滿江紅小甜甜 (Closed)

老實說, 本人對食物的要求並不挑剔, 這篇食評若果只計食物質素的話我會勉強給「ok」(中下品), 但連服務一併考慮的話就定必是下品。第二次來這裡吃午飯, 我們叫了一客四川擔擔麵($32 包飲品/湯)和麻辣口水雞飯套餐($50 包湯及油菜)。雖然餐牌沒寫口水雞飯送飲品, 不過下單時侍應告知。等上菜時看見一位女顧客氣沖沖地走出來, 向著一位紮髻,戴粗框眼鏡的中年女侍應說"你係咩服務態度呀?!" 聽不到侍應回答什麼, 食客續"你係咪仲要咁講野呀?" 之後侍應黑面回應"係呀!係呀!"。我們心想: 呢位阿姐都幾大氣焰喎......不久侍應放下2碗例湯及油菜。木瓜雪耳味精湯, 沒甚麼好評語的, 同事只喝了一口亦停手。油菜, 非常impressive, 加細碼的碟, 加細碼的菜心, 比例上絲毫看不出破綻, 可見廚房的匠心獨運。把手放在旁, 手掌咁細的碟子, 筷子咁幼的菜心, 成碟好像被叮噹盞縮細燈照過一樣。 ...... 這碟菜單點要$10, 我寧願去百佳買蕉食。四川擔擔麵見識過袖珍版油菜後, 再見到這碗袖珍版湯麵已不足為奇, 比剛才的湯碗大一丁點(請參考上面幅圖), 像麥X記細蓉的size吧。健康

是日 本來諗住去阿拉丁食薄餅~點知上到去先知初六先開" 又要苦惱食咩好。銅鑼灣我又唔熟路，食親都無乜邊間想再食。諗嚟諗去差啲想去譚仔食放題，幸好醒起仲有間小甜甜。之前食過幾次都覺得不錯，但永無即到即入，點都要等廿幾三十分鐘。 一嚟黎杯青檸樹先啦，其實我都試下石榴架，但次次去都話無。再叫個 拍青瓜(唔辣)唔好講咁多 清新之選。叫咗一個北川涼粉(友人好鐘意，我就覺得口感好差又有味) 仲有呢個傷心啲fd囉，麻但唔辣。風沙雞翼外皮好乾，個樣唔好睇，仲食落個味係唔錯嘅。雖然係炸，但絕不油膩。聽友人說，呢個魚卜煲唔係成日，好食嘅但由於本人唔係好食辣，所以食咗幾件就要停。唔洗講啦，必食。唔同炒蜆，佢粒粒有肉加埋啲 蒜，青椒，個味一流，仲要無乜沙。之後仲叫咗個椒鹽豆腐，個樣唔好睇就次次都係架喇，仲要成日出晒水，下次應該唔會再叫。甜品叫咗高力豆沙 同 南瓜餅，正正路路啦。辣又有甜又有。重點唔食得辣都可以同食得嘅朋友一齊嚟食😂

樓面員工服務態度不禮貌(女員工)，我們幾位朋友共餐，有人不可吃辛辣，問她有什麼是不辣，她回答:不吃辣不如唔好來吃！聽完很氣憤！食物質數只是一般,但最嘔心是我在洗手間如廁時見到廚房員工不洗手便出去繼續工作，極不衛生,現在想起有點反胃

服務越來越差，每次叫野起碼要叫３次以上才有人應，這也算了！食物質素同服務一樣下跌，好彩今次兩個人食叫得野少麻辣田雞，無麻辣味，辣味都仲有啲，但總括來說我個咸字最慘就係個麻辣魚腩，因為佢地用油炸的，不知他們是用千年油還是地地溝油，一食落口全部都係油億味，同佢地講竟然話師父話無事，就咁拎左入去，又唔換過又唔取消話食左咁多先講，我同我朋友一起計才夾了三下，咁都話食得多！！如果無事點解死都要攞入去，叫攞返出黎又話倒左，同佢地嘈都無用半夜得啲大陸客，唔怕聽到

