滿江紅小甜甜 (Closed)

今日老友生日佢建議去食辣野我冇所謂最緊要開心去到都要等一陣因爲都有人排隊睇到咁多人等啲嘢食應該都唔錯滿心歡喜慢慢等雖然出面好熱友人話呢個鳳爪好好食本人覺得平平無奇強行迫自己食咗佢但係真係接受唔到焗蜆好多沙可能新鮮得滯D蜆俾水更清澈辣魚肚煲魚肚就好好食我係好尊重食物但真係好似行刑咁心諗好想快d結束今晚消夜食碗公仔麵算涼瓜炒蛋唯一可以接受又唔係話好好食回鍋肉如果我啲牙齒係假我諗我應該食唔到啲肉最後服務真係參差點解友人會話好食！10萬個為什麼

朋友成日飲飲食食，見佢泥食過話好食，問佢會唔會好過三希樓。佢話平好多又好食，所以一直心郁郁想食。終於約到同樣好辣既朋友去食，滿心期待。 訂位到達，我早左5分鐘，問我另外一位係咪好快到。心想：點為之快？朋友最後遲左10分鐘。 點都好，先叫麻辣魚卜、辣子雞同菜。朋友話個野飲好酸，好開胃。嘢食真係等左陣。魚卜就5塊左右，無咩特別。辣子雞既雞比較鹹，泡得耐左所以乾身得濟，唔夠辣。而d腰果就係un既，唔講得上鬆化⋯ 跟著唔死心，問啊姐有無d辣d既，佢竟然話可以叫辣到死㗎。我見咁，咁咩介紹菜介紹一下呀。佢話魚⋯ 好，試例牌，中辣喇。 再等左陣，依然唔夠辣，兼且多骨、魚有泥味。所以我齋食曬d青瓜⋯ 我朋友努力左一陣，頂唔順太多骨，都放棄左。

小甜甜係我以前舊同事有時間就會去食嘢嘅地方，隨着大家各散東西，好不容易先至約到個時間一齊食飯，我哋決定去返嗰陣放工成日去嘅小甜甜，重溫屬於我哋嘅回憶～首先嚟咗呢一個川北涼粉，佢同以前一樣都係咁辣，不過就比以前冇咁入味而且咸咗啲，所以第一道餸就已經令到我有少少失望～另外，你食四川野就梗係一定要食水煮魚啦！其實佢哋煮得並唔差，不過我覺得味精過多，而且感覺似係與同個湯係完完全全分開來煮嘅最後，呢個擔擔面真係真係太油喇😩唔知係咪因為佢哋煮啲嘢都太油啦，所以我同我啲朋友其實食得唔係好飽但就有啲濟

舊同事結婚之後就過左澳洲生活，今次佢返黎香港約食飯我地決定去我地以前返工經常去嘅灣仔滿江紅小甜甜重溫一下當年嘅味道要重溫當年嘅味道首先梗係要叫返杯呢度最出名嘅青檸樹飲啦, 非常清新醒胃另外呢度嘅酸菜魚都相當唔錯, 可惜今次得我地兩個食點唔到好多野食, 下次一定要相約全班舊同事黎呢度聚一聚大吃一餐

以前工作因爲經常要做到晚上十二點太多數會跟同事食小甜甜，已經忘記了有幾耐無食過，就再來食一次啦。兩個人點了一個酸菜魚頭麵 同水煮魚 個酸菜魚頭麵真係難以自信...係超大碗兩個人都覺得好似太大碗最正係既有個好大魚頭，雖然只係得半邊，但都覺得好誇張，最正既係有煎過個魚頭呀，所以好香呀，煎到好脆呀。有d 骨個邊位係可食埋落肚。同埋最利害係有大量酸菜呀，係食極都食唔完呀仲有個水煮魚，真係夠哂辣同埋個魚都好滑呀，但有小小骨，所以大家要小心一點。我們仲叫左杯雪梨汁，好特別呀。而且解辣一流，但就好細杯。他們其實真係做到無停手，所以態度可能會屈一點，但其實都會理解和明白。真係超香脆魚頭

我係第一次寫食評，因為我同朋友都好鐘意食e間店，之前聽電話的收銀員同服務員d態度其實已經差👎👎👎，我地都會再食係因為d食物係好食既話說前幾日我同老公去食，我叫左個九菜雞紅，跟著見到原來有雞紅三寶，(因為老公唔食九菜)我有禮貌地問個服務員可以轉?佢話唔知問下先，我就話唔緊要轉唔到就算，到轉左黎到碟食物全凍既，我地都冇投訴，再叫多個生煎包，枱面食物都食哂仲未到，我問服務員有冇落單，跟住一陣就有，碟生煎包油到係油浸生煎包(最失敗唔記得影相)，係咪一有要求問服務員d食物就會變差，真係好怕廚房入面唔知整d咩比我食🙈🙈🙈隔幾日我d朋友又話食，我諗住比多次機會再去試，今次食物好食，但d服務真係太差😤，我係打電話去book位既，聽電話個位阿姐態度已經好差，我都算，因為我係電話到話想坐卡位，咁佢都話要6個人先坐得，我問如果冇人坐可以比我坐，佢話到時先喇，去到我見全部卡位都冇人坐咪問下囉，跟住同我講d卡位比人book晒，我話我book既時候你唔係咁講，跟住個收銀阿姐勁大聲講e樣個樣，我都燥底😡問佢你洗唔洗咁大聲同我講野丫，我心諗d卡位有寶咩，跟住我地走既時候有幾張卡位咪又係得4個人坐既，小甜甜有ed咁既員

