥牛亦肥瘦適中!呢度飲品亦多樣化，有汽水，鮮果汁，特飲，酒類，甜品!價錢亦非常大眾化!推介!!

迫完睇完舞火龍...又夜夜地...然後辣癮出現...個腦即刻 POPUP 滿江紅小甜甜...於是由大坑行過去行咗15-20 mins...可能都會11點幾關係,唔洗等已經可以入座!!依然3人行, ordered :-口水雞-烏江魚(半份) + 粉條-乾煸四季豆四季豆: 過咸...口水雞: 肉質"鞋"...有少少老...味道亦偏咸烏江魚: 肉質偏老..有腥味.而且真係咸豆芽極乾身粉條: +25 要粉條, 但係絕對負分, 1夾即散, 煲到熔哂,            夾咗15mins 都係夾到唔夠半碗整體用餐評語" 滿江紅"...員工服務態度惡劣...差到唔想比錢...

好耐無同朋友仔傾下斜摸下杯底，尋日同朋友食飯被推薦黎左呢間。有驚喜，我本身鐘意食辣，推薦麻辣田雞不可錯過，另加清炒土豆c&炸饅頭點佢既汁一流，不防試試佢。第二推薦茄湯魚煲都唔錯，個湯都夠濃茄味有食得到茄膏味之餘又有蕃茄酸甜，個人口味黎講甜酸適中，魚有炸過同冇炸過，我同朋友都覺得有炸過夠入味，飲埋湯簡直滿足。原味焗蜆簡單直接，食落鮮甜，好味過平時豉椒炒。另外都要講下d甜品都唔錯，南瓜🎃餅即煎仲熱辣辣唔算太甜，高力豆沙d豆沙都幾滑冇粒粒感，飲品火龍果汁好抵飲一大杯都係$38仲要唔算甜感覺原汁原味幾好味。不過呢間野越夜越精彩，想試又唔想排隊既朋友，記得唔好咁夜去食，因為朋友經驗係越夜越多人，排隊都需要d時間。但係不得不讚CP值都幾高，我地有飲酒🍻都係每人二百幾，整餐飯大家都食得開心又滿足☺️☺️

環境一般稍微有點吵但挺受歡迎的 越夜人越多三個人叫了幾份小菜，味道都很不錯水煮魚-不推薦雖然魚肉質感幼滑，但魚骨很多，像我這樣的懶人就不大喜歡麻辣田雞煲-推薦田雞爽滑，味道麻而甘而且越煮越入味辣得過癮椒鹽豆腐，可以說是難吃調味可以，但口感不脆，像放置了很久十分失望蒜茸萵筍絲口感爽而新鮮作為開胃菜很不錯原味焗蜆-推薦非常入味，有點麻辣，有胡椒的香味但稍嫌不幹淨吃了滿口沙煎腸粉煎得剛剛好，外脆內軟，配上醬汁一流

小甜甜係耐不耐都想去食一次，以前我鍾意叫酸菜魚套餐走辣，有一碗無味精既木瓜湯，非常香甜，大大碟既酸菜魚，鮮甜嫩滑，有一期我食到返屋企試煮，當然係失敗了。所以要繼續幫襯。😅自從無得走辣，就要改為叫香茜皮蛋魚片湯飯/面。魚片切得厚薄適中，一樣咁嫩滑。香茜湯底充滿著濃濃既味道，一碗有街市2元份咁多既香茜。食完口腔一整天都係香茜味。個人覺得飯係比較配合。不過今日叫左拉面底，寫食評先醒起吾記得叫糖水／飲品。😅其實小甜甜既糖水吾錯，蕃薯湯水落超多薑，好驅風，甜度適中。腐竹糖水亦好足料。