可能對滿江紅小甜甜期望過高, 食完呢餐都幾失望下水煮魚d魚白雪雪, 無乜辣味。不過魚片都算多。辣薯粉是另外散叫, 好滑。辣子雞唔辣, 最唔like 佢d腰果淋嘅！服務員太少了, 叫沖茶都要叫幾次先有理。

友人提意這間設為飯局 其實呢間系hk有分店幾年前已經系佐敦試過 今次再黎回味下 順便寫埋食評10點幾去到 唔洗等位 直入 叫左一個清炒莴笋絲-一d都唔油 好爽脆 食下辣野 再用呢個溝下口 幾過引~一個麻辣田雞煲 - 可惜來到既時候田雞唔入味 青瓜同薯仔都未淋 羅白有點苦~要等到其他送食完先可以起快 但好似唔夠辣~ 應該系未入味~焗蜆 - 好入味 辣辣地 不過太細隻了 朋友話有沙 我又食唔到有泡椒雞腳 - 呢個較為入味同辣 大大碟 細心分開2邊 食得方便青檸樹 - 酸酸地 解辣解渴解熱一流呢次飯局 真系越食越開胃 好似唔識飽咁 ~ 唔好怕summer食辣野 呢度d冷氣系開到好大 配合你的~ 

話說我早前曾到過旺角登打士街分店，當晚氣溫只有十多度，吃辣暖胃之外，麻辣小甜甜的魅力足以令我和另一半決定再到總店回味一下。當晚訂檯七時，食店內已接受半滿，伙記有效率地帶領我們到偏廳入座。位置於偏廳門口旁邊雅座，相比起食店中央位置，增添少許寧靜感。伙記落單速度快，最先點選的是珍寶青檸樹($30)，上次曾嘗試過番石榴特飲，味道雖清新鮮甜，但會將番石榴連核打碎，連核碎飲用口感一般，有如甜味沙粒於口中的感覺，於是今次飲用珍寶青檸，將青檸和冰打碎，乳白色狀的青檸份量十足，口感冰涼之外，味道帶酸甜，今次醒目地點選青檸為其後麻辣口感可以得以舒緩。另一半對薯仔喜好一般，唯獨此店的土豆絲令他打破慣例，令他一而再、再以三點選此小菜，外表平凡的它卻能顯出師傅不凡廚功，淡黃色土豆絲炒得有鑊氣，將土豆絲炒至近乎全熟，入口爽口，沒有使用過多調味料炒出薯仔的原汁原味。避免吃出一雙性感朱唇，今次和另一半決定點小辣的麻辣田雞煲($82)，鮮紅色的湯底十分吸引眼球，微滾後香味隨熱氣慢慢渗透出來，我從少已愛吃田雞，但面對田雞恐怖實體及屠宰過程，未必每個人都能勇敢面對，所以每次以欣賞及敬佩師傅的心，以吃清光的姿態回饋師傅的用

之前同唔同朋友來灣仔呢家食過幾次，昨晚又推薦兩位朋友來試下。點菜：水庫魚，水煮牛肉，蒜蓉油麥菜，川北涼粉，珍寶青檸樹，椰汁豆花，什果西米露川北涼粉的花生碎幾香口，唔系好辣但好好味。水庫魚一如既往的好吃，豆芽和青瓜條十分入味，只是魚刺實在太多。水煮牛肉一上，我們即刻失望左： 牛肉已經肥到令人覺得難以入口，幾乎淨系有脂肪無肉。但同伴已經開吃的粉條了，就將就一下吧。但最令人難以忍受的，就是下錯單的蒜蓉油麥菜，端上來的的確是油麥菜，也有蒜蓉，但加了一些小魚幹。。。初以為是此店特色（本人之前未點過此菜），但油麥菜炒得又老又苦，令同伴覺得有怪味而難以繼續。之後要來單子看才發現那份油麥菜根本就是下錯單的，同老闆娘說明時老闆娘卻惡聲惡氣，聲稱我們自己唔一開始就要求調換，吃了一口就決唔能換，仲作勢要鬧交。大佬啊，我們好熟你menu咩，點知你唔系創新蒜蓉油麥菜？水煮牛肉變肥牛更加，，，，難道同你講換一份？你覺得你會換？總之，那位態度惡劣的老闆娘在一天，本人應當都唔會光顧了。做生意，和氣生財。這樣的態度，再好吃也沒用。