＂小甜甜＂係以前食辣必到之選，記得以前門口總係好多人排隊但今日八點去到都冇乜人，已經心諗唔通冇以前咁好食？果然事隔一年再食，真係差左好多。。。＂泡椒鳳爪＂仍然keep到水準！鳳爪肉質爽口彈牙，辣度足夠好入味(用左好多指天椒😋)！好開胃前菜👍🏻＂之後order左＂原味焗蜆＂，感覺上份量比之前更少，蜆肉。。好細隻。。用埋青椒絲一齊焗，味道都尚算鮮甜但有幾隻入邊都係食到有沙☹️。。小小失望。。最後點左個＂麻辣肥牛煲＂如出一轍肥牛份量少得可憐。。兩個女仔可能要叫兩碟先夠。。肉質有d韌咬唔郁😂而且麻辣湯底唔夠辣好似得一層辣油係面。。呢個＂珍寶青檸樹＂就有驚喜啦！可以話係消暑解渴極品！感覺非常之清新有淡淡的檸檬香味又唔太甜！服務員態度都相當cool今日食完相信短期內都未必會再去。。

重有個豬扒麵同雪梨汁無影到相 男朋友話正又解渴肥牛麻辣燙好好味 d湯一滾起 香噴噴 略嫌未夠辣炸饅頭同蒜泥白肉都出色👍🏻👍🏻👍🏻之前其實黎過好多次 一路無的起心肝寫食評 真係希望水準可以keep到落去 豆腐花都唔錯 可以一試

大年初七 祝大家生日快樂今日相約一班好辣朋友到小甜甜開年曾經 小甜甜係我地一班人既飯堂我都成年無食喇而旺角都有一間分店但我地都認為銅鑼灣店既味道係好d而一坐底 我地就睇都洗睇餐牌即叫左我地以往食開既野麻辣田雞煲 及 魚卜煲呢2款味道其實一樣2款我地都簡左淨蘿蔔底..食到最後蘿蔔吸哂麻辣湯底既精華煲到又腍又入味..送飯一流~~~薑蔥魚春煲呢一個今次有d失望,雖然入味.... 但魚春太硬了... 口感唔係咁好酸辣粉條呢個係凍食既夠哂酸 再帶點微辣好開胃麻婆豆腐呢到既麻婆豆腐 我地都好認為味道剛好唔會因為太麻搶哂d味讚金菇肥牛鍋材料新鮮辣子雞粒粒都炸得好香口風沙雞翼雞翼醃得入味炸得好脆肉質又滑又嫩今次唯一覺得d野唔夠辣😂😂下次再食時 我地一定要同佢講辣度

最近天氣開始凍，一班同事就建議去食麻煩川菜去驅寒。本身我唔係一個麻辣愛好人士，但係一班同事叫到，所以就去銅鑼灣試下佢地成日食的小甜甜。Book左台，唔洗等位就可以入座。7點半左右就大約7丶8成入座率，閒日黎講算唔錯吧。野山椒泡鳳爪，前菜既凍盤，10級辣的話大約係4級左右。肉身幾爽身，味道少辣，香料味幾重，幾鍾意食！田雞煲幾大煲，超足料！一開始食既時侯都少少辣，好香。田雞好嫩滑，湯汁又麻又辣但愈食得耐，湯底一路係度煮住，湯汁一路滲入去田雞入面，愈煮愈辣。食到後面，開始唔係好頂得順，要一路飲啤酒一路食，但係辣得好過癮！10級辣的話大約係8級左右平時真係好少可會飲豬腦湯，覺得味道會好「壓」。但呢個湯我幾鍾意飲，完全冇豬的壓味，飲落去只有豬的肉湯味同埋藥材味，好順口。呢道菜係甜甜地，四季豆加點肉碎，係咁多度辣菜之中再番少少甜味中和，舒服哂。四季豆炒得好香，好鍾意食！10級辣的話大約係6級左右滿滿嘅辣椒入面有一隻隻炸得金黃鬆脆嘅軟殼蟹，蟹肉入面重有好多汁味道比較咸，而且辣味十足，好惹味食得辣嘅人，一定要試