叫咗三個餸，食後感如下:虎皮chilli:大隻，肉厚，ok毛血旺:唔係点辣，好多大豆芽，失望麻辣雞㷛:唔麻唔辣，好咸想食辣的會好失望，味道普通。唔會再去。

係一個得7度既晚上同朋友決定食辣野刺激下自己, 爽!一行三人, 叫左5樣野食首先有麻辣青瓜 D青瓜雪得夠凍,仲撈埋D辣椒同其他配料, 好好味夠辣之餘仲可以食到青瓜既鮮甜, 配合得好好呢~之後有辣炒土豆絲D土豆絲煮既時間掌握得岩岩好唔會一夾就斷開,大分爽口!加些少辣椒一齊炒清淡土豆絲,帶上小小辣味, 好特別呢!再黎係焗蜆!呢個每次黎都叫, 永無失望!將青辣椒, 薑絲, 蔥絲同胡椒黎焗! D蜆會吸哂D配料既精華, 好味到暈!!不過今次有小小失手, 就係咸左DD, 但都一樣好味道!跟住有麻辣鴛鴦雞煲鴛鴦雞係指雞同田雞雞就比較多骨, 不過吸埋D辣汁, 好正!不過雞有過唔好處就係煮得耐會老同D肉質變「鞋」田雞我冇食, 所以唔知, 但兩個朋友就不停話好好味!除左有雞同田雞外, 仲有白羅白條, 薯仔條同青瓜條,同樣係吸哂D辣汁, 正到暈啊!最後係黎個水煮牛!D牛肉係肥牛, 係好好味既肥牛!仲有D薯粉, 青瓜條, 芽菜係底, 好味同好豐富!同埋佢個湯底唔算勁辣, 但又有小小麻既感覺! 好過引啊!叫左罐加多寶清熱! 仲有佢張墊枱紙係甜品同野飲Menu應該係專登, 愈辣愈想食! 哈環境呢度好精緻! D木枱

大概四、五年前開始去滿江紅小甜甜食嘢，記得第一次去係因為有一位出名大聲嘅食家喺電視介紹去呢間舖食小雲吞，當時只記得個名叫小甜甜，後嚟再去就主要食佢哋出色嘅川辣菜。 依家川菜大行其道，滿江紅小甜甜一早造川菜可以話先軀代表之一。 舖內裝修格局有啲似日式食店以木材為主，有方枱亦有卡位。細細間舖居然可提供多款菜式，有冷盤小食、燉湯、川辣美食、小菜、刀削麵和龍鬚麵、包點、甜品、冷熱凍飲。 以下幾款係我常叫嘅食物:麻辣雞紅 - 雞紅唔係每間食店都有，去澳門一啲麵店就會搵到。質感同豆腐花一樣咁滑，連埋麻辣汁食，又嫩滑又惹味。 麻辣魚春魚卜煲: 出面無食過，第一次食完後就好鐘意，魚春煎炸過好香口，而魚卜in in un un, 兩樣都好索汁，每款麻辣煲都有蘿蔔條、青瓜條、薯條墊底，用火爐滾住食。烏江水庫魚：一大鍋上非常豐富，上面有嫩滑鮮魚片，之下有魚骨腩，再下面就有大豆牙、青瓜、菌等等。一層層食落去，份量都幾多而汁唔就好辣，水庫魚肉質似大魚夠晒甜美。辣子雞：雞好細粒配合腰果大小同樣乾食脆口，雖然紅色一遍個係唔覺辣但係非常香口，送啤酒最好。焗蜆： 錫紙包住焗，裏面有薄殻蜆混埋薑、辣椒、乾葱同大量胡椒，

呢排keep 住日日都咁凍， 個人都好似無暖過咁， 都唔知幾時先暖d, 唉， 都係食d 辣嘢暖下胃， 一於去小甜甜食個水煮魚同麻辣鍋， 睇到餐牌， 有燉湯， 叫番兩盅暖暖..........嘩， 我既,  一上檯， 真係好熱， 好鮮甜既湯， 連魚骨都燉到淋淋地， 川弓白芷天麻既藥材味好濃， 但亦不失鮮甜， 因為落左龍眼肉， 最重要真係飲完後成個都暖晒， 老公叫既係， 但佢既參味實在太濃， 我就麻麻地另外， 麻辣魚卜煲， 一味無得輸既菜式， 好野味， 魚卜上檯時已煮到入晒味， 我地叫小辣就啱啱好， 之前試過叫中辣， 真係辣到入唔到口， 但我同老公都係食得辣既人， 如果各位想試真係要想清楚辣度， 因為煲上， 仲可以點d火鍋配料， 打埋邊爐水煮魚， 而家呢度既水煮魚好似已縮左水， 另外， 魚好似無"葉"過， 所以做唔出水煮魚既神緒， 已經無以前咁好食熗炒豆苗， 炒得好有鍋氣， 雖然有辣椒絲， 但唔辣既， 略為偏咸左少少， 都算ok 啦今次火鍋配料只叫左牛柏葉， 佢地將碟牛柏葉舖到好似螺片咁， 賣相好靚， 但一般啦， 略為有點貴

自從附近開了幾間川菜館，我已經個多月沒到小甜甜了。這裡菜牌上每一項食物也差不多吃過。由於附近的收工時間比這裡早，其他已經關門。今次點了最愛的：川北涼粉：味道剛好，很多蒜茸，辣味適中泡椒鳯爪：惹味非常，每次必吃皮疍青椒：皮疍溏心，青椒香甜最失敗是：麻辣金菇肥牛窩，以前的香、辣、麻全部消失得無影無蹤。但顏色仍然十分吸引

寶貝知我中意食辣嘢,所以早兩個月已經好想帶我黎試一下激辣既感覺佢推介得令我非常期待,可惜佢身體一直抱恙,兩個月後既今日終於可以一試~~為免出現不必要的意外(去到冇位),我地早一個星期已經訂左枱,聽電話的阿姐仲叮囑我早少少黎等位,我心諗一定係好正~去到門口見到有几個人座喺出面唔知係排隊定係抽煙,店入面裝修帶有豐富的四川風味,木做的枱掎同特色的擺設,仲有好多可以買走的辣椒製品,.地方唔算好大,細細的枱椅同窄窄的走廊,好似我呢D米之連的身材出入真係有少少困難好在有訂枱,晚飯時段都相當多人~寶貝黎到~已經急忙點菜~菜譜D相好吸引,只係兩個人唔食得好多款~最後決定點左佢地最招牌的口水鷄,麻辣涼伴,水煮魚.麻辣魚腩,點知統統中伏..全心全意黎諗住食到出汗的我地..成餐飯除左體會到’圖片只供參考’’之外,一D 麻辣感都冇..仲食到有少少委屈的感覺…招牌口水鷄 –鷄件好細好散,似醉鷄的質感,冇口水鷄的辣味~唔止唔辣,仲好多鷄皮,唔好食~辣酒煮花螺 – 菜式係用煲仔咁上枱,細火滾滾下感覺好正~而且有陣陣的酒香,花螺都算新鮮,唔會有好腥的感覺,又唔會太細粒,至少唔會挑到手軟~一路傾計一路挑,都唔錯!!麻辣

元旦晚上想不到吃什麼，和姐姐又來回味上次驚為天人的魚頭麵！這次立即選了必點的兩款東西，再試了兩款新東西！麻辣豬手麵($38)上桌時看賣相就感覺配料很弱，很遜色！湯底味道又是不辣不麻…像是湯"水"多於濃湯！麵條還是ok的…所以我們決定先不吃麵條了，等魚頭麵上再把麵換配魚頭麵的湯再吃！豬手煮得很軟很入味，只是份量有點少酸辣魚頭麵($68)跟上次一樣好吃！料多湯濃麵好吃，而且今次的魚頭給了超大的一片，好好吃！珍寶青檸樹($30)超大一杯！青檸味濃郁！酸甜解辣，超好喝！煎蘿蔔糕($22)外皮煎得香脆，糕身軟腍，是我喜歡的粉糊感