終於捱到星期五 梗係黎過happy Friday啦！ 搵過地方唔會比人趕走 同知己慢慢吹！ 就黎到滿江紅 ！ 我地8點去到 好好彩唔使等位！ 見到每枱餸都紅當當 我地都唔輸蝕 即係黎過 麻辣田雞煲 我地唔記得左叫小辣但都ok 田雞完全入味 個底有青瓜 薯仔 同蘿白 配埋一流 食唔停口第二碟 水煮魚 都係辣得出色 魚都完全入味 好滑 沒有腥味 有粉條 同芽菜係底 如果怕骨就唔食得啦！ 真係非常多骨第三碟 蒜蓉炒萵筍 好清甜 放落田雞煲煮一煮 一流 辣辣地 溫馨提示 如果放落田雞煲 就應該叫清炒 我地最後個湯底有d咸推介飲品 青檸樹 係青檸 檸檬汁 第一啖有d酸 食完辣野 再飲 簡直絕配 完全解辣好滿足的一餐又要捧住個肚走

17號晚星期六我打左電話去book星期日晚7點鐘枱，對方話黎到都可能要等一等，咁我都冇問題既。點知個日遲左收工，去到個陣已經七點半，我都話唔好意思我book左位但遲左少少，之後有個中年短髮帶眼鏡既呀姐望一望個鐘勁大聲冇禮貌話：嘩！依家幾點呀？七點半喇！我望一望周圍，仲有幾張吉枱冇人坐，咁我都好聲好氣問：佢咁依家有冇位？跟住有個男人帶位，帶左我地入去最入面坐左張4人枱，岩岩坐落，個短髮呀姐又沖入黎，夾硬分開張二人枱迫我地坐，仲好兇咁話：遲到仲坐得咁舒服坐四人枱，轉過黎坐二人枱啦！呢邊呀！我聽到即使著左燈😡😡😡😡😡，我咪問：我打黎訂位個陣你地同事話黎到都要等一陣嫁喎，依家又唔係爆場，坐邊有咩問題呢？呀姐：呢到冇位book嫁！你遲到仲諗住坐得咁舒服！我：咁冇位book我又打到黎訂到？呀姐：總之星期六日無位book啦！我：咁點解我星期六打黎book位又可以book到先？解釋下好喎。呀姐就扮聽唔到，繼續黑面執枱。我都算，既然入左黎，我都係拿拿聲食完就走！同埋我發誓以後都唔會再黎幫襯！講真個句，呀姐你邊位呀？你係老闆呀？就算你係老闆都要招呼我啦，我俾錢入黎食野唔係俾錢入黎睇你面色嫁，你唔鍾意，就唔

店員態度好差，竟然比toilet位我坐，🈶️冇搞錯，簡直比$買難受，態度衰過係旺角，千萬吾好坐到最入，完全收吾到電話，我吾會介紹d friend去食，一定black list,D嘢食好一般，仲有D店員好明顯吾憂做好差好差

琴晚7:30pm 我同班friend第一次去食，去之前提早咗一個鐘頭訂位。佢同我講太多booking要到9:30先有位。咁我就諗住先去嗰邊睇吓，如果真係太多人我地去第度食。點知一去到，先得個四五張枱係有人，其他都係空嘅。咁有位坐當然好happy啦。menu價錢中等高，咁到咗嗰度當然要點啲特色啦，所以就點左招牌番茄魚片煲剁椒蒸魚頭清炒西蘭花兩碗白飯點嗰陣時， 侍應有話過剁椒蒸魚頭要等20分鐘，咁我同佢講其他餸可以上晒。 等左20分鐘第一道餸番茄魚片到，雖然大份但片片魚都有差唔多5-6條4cm咁長嘅刺，2-3條1cm咁長嘅刺，因為太薄所以都冇味道。我哋就咁食都唔敢講野，驚吞到啲魚刺😂，個魚片煲食咗20分鐘後都未有其他餸到。咁我就問個侍應，佢話蒸魚頭需要時間而且非常之忙。我一睇個店，先得個幾張檯，佢哋遲來過我都已經上晒啲餸，班適應就喺度吹緊水。咁我同佢講清炒西蘭花同兩碗白飯唔需要40分鐘來煮呀嘛？佢同我返咗個白眼🙄️，跟住幫我攞左兩碗飯，蒸魚頭同埋西蘭花都跟後上。蒸魚頭冇味又唔辣，西蘭花又細碟。三個人食咗$308，又唔飽又唔好食我睇到網上邊啲review真係O晒嘴，服務態度又差嘢食又唔好食，點

喜歡吃骨膠原的朋友們強烈推薦小甜甜的魚卜煲，真的好好吃，但是一定要配白米飯！辣子炒土豆絲也非常推薦，很香很下飯（減肥黨避讓）。水煮魚也不錯，性價比很高，人均消費100塊就可以吃的很好！不錯，值得一